• ᑐᓴᕋᑦᓭᑦ

< ᐅᑎᕈᑎᒃ ᐊᓪᓚᖁᑎᓄᑦ

ᑲᒪᒋᒋᐊᓕᖏᑦ:

ᐊᖓᔪᕐᖄᖃᕐᓗᓂ ᑲᑎᒪᔨᓂᒃ ᐊᒻᒪᓗ ᐳᕐᑐᓂᕐᓭᑦ ᑲᒪᔨᒻᒪᕆᖓᓂᒃ, ᐃᖏᕐᕋᓂᕐᓂᒃ ᑲᒪᔨᒻᒪᕆ ᒪᓂᔨᓲᖅ ᓯᕗᓕᕐᓂᒥᒃ ᐃᖏᕐᕋᓯᑎᑕᐅᓂᖏᓐᓂᒃ ᐋᕐᕿᓱᐃᓯᒪᐅᑎᖏᑦᑕ ᐊᒻᒪᓗ ᑐᕌᒐᖏᑦᑕ ᐱᐅᓯᑐᖃᓕᕆᕕᐅᑉ, ᐊᒻᒪᓗ ᑲᒪᒋᔭᖃᕐᒥᓱᓂ ᐸᕐᓀᓂᓂᕐᓂᒃ, ᐃᓕᓐᓇᖓᑎᑦᓯᓂᕐᓂᒃ ᐊᒻᒪᓗ ᐃᑉᐱᒍᓱᓐᓂᓂᒃ ᐱᐅᓯᑐᖃᓕᕆᕕᐅᑉ ᐱᓇᓱᐊᒐᖏᑦᑕ ᐊᒻᒪᓗ ᐱᓇᓱᐊᕐᑕᖏᑦᑕ.

- ᓄᐃᑦᓯᓲᖅ ᐋᕐᕿᓱᕐᓯᒪᐅᑎᒋᓂᐊᕐᑕᖏᓐᓂᒃ ᐱᓇᓱᒉᑦ ᐃᓕᖓᔪᓂᒃ ᓯᕗᓂᕐᒥ ᐱᒐᓱᐊᕐᑕᖏᓐᓄᑦ ᑎᒥᐅᑉ ᐱᓇᓱᐊᖃᑎᖃᕐᓗᓂ ᐱᓇᓱᕝᕕᓂᒃ ᐃᓕᒃᑰᑎᕐᑐᓂᒃ ᐊᒻᒪᓗ ᐳᕐᑐᓂᕐᓭᑦ ᑲᒪᔨᒻᒪᕆᖓᓂᒃ.

- ᓱᕐᖁᐃᓯᓯᒣᓐᓇᓲᖅ ᐃᓘᓐᓇᑎᒃ ᒪᓕᒉᑦ ᐊᒻᒪᓗ ᐊᐅᓚᑦᓯᐅᑏᑦ ᒪᓕᒑᐲᑦ ᓲᓱᒋᔭᐅᑦᓯᐊᓂᖏᓐᓂᒃ. ᐱᓇᓱᐊᓪᓚᕆᐅᑎᖃᕐᓱᓂ ᐃᓚᐅᓲᖅ ᐃᓱᕐᕆᐅᑎᑕᖏᓐᓂᒃ ᐱᒻᒪᕇᑦ ᐊᑑᑎᔪᑦ (ᐆᑦᑑᑎᒃ ᐊᕐᕌᒍᑕᒫᕐᓯᐅᑎᒃ ᑲᑎᒪᓂᖅ) ᐱᓇᓱᐊᖃᑎᖃᑦᓯᐊᓱᓂ ᐳᕐᑐᓂᕐᓭᑦ ᑲᒪᔨᒻᒪᕆᖓᓂᒃ.

- ᐱᓇᓱᐊᖃᑎᖃᕐᓱᓂ ᐳᕐᑐᓂᕐᓭᑦ ᑲᒪᔨᒻᒪᕆᖓᓂᒃ, ᓄᐃᑦᓯᓲᖅ ᑐᓴᐅᒪᐅᑎᐅᓂᐊᕐᑐᓂᒃ ᐊᒻᒪᓗ ᐃᓄᓕᕆᒍᑏᑦ ᐋᕐᕿᓱᕐᓯᒪᐅᑎᒋᓂᐊᕐᑕᖏᓐᓂᒃ, ᑭᒡᒐᑐᕐᓂᖃᓲᖅ ᑎᒥᒥᒃ ᐊᒻᒪᓗ ᐃᓚᐅᓲᒍᑦᓱᓂ ᐊᑦᔨᒌᖕᖏᑐᓄᑦ ᐊᑑᑎᔪᓄᑦ.

- ᐊᔪᖀᒋᐊᕐᑎᒪᕆᒋᔭᐅᓲᖅ ᐱᓂᐊᕐᓂᓕᕆᓂᕐᓂ ᑲᒪᒋᔭᐅᒋᐊᓕᓐᓂᒃ ᑲᑎᒪᔨᓂᒃ ᐊᒻᒪᓗ ᐊᖓᔪᕐᖄᒥᒃ.

- ᑲᒪᒋᔭᖃᓲᖅ ᐊᑐᐃᓐᓇᕈᕐᑎᑕᐅᓂᖏᓐᓂᒃ ᐊᓪᓚᓯᒪᔪᐃᑦ ᐊᒻᒪᓗ ᐊᓪᓚᖁᑏᑦ ᐃᓕᖓᔪᑦ ᐃᓘᓐᓀᓄᑦ ᐱᓇᓱᒐᕐᓄᑦ ᐊᒻᒪᓗ ᐱᓇᓱᐊᕐᑕᐅᔪᓄᑦ ᑲᔪᓯᑎᑕᐅᓚᖓᔪᓄᑦ ᑎᒥᐅᑉ ᐃᓗᐊᓂ.

- ᐃᑉᐱᒍᓱᓲᖅ ᐱᓇᓱᐊᕐᑕᐅᔪᓂᒃ ᐃᓕᖓᔪᓂᒃ ᐊᐅᓚᑕᐅᓂᖏᓐᓄᑦ ᐱᓪᓗᑯᒋᐊᓖᑦ, ᐱᖁᑎᒻᒪᕇᑦ ᐊᒻᒪᓗ ᐱᓇᓱᐊᕈᑏᑦ.

- ᐱᓇᓱᐊᖃᑎᖃᓲᖅ ᖃᓄᕐᓘᓃᑦ ᐃᓱᐃᒋᔭᖃᕐᑌᓕᑦᓯᐊᓗᓂ ᑮᓇᐅᔦᑦ ᓇᓗᓀᕐᑐᑕᐅᓂᖏᓐᓄᑦ ᐊᒻᒪᓗ ᑮᓇᐅᔭᓕᕆᓂᕐᓄᑦ ᑲᒪᔨᒻᒪᕆᒻᒥᒃ ᐃᑉᐱᒋᔭᐅᑦᓯᐊᕆᐊᖃᕐᓂᖏᓐᓄᑦ ᑮᓇᐅᔭᖃᕐᑎᑕᐅᒍᑏᑦ ᑐᕌᒐᖏᑦᑕ.

- ᐱᓇᓱᐊᖃᑎᖃᕐᓗᓂ ᐳᕐᑐᓂᕐᓭᑦ ᑲᒪᔨᒻᒪᕆᖓᓂᒃ ᐊᒻᒪᓗ ᐊᓪᓚᕕᒻᒥ ᐊᐅᓚᑦᓯᔨᒥᒃ, ᑕᑯᑦᓴᓯᐊᒍᒋᐊᖃᕐᓂᖏᓐᓄᑦ ᐃᓗᓯᕐᓱᓇᑦᓯᐊᑐᑦ ᐱᓇᓱᑦᑏᑦ ᐊᐅᓚᑕᐅᒍᑎᖏᑦᑕ ᐊᒻᒪᓗ ᓇᓪᓕᑳᓲᒍᑦᓱᓂ ᐱᓇᓱᑦᑎᓴᕐᓂᒃ ᐊᒻᒪᓗ ᐱᓇᓱᑦᑎᑖᕋᓱᐊᕐᓂᖓᓂᒃ ᐱᐅᓯᑐᖃᓕᕆᕕᐅᑉ.

- ᐊᓪᓚᑎᐅᓂᕐᒥᓂᒃ ᐊᑐᕐᐸᓗᓂ ᐃᓘᓐᓈᓄᐊᖓᔪᓂᒃ ᒪᓕᓪᓗᓂ ᐱᓇᓱᐊᕈᓯᐅᒋᐊᓕᓐᓂᒃ.

ᐱᓇᓱᐊᕐᓗᓂ ᐱᔪᓐᓇᕆᐊᓕᖏᑦ:

- ᐊᓂᒍᐃᒍᑎᑖᕐᓯᒪᓗᓂ ᐊᐅᓚᑦᓯᓂᕐᒥ (ᐅᕝᕙᓘᓐᓃᑦ ᐊᑦᔨᓗᐊᖓᓂ) ᐃᓚᖃᕐᑎᓗᒋᓪᓗ ᐊᕐᕌᒍᓂ ᑕᓪᓕᒪᐅᔪᖕᖏᒐᕐᑐᓂ ᑲᒪᔨᒻᒪᕆᐅᓕᓂᐅᒍᑎᒥᓂᒃ ᖄᖏᕐᓂᑯᓕᐅᕐᑎᐅᖏᑦᑐᒥ ᑎᒥᒥ ᐃᓗᒡᒍᓯᓕᕆᕕᒻᒥ (ᐱᓪᓗᖁᑎᒃ) ᐅᕝᕙᓘᓐᓃᑦ ᐊᑦᔨᓗᐊᖓᓂ.

- ᖃᐅᔨᒪᓗᓂ ᓄᓇᖃᕐᖄᑐᕕᓃᑦ ᐃᓗᒡᒍᓯᖏᓐᓂᒃ ᐊᒻᒪᓗ ᐃᓕᖓᓪᓚᕆᑦᑐᓂᒃ ᐱᓂᐊᕐᓂᓕᕆᓂᕐᓄᑦ, ᐃᓅᖃᑎᒌᓂ-ᒪᑭᑕᒐᓱᐊᕈᑎᑦᓴᓕᕆᓂᕐᓄᑦ ᐊᒻᒪᓗ ᐃᓗᒡᒍᓯᓕᕆᓂᕐᒥᒃ ᑲᒪᒋᔭᐅᒋᐊᓕᓐᓄᑦ ᐃᓕᖓᓗᑎᒃ ᓄᓇᕕᒻᒧᑦ.

- ᒪᕐᕈᐃᓂᒃ ᐅᖃᐅᓯᖃᕈᓐᓇᓗᓂ (ᐅᖄᒍᓐᓇᓗᓂ ᐊᒻᒪᓗ ᐊᓪᓚᒍᓐᓇᓗᓂ / ᐅᐃᒍᐃᑎᑐᑦ ᐊᒻᒪᓗ ᖃᓪᓗᓈᕐᑎᑐᑦ). ᐃᓄᑦᑎᑐᑦ ᖃᐅᔨᒪᒍᓂ ᐱᓪᓗᖁᑎᖃᓚᖓᔪᖅ.

- ᖃᕆᑕᐅᔭᓕᕆᓂᕐᓂᒃ ᖃᐅᔨᒪᑦᓯᐊᓗᓂ.

- ᑕᑯᑦᓴᐅᑎᓗᒋᑦ ᐱᔪᓐᓇᓂᖃᑦᓯᐊᓗᓂ ᓯᕗᓕᕐᑎᐅᓂᕐᒥᒃ (ᑐᓴᐅᒪᖃᑦᑕᐅᑎᓂᑎᒍᑦ, ᖃᓄᐃᓕᖕᙰᒍᓐᓇᓂᕐᒥᑎᒍᑦ ᐊᒻᒪᓗ ᓯᕗᓕᕈᓐᓇᓂᕐᒥᑎᒍᑦ, ᐱᓇᓱᑦᑏᑦ ᐱᔪᑦᓴᐅᔮᕐᓂᖏᑎᒍᑦ, ᐊᓯᖏᓪᓗ).

- ᓲᔪᒥᒃ ᐃᓅᖃᑎᖃᑦᓯᐊᕈᓐᓇᓗᓂ ᐊᒻᒪᓗ ᐃᓱᒪᒥᒍᑦ ᖃᓄᓕᒫᖅ ᐱᓚᖀᑦᓯᐊᕋᓱᐊᕈᓐᓇᓗᓂ.

- ᐋᕐᕿᓱᐃᒍᑎᑦᓴᓂᒃ ᐃᓱᒪᑕᐅᒍᑎᖃᕐᓗᓂ ᐊᒻᒪᓗ ᓄᐃᑎᕆᒍᓐᓇᓗᓂ ᐋᕐᕿᓯᒪᐅᑎᐅᒍᓐᓇᑐᓂᒃ ᐱᓇᓱᐊᖃᑎᖃᑦᓯᐊᕈᑎᑦᓴᓂᒃ.

- ᖃᐅᔨᒍᒪᑦᓯᐊᓂᖃᕐᓗᓂ ᐊᒻᒪᓗ ᐃᓕᑦᓯᕙᓪᓕᐊᓯᐊᕈᒪᓂᖃᕐᓗᓂ ᓄᓇᖃᕐᖄᑐᕕᓃᑦ ᐃᓗᒡᒍᓯᖏᓐᓂᒃ ᐊᒻᒪᓗ ᓄᓇᕕᒻᒥᒃ.

- ᓄᐃᑎᕆᒍᓐᓇᓗᓂ ᐊᒻᒪᓗ ᓱᕙᓪᓕᑌᓕᒍᓐᓇᐅᑎᖃᕐᓗᓂ ᑕᑎᒌᑦᓯᐊᓗᑎᒃ ᑲᒪᖃᑎᒌᒍᓐᓇᐅᑎᑦᓴᖏᓐᓂᒃ ᐱᓇᓱᑦᑏᑦ ᐊᒻᒪᓗ ᐊᐅᓚᑦᓯᔩᑦ.

- ᓄᓇᕕᓕᐊᓲᒍᒐᓗᐊᕈᓂ ᖃᓄᐃᑦᓴᕈᓐᓀᓗᓂ.

ᑐᑭᓯᐅᑎᑦᓴᒋᐊᓪᓓᑦ:

- ᐱᓇᓱᑦᑎᒪᕆᒃ, ᐃᓗᐃᒃᑲᑎᒎᕐᑐᖅ.

- ᑮᓇᐅᑦᔭᓴᑦᓯᐊᓚᖓᔪᖅ ᑐᖕᖓᕕᒋᓗᒋᑦ ᐊᑑᑎᓯᒪᔭᖏᑦ ᐊᒻᒪᓗ ᐊᑦᔨᒌᖕᖏᑐᓂᒃ ᐊᒥᓱᐃᓂᒃ ᐱᕙᓪᓕᖁᑎᑖᕐᑕᓗᓂ - xÇAbµ-wMEx3bsymJ5 ®Nsᔦ5 ᐱᓇᓱᒐᕐᑖᕋᓱᐊᕈᓐᓇᑐᑦ ᐊᖏᖃᑎᒌᓐᓂᒧᑦ ᐃᓚᐅᔪᑦ

- ᐃᓕᒐᓱᐊᕐᓂᐅᑉ ᐃᓱᓕᕕᑦᓴᖓ: ᓅᕕᒻᐱᕆ 24, 2023.

ᐃᓕᒐᓱᐊᕐᑐᑦ ᑖᒃᑯᑐᐊᑦ ᓇᓪᓕᑳᕋᑦᓴᖑᕐᑐᑦ ᐊᐱᕐᓲᔭᕐᑕᐅᓛᕐᓗᑎᒃ ᑭᓯᐊᓂ ᑐᓴᕐᑎᑕᐅᓚᖓᔪᑦ. ᐊᕙᑕᒃᑯᑦ ᓈᒻᒪᖁᐊᕇᓂᒃ ᐱᕕᑦᓴᑖᕐᑎᓯᓲᒍᑦᓱᓂ ᐱᓇᓱᑦᑎᖃᕐᑎᐅᕗᖅ.

ᐃᓕᒐᓱᐊᕈᑏᑦ ᐅᕗᖓ ᑐᔫᑎᒋᓗᒋᑦ:

Michel Patry, Office Manager

4150, Ste-Catherine St. W. suite 320

Westmount, Québec, H3Z 2Y5

ᓱᑲᑦᑐᑰᕐᑎᓯᐅᑎᒃᑯᑦ: 514 989-8789

ᖃᕆᑕᐅᔭᖓ E-mail: michel.patry@avataq.qc.ca