• ᑐᓴᕋᑦᓭᑦ

< ᐅᑎᕈᑎᒃ ᐊᓪᓚᖁᑎᓄᑦ

ᐊᕙᑕᖅ ᐱᐅᓯᑐᖃᓕᕆᕕᒃ ᐱᓇᓱᕝᕕᐅᕗᖅ ᖄᖏᕐᓂᑯᓕᐅᕐᑎᓯᔭᐅᒐᓂ, ᓴᕐᕿᑎᑕᕕᓂᐅᑦᓱᓂ 1980-ᒥ ᐊᔪᐃᓐᓇᐅᔨᓚᖓᑎᓪᓗᒍ ᓴᐳᒻᒥᓯᒪᓗᓂ ᖃᐅᔨᔭᐅᑎᑦᓯᒋᐊᕐᓗᓂᓗ ᐃᓄᐃᑦ ᓄᓇᕕᒻᒥᐅᑦ (ᑯᐯᒃ ᑕᕐᕋᖓ) ᐅᖃᐅᓯᖓᓐᓂᒃ ᐃᓗᕐᕈᓯᖓᓂᓗ. ᐊᕙᑕᖅ ᐊᓪᓚᕕᒻᒪᕆᖁᑎᓕᒃ ᐃᓄᑦᔪᐊᖅ, ᓄᓇᕕᒻᒦᑐᒥᒃ, ᐊᐅᓚᑦᓯᕕᖃᕐᓱᓂᓗ ᐊᓪᓚᕕᐅᒻᒥᔪᒥᒃ ᐅᐃᐊᔅᑦᒪᐅᓐᑦ-ᒦᑦᑐᒥᒃ (ᒧᓐᑐᔨᐊᒥ), ᑯᐯᒻᒥ.

ᐊᕙᑕᖅ ᒫᓐᓇᐅᔪᖅ ᕿᓂᕐᐳᖅ ᐃᒣᓘᕐᑎᐅᒐᔭᕐᑐᒥᒃ:

ᐊᓪᓚᑎ/ᑭᐅᔨ

ᐊᖓᔪᕐᖄᖃᕐᓗᓂ ᐊᓪᓚᕕᒻᒥᒃ ᐊᐅᓚᑦᓯᔨᒥᒃ, ᐊᓪᓚᑎ/ᑭᐅᔨ ᐅᑯᓂᖓ ᐱᔭᑦᓴᖃᖃᑦᑕᕋᔭᕐᑐᖅ:

- ᑐᓐᖓᓱᑦᑎᓯᕙᓪᓗᓂ ᐊᓪᓚᕕᓕᐊᕐᑐᓂᒃ ᐋᑦᓯᕙᓪᓗᓂᓗ ᑕᑯᓂᐊᕐᑕᖏᓐᓄᑦ ᐱᒍᑦᔭᐅᕕᒋᒋᐊᕐᑐᑕᖏᓐᓂᓘᓐᓃᑦ;

- ᑭᐅᕙᓪᓗᓂ ᐅᖄᒍᑎᒥᒃ ᓯᕙᓂᕐᑕᐅᔪᒨᕐᓗᒋᓪᓗ, ᑐᓴᕋᑦᓴᖁᑎᒋᔭᐅᔪᓂᒃ ᑭᒡᒐᑐᕐᑎᐅᓗᓂ;

- ᑎᑭᑕᐅᒋᐊᓕᓐᓄᑦ ᐊᐅᓪᓚᑎᑦᓯᕙᓪᓗᓂ ᓱᑲᑦᑐᑰᕈᑎᑎᒍᑦ ᖃᕆᑕᐅᔭᑎᒍᓪᓗ ᐊᓪᓚᒍᑕᐅᔪᓂᒃ;

- ᖃᕆᑕᐅᔭᑎᒍᑦ ᓃᓂᕐᑎᐅᓗᓂ ᐊᓪᓚᑕᐅᔪᕕᓂᕐᓂᒃ, ᑐᓴᕐᑎᓯᐅᑎᓂᒃ ᐊᓯᖏᓐᓂᓗ ᓃᓂᕐᑕᐅᒋᐊᓕᓐᓂᒃ;

- ᑎᒍᓯᕙᓪᓗᓂ ᐊᐅᓪᓚᑎᑦᓯᕙᓪᓗᓂᓗ ᐊᓪᓚᕕᐅᑉ ᐊᓪᓚᕕᐅᑦᔪᓯᐊᖏᓐᓂᒃ ᐃᕐᓯᕕᑦᑖᖏᓐᓂᓗ ᑭᒡᒐᑑᑎᐅᔪᓂᓪᓗ;

- ᐃᓛᓐᓂᑯᑦ ᐊᓪᓚᐸᓪᓗᓂ, ᐅᖃᐅᓯᐅᑉ ᐁᑉᐹᓅᔦᕙᓪᓗᓂ ᓱᕐᖁᐃᓯᒐᓱᐊᕐᐸᓗᓂᓗ ᐊᓪᓚᖃᑦᑕᐅᑎᒌᒍᑕᐅᔪᕕᓂᕐᓂᒃ ᓯᑯᑦᓴᔭᕐᓂᓗ;

- ᓂᐅᕕᕐᐸᓗᓂ ᐊᓪᓚᕕᒻᒥ ᐱᓇᓲᑎᓂᒃ, ᓴᓗᒻᒪᓭᒍᑎᓂᒃ ᓂᕆᕕᒻᒦᓲᑦᓴᔭᓂᒃ ᑭᑎᑦᓯᕙᓪᓗᓂᓗ ᐊᓪᓚᕕᒻᒥ ᕿᑲᕐᑎᐊᓂᒃ;

- ᓴᓗᒪᑎᑦᓰᓇᒐᓱᐊᕐᐸᓗᓂ ᓂᕆᕕᒻᒥᒃ ᐃᓄᓐᓄᓗ ᐅᐸᑦᑕᐅᓲᓂᒃ;

- ᑎᒻᒥᔫᕈᑎᐅᒋᐊᓕᓂᒃ ᐋᕐᕿᓱᐃᕙᓪᓗᓂ (ᑎᒻᒥᔫᕈᑏᑦ ᓯᓂᑦᑕᕖᓪᓗ);

- ᑮᓇᐅᔭᓕᕆᔨᐅᑉ ᐱᓇᓱᐊᕐᑕᐅᖁᔭᖏᓐᓂᒃ ᐱᓇᓱᐊᕐᐸᓗᓂ (ᑮᓇᐅᔭᑦᓴᔭᓂᒃ ᐊᑭᓖᒍᑕᐅᔪᓂᓗ ᐊᐅᓪᓚᑎᑦᓯᕙᓪᓗᓂ ᓱᕐᖁᐃᓯᒐᓱᐊᕐᐸᓗᓂᓗ ᐊᑭᓕᑦᓴᑖᕈᑎᕕᓂᕐᓂᒃ ᐃᓪᓓᒍᑎᑦᓴᔭᒧᑦ, ᐊᓯᖏᓐᓂᓗ);

- ᐊᓪᓚᑎᐅᓂᕐᒥᓂᒃ ᐊᑐᕐᐸᓗᓂ ᐃᓘᓐᓈᓄᐊᖓᔪᓂᒃ ᒪᓕᓪᓗᓂ ᐱᓇᓱᐊᕈᓯᐅᒋᐊᓕᓐᓂᒃ.

ᐱᔪᓐᓇᕆᐊᓕᖏᑦ:

- ᐊᓪᓚᑎᐅᓂᕐᒧᑦ ᐃᓕᓴᕇᕈᑎᑖᕐᓯᒪᓗᓂ ᐊᒻᒪᓗ/ᐅᕝᕙᓘᓐᓃᑦ ᐊᑦᔨᐸᓱᖓᓂᒃ ᐱᓇᓱᐊᓕᓂᐅᓗᓂ;

- ᖃᕆᑕᐅᔭᕆᐊᒥᒃ ᖃᐅᔨᒪᓗᓂ, ᐊᓪᓚᓯᒪᔪᓕᕆᐅᑎᓕᕆᒍᓐᓇᓗᓂ ᖃᕆᑕᐅᔭᑎᒍᓪᓗ ᑮᓇᐅᔭᓕᕆᐅᑎᓂᒃ ᐱᓇᓱᐊᕈᓐᓇᓗᓂ;

- ᑮᓇᐅᔭᓕᕆᐅᑎᕕᓂᕐᓂᒃ ᐊᖑᒪᑦᓯᒍᓐᓇᓗᓂ (ᑖᓐᓇ ᐃᑲᔪᕐᓯᒪᓪᓗᑐᕋᔭᕐᑐᖅ);

- ᐃᓄᒃᑎᑐᑦ ᐅᖄᒍᓐᓇᓗᑐᕆᐊᓕᒃ ᐊᓪᓚᒍᓐᓇᓗᓂᓗ, ᖃᓪᓗᓈᑎᑑᕈᓐᓇᕈᓂ ᐅᐃᒍᐃᑎᑐᓪᓗ ᐃᑲᔪᕐᓯᔭᐅᓪᓗᑐᕋᔭᕐᑐᖅ;

- ᑐᓴᐅᒪᖃᑎᒌᖃᑕᐅᑦᓯᐊᕈᓐᓇᓗᓂ, ᐊᓯᒥᓂᒃ ᐱᓇᓱᐊᖃᑎᖃᕈᓐᓇᓗᓂ ᐅᐸᓗᓲᖑᒍᓐᓀᓗᓂᓗ.

ᖃᐅᔨᒪᔭᐅᒃᑲᓂᕆᐊᓖᑦ:

- ᐱᓇᓱᐊᕐᓂᕆᖃᑦᑕᕋᔭᕐᑕᖏᑦ: 9:00-ᒥᑦ ᐅᓪᓛᑯᑦ 5:00-ᒧᑦ ᐅᓐᓄᓴᒃᑯᑦ, ᐊᓪᓕᕇᕐᑐᓂᑦ ᓂᕿᑦᓯᑐᓄᑦ (ᐱᓇᓱᐊᕈᓯᑕᒫᑦ 35-ᓂᒃ ᐃᑲᐅᕐᓂᓕᐅᕐᐸᓗᓂ);

- ᑮᓇᐅᑦᔭᓵᖏᑦ: $18.00 ᐃᑲᐅᕐᓂᑕᒫᑦ (ᑮᓇᐅᑦᔭᓵᖏᑦ ᐅᓄᕐᓯᔭᐅᑐᐃᓐᓇᕆᐊᓖᑦ ᐆᑦᑐᕋᕐᑕᐅᒌᑐᐊᕐᐸᑦ);

- ᓇᓃᓪᓗᓂ: ᐊᕙᑕᐅᑉ ᐊᓪᓚᕕᖓᓂ ᐅᐃᐊᔅᑦᒪᐅᓐᑦ-ᒥ (ᒧᓐᑐᔨᐊᒥ);

- ᐱᓇᓱᒐᕐᑖᕋᓱᐊᕈᑏᑦ ᑐᓂᔭᐅᕕᒋᒋᐊᓕᖏᑦᑕ ᐃᓱᓕᕝᕕᖓ: ᐊᒥᕃᔭᐅᑦ (ᓯᑎᐱᕆ) 7, 2015.

ᐱᓇᓱᒐᕐᑖᕋᓱᐊᕐᑐᕕᓃᑦ ᓇᓪᓕᑳᕐᑕᕕᓂᐅᒍᑎᒃ ᑭᓯᐊᓂ ᖃᐅᔨᑎᑕᐅᓛᕐᓂᐊᑐᑦ ᐊᐱᕐᓱᑕᐅᒍᒪᓕᕈᑎᒃ, ᐊᕙᑕᖅ ᐱᓇᓱᒐᕐᑖᕋᓱᐊᕐᑐᑦ ᑭᓇᒃᑯᑐᐃᓐᓇᐅᒐᓗᐊᕐᐸᑕ ᐱᓇᓱᑦᑎᑖᓲᖑᕗᖅ.

ᐱᓇᓱᒐᕐᑖᕈᒪᐅᑎᑎᑦ ᐅᕗᖓ ᐊᐅᓪᓚᑎᓪᓗᒋᑦ:

Michel, Patry (ᒥᓯᐊᓪ ᐹᑦᕇ), ᐊᓪᓚᕕᒻᒥ ᐊᐅᓚᑦᓯᔨ

4150, Ste-Catherine St. W. suite 360

Westmount, Québec, H3Z 2Y5

ᓱᑲᑦᑐᑰᕈᑎᖓ: 514-989-8789

ᖃᕆᑕᐅᔭᑎᒍᑦ ᐊᓪᓚᕕᒋᒍᒪᒍᕕᐅᒃ: michel.patry@avataq.qc.ca