• ᑐᓴᕋᑦᓭᑦ

< ᐅᑎᕈᑎᒃ ᐊᓪᓚᖁᑎᓄᑦ

ᓄᓇᓕᓐᓂ ᐱᐅᓯᑐᖃᓕᕆᓂᕐᓂᒃ ᐱᕙᓪᓕᐊᑎᑦᓯᓂᕐᓄᑦ ᑲᒪᔨᒻᒪᕆᐅᑉ ᐊᑖᓃᓪᓗᑎᒃ, ᑖᒃᑯᐊ ᐱᖓᓱᐃᑦ ᓄᓇᓕᓐᓂ ᐱᐅᓯᑐᖃᓕᕆᓂᕐᓂᒃ ᐱᕙᓪᓕᐊᑎᑦᓯᓂᕐᓄᑦ ᐱᓇᓱᑦᑏᑦ ᐅᑯᓂᖓ ᐱᓇᓱᒐᑦᓴᖃᕋᔭᕐᑐᑦ:

ᑲᒪᒋᒋᐊᓕᖏᑦ:

- ᓄᐃᑦᓯᓗᓂ ᐊᒻᒪᓗ ᑲᔪᓯᒍᑕᐅᑦᓯᐊᕈᓐᓇᑐᒥᒃ ᐸᕐᓀᒍᑎᓕᐅᕐᓗᓂ ᓄᑕᐅᓪᓕᑎᕐᑕᐅᒍᑎᖓᓂᒃ ᓄᓇᓕᓐᓂ ᐱᐅᓯᑐᖃᓕᕆᓂᕐᓄᑦ ᑲᑎᒪᔩᑦ.

- ᕿᒥᕐᕈᓗᓂ ᓄᓇᓕᓐᓂ ᐱᐅᓯᑐᖃᓕᕆᔩᑦ ᑲᑎᒪᔨᖏᑦᑕ ᐱᖁᔭᕐᑎᒍᑦ ᖃᓄᐃᓕᖓᓕᕐᓂᖏᓐᓂᒃ ᐊᒻᒪᓗ ᐱᖁᔮᐱᖏᓐᓂᒃ.

- ᐊᔪᖀᒋᐊᕐᑎᐅᓗᓂ, ᐱᔪᑦᓴᐅᔮᕐᑎᓯᔨᐅᓗᓂ, ᐊᒻᒪᓗ ᕿᓚᓈᓚᕿᑎᑦᓯᔨᐅᓗᓂ ᓄᓇᓕᓐᓂᒃ ᐅᑯᐊ ᐱᑦᔪᑕᐅᑎᓗᒋᑦ ᐅᖃᐅᓯᖅ, ᐱᐅᓯᑐᖃᖅ ᐊᒻᒪᓗ ᑭᓇᐅᓂᕐᒥᓂᒃ ᓇᓗᓀᕐᓯᓯᒪᓂᕐᓄᑦ ᑲᒪᒋᔭᐅᒋᐊᓖᑦ.

- ᕿᓂᕐᐸᓗᓂ ᓄᓇᓕᓐᓂ ᐊᑐᕋᑦᓴᓂᒃ ᐅᑯᓄᖓᐅᓕᖓᔪᓂᒃ ᐅᖃᐅᓯᖅ, ᐱᐅᓯᑐᖃᖅ ᐊᒻᒪᓗ ᓇᓗᓀᕐᓯᓯᒪᐅᑏᑦ ᐃᓅᓂᕐᒥᒃ.

- ᑐᓴᐅᒪᑎᖏᓐᓇᓗᒋᑦ ᓄᓇᓕᓐᓂ ᐱᐅᓯᑐᖃᓕᕆᔩᑦ ᐃᓘᓐᓀᓂᒃ ᐱᕙᓪᓕᐊᔭᐅᔪᓂᒃ ᐊᒻᒪᓗ ᐸᕐᓀᒍᑎᓂᒃ ᓄᐃᑎᕐᑕᐅᖃᑦᑕᑐᓂᒃ ᐊᑐᕋᔭᕐᑎᓗᒋᑦ ᓯᕗᓂᕐᒥ ᐃᓄᑦᑎᑐᑦ ᐅᖃᐅᓯᐅᑉ ᐊᓯᐅᖏᓐᓇᑎᑕᐅᑦᑌᓕᓂᖓᓄᑦ ᐱᓇᓱᐊᕐᑕᐅᔪᓄᑦ ᓄᓇᕕᒻᒥ, ᐃᓄᐃᑦ ᓄᓇᖔᑦᒥ, ᐅᕝᕙᓘᓐᓃᑦ ᓇᓂᓕᒫᖅ.

- ᐃᓚᐅᕙᓪᓗᓂ ᑕᑯᓂᐊᕐᑐᓄᑦ ᓄᓇᓕᓐᓂᒃ ᐱᕙᓪᓖᒋᐊᕐᑐᑐᓄᑦ ᐃᓄᑦᑎᑐᑦ ᐅᖃᐅᓯᐅᑉ ᐊᓯᐅᖏᓐᓇᑎᑕᐅᑦᑌᓕᓂᖓᓄᑦ ᐱᓇᓱᐊᕐᑕᐅᔪᓂᒃ ᐊᒻᒪᓗ ᓄᐃᑎᕆᓂᕐᓄᑦ ᐱᓇᓱᐊᕈᑦᔨᐅᑎᑦᓴᓂᒃ.

- ᒋᐊᖃᓕᕈᓂ ᐅᕝᕙᓘᓐᓃᑦ ᕿᓄᕕᐅᒍᓂ ᑲᒪᔨᒻᒪᕆᒻᒥᓄᑦ, ᑲᑎᒪᒋᐊᕐᐸᓗᓂ ᐊᒻᒪᓗ/ᐅᕝᕙᓘᓐᓃᑦ ᑲᑎᒪᓂᒻᒪᕆᓕᐊᕐᐸᓗᓂ/ᑲᑎᒍᑎᓕᓐᓄᑦ ᐃᓚᐅᕙᓪᓗᓂ ᐱᓇᓱᒐᕐᒥᓅᓕᖓᔪᓄᑦ ᐊᔪᖀᒋᐊᕐᑎᐅᓂᕐᒥᓄᑦ ᓄᓇᓕᓐᓂ ᐱᐅᓯᑐᖃᓕᕆᔨᓂᒃ.

ᐱᓇᓱᐊᕈᓐᓇᕆᐊᓕᖏᑦ:

- ᓱᖏᐅᓐᓂᖃᕐᓗᓂ ᑲᒪᔨᐅᓂᕐᒥᒃ ᐊᒻᒪᓗ ᐊᐅᓚᑦᓯᓂᕐᓂ ᐱᓇᓱᐊᕐᑕᐅᓲᓂᒃ.

- ᖃᐅᔨᒪᓗᓂ ᐃᓄᐃᑦ ᐱᐅᓯᑐᖃᖓᓂᒃ ᐃᓗᒡᒍᓯᖓᓂ.

- ᐃᓄᑦᑎᑑᕈᓐᓇᕈᓂ ᐱᕙᓪᓕᖁᑎᖃᓚᖓᔪᖅ. ᒪᕐᕈᐃᓂᒃ ᐅᖃᐅᓰᓐᓂ ᖃᐅᔨᒪᓗᓂ (ᖃᓪᓗᓈᕐᑎᑑᕈᓐᓇᕈᓂ ᐱᕙᓪᓕᖁᑎᖃᒻᒪᕆᓚᖓᔪᖅ).

- ᐊᓪᓚᒍᓐᓇᓯᐊᕐᓗᓂ

- ᖃᕆᑕᐅᔭᒥᒃ ᐱᓇᓱᐊᕈᑎᖃᕈᓐᓇᓯᐊᕐᓗᓂ.

- ᖃᐅᔨᒪᔭᐅᔪᓂᒃ ᓯᕗᓕᕐᑎᐅᒍᓐᓇᕕᖃᕐᓗᓂ (ᑐᓴᐅᒪᖃᑎᙯᓐᓇᕈᓐᓇᓗᓂ, ᓯᕗᓕᕐᑎᓯᐊᒍᓗᓂ)

- ᐃᓕᓐᓇᖓᑎᑦᓯᓯᐊᕈᓐᓇᓗᓂ, ᐸᕐᓀᓂᓯᑎᐅᓗᓂ, ᐊᒻᒪᓗ ᐊᑐᕋᑦᓴᓂᒃ ᓯᕗᓂᐊᒍᑦ ᐋᕐᕿᓱᐃᓯᒪᓯᑎᐅᓗᓂ.

- ᐃᓅᖃᑎᖃᑦᓯᐊᑭᓂᐅᓗᓂ ᐊᒻᒪᓗ ᓱᓇᑐᐃᓐᓇᓂᒃ ᐃᓱᒪᑦᓯᐊᕈᑎᖃᕈᓐᓇᓗᓂ ᐅᒃᑯᐃᖔᕐᕕᖃᑦᓯᐊᓗᓂ.

- ᑲᒪᒍᒪᓂᖃᕐᓗᓂ ᐊᒻᒪᓗ ᖃᐅᔨᒍᒪᓂᖃᕐᓗᓂ ᓄᓇᖃᕐᖄᑐᕕᓃᑦ ᐃᓗᒡᒍᓯᖓᓂᒃ ᐊᒻᒪᓗ ᓄᓇᕕᒻᒥᒃ.

- ᐃᓕᓐᓂᐊᕆᐊᖃᕈᓂ ᐊᑐᐃᓐᓇᐅᓯᐊᕈᓐᓇᓗᓂ.

- ᐊᕐᕕᑕᓕᐅᒥᔮᕈᓐᓇᓗᓂ.

ᑐᑭᓯᐅᑎᑦᓴᒋᐊᓪᓓᑦ:

- ᐃᓕᒣᓐᓇᓚᖓᔪᖅ, ᐃᓗᐃᒃᑲᑎᒎᕐᓗᓂ.

- ᑮᓇᐅᑦᔭᓴᑦᓯᐊᓗᓂ ᑐᖕᖓᕕᒋᓗᒋᑦ ᓱᖏᐅᓐᓂᖃᕐᓂᖏᑦ ᐊᒻᒪᓗ ᐊᒥᓱᐃᓂᒃ ᐱᕙᓪᓕᖁᑎᑖᕐᑕᓗᓂ - ᐱᒋᐊᓕᕐᕿᒍᓐᓇᑐᑦ ᐊᖏᖃᑎᒌᒍᑎᒧᑦ ᐃᓚᐅᔪᑦ.

- ᐃᓱᓕᕕᑦᓴᖓ ᐱᓇᓱᐊᒍᒪᐅᑎᒥᓂᒃ ᑐᓂᔨᒍᓐᓇᕕᐅᑉ: ᒫᑦᓯ 1, 2024

ᐃᓕᒐᓱᐊᕐᑐᑦ ᓇᓪᓕᑳᕐᑕᐅᔪᑦᓴᖑᕐᑐᑦ ᐊᐱᕐᓲᔭᕐᑕᐅᒐᔭᕐᓗᑎᒃ ᐅᖄᕕᐅᓛᕐᑐᑐᐊᑦ. ᐊᕙᑕᒃᑯᑦ ᓈᒻᒪᖁᐊᕇᑦᑎᓯᓲᑦ ᐱᓇᓱᑦᑎᓴᕐᓯᐅᓕᕋᒥᒃ.

ᑐᔫᑎᒋᓗᒋᑦ ᐃᓕᒐᓱᐊᕈᑎᑎᑦ ᐅᕗᖓ:

Michel Patry, Office Manager

4150, Ste-Catherine St. W. suite 320

Westmount, Québec, H3Z 2Y5

Fax: 514 989-8789

E-mail: michel.patry@avataq.qc.ca