• ᑐᓴᕋᑦᓭᑦ

< ᐅᑎᕈᑎᒃ ᐊᓪᓚᖁᑎᓄᑦ

ᐊᕙᑕᖅ ᐱᐅᓯᑐᖃᓕᕆᕕᐅᑉ ᑲᑎᒪᔨᑦᑖᖃᒻᒥᖏᑦ

ᐅᐃᐊᔅᑦᒪᐅᓐᑦ, ᐊᒥᕃᔭᐅᑦ 26, 2017 – ᑰᑦᔪᐊᕌᐱᒥ ᐃᓄᒻᒪᕇᑦ ᓄᓇᕕᒻᒥᐅᑦ ᑲᑎᒪᓂᒻᒪᕆᖃᕐᑎᓗᒋᑦ ᐊᒥᕃᔭᐅᑦ 21-ᒥ ᓂᕈᐊᕐᓂᖃᓚᐅᔪᕗᖅ ᐊᕙᑕᐅᑉ ᑲᑎᒪᔨᒋᓂᐊᓕᕐᒥᔭᖏᓐᓂᒃ. ᐊᕐᕌᒎᒃ ᒪᕐᕈᑕᒫᑦ, ᑭᒡᒐᑐᕐᑏᑦ ᑲᑎᒪᓂᒻᒪᕆᒻᒥ ᐅᑯᐊᖑᑦᓱᑎᒃ ᓄᓇᓕᓐᓂ ᐊᑐᓂᑦ ᑭᒡᒐᑐᕐᑏᑦ ᐊᒻᒪᓗ ᓄᓇᓕᓐᓂ ᐱᐅᓯᑐᖃᓕᕆᔩᑦ, ᓂᕈᐊᓲᑦ ᐊᕙᑕᕐᒥ ᑲᑎᒪᔨᐅᓚᖓᓕᕐᒥᔪᓂᒃ.

ᒪᕐᕉᒃ ᐃᓚᐅᒋᐊᓐᖓᓯᔫᒃ, ᑳᓓ ᐹᓕᓴ ᐊᒻᒪᓗ ᓵᔪᐃᓕ ᐅᐃᑖᓗᑦᑐᖅ, ᑲᑎᒪᔨᐅᖃᑕᐅᓚᖓᓕᕐᒥᔫᒃ ᒪᕐᕉᓂ ᐊᕐᕌᒎᓚᖓᔫᓐᓂ. ᔨᓂ ᓄᓐᖓᖅ, 2014-ᒥᓂᑦ ᐊᕙᑕᕐᒧᑦ ᐊᖓᔪᕐᖄᖑᓚᐅᔪᔪᖅ, ᐃᓂᒥᓐᓂᑦ ᐲᕐᑎᓚᐅᔪᑦᓱᓂ ᑲᑎᒪᔨᓐᖑᖃᑕᐅᒐᓱᓯᓚᐅᔪᒐᒥ ᓂᕈᐊᕐᑕᐅᖃᑕᐅᓚᐅᔪᕗᖅ. ᔫᓯᐱ ᐹᓪᓚᔮᑦ ᐊᕙᑕᕐᒧᑦ ᑮᓇᐅᔭᓕᕆᔨᐅᓚᐅᔪᑦᓱᓂ ᐊᖓᔪᕐᖄᖑᓚᐅᔪᕗᖅ ᐊᖓᔪᕐᖄᖑᒐᓱᑦᑐᑑᒐᒥ.

ᓂᕈᐊᕐᑕᕕᓃᑦ:

ᐊᖓᔪᕐᖄᖅ:

ᔫᓯᐱ ᐹᓪᓚᔮᑦ, ᓴᓪᓗᒥᐅᖅ

ᑲᑎᒪᔩᑦ:

ᑳᓓ ᐹᓕᓴ, ᐃᓄᑦᔪᐊᒥᐅᖅ

ᔨᓂ ᓄᓐᖓᖅ, ᑲᖏᕐᓱᒥᐅᖅ

ᓵᔪᐃᓕ ᐅᐃᑖᓗᑦᑐᖅ, ᐃᓄᑦᔪᐊᒥᐅᖅ

ᓵᓚᒨᓂ ᐊᓓᑯ, ᐊᑯᓕᕕᒥᐅᖅ

ᐊᕙᑕᕐᒥ ᐊᐅᓚᑦᓯᓂᓕᕆᕕᒻᒥᐅᑦ ᓇᑯᕐᒦᒍᒪᕗᑦ ᐄᕙ ᑯᐊᓐᓇᓈᒥᒃ ᒪᕐᕉᓂ ᐊᕐᕌᒎᖃᑦᑕᓚᐅᕐᑑᓂ ᐊᔪᐃᓐᓇᐅᔨᖃᑦᑕᓚᐅᔪᒻᒪᑦ ᐊᕙᑕᐅᑉ ᑎᓕᔭᐅᒪᐅᑎᖏᓐᓂᒃ ᑲᔪᓯᑎᑦᓯᖃᑕᐅᒐᓱᑦᓱᓂ, ᓱᒐᓗᑦᑐᓗ ᒥᓂ ᐃᑎᓪᓗᐃᒥᒃ ᐊᕐᕌᒍᕐᓂ ᖁᓕᑲᓴᓐᓂ ᑲᑎᒪᔨᐅᓚᐅᕐᒪᑦ.

ᐅᖄᓚᕕᑦᓴᖅ :

ᕉᑕ ᑯᑭᐊᐱᒃ, ᑲᒪᔨᒻᒪᕆ

ᖃᕆᑕᐅᔭᑎᒍᑦ ᐊᓪᓚᕕᒋᒍᒪᒍᕕᐅᒃ : akuuku@avataq.qc.ca