ᓯᕗᓪᓕᐹᑦᓯᐊᒥᒃ ᓄᓇᕕᒻᒥ ᓄᓇᓕᓕᒫᑦ ᐱᓯᑎᐅᓵᓐᖑᐊᕆᐅᕐᓴᑎᑕᐅᓂᖏᑦ: ᐱᑦᓯᐊᑐᕕᓂᒻᒪᕆᒃ
ᑭᓇᒨᒻᒪ¯ᑦ Martine Dufour
Spectacle final du camp Cirqiniq
© Dawn Forrest
Spectacle final du camp Cirqiniq
© Dawn Forrest
ᐊᐅᒡᒍᔅᑎ 16-ᒥᑦ 21-ᒧᑦ, ᑰᑦᔪᐊᖅ ᐅᐸᑦᑕᐅᓯᒪᓚᐅᔪᔪᖅ ᐱᓯᑎᐅᓵᓐᖑᐊᕆᐅᕐᓴᑎᑦᓯᓂᖃᕐᑎᓗᒍ ᐅᕕᒐᕐᑐᓂᒃ ᓄᓇᕕᒻᒥᐅᓂᒃ.
50 ᒥᑦᓵᓃᑦᑐᑦ ᐅᕕᒐᕐᑐᐃᑦ ᐊᕐᕌᒍᖃᕐᓱᑎᒃ 13-ᓂᑦ 17-ᒧᑦ ᐱᓇᓱᐊᕈᓯᓕᒫᒥ ᐃᓕᓐᓂᐊᑎᑕᐅᓂᖃᓚᐅᔪᔪᑦ ᐊᑦᔨᒌᓐᖏᑐᓂᒃ ᐱᓯᑎᐅᓵᓐᖑᐊᕈᓯᕐᓂᒃ ᐱᓯᑎᐅᓵᓐᖑᐊᕈᓯᕐᓂᓗ ᐆᑦᑑᑎᒋᑦᓱᒋᑦ ᖃᖓᑕᑦᓱᓂ ᐱᓯᑎᐅᓵᕐᓃᑦ, ᐃᓪᓗᑭᑖᕐᓃᑦ (ᐸᑦᑕᓂᒃ, ᓱᓪᓗᓕᓐᓂᒃ ᓇᑎᕐᒥᓗ ᐳᓪᓚᐅᔮᕐᓱᑎᒃ ᐅᕐᕈᑎᑕᐅᒐᓱᐊᓲᓂᒃ), ᐃᔪᕐᓵᕆᔨᐅᓂᕐᒥᒃ, ᐊᑯᐃᒐᓱᐊᕐᓂᓂᒃ, ᒥᓐᖏᑕᕐᓂᓂᒃ ᑎᒥᒥᓪᓗ ᑐᑮᕈᓯᒪᑎᑦᓯᓂᕐᒥᒃ ᐃᖃᕈᓐᓀᑎᓪᓗᒍ.
ᐱᓯᑎᐅᓵᓐᖑᐊᕆᐅᑦᓴᑎᑦᓯᓃᑦ ᓯᑕᒪᐅᔪᕐᑐᓂᒃ ᐱᔪᓐᓇᑐᓪᓚᕆᓐᓂᒃ ᐃᓕᓐᓂᐊᑎᑦᓯᔨᖃᓚᐅᔪᔪᑦ ᐃᓚᖃᕐᑎᓗᒋᑦ ᓯᑕᒪᐅᔪᕐᑑᒥᔪᓂᒃ ᐃᓕᓐᓂᐊᑎᑦᓯᔨᐅᒻᒥᔪᓂᒃ, ᐅᑯᐊᒍᓚᐅᔪᔪᑦ:
- ᓕᓐᑕ ᖃᐅᑦᓵᓕᒃ (ᐅᒥᐅᔭᕐᒥᐅᖅ)
- ᓗᐃᓴ ᔩᑦᔅ (ᑰᑦᔪᐊᒥᐅᖅ)
- ᐸᐅᓚᓯ ᐱᖑᐊᐱᒃ (ᑲᖏᕐᓱᒥᐅᖅ)
- ᐹᓪ ᓵᓚ (ᐅᒥᐅᔭᕐᒥᐅᖅ)
- ᐄᕙ ᐆᐱᐊᑦ (ᑲᖏᕐᓱᐊᓗᑦᔪᐊᒥᐅᖅ)
- ᔦᒥ ᐃᑦᑐᖅ (ᑲᖏᕐᓱᒥᐅᖅ)
- ᔨᒥ ᓇᓗᐃᔪᖅ (ᓴᓪᓗᒥᐅᖅ)
- ᐅᔩᑦᓴᑦ ᐋᓇᓈᒃ (ᑲᖏᕐᓱᐊᓗᑦᔪᐊᒥᐅᖅ)
“ᑕᑯᒥᓇᕐᑐᓕᐅᕐᓂᖅ/ᑐᓴᕐᓂᑐᓕᐅᕐᓂᖅ ᐱᐅᓯᑐᖃᕐᓗ” ᐃᓕᓐᓂᐊᑎᑦᓯᒍᑕᐅᓚᐅᔪᒻᒥᔫᒃ, ᐃᓚᐅᑎᓪᓗᒍ ᑐᓴᕐᓂᔮᕐᑎᓯᓂᖅ (ᓵᓕ ᑕᕐᕿᖅ ᑐᓵᕐᓂᔮᕐᑎᓯᑎᓪᓗᒍ), ᑲᑕᑦᔭᓱᓂᓗ ᐃᓐᖏᓗᑦᑖᑎᓪᓗᒍ (ᐊᑭᓂᓯ ᓯᕗᐊᕌᐱᒃ), ᓱᓕᔪᓐᖑᐊᑦ ᐊᓐᓄᕌᕆᓲᖏᓐᓂᒃ ᐃᓂᕐᓯᑎᓪᓗᒍ (ᕕᑦᑑᔨᐊ ᑯᐊᑕ) ᐊᒻᒪᓗ ᐃᓄᒃ ᑎᒥᒧᑦ ᐱᓕᐅᑦᔨᓲᖅ (ᐋᓕᒃ ᐁᕈ).
ᐱᓇᓱᐊᕈᓯᐅᑉ ᐃᓗᐊᓂ, ᑖᒃᑯᐊ ᐅᕕᒐᕐᑐᐃᑦ ᐊᓕᐊᑦᑐᒪᕆᐅᓚᐅᔪᔪᑦ ᑐᓐᖓᓱᑦᑎᓯᒋᐊᒥᒃ ᓲᓴᓐ ᐊᒃᓗᑳᕐᒥᒃ, ᑰᑦᔪᐊᓕᐅᓚᐅᔪᒻᒪᑦ ᑖᒃᑯᓂᖓ ᑕᑯᓂᐊᕐᓱᓂ. ᖃᐅᔨᒻᒫᕆᔭᐅᔪᒻᒪᕆᒃ ᐃᓐᖏᓗᑦᑖᑎ ᑐᓱᓕᕐᑎᓯᒐᓱᐊᕐᓱᓂ ᐅᖄᓚᐅᔪᒻᒥᔪᖅ ᓇᒻᒥᓂᖅ ᑫᓪᓗᑐᐃᓂᕐᒥᒃ ᑌᒣᒌᑐᐊᕋᒥᓪᓗ ᐃᓄᑑᑦᓱᓂ ᑐᓴᕐᓂᔮᕐᑎᓯᑦᓱᓂ.
ᐱᓯᑎᐅᓵᓐᖑᐊᓴᕆᐅᕐᓴᑐᕕᓃᑦ ᐱᐅᒋᔭᐅᔪᒻᒪᕆᐅᓚᐅᔪᔪᑦ ᐊᐅᒡᒍᔅᑎ 21-ᒥ, ᑌᑲᓂ ᑭᓇᓕᒫᓄᑦ ᑕᑯᓐᓇᐅᔮᕐᑕᐅᓱᑎᒃ ᐅᕕᒐᕐᑐᐃᑦ ᐱᓯᑎᐅᓵᓐᖑᐊᓚᐅᔪᒐᒥᒃ, ᐊᑦᔨᒌᓐᖏᑐᑦ ᑕᑯᓐᓇᐅᔮᕐᑕᐅᖃᑦᑕᑎᓪᓗᒋᑦ: ᐱᖓᓲᓈᕐᑎᑐᑦ, ᒪᕐᕉᓈᕐᑎᑐᑦ ᐊᑕᐅᓯᐅᓈᕐᑎᑐᓪᓗ ᐱᓯᑎᐅᓵᓐᖑᐊᓱᑎᒃ.
ᐱᓯᑎᐅᓵᓐᖑᐊᕆᐅᕐᓴᑎᑦᓯᓂᖅ ᐊᑐᐃᓐᓇᕈᕐᑎᑕᕕᓂᖅ ᓯᕿᓂᕐᒧᑦ, ᑖᓐᓇ ᐱᓯᑎᐅᓵᓐᖑᐊᕆᐅᕐᓴᑎᑦᓯᓲᖅ ᓄᓇᕕᒻᒥᐅᓂᒃ ᐅᕕᒐᕐᑐᓂᒃ ᐊᐅᓚᑕᐅᑦᓱᓂ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓐᓄᑦ ᐃᑲᔪᕐᓯᒪᑎᓪᓗᒋᑦ Cirque du Soleil, ᓄᓇᕕᒻᒥ ᓄᓇᓖᑦ ᐊᒻᒪᓗ ᑲᑎᕕᒃ ᐃᓕᓐᓂᐊᓂᓕᕆᓂᖅ.
Spectacle final du camp Cirqini
© Dawn Forrest
Spectacle final du camp Cirqiniq. Les participants interprétant une chanson en chœur avec Susan Aglukark.
© Bob Mesher
ᐱᓯᑎᐅᓴᓐᖑᐊᕆᐅᕐᓴᑎᑦᓯᓂᐅᓲᖅ ᑲᔪᓯᓛᓕᕐᒥᔪᖅ ᐅᑭᐊᑦᓴᐅᓚᖓᔪᒥ ᐱᓯᑎᐅᓵᓐᖑᐊᕆᐅᕐᓴᑎᑦᓯᔩᑦ ᐃᓐᓂᐊᕋᓕᑐᐊᕐᐸᑕ ᓯᑕᒪᐅᔪᓐᖏᒐᕐᑐᓂᒃ ᓄᓇᕕᒻᒥ ᓄᓇᓕᓐᓂᒃ, ᑭᖑᓂᖓᒍᑦ ᐁᓛᕐᒥᑎᓪᓗᒋᑦ ᓯᑕᒪᐅᔪᓐᖏᒐᕐᑐᒋᐊᓪᓓᑦ 2011 ᐅᑭᐅᖓᓂ. ᓄᓇᓕᓐᓅᕋᕐᓂᖏᑦᑕ ᑐᕌᕐᓂᖓ ᐃᓕᓐᓂᐊᑎᑦᓯᒋᐊᓪᓛᓗᑎᒃ ᐅᕕᒐᕐᑐᓂᒃ ᐱᓯᑎᐅᓵᓐᖑᐊᓂᐅᑉ ᒥᑦᓵᓄᑦ, ᐃᓛᓐᓂᓗ ᕿᒥᕐᕈᖃᑦᑕᓗᑎᒃ ᐃᓕᓐᓂᐊᑎᑕᐅᒍᑎᐅᒌᕐᓯᒪᔪᓂᒃ ᐃᓕᓐᓂᐊᑎᑦᓯᔨᓄᑦ ᑐᑭᓯᒐᓱᐊᒻᒪᕆᓪᓗᒋᑦ.
ᖃᐅᔨᒋᐊᒃᑲᓂᕈᒪᒍᕕᑦ ᓯᕿᓂᐅᑉ ᒥᑦᓵᓄᑦ, ᐅᖄᓚᕕᖃᕐᓗᑎᑦ ᓯᓪᕕᐊ ᒃᓘᑦᓯᔦᒥᒃ ᐅᕗᖓ ᐅᖄᓚᓗᑎᑦ: 819-964-2961, ᐅᐃᒍᖓ 2251, ᖃᕆᑕᐅᔭᑎᒍᓪᓘᓃᑦ ᐊᓪᓚᕕᒋᓗᒍ ᐅᕗᖓ: scloutier@krg.ca. ᑕᑯᓐᓇᓱᐊᕈᓐᓇᒥᔪᑎᑦ ᓯᕿᓂᐅᑉ ᖃᕆᑕᐅᔭᑎᒍᑦ ᑕᑯᑦᓴᐅᑎᑦᓯᕕᖓᓂ ᐅᓇ ᓃᓂᕐᓗᒍ: Cirqiniq’s Facebook page.
