< ᐅᑎᕈᑎᒃ ᐊᓪᓚᖁᑎᓄᑦ


January 30th, 2020

ᐱᓇᓱᐊᕋᑦᓴᖅ ᓂᕕᖕᖓᑕᐅᔪᖅ: ᑐᓴᐅᒪᐅᑎᓕᕆᓂᕐᒥᒃ ᑲᔪᓯᑎᑦᓯᔨ ᑖᑦᓱᒧᖓ ᐱᓇᓱᒐᕐᒧᑦ - ᑭᒡᒐᑐᕐᓂᒧᑦ ᐊᖏᖃᑎᖃᕈᑎᑎᒍᑦ

ᑭᓇᒨᒻᒪ¯ᑦ Michel Patry

ᐱᓇᓱᐊᕋᑦᓴᖅ ᓂᕕᖕᖓᑕᐅᔪᖅ

ᐱᓇᓱᒐᖅ: ᑕᑯᓐᓇᕋᑦᓴᓂᒃ ᓇᓗᓀᕐᑐᐃᒍᑎᓕᐅᕐᓂᖅ ᐃᓄᐃᑦ ᓄᓇᕕᒻᒥᐅᑦ ᐃᓄᑐᖃᖏᑦᑕ ᐃᓅᓯᕐᒥᓂ ᐊᑑᑎᓯᒪᔭᖏᓐᓂᒃ

ᐱᓇᓱᒐᖅ: ᑐᓴᐅᒪᐅᑎᓕᕆᓂᕐᒥᒃ ᑲᔪᓯᑎᑦᓯᔨ ᑖᑦᓱᒧᖓ ᐱᓇᓱᒐᕐᒧᑦ - ᑭᒡᒐᑐᕐᓂᒧᑦ ᐊᖏᖃᑎᖃᕈᑎᑎᒍᑦ

ᐱᓇᓱᒐᕐᒧᑦ ᓄᐃᓯᒪᔭᖓᓄᑦ ᐊᕙᑕᖅ ᐱᐅᓯᑐᖃᓕᕆᕕᐅᑉ, ᖄᖏᕐᓂᑯᓕᐅᕐᑎᐅᖏᑦᑑᑉ, ᐃᓄᐃᑦ ᑎᒥᖁᑎᖓᑕ, ᐊᓪᓚᕕᒻᒪᕆᖃᕐᓱᓂ ᐃᓄᑦᔪᐊᒥ (ᓄᓇᕕᒃ) ᐊᒻᒪᓗ ᐊᐅᓚᑦᓯᕕᒻᒥᒃ ᐊᓪᓚᕕᖃᕐᓱᓂ ᕗᐃᔅᒪᐅᓐᒥ ᕿᓂᕐᐳᒍᑦ ᑐᓴᐅᒪᐅᑎᓕᕆᓂᕐᓂᒃ ᑲᔪᓯᑎᑦᓯᔨᑦᓴᒥᒃ. ᐱᓇᓱᒐᖅ ᐃᓚᖃᓚᖓᔪᖅ ᓄᐃᑕᐅᓯᒪᔪᒥᒃ ᐊᕐᕌᒍᕐᑐᓚᖓᓗᓂ ᐊᐱᕐᓲᔭᕐᓂᓄᑦ ᐱᓇᓱᒐᕐᒥᒃ ᑐᕌᒐᐅᑎᓪᓗᒍ ᐳᑯᓐᓂᖅ ᐃᓅᓯᕐᒥᓂ ᐊᑑᑎᓯᒪᔭᖏᓐᓂᒃ ᐊᒻᒪᓗ ᖃᐅᔨᒪᔭᖏᓐᓂᒃ ᐃᓄᑐᙯᑦ ᐅᑭᐅᓖᑦ 70 ᐅᖓᑖᓄᑦ 5-ᓂ ᓄᓇᕕᒻᒥ ᓄᓇᓕᓐᓂ ᐊᒻᒪᓗ ᑕᑭᓂᖃᑐᐃᓐᓇᕆᐊᖃᕐᓱᓂ ᐊᕐᕌᒍᓂ 3-ᓂ.

ᐱᓇᓱᒐᖅ ᐊᖓᔪᕐᖄᖃᓚᖓᔪᖅ ᖃᐅᔨᓴᕐᓃᑦ ᑲᒪᔨᒻᒪᕆᖓᓂᒃ, ᓯᑯᑦᓴᔭᑐᙯᓪᓗ ᐊᒻᒪᓗ ᓇᓗᓀᕐᑐᐃᒍᑏᑦ ᐊᒻᒪᓗ ᐱᓇᓱᐊᖃᑎᖃᕐᓗᓂ ᐱᓇᓱᐊᖃᑎᒌᓂᒃ ᑖᒃᑯᓄᖓ ᐃᓚᐅᑎᓪᓗᒋᑦ ᐊᕙᑕᒃᑯᑦ ᐳᕐᑐᓂᕐᓴᖏᑦᑕ ᑲᒪᔨᒻᒪᕆᖓᓂᒃ (ᐃᓄᑦᔪᐊᒥ), ᓄᓇᓕᓐᓂ ᐃᓗᒡᒐᓯᓕᕆᔩᑦ ᑲᔪᓯᑎᑦᓯᔨᖓᓂᒃ (ᐃᓄᑦᔪᐊᒥ), ᐊᒻᒪᓗ ᐊᓯᖏᓐᓂᒃ ᐊᕙᑕᒃᑯᑦ ᐱᓇᓱᑦᑎᖏᓐᓂᒃ ᐊᒻᒪᓗ ᐱᓇᓱᐊᖃᑎᒌᓂᒃ ᐱᓇᓱᑦᑎᑖᒍᓯᒪᑦᓱᑎᒃ ᐱᓇᓱᒐᕐᒥᒃ ᑲᒪᖃᑎᒌᓚᖓᑎᓪᓗᒋᑦ. ᐱᓇᓱᒐᑦᓴᒋᐊᓪᓓᑦ ᓂᕕᖕᖓᑕᐅᖃᑦᑕᓚᖓᔪᑦ ᐱᓇᓱᒐᐅᑉ ᐱᓇᓱᐊᖃᑎᒌᑦᑎᖏᓐᓄᑦ.

ᕿᓂᕐᐳᒍᑦ ᕿᑦᑌᖓᔪᒥᒃ ᐃᓄᒻᒥᒃ ᐅᑯᓂᖓ ᐱᓇᓱᐊᓚᖓᔪᒥᒃ:

ᐱᓇᓱᒐᖅ ᑐᓴᐅᒪᖃᑎᖃᕈᑕᐅᓪᓚᕆᒋᐊᖃᓚᖓᔪᖅ ᓄᓇᕕᒻᒥᐅᓂᒃ ᐊᒻᒪᓗ ᓄᓇᓕᓐᓂ ᑎᒥᓂᒃ ᐅᖄᒍᑎᒃᑯᑦ, ᖃᕆᑕᐅᔭᒃᑯᑦ, ᓇᓪᓕᐊᑎᒍᓪᓘᓃᑦ ᑐᓴᐅᒪᖃᑦᑕᐅᑎᒍᑎᑎᒍᑦ.

- ᓄᐃᓗᒋᑦ ᑐᓴᐅᒪᐅᑎᒋᐊᖃᕐᓂᓄᑦ ᐋᕐᖀᖃᑎᖃᕐᓯᒪᐅᑏᑦ, ᐃᓚᐅᑎᓪᓗᒋᑦ ᓄᓇᓕᓕᒫᓂ ᑐᓴᕐᑎᓯᒍᑎᐅᖃᑦᑕᓚᖓᔪᓂᒃ ᐱᕕᑦᓴᖃᕐᑎᓯᐅᑎᑦᓭᑦ;

- ᑲᔪᓯᑎᑦᓯᓂᖅ ᓇᓗᓀᕐᓯᐅᑎᓂᒃ ᐅᖃᐅᓯᐅᑉ ᐊᓯᐊᒎᓕᕐᑎᓯᓃᑦ (ᖃᓪᓗᓈᕐᑎᑐᑦ-ᐃᓄᑦᑎᑐᑦ-ᐅᐃᒍᐃᑎᑐᑦ);

- ᑭᖑᓂᖓᒍᑦ ᖃᐅᔨᒐᓱᐊᕐᓃᑦ ᐱᓇᓱᒉᑦ ᓂᕕᖓᑎᑕᐅᓂᖏᓐᓂᒃ ᐱᒍᑦᔨᓗᒋᑦ ᐱᓇᓱᐊᖃᑎᒌᑦ ᐱᒋᐊᕐᕕᒋᓗᒍ ᐱᓇᓱᒐᐅᑉ ᐱᒋᐊᕐᕕᖓ;

- ᑭᖑᓂᖓᒍᑦ ᖃᐅᔨᒐᓱᐊᖃᑦᑕᓗᒋᑦ ᐃᓄᑐᙯᑦ ᐊᐱᕐᓲᔭᕐᑕᐅᔪᑦᓭᑦ;

- ᐆᑦᑐᕋᐅᑎᓕᐊᕆᓗᒋᑦ ᐊᐱᕐᓲᔭᕐᓃᑦ ᐱᑦᔪᑎᖏᑦ ᐊᒻᒪᓗ ᓱᓀᑦ ᐊᐱᕐᓲᑎᑦᓴᐅᒐᔭᕐᒪᖔᑕ;

- ᑭᖑᓂᖓᒍᑦ ᑕᑯᒐᓱᐊᖃᑦᑕᓗᒋᑦ ᐊᐱᕐᓲᔭᕐᑕᐅᓚᖓᔪᑦ ᐊᖏᕈᑎᖏᑦ;

- ᖃᐅᔨᓴᕐᓃᑦ ᐱᐅᒃᑯᑎᓂᒃ ᐊᒻᒪᓗ ᐊᑐᕋᑦᓴᓂᒃ ᐊᐱᕐᓲᔭᕐᑐᑦ ᐊᒻᒪᓗ ᓂᐱᓕᐊᕆᓯᒪᔪᑦ ᐱᔭᐅᓚᕿᔪᑦ ᐃᑉᐱᒋᔭᐅᑦᓯᐊᕆᐊᖃᕐᓂᖏᑦ ᓇᒧᖕᖓᒪᖔᑕ;

- ᐱᓇᓱᐊᖃᑎᒌᑦ ᑲᒪᒋᒋᐊᓕᒥᓂᒃ ᑲᒪᒌᕐᓯᒪᓕᕐᐸᑕ ᑐᑭᓯᐅᑎᑦᓴᑖᕆᔦᑦ ᖃᐅᔨᒐᓱᐊᖃᑦᑕᓗᒋᑦ;

- ᐊᕐᕕᑕᕐᑐᓄᑦ ᑐᑦᑕᕕᒋᔭᐅᕙᓪᓗᓂ;

- ᐱᓇᓱᐊᕐᑕᐅᓯᒪᔪᓂᒃ ᑐᓴᕐᑎᓯᐅᑎᓕᐅᖃᑦᑕᓗᓂ.;

- ᐊᓯᖏᑦ ᐱᓇᓱᐊᕋᑦᓭᑦ ᐃᓚᒋᔭᐅᓛᕐᒥᔪᑦ.

ᐱᓇᓱᐊᓚᖓᔫᑉ ᐱᔪᓐᓇᕆᐊᓕᖏᑦ:

- ᒪᕐᕉᓂᒃ ᐅᖃᐅᓯᖃᕈᓐᓇᓗᓂ (ᐃᓄᑦᑎᑐᑦ-ᖃᓪᓗᓈᕐᑎᑐᑦ, ᐃᓄᑦᑎᑐᑦ-ᐅᐃᒍᐃᑎᑐᑦ, ᐅᕝᕙᓘᓐᓃᑦ ᖃᓪᓗᓈᕐᑎᑐᑦ-ᐅᐃᒍᐃᑎᑐᑦ);

- ᓄᓇᕕᒻᒥ ᐱᓇᓱᐊᕐᓯᒪᒍᓂ ᐱᓪᓗᖁᑎᖃᓚᖓᔪᖅ;

- ᐱᓇᓱᐊᕆᐅᕐᓴᕕᒻᒥ ᐅᕝᕙᓘᓐᓃᑦ ᐃᓕᓴᕐᕕᔪᐊᒥ ᐃᓕᓴᕐᓯᒪᔪᖅ; ᑐᓴᐅᒪᐅᑎᒍᑎᓕᕆᓂᕐᓄᑦ ᐱᔭᕇᕈᑎᑖᕐᓯᒪᒍᓂ ᐃᓕᓴᕐᓯᒪᓂᕐᒥᓄᑦ ᐱᓪᓗᖁᑎᖃᑦᓯᐊᓚᖓᔪᖅ;

- ᖃᕆᑕᐅᔭᒥᒃ ᐱᓇᓱᐊᕈᑎᖃᕈᓐᓇᓗᓂ: Word, Excel, ᑐᓴᕈᑎᑦᓴᔭᓂᓪᓗ;

- ᐊᓪᓚᒍᓐᓇᓯᐊᕐᓗᓂ ᑐᓴᐅᒪᐅᑎᓕᕆᒋᐊᖃᒧᑦ ᐊᒻᒪᓗ ᑐᓴᕐᑎᓯᐅᑎᓕᐅᖃᑦᑕᕆᐊᖃᕐᓱᓂ;

- ᖃᕆᑕᐅᔭᒃᑯᑦ ᑕᕐᓴᖑᐊᓕᐅᕈᓐᓇᕈᓂ ᐱᓪᓗᖁᑎᖃᓚᖓᔪᖅ;

- ᖃᐅᔨᒍᒪᓂᖃᕐᓗᓂ ᓄᐃᑎᕆᕙᓪᓕᐊᕆᐊᒥᒃ ᑐᑭᓯᐅᑎᑦᓴᑕᕐᕕᓂᒃ ᐃᓄᐃᑦ ᐃᓗᒡᒍᓯᖓᓄᑦ ᐊᒻᒪᓗ ᐱᕙᓪᓕᐊᓯᒪᓂᖏᓐᓄᑦ;

- ᐱᓇᓱᐊᕈᑎᖃᕈᓐᓇᓯᐊᕐᓗᓂ ᐊᒻᒪᓗ ᐅᐸᓗᕐᑕᑑᒍᓐᓀᓗᓂ, ᐱᓇᓱᐊᖃᑎᖃᑦᓯᐊᕈᓐᓇᓗᓂᓗ;

- ᐊᐅᓚᒋᐊᖃᓕᕈᓂ ᐊᑐᐃᓐᓇᐅᓯᐊᕈᓐᓇᓗᓂ.

- ᑐᑭᓯᐅᑎᑦᓴᒋᐊᓪᓓᑦ:

- ᑮᓇᐅᑦᔭᓵᖏᑦ: ᓱᖏᐅᓐᓂᖃᕈᑎᖏᑦ ᐃᑉᐱᒋᓗᒋᑦ (ᐅᓪᓗᐃᑦ ᐃᓓᓐᓇᖏᑎᒍᑦ ᐱᕕᑦᓴᖃᕐᓗᓂ);

- ᐱᓇᓱᒐᑕ ᓇᔪᕐᑕᖓ: ᕗᐃᔅᒪᐅᓐᑦ;

- ᐱᓇᓱᒐᕐᑖᕋᓱᐊᕐᓂᐅᑉ ᐃᓱᓕᕕᑦᓴᖓ: ᕕᕗᐊᔨ 7, 2020;

- ᐱᓇᓱᐊᕆᐊᓯᒐᔭᕐᑐᖅ: ᕕᕗᐊᔨ 2020-ᒥ.

ᐃᓕᒐᓱᐊᕈᑎᑎᑦ ᑐᔫᑎᒋᓗᒋᑦ ᐅᕗᖓ:

Michel Patry, Office Manager

4150, Ste-Catherine St. W. suite 360

Westmount, Québec, H3Z 2Y5

ᓱᑲᑦᑐᑯᑦ: 514 989-8789

ᖃᕆᑕᐅᔭᒃᑯᑦ: michel.patry@avataq.qc.ca