< ᐅᑎᕈᑎᒃ ᐊᓪᓚᖁᑎᓄᑦ

ᓄᓇᕕᒻᒥᐅᑦ ᐅᕕᒃᑫᑦ ᐊᕐᕌᒍᓖᑦ 13-ᒥᑦ 17-ᒧᑦ ᐃᓕᒐᓱᐊᖁᔭᐅᕗᑦ ᓯᕿᓂᕐᒧᑦ, ᑖᓐᓇ ᐱᓯᑎᐅᓵᓐᖑᐊᑐᑦ ᑕᑯᓐᓇᐅᔮᕐᑕᐅᑎᑦᓯᓂᖏᑦ ᐊᐅᓚᑕᐅᑦᓱᓂ ᐱᓯᑎᓪᓚᕆᓐᓄᑦ ᐱᓯᑎᐅᓵᓐᖑᐊᑎᓄᑦ ᑕᑯᓐᓇᐅᔮᕐᑕᐅᓱᑎᒃ, ᐊᑑᑎᓛᕐᓂᐊᑐᖅ ᑰᑦᔪᐊᒥ ᐊᐅᒡᒍᔅᑎ 16-ᒥᑦ 21-ᒧᑦ, 2010-ᒥ.

ᐃᓪᓗᑭᑖᕐᓃᑦ, ᑎᒥᒥᓄᑦ ᐱᓯᑎᐅᓵᕐᓃᑦ, ᑕᑉᐹᓂᐊᓗᒃ ᐊᕚᕚᕐᓃᑦ ᖃᖓᑕᑦᓱᑎᓗ ᐱᓯᑎᐅᓵᕐᓃᑦ, ᐊᑕᐅᓯᕐᒧᑦ ᐊᑦᓴᓗᐊᓕᒻᒧᑦ ᑐᑫᓛᕋᕐᓃᑦ, ᐱᖓᓱᓂᒃ ᐃᕿᕐᕋᓕᐅᕐᓃᑦ ᐸᑦᑕᓂᓪᓗ ᐱᓐᖑᐊᖃᕐᓃᑦ ᑖᒃᑯᑑᑦᔭᕋᑎᒃ ᐃᓚᒋᔭᐅᕗᑦ ᐱᓯᑎᐅᓵᕐᓂᒧᑦ ᑕᑯᓐᓇᐅᔮᕐᑕᐅᓗᓂ ᐃᓕᓐᓂᐊᑎᑦᓯᒍᑕᐅᓛᕐᓱᑎᒃ ᐃᓕᓐᓂᐊᑎᑦᓯᓂᕐᒥ. ᐃᓕᓐᓂᐊᑎᑦᓯᓂᖃᓛᕐᓂᐊᒥᔪᖅ ᐅᑭᐅᕐᑕᑐᒥ ᑎᒥᒧᑦ ᐱᓕᐅᑦᔨᓂᐅᓲᓂᒃ, ᑲᑕᑦᔭᓂᕐᒥᒃ, ᐊᓐᓄᕌᓕᐅᕐᓂᒥᓪᓗ ᐱᓯᑎᐅᓵᓐᖑᐊᑐᑦ ᐊᑐᓲᖏᓐᓂᒃ ᐱᐅᒃᑯᑎᖏᓐᓂᓗ.

ᑖᓐᓇ ᐃᓕᓐᓂᐊᑎᑦᓯᓂᐅᓛᕐᓂᐊᑐᖅ ᑲᔪᓯᒍᑕᐅᔪᖅ ᒪᕐᕈᕕᑦᓱᑎᒃ ᐱᓯᑎᐅᓵᓐᖑᐊᓂᕐᒥᒃ ᐃᓕᓐᓂᐊᑎᑦᓯᓂᕕᓃᓐᓄᑦ, ᐊᑑᑎᔭᐅᓚᐅᔪᔫᓐᓂᒃ 2009 ᐅᑭᐊᑦᓴᖓᓐᓂ 2010-ᓗ ᐅᑭᐅᖓᓂ ᓄᓇᓕᓕᒫᓂ 14-ᓂ ᓄᓇᓕᓐᓂ ᐃᓚᒋᔭᐅᑦᓱᓂ ᐃᓕᒃᑰᑑᑦᓱᓂ ᐃᓅᖃᑎᒌᑦᑐᑦ ᓱᖃᑦᓯᓂᖓ ᐱᒋᐊᓐᖓᑎᑕᕕᓂᐅᑦᓱᓂ ᑲᑎᕕᒃ ᐃᓕᓐᓂᐊᓂᓕᕆᓂᕐᒧᑦ ᐱᓇᓱᖃᑎᒋᑦᓱᒋᑦ Cirque du Soleil-ᒥᐅᑦ.

ᐃᓕᒐᓱᐊᕈᒪᑐᐊᕈᕕᑦ, ᐅᖄᓚᕕᖃᕐᓗᑎᑦ 818-491-7241-ᒧᑦ ᑐᒃᓯᕋᕐᓗᑎᓗ “ᓯᕿᓂᕐᒥᒃ”.