• ᑐᓴᕋᑦᓭᑦ

< ᐅᑎᕈᑎᒃ ᐊᓪᓚᖁᑎᓄᑦ

ᐊᕙᑕᖅ ᐱᐅᓯᑐᖃᓕᕆᕕᒃ ᐱᓇᓱᕝᕕᐅᕗᖅ ᖄᖏᕐᓂᑯᓕᐅᕐᑎᓴᔭᐅᒐᓂ, ᓴᕐᕿᑎᑕᕕᓂᐅᑦᓱᓂ 1980-ᒥ ᐊᔪᐃᓐᓇᐅᔨᓚᖓᑎᓪᓗᒍ ᓴᐳᒻᒥᓯᒪᓗᓂ ᖃᐅᔨᔭᐅᑎᑦᓯᒋᐊᕐᓗᓂᓗ ᐃᓄᐃᑦ ᓄᓇᕕᒻᒥᐅᑦ (ᑯᐯᒃ ᑕᕐᕋᖓ) ᐅᖃᐅᓯᖓᓐᓂᒃ ᐃᓗᕐᕈᓯᖓᓐᓂᓗ. ᐊᕙᑕᖅ ᐊᓪᓚᕕᒻᒪᕆᖁᑎᓕᒃ ᐃᓄᒃᔪᐊᖅ, ᓄᓇᕕᒻᒦᑐᒥᒃ, ᐊᐅᓚᑦᓯᕕᖃᕐᓱᓂᓗ ᐊᓪᓚᕕᐅᒻᒥᔪᒥᒃ ᐅᐃᐊᔅᑦᒪᐅᓐᑦ-ᒦᑦᑐᒥᒃ (ᒧᓐᑐᔨᐊᒥ), ᑯᐯᒻᒥ.

ᐊᕙᑕᖅ ᒫᓐᓇᐅᔪᖅ ᕿᓂᕐᐳᖅ ᐱᔪᓐᓇᑐᓪᓚᕆᐅᓗᓂ ᐃᒣᓘᕐᑎᐅᒐᔭᕐᑐᒥᒃ: ᕿᑲᕐᑎᐊᓂᒃ ᐅᓂᒃᑳᑕᐅᕙᑦᑐᕕᓂᓕᕆᔨᒥᒃ ᐃᑲᔪᕐᑎ (ᐊᑕᑫᓐᓇᑑᓗᓂ ᐊᖏᖃᑎᒌᒍᑎᑎᒍᑦ).

ᐊᖓᔪᕐᖄᖃᕐᓗᓂ ᖃᐅᔨᓴᕐᓂᒧᑦ ᐱᓇᓱᐊᕐᑕᐅᓯᒪᔪᓂᓗ ᓴᓂᕐᕓᓯᒪᕕᒥ ᑐᑭᒧᐊᕐᑎᓯᔨᒥᒃ, ᐱᓇᓱᑦᑎᑖᕆᔭᐅᔪᖅ ᐱᔭᑦᓴᖃᕋᔭᕐᑐᖅ ᓂᐱᓕᐅᕐᓯᒪᔪᓂᒃ ᐅᓂᒃᑳᑕᐅᕙᑦᑐᕕᓂᕐᓂᒃ ᓯᑯᑦᓴᔭᒨᕐᙯᔨᐅᓗᓂ ᑲᒪᕙᓪᓗᓂᓗ ᐃᓚᖏᓐᓂᒃ ᐱᓪᓗᑯᒋᐊᓕᓂᒃ FileMakerPro-ᑯᑎᒍᑦ ᐱᓇᓱᐊᕐᑕᐅᒋᐊᖃᕐᓱᑎᒃ.

ᐱᔪᓐᓇᕆᐊᓕᖏᑦ:

- ᐱᖓᓱᓂ ᐊᕐᕌᒍᕐᓂ ᐱᓇᓱᐊᓕᓂᐅᒋᐊᓕᒃ ᐊᑦᔨᐸᓱᖓᓂᒃ ᐱᓕᓂᐅᓗᓂ;

- ᐳᕐᑐᓂᕐᓴᒥ 5-ᒥ ᐃᓕᓐᓂᐊᕇᕐᓯᒪᒋᐊᓕᒃ ᐊᑦᔨᐸᓱᖓᓂᓘᓐᓃᑦ, ᐱᓇᓱᐊᕐᑕᐅᓯᒪᔪᓂᒃ ᕿᑲᕐᑎᐊᓂᒃ ᐃᓕᓐᓂᐊᓯᒪᒍᓂ ᐃᑲᔪᕐᓯᔭᐅᓪᓗᑐᕋᔭᕐᑐᖅ;

- ᐃᓄᒃᑎᑑᕈᓐᓇᓯᐊᑐᐊᕈᓂ ᓇᓗᕐᖁᑎᒐᓛᒍᓐᓀᓗᓂ ᐃᑲᔪᕐᓯᔭᐅᓪᓗᑐᕋᔭᕐᑐᖅ;

- ᖃᓪᓗᓈᑎᑐᑦ ᐊᒻᒪᓗ/ᐅᕝᕙᓘᓐᓃᑦ ᐅᐃᒍᐃᑎᑐᑦ ᐅᖄᒍᓐᓇᕆᐊᓕᒃ ᐊᓪᓚᒍᓐᓇᓗᓂᓗ;

- ᐃᑲᔪᕐᓯᔭᐅᓪᓗᑐᕋᔭᕐᑐᖅ ᖃᐅᔨᒻᒫᖃᕈᓂ ᖃᕆᑕᐅᔭᑎᒍᑦ FileMaker Pro-ᓕᕆᒍᓐᓇᕈᓂ;

- ᑲᖐᒋᔭᖃᑦᓯᐊᑐᐊᕈᓂ ᐃᓄᐃᑦ ᐱᐅᓯᕆᓯᒪᔭᖏᓐᓂᒃ ᐃᓗᕐᕈᓯᖓᓐᓂᓗ ᐃᑲᔪᕐᓯᔭᐅᓪᓗᑐᕋᔭᕐᑐᖅ;

- ᐅᐸᓗᓲᖑᒍᓐᓀᓗᓂ, ᐱᔭᑦᓴᒥᓂᒃ ᓵᓐᖓᓯᑦᓯᐊᐸᓪᓗᓂ ᓇᓗᕐᖁᓀᑦᑑᓗᓂᓗ.

ᖃᐅᔨᒪᔭᐅᒃᑲᓂᕆᐊᓖᑦ:

- ᐱᓇᓱᐊᕐᓂᕆᖃᑦᑕᕋᔭᕐᑕᖏᑦ: 9:00-ᒥᑦ ᐅᓪᓛᑯᑦ 5:00-ᒧᑦ ᐅᓐᓄᓴᒧᑦ, ᐱᓇᓱᐊᕈᓯᕐᒥ ᐱᖓᓱᕕᑦᑕᓗᓂ (ᐱᓇᓱᐊᕈᓯᑕᒫᑦ 21-ᓂᒃ ᐃᑲᐅᕐᓂᓕᐅᕐᐸᓗᓂ) ᒫᑦᓯ 31, 2016 ᑎᑭᕋᑕᕐᓗᒍ;

- ᑮᓇᐅᑦᔭᓵᖏᑦ: ᐃᑲᐅᕐᓂᑕᒫᑦ $20.00 ᒪᓕᓪᓗᒋᒃ ᐱᓇᓱᐊᓕᓂᖏᑦ ᐃᓕᓐᓂᐊᓯᒪᔭᖏᓪᓗ;

- ᓇᓃᓪᓗᓂ: ᐊᕙᑕᐅᑉ ᐊᓪᓚᕕᖓᓐᓂ ᐅᐃᐊᔅᑦᒪᐅᓐᑦ-ᒥ (ᒧᓐᑐᔨᐊᒥ);

- ᐱᓇᓱᒐᕐᑖᕋᓱᐊᕈᑏᑦ ᐅᓪᓗᖓᑕ ᑐᓂᔭᐅᕕᒋᒋᐊᓕᖏᑦ: ᑎᓯᐱᕆ 4, 2015

ᐱᓇᓱᒐᕐᑖᕋᓱᐊᕐᑐᕕᓃᑦ ᓇᓪᓕᑳᕐᑕᕕᓂᐅᒍᑎᒃ ᑭᓯᐊᓂ ᖃᐅᔨᑎᑕᐅᓛᕐᓂᐊᑐᑦ ᐊᐱᕐᓱᑕᐅᒍᒪᓕᕈᑎᒃ. ᐊᕙᑕᖅ ᐱᓇᓱᒐᕐᑖᕋᓱᐊᕐᑐᑦ ᑭᓇᒃᑯᑐᐃᓐᓇᐅᒐᓗᐊᕐᐸᑕ ᐱᓇᓱᑦᑎᑖᓲᒍᕗᖅ.

ᐱᓇᓱᒐᕐᑖᕈᒪᐅᑎᑎᑦ ᐅᕗᖓ ᐊᐅᓪᓚᑎᓪᓗᒋᑦ:

Michel, Patry (ᒥᓯᐊᓪ ᐹᑦᕇ), ᐊᓪᓚᕕᒻᒥᒃ ᐊᐅᓚᑦᓯᔨ

4150, Ste-Catherine St. W. suite 360

Westmount, Québec, H3Z 2Y5

ᓱᑲᑦᑐᑰᕈᑎᖓ: 514-989-8789

ᖃᕆᑕᐅᔭᑎᒍᑦ ᐊᓪᓚᕕᒋᒍᒪᒍᕕᐅᒃ: michel.patry@avataq.qc.ca