ᐱᓇᓱᒐᑦᓭᑦ ᐊᑐᐃᓐᓇᐅᔪᑦ

ᐊᕙᑕᖅ ᒫᓐᓇᐅᔪᖅ ᕿᓂᕐᐳᖅ ᐃᒣᓘᕐᑎᐅᒐᔭᕐᑐᒥᒃ: ᑮᓇᐅᔭᓕᕆᔨᐅᑉ ᐃᑲᔪᕐᑎᖓ

ᐊᖓᔪᕐᖄᖃᕐᓗᓂ ᐊᓪᓚᕕᒻᒥᒃ ᐊᐅᓚᑦᓯᔨᒥᒃ, ᑮᓇᐅᔭᓕᕆᔨᐅᑉ ᐃᑲᔪᕐᑎᖓ ᐅᑯᓂᖓ ᐱᔭᑦᓴᖃᖃᑦᑕᕋᔭᕐᑐᖅ:

- ᑲᑎᑎᕆᕙᓪᓗᓂ, ᐊᑐᐃᓐᓇᕈᕐᑎᕆᕙᓪᓗᓂ ᐊᓪᓚᖁᑎᓕᐅᕐᐸᓗᓂᓗ ᑮᓇᐅᔭᓕᕆᐅᑎᕕᓂᕐᓂᒃ, ᐅᑦᑑᑎᒋᓗᒋᑦ ᐊᑭᓕᕋᑦᓴᓂᒃ, ᐊᑭᓕᕐᑕᐅᒍᒪᐅᑎᓂᒃ, ᐊᓪᓚᕕᐅᑉ ᐱᐅᑎᖏᓐᓄᐊᖓᑦᓱᑎᒃ ᑐᓴᕐᑎᓯᐅᑎᓂᒃ, ᖃᐅᑕᒫᑦ ᑮᓇᐅᔭᓕᕆᐅᑎᕕᓂᕐᓂᒃ ᐊᓯᖏᓐᓂᓗ ᐊᕐᕌᒎᑉ ᐃᓱᐊᓂ ᑮᓇᐅᔭᓕᕆᐅᑎᕕᓃᑦ ᑐᓴᕐᑎᓯᐅᑎᖏᓐᓂᒃ ᐊᑐᕐᓗᓂ ᖃᕆᑕᐅᔭᒥᒃ ᐊᒡᒐᒨᕐᓗᓂᓘᓐᓃᑦ;

- ᑮᓇᐅᔭᓕᕆᐅᑎᕕᓃᑦ ᐃᓂᖏᓅᕐᖃᓯᐊᕐᐸᓗᒋᑦ, ᑲᑎᓐᓂᓕᐅᕐᐸᓗᓂ, ᑮᓇᐅᔭᓕᕆᐅᑎᒨᕐᙯᕙᓪᓗᓂ ᖃᕆᑕᐅᔭᒧᓪᓘᓃᑦ, ᓱᕐᖁᐃᓯᒋᐊᕐᐸᓗᓂ ᑲᓱᕐᑎᑕᕕᓂᕐᒥᓂᒃ ᑲᔪᓯᑎᑦᓯᕙᓪᓗᓂ ᐅᑦᑑᑎᒋᓗᒋᑦ ᐊᑭᓕᕐᑕᐅᒋᐊᓖᑦ ᐊᑭᓕᑦᓭᓗ, ᐱᓇᓱᑦᑏᑦ ᑮᓇᐅᑦᔭᓵᖏᑦ, ᐱᐅᑎᓂᒃ ᓂᐅᕕᕈᑎᕕᓃᑦ, ᑮᓇᐅᔭᑦᓴᔦᑦ, ᐊᑭᓕᕐᑕᐅᒍᒪᐅᑏᑦ, ᑮᓇᐅᔭᑦᓴᓂᒃ ᑐᑦᓯᕋᕐᓃᑦ ᑮᓇᐅᔭᒃᑯᕕᒻᒥᓗ ᑮᓇᐅᔭᕐᑐᑎᕕᓃᑦ;

- ᓄᐊᑦᓯᕙᓪᓗᓂ ᑮᓇᐅᔭᑎᒍᑦ ᑐᕌᒐᓕᐊᕕᓂᕐᓂᒃ ᐊᓪᓚᖁᑎᓂᓗ ᑐᓐᖓᕕᖃᕐᑐᓂᒃ ᑮᓇᐅᔦᑦ ᐃᑎᕐᓂᐊᑐᕆᔭᐅᓂᖏᓐᓂᑦ ᑮᓇᐅᔭᕐᑑᑎᐅᓂᐊᕐᑐᕆᔭᐅᔪᓂᓗ, ᐊᕐᕌᒎᓯᒪᔪᓂᓪᓗ ᑐᕌᒐᓕᐊᖑᕙᑦᑐᕕᓂᕐᓂᒃ;

- ᐊᑐᐃᓐᓇᕈᕐᑎᕆᕙᓪᓗᓂ ᑮᓇᐅᔭᕐᑑᑎᕕᓃᑦ ᐊᓪᓚᖁᑎᖏᓐᓂᒃ, ᑐᓴᕐᑎᓯᐅᑎᓂᒃ ᐊᕐᕌᒍᑕᒫᓪᓘᓃᑦ ᑮᓇᐅᔭᕐᑑᑎᕕᓂᕐᓂᒃ;

- ᑲᑎᑎᕆᕙᓪᓗᓂ ᐱᓇᓲᑏᑦ ᐊᑭᕕᓂᖏᓐᓂᒃ ᐊᓯᖏᓐᓂᓗ ᑮᓇᐅᔭᕐᑑᑎᕕᓂᕐᓂᒃ ᑐᓐᖓᕕᖃᕐᓱᑎᒃ ᒥᑦᓴᐅᓵᕐᑕᕕᓂᕐᓂᒃ, ᐱᓇᓱᒍᑦᔭᐅᓂᕐᒧᑦ ᐊᑭᓕᕆᐊᓕᓂᒃ ᓱᓇᓕᒫᓪᓗ ᐊᑭᖏᑦᑕ ᐊᓪᓚᖁᑎᖏᓐᓂᒃ;

- ᓂᐅᕕᕈᒪᓕᕐᑐᓂᒃ ᑲᒪᒋᔭᖃᕐᐸᓗᓂ, ᐃᓅᖃᑎᖃᑦᓯᐊᒍᓐᓇᓗᓂ ᓂᐅᕕᕐᑎᓂᒃ ᐱᓀᓗᑕᐅᓕᕐᑐᓂᓗ ᐋᕐᖀᕙᓪᓗᓂ;

- ᐊᓯᖏᓐᓂᓗ ᐱᓇᓱᐊᕐᐸᓗᓂ ᐱᓇᓲᑎᑎᒍᑦ, ᐅᑦᑑᑎᒋᓗᒋᑦ ᖃᕆᑕᐅᔭᑎᒍᑦ ᐊᓪᓚᓯᒪᔪᓕᕆᐅᑎᒃ, ᐊᓪᓚᖁᑏᑦ ᐃᓂᓪᓚᖓᑎᑦᓯᐊᓗᒋᑦ ᑮᓇᐅᔭᕐᑑᑎᕕᓃᓪᓗ ᐊᓪᓚᓯᐊᕐᐸᓗᒋᑦ, ᓱᑲᑦᑐᑎᒍᑦ ᐊᐅᓪᓚᑎᑦᓯᐅᖃᕐᐸᓗᓂ ᐊᒥᓱᓕᐅᕆᕙᓪᓗᓂᓗ.

ᐱᔪᓐᓇᕆᐊᓕᖏᑦ:

- ᐱᓇᓱᒐᒋᒍᒪᔭᕐᒥᓂᒃ ᐱᒋᐅᕐᓴᓯᒪᓂᕐᒧᑦ ᓯᓚᑦᑐᓴᕐᕕᒥᓪᓅᓃᑦ ᐱᔭᕇᕐᓂᐅᑎᑖᕐᓯᒪᓗᓂ ᑮᓇᐅᔭᓕᕆᓂᕐᒧᑦ;

- ᖃᕆᑕᐅᔭᕆᐊᒥᒃ ᖃᐅᔨᒪᓗᓂ, ᐊᓪᓚᓯᒪᔪᓕᕆᐅᑎᓕᕆᒍᓐᓇᓗᓂ ᖃᕆᑕᐅᔭᑎᒍᓪᓗ ᑮᓇᐅᔭᓕᕆᐅᑎᓂᒃ ᐱᓇᓱᐊᕈᓐᓇᓗᓂ ᐊᒻᒪᓗ Microsoft Dynamics ᐱᓇᓲᑎᖏᓐᓂᒃ;

- ᒪᕐᕉᓂᒃ ᐅᖃᐅᓰᓐᓂᒃ ᐱᔪᓐᓇᓯᐊᕆᐊᓕᒃ ᐊᓪᓚᓂᒃᑯᑦ ᐅᖄᓂᒃᑯᑦ. ᐃᓄᒃᑎᑑᒍᓐᓇᕈᓂ ᐃᑲᔪᕐᓯᔭᐅᓪᓗᑐᒐᔭᕐᑐᖅ;

- ᖃᐅᔨᒪᔭᐅᓪᓗᑯᐊᐱᒋᐊᓕᓂᒃ ᑐᑭᓯᐊᑦᓯᐊᓗᓂ ᓇᓗᒍᓐᓀᓗᓂ ᐅᐸᓗᓲᖑᒍᓐᓀᓗᓂᓗ.

ᖃᐅᔨᒪᔭᐅᒃᑲᓂᒋᐊᓖᑦ:

- ᐱᓇᓱᐊᕐᓂᕆᖃᑦᑕᕋᔭᕐᑕᖏᑦ: ᐃᑭᓐᓂᐸᐅᑎᓗᒋᑦ ᐱᓇᓱᐊᕈᓯᕐᒥ 21-ᓂᒃ ᐃᑲᐅᕐᓂᓕᐅᕐᐸᓗᓂ, 35-ᓄᑦ ᐃᑲᐅᕐᓂᓄᑦ ᑎᑭᐅᑎᒍᓐᓇᒥᔪᖅ;

- ᐊᑌᓐᓇᑑᓗᓂ ᐱᕙᓪᓕᖁᑎᑖᕐᐸᓗᓂᓗ ᐱᖓᓱᓂ ᑕᕐᕿᓂ ᐆᑦᑐᕋᕐᑕᐅᒌᕈᓂ;

- ᑮᓇᐅᑦᔭᓵᖏᑦ: ᐃᑲᐅᕐᓂᑕᒫᑦ $21.00;

- ᓇᓃᓪᓗᓂ: ᐊᕙᑕᐅᑉ ᐊᓪᓚᕕᖓᓂ ᐅᐃᐊᔅᑦᒪᐅᓐᑦ-ᒥ (ᒧᓐᑐᔨᐊᒥ);

- ᐱᓇᓱᒐᕐᑖᒐᓱᐊᕈᑏᑦ ᑐᓂᔭᐅᕕᒋᒋᐊᓕᖏᑦᑕ ᐃᓱᓕᕝᕕᖓ: ᐊᒥᕃᔭᐅᑦ 28, 2018.

ᐱᓇᓱᒐᕐᑖᒐᓱᐊᕐᑐᕕᓃᑦ ᓇᓪᓕᑳᕐᑕᕕᓂᐅᒍᑎᒃ ᑭᓯᐊᓂ ᖃᐅᔨᑎᑕᐅᓛᕐᓂᐊᑐᑦ ᐊᐱᕐᓱᑕᐅᒍᒪᓕᕈᑎᒃ, ᐊᕙᑕᖅ ᐱᓇᓱᒐᕐᑖᕋᓱᐊᕐᑐᑦ ᑭᓇᒃᑯᑐᐃᓐᓇᐅᒐᓗᐊᕐᐸᑕ ᐱᓇᓱᑦᑎᑖᓲᖑᕗᖅ.

ᐱᓇᓱᒐᕐᑖᒍᒪᐅᑎᑎᑦ ᐅᕗᖓ ᐊᐅᓪᓚᑎᓪᓗᒋᑦ:

Nathalie Trépanier (ᓈᑕᓕ ᑦᕆᐸᓃ), ᑮᓇᐅᔭᓕᕆᔨ

4150, Ste-Catherine St. W. suite 360

Westmount, Québec, H3Z 2Y5

ᓱᑲᑦᑐᑰᕈᑎᖓ: 514-989-8789

ᖃᕆᑕᐅᔭᑎᒍᑦ ᐊᓪᓚᕕᒋᒍᒪᒍᕕᐅᒃ: ntrepanier@avataq.qc.ca

----------------------------------------------------------------------------------------

ᒫᓐᓇᐅᔪᖅ ᐊᕙᑕᖅ ᕿᓂᕐᐳᖅ ᐱᔪᓐᓇᑐᓪᓚᕆᐅᑦᓱᓂ ᐱᑦᓴᑐᔫᓗᓂᓗ ᐱᓇᓱᐊᒍᒪᒐᔭᕐᑐᒥᒃ ᐃᒣᓘᕐᑎᐅᓗᓂ:ᑐᓴᐅᒪᔭᐅᑎᑦᓯᔨ

ᐃᑲᔪᕐᑎᒌᖃᑎᖃᕐᓗᓂ ᖃᐅᔨᓴᕐᕕᐅᑉ, ᐱᓇᓱᐊᕐᑕᐅᓯᒪᔪᓕᕆᕕᐅᑉ ᐊᑐᐊᒐᑦᓴᑯᕕᐅᓪᓗ ᑐᑭᒧᐊᕐᑎᓯᔨᖓᓂᒃ, ᑐᓴᐅᒪᔭᐅᑎᑦᓯᔨ ᐅᑯᓂᖓ ᐱᔭᑦᓴᖃᒐᔭᕐᑐᖅ:

- ᑐᓐᖓᓱᑦᑎᓯᕙᓪᓗᓂ ᐳᓛᕆᐊᕐᑐᓂᒃ ᖃᐅᔨᒋᐊᕐᕕᖃᕐᓱᑎᒃ ᐊᑐᐊᒐᑦᓴᑯᕕᒻᒥᑦ (ᐃᓄᑐᐃᓐᓇᓂᒃ ᐃᓄᑐᐃᓐᓇᐅᖏᑦᑐᓂᓗ);

- ᑎᑭᑕᐅᕙᓪᓗᓂ ᑲᒪᒋᔭᖃᕐᐸᓗᓂᓗ ᐊᑦᔨᖑᐊᑐᖃᕐᓂᒃ ᑐᒃᓯᕌᒋᔭᐅᔪᓂᒃ ᐊᑦᔨᓕᐅᕆᕙᓪᓗᓂ ᑐᔫᑎᒋᓗᒋᓪᓗ;

- ᐅᖄᓚᐅᑎᒃᑯᑦ ᖃᕆᑕᐅᔭᑎᒍᓪᓗ ᐊᓪᓚᕕᐅᓗᓂ ᑎᑭᑕᐅᕙᓪᓗᓂ ᖃᐅᔨᑎᑕᐅᒍᒪᑦᓱᑎᒃ ᑐᒃᓯᕋᐅᑎᓄᑦ;

- ᑐᒃᓯᕋᐅᑎᓂᒃ ᖃᐅᔨᓴᕐᐸᓗᓂ ᐃᑉᐱᒍᓱᓪᓗᓂ ᓯᕗᓪᓕᐅᔭᐅᒋᐊᓕᓂᒃ ᑐᑭᐊᒎᒐᓗᐊᕐᒪᖔᑕᓗ;

- ᑲᒪᕙᓪᓗᓂ ᐅᓪᓗᖁᑎᐅᔪᓂᒃ ᖃᐅᔨᒋᐊᕐᕕᖃᕐᓗᑎᒃ ᑕᑯᓂᐊᒍᒪᔪᓄᑦ;

- ᑭᐅᕙᓪᓗᓂ ᖃᐅᔨᒍᒪᔪᓂᒃ ᐁᑦᑐᐸᓪᓗᒋᑦ ᖃᐅᔨᒋᐊᕐᕕᓴᕐᓂᒃ: ᐊᑐᐊᒐᒃᑯᕕᒻᒥ ᐊᓪᓚᖁᑏᑦ, ᐊᑦᔨᖑᐊᑦ ᐱᓯᒪᔪᑦ ᐊᑦᔨᖑᐊᑐᖃᕐᓂᑦ ᓄᐊᑕᐅᒪᔪᓂᑦ, ᐅᓂᒃᑳᓱᑎᒃ ᓂᐱᓕᐅᕐᑕᐅᕙᑦᑐᕕᓂᕐᓂᑦ ᐊᓪᓚᖁᑎᓂᒃ ᐊᓯᖏᓐᓂᓗ ᕿᑲᕐᑎᐊᑯᕕᒻᒦᑐᓂᑦ ᐱᑦᓴᑖᕐᕕᓂᓗ;

- ᐊᓪᓚᖁᑎᓕᐅᕐᐸᓗᓂ ᐱᑦᓴᑖᕐᕕᐅᒍᓐᓇᑐᓂᒃ ᖃᐅᔨᒍᒪᓪᓗᑯᐊᐱᑦᑐᓂᒃ ᐱᕙᓪᓕᐊᑎᑦᓯᓗᓂᓗ ᐊᓯᖏᓐᓂᒃ ᖃᐅᔨᒋᐊᕈᓯᕐᓂᒃ;

- ᐊᑦᔨᖑᐊᒦᑦᑐᓂᒃ ᓇᓗᓀᕐᓯᕙᓪᓗᓂ;

- ᐱᓇᓱᐊᕐᐸᓗᓂ ᐅᖄᒐᔭᕐᑕᒥᓂᒃ ᐃᓄᐃᑦ ᐃᓗᕐᖁᓯᖓᓅᓕᖓᔪᓂᒃ.

ᐊᓯᖏᑦ ᑐᓴᐅᒪᑎᑦᓯᒍᓯᐅᒋᐊᓖᑦ ᐊᕙᑕᕐᒨᓕᖓᔪᑦ:

- ᑕᑯᓂᐊᕋᒃᑫᕙᓪᓗᓂ ᐅᐃᐊᔅᑦᒪᐅᓐᑦᒦᑦᑐᓂᒃ ᐱᒍᑦᔨᕕᓕᒫᓂᒃ, ᐃᒻᒥᒎᕐᑎᓱᑎᓗ ᖃᕐᒪᒥᒃ ᐳᓛᕆᐊᕐᑐᓂᒃ, ᓱᒐᓗᑦᑐᖅ ᐃᓄᓐᓂᒃ ᐃᒻᒥᒎᕐᑎᑐᓂᒃ;

- ᐱᒍᑦᔨᕕᐅᒻᒥᔪᓂᒃ ᐃᑲᔪᕐᑎᖃᕐᓗᓂ ᐱᓇᓱᐊᖃᑎᖃᕐᐸᓗᓂ;

- ᑐᓴᕐᑕᐅᑎᑦᓯᕙᓪᓗᓂ ᐊᕙᑕᐅᑉ ᒥᑦᓵᓅᓕᖓᔪᓂᒃ ᐱᓂᐊᕐᓂᐅᓛᓕᕐᑐᓂᓗ;

- ᐊᓯᖏᓐᓂᒃ ᐱᔭᑦᓴᓂᒃ ᑐᒃᓯᕋᒍᓐᓇᒥᔪᖅ..

ᐱᔪᓐᓇᕆᐊᓕᖏᑦ:

- ᐳᕐᑐᓂᕐᓴᒥᒃ ᐃᓕᓐᓂᐊᕇᕐᓯᒪᒍᓂ ᐊᑐᐊᒐᒃᑯᕕᓕᕆᓂᕐᒥ ᐅᕝᕙᓘᓐᓃᑦ ᐊᑐᐊᒐᒃᑯᕕᓕᕆᕐᒧᑦ ᓱᑯᐃᔦᓂᕐᒥᒃ ᐃᑲᔪᕐᓯᔭᐅᓪᓗᑐᒐᔭᕐᑐᖅ;

- ᐱᖓᓱᓂ (3) ᐊᕐᕌᒍᕐᓂ ᐱᓇᓱᐊᓕᓂᐅᒋᐊᓕᒃ ᑌᒣᑦᑐᓭᓐᓇᒐᓛᒥᒃ ᐱᓇᓱᒐᕐᒥᒃ;

- ᐃᓄᑦᑎᑑᒍᓐᓇᓗᑐᒋᐊᓕᒃ ᐃᓄᑦᑎᑐᓪᓗ ᐊᓪᓚᒍᓐᓇᓗᓂ;

- ᖃᓪᓗᓇᐅᔭᒍᓐᓇᒋᐊᓕᒃ ᐊᒻᒪᓗ/ᐅᕝᕙᓘᓐᓃᑦ ᐅᐃᒍᐃᑎᑑᒍᓐᓇᓗᓂ;

- ᖃᕆᑕᐅᔭᓕᕆᓕᓂᐅᒋᐊᓕᒃ (Microsoft ᐊᒻᒪᓗ FileMakerPro ᐱᓇᓲᑎᖏᓐᓂᒃ;

- ᐊᓯᖏᑦ ᐱᔪᓐᓇᕆᐊᓕᖏᑦ: ᓈᒻᒪᓈᑦᓯᐊᐸᓪᓗᓂ ᐃᓂᓪᓚᖓᑦᓯᐊᓗᓂᓗ, ᐅᐸᓗᓲᖑᒍᓐᓀᓗᓂ, ᐊᓯᒥᓂᒃ ᐱᓇᓱᐊᖃᑎᖃᒍᓐᓇᓯᐊᕐᓗᓂ;

- ᐅᐱᒪᔫᓗᓂ ᐃᕐᐸᑎᑦᓯᖃᑦᑕᓗᓂᓗ ᐃᓅᓂᕐᒥᓂᒃ ᐊᕙᑕᕐᒥᓗ ᑭᒡᒐᑐᕐᐸᓗᓂ ᒪᓕᓪᓗᓂ ᒪᓕᒐᐅᒋᐊᓕᓂᒃ ᐁᑦᑑᓯᐊᕕᓂᕐᒥᓂᒃ;

- ᑭᓇᓕᒫᓂᒃ ᐊᑦᔨᒌᓐᖏᑐᓂᒃ ᐳᓛᕆᐊᕐᑐᓂᒃ ᓵᓐᖓᓯᒍᓐᓇᓗᓂ ᐱᔪᓐᓇᑐᓪᓚᕆᑎᑐᑦ ᑭᓇᓕᒫᓄᓗ ᑐᓵᔭᐅᓗᓂ ᐅᖄᒍᓐᓇᓗᓂ;

- ᐊᑐᐃᓐᓇᐅᓗᓂ ᐊᕐᕕᑕᕆᐊᖃᓕᕈᓂ.

ᖃᐅᔨᒪᔭᐅᒃᑲᓂᒋᐊᓖᑦ:

- ᑖᓐᓇ ᐱᓇᓱᒐᖅ ᐊᑌᓐᓇᑑᓚᖓᔪᖅ ᐱᕙᓪᓕᖁᑎᑖᓲᒍᑎᓪᓗᒍ (ᐆᑦᑐᕋᕐᑕᐅᒌᕈᓂ ᑭᓯᐊᓂ). ᐆᑦᑐᕋᕐᑕᐅᓕᕈᓂ ᐃᓕᓐᓂᐊᑎᑕᐅᒻᒪᕆᐊᓗᓛᕐᑐᖅ;

- ᐃᑲᐅᕐᓂᓕᐊᖏᑦ ᐊᑦᔨᒌᓐᖏᑑᑲᑦᑕᕈᓐᓇᑐᑦ, ᐃᑭᓐᓂᐸᐅᑎᓗᒋᑦ 21 ᐱᓇᓱᐊᕈᓯᓕᒫᒥ, ᑎᑭᓪᓗᓂ 35-ᓄᑦ ᐃᑲᐅᕐᓂᓄᑦ ᐱᓇᓱᐊᕈᓯᓕᒫᒥ;

- ᓇᓃᓐᓂᖓ: ᐅᐃᐊᔅᑦᒪᐅᓐᑦ-ᒦᑦᑐᒥ ᐊᓪᓚᕕᒻᒥ;

- ᑮᓇᐅᑦᔭᓵᖏᑦ ᒪᓕᓪᓗᑎᒃ ᐱᔪᓐᓇᓂᖓᓂᒃ/ᐱᓇᓱᐊᓕᓂᐅᓂᖓᓂᒃ;

- ᐱᓇᓱᒐᕐᑖᕋᑐᐊᕈᑎᒥᓂᒃ ᐊᕙᑕᕐᒨᓯᒍᓐᓇᑐᖅ ᐊᕐᓇᓕᓐᖑᑎᕕᒃ 8, 2018ᔾᖑᕋᑕᕐᓗᒍ.

ᐱᓇᓱᒐᕐᑖᕋᓱᐊᕐᑐᕕᓃᑦ ᓇᓪᓕᑳᕐᑕᕕᓂᐅᒍᑎᒃ ᐊᐱᕐᓱᒐᑦᓴᐅᒋᐊᖏᑦ ᖃᐅᔨᑎᑕᐅᔪᑑᓛᕐᑐᑦ. ᐊᕙᑕᖅ ᐱᓇᓱᑦᑎᑖᕋᓱᐊᓕᕋᒥ ᐊᑦᔨᒌᓕᑦᓯᑐᐃᓐᓇᖁᖅ.

ᐱᓇᓱᒐᕐᑖᕋᓱᐊᕈᑎᑎᑦ ᐅᕗᓐᖓᓗᒋᑦ:

Sylvie Côté Chew, Research, Archives and Documentation

4150, Ste-Catherine St. W. suite 360

Westmount, Québec, H3Z 2Y5

Fax: 514 989-8789

E-mail:tumivut@avataq.qc.ca

----------------------------------------------------------------------------------------

ᐊᕙᑕᖅ ᒫᓐᓇᐅᔪᖅ ᕿᓂᕐᐳᖅ ᐱᔪᓐᓇᑐᓪᓚᕆᐅᑦᓱᓂ ᑲᑦᓱᙰᑦᑑᓱᓂᓗ ᐱᓇᓱᐊᕈᒪᒐᔭᕐᑐᒥᒃ ᐃᒣᓘᕐᑎᐅᓗᓂ: ᐊᐅᒫᒡᒌᕕᒻᒥ ᐱᓇᓱᐊᕋᑦᓴᓂᒃ ᑲᔪᓯᒃᑫᔨᐅᓗᓂ - ᓄᓇᕕᒻᒥᐅᑦ ᑕᑯᒥᓇᕐᑐᓕᐅᕐᑏᑦ/ᑐᓴᕐᓂᑐᓕᐅᕐᑏᑦ ᑐᕐᖃᑕᕐᕕᖓᓐᓂ.

ᐱᓇᓱᐊᕋᑦᓴᓂᒃ ᑲᔪᓯᒃᑫᔨ ᑐᕐᖃᑕᕐᕕᐅᑉ ᐱᓇᓱᐊᕋᑦᓴᕆᓕᕐᑕᖏᓐᓂᒃ ᑲᔪᓯᑎᑦᓯᒋᐊᖃᓲᖅ, ᑐᓴᐅᒪᑎᑦᓯᒋᐊᖃᕐᓱᓂ ᓄᓇᕕᒻᒥᐅᓂᒃ ᑕᑯᒥᓇᕐᑐᓕᐅᕐᑎᓂᒃ/ᑐᓴᕐᓂᑐᓕᐅᕐᑎᓂᒃ, ᐊᐅᓚᑦᓯᓲᒍᑦᓱᓂᓗ ᐱᓇᓱᐊᕋᑦᓴᓄᑦ ᓂᖏᕐᑎᓯᐅᑎᐅᓲᓂᒃ ᖃᐅᔨᔭᐅᓕᐅᒥᑎᑦᓯᒋᐊᖃᓲᒍᑦᓱᓂᓗ ᓄᓇᕕᒻᒥᐅᑦ ᑕᑯᒥᓇᕐᑐᓕᐅᕐᑏᑦ/ᑐᓴᕐᓂᑐᓕᐅᕐᑏᑦ ᐱᓇᓱᐊᓕᕐᑕᖏᓐᓂᒃ:

- ᑎᑭᑕᐅᕙᓪᓗᓂ ᖃᐅᔨᓴᕐᐸᓗᓂᓗ ᑮᓇᐅᔭᕐᑖᕈᑎᐅᒐᓱᐊᕐᑐᓂᒃ;

- ᐃᑉᐱᒍᓱᒐᓱᐊᕐᐸᓗᓂ ᑮᓇᐅᔭᕐᑖᕈᑕᐅᒐᓱᐊᕐᑐᑦ ᑲᓲᑎᑦᓯᐊᕋᓗᐊᕐᒪᖔᑕ ᑮᓇᐅᔭᕐᑖᕋᓱᐊᕐᓂᒧᑦ ᒪᓕᒐᐅᔪᓄᑦ, ᖃᐅᔨᒣᓐᓇᕋᓱᐊᕐᐸᓗᓂᓗ ᑮᓇᐅᔭᕐᑖᕈᑕᐅᒐᓱᐊᓕᕐᑐᓂᒃ ᓂᖏᕐᑎᑕᐅᓂᕕᓂᖏᑦᑕᓗ ᑐᓴᕐᑎᓯᐅᑎᓕᐊᕕᓂᖏᓐᓂᒃ ᑕᑯᒥᓇᕐᑐᓕᐅᕐᑏᑦ/ᑐᓴᕐᓂᑐᓕᐅᕐᑏᑦ;

- ᑕᑯᒥᓇᕐᑐᓕᐅᕐᑎᓂᒃ/ᑐᓴᕐᓂᑐᓕᐅᕐᑎᓂᒃ ᐃᑲᔪᕐᐸᓗᓂ ᐊᓪᓚᑎᓪᓗᒋᑦ ᐃᓅᓯᕐᒥᓂ ᐱᓇᓱᐊᕐᓯᒪᓕᕐᑕᖏᓐᓂᒃ;

- ᐊᓪᓚᐸᓪᓗᓂ ᑕᑯᒥᓇᕐᑐᓕᐅᕐᑏᑦ/ᑐᓴᕐᓂᑐᓕᐅᕐᑏᑦ ᐃᓅᓯᕆᓯᒪᔭᖏᑦᑕ ᒥᑦᓵᓄᑦ ᐊᓪᓚᖁᑎᓕᐅᕐᐸᓗᓂᓗ ᑕᑯᒥᓇᕐᑐᓕᐅᕐᑏᑦ/ᑐᓴᕐᓂᑐᓕᐅᕐᑏᑦ ᐃᓂᕐᓯᒪᓕᕐᑕᖏᓐᓂᒃ;

- ᖃᐅᔨᔭᐅᓕᐅᒥᑦᓯᒐᓱᐊᕐᐸᓗᓂ ᑕᑯᒥᓇᕐᑐᓕᐅᕐᑏᑦ/ᑐᓴᕐᓂᑐᓕᐅᕐᑏᑦ ᑐᕐᖃᑕᕐᕕᖓᑕ ᒥᑦᓵᓅᓕᖓᔪᓂᒃ ᐊᒻᒪᓗ ᑲᕙᒪᒃᑯᑦ ᑎᒥᖁᑎᖏᑦᑕ ᐱᓇᓱᐊᕋᓱᐊᓕᕐᒥᔭᖏᓐᓂᒃ;

- ᑐᓴᕋᑦᓴᓕᐅᕐᐸᓗᓂ;

- ᓄᓇᕕᒻᒥᐅᑦ ᑕᑯᒥᓇᕐᑐᓕᐅᕐᑏᑦ/ᑐᓴᕐᓂᑐᓕᐅᕐᑏᑦ ᐃᓅᓯᖏᓐᓂᒃ ᑕᑯᒥᓇᕐᑐᓕᐅᕐᓂᐅᓗ ᒥᑦᓵᓄᑦ ᐊᓪᓚᖁᑎᓕᐅᕐᐸᓗᓂ;

- ᐊᐅᓚᑦᓯᕙᓪᓗᓂ ᐊᐅᒫᒡᒌᕕᒻᒥᓗ Facebook-ᑎᒍᑦ ᐊᓯᖏᑎᒍᓪᓗ ᖃᕆᑕᐅᔭᑎᒍᑦ ᑐᓴᐅᒪᖃᑎᒌᒍᑎᑎᒍᑦ ᑐᓴᕋᑦᓴᓕᐅᕐᐸᓗᓂ;

- ᐱᕙᓪᓕᐊᑎᑦᓯᕙᓪᓗᓂ ᓄᑖᓂᒃ ᐱᓇᓱᐊᕐᑕᐅᒋᐊᖃᓕᕐᑐᓂᒃ ᓄᓇᕕᒻᒥ ᑕᑯᒥᓇᕐᑐᓕᐅᕐᓂᓅᓕᖓᑦᓱᑎᒃ/ᑐᓴᕐᓂᑐᓕᐅᕐᑎᓅᓕᖓᑦᓱᑎᒃ;

- ᑮᓇᐅᔦᓚᕿᐅᑎᓕᐅᕐᐸᓗᓂ ᑯᐯᒻᒦᑑᑉ ᑐᕐᖃᑕᕐᕕᖓᑕ ᐱᓇᓱᐊᕋᑦᓴᖏᓐᓅᓕᖓᔪᓂᒃ;

- ᑐᓴᕐᑎᓯᐅᑎᓕᐅᕐᐸᓗᓂ ᑮᓇᐅᔦᓪᓗ ᑐᕌᒐᖏᓐᓂᒃ;

- ᐃᓚᐅᕙᓪᓗᓂ ᑐᑭᑖᕆᔨᐅᒐᔭᕐᑐᑦ ᓇᓪᓕᑳᕐᑕᐅᓂᖏᓐᓄᑦ;

- ᐱᕙᓪᓕᐊᑎᑦᓯᕙᓪᓗᓂ ᑲᑦᓱᙰᑦᑑᓗᓂᓗ ᐊᑕᐅᓯᓐᖑᐃᕙᓪᓗᓂ ᖃᕆᑕᐅᔭᑎᒍᑦ ᑐᓴᐅᒪᖃᑎᒌᓐᓂᐅᓲᓂᒃ ᐊᐅᒫᒡᒌᕕᑎᒍᑦ.

ᐱᔪᓐᓇᕆᐊᓕᖏᑦ:

- ᐃᓕᓐᓂᐊᕇᕐᓯᒪᑕᐅᑎᖃᕐᓗᓂ ᐊᐅᓚᑦᓯᒍᓐᓇᓂᕐᒧᑦ, ᑐᓴᐅᒪᖃᑎᒌᓐᓂᓕᕆᓂᕐᒧᑦ ᐊᒻᒪᓗ/ᐅᕝᕙᓘᓐᓃᑦ ᑕᑯᒥᓇᕐᑐᓕᐅᕐᓂᒧᑦ/ᑐᓴᕐᓂᑐᓕᐅᕐᓂᒧᑦ ᐅᕝᕙᓘᓐᓃᑦ ᑕᒪᒃᑯᐊᓕᒫᑦ ᐊᑦᔨᐸᓱᖏᓐᓂᒃ;

- ᑕᓪᓕᒪᓂ ᐊᕐᕌᒍᕐᓂ ᐱᓇᓱᐊᓕᓂᐅᓗᓂ ᐱᓇᓱᐊᕋᑦᓴᐅᓕᕐᑐᓂᒃ ᐊᐅᓚᑦᓯᒍᓐᓇᓂᕐᒧᑦ ᐅᕝᕙᓘᓐᓃᑦ ᐊᑦᔨᐸᓱᖓᓂᒃ;

- ᐱᓇᓱᐊᓕᓂᐅᓗᓂ ᐃᓄᓕᕆᒍᓐᓇᓂᕐᒥᒃ ᑐᓴᕋᑦᓴᓂᐊᕐᑎᓕᕆᓂᕐᒥᓗ;

- ᖃᕆᑕᐅᔭᓕᕆᒍᓐᓇᓗᓂ, ᑮᓇᐅᔭᕐᑑᑎᕕᓂᓕᕆᒍᓐᓇᓗᓂ ᐃᓅᖃᑎᒌᑦᑐᓂᓗ ᑐᓴᐅᒪᖃᑎᒌᑦᑎᓯᕙᓪᓗᓂ ᖃᕆᑕᐅᔭᑎᒍᑦ;

- ᑐᑭᓯᒪᑦᓯᐊᓗᓂ ᐱᐅᓯᑐᖃᕐᓅᓕᖓᔪᓂᒃ ᐊᑦᑐᐊᓱᑎᒃ ᑕᑯᒥᓇᕐᑐᓕᐅᕐᓂᓄᑦ/ᑐᓴᕐᓂᑐᓕᐅᕐᓂᓄᑦ (ᑐᑭᓯᓐᓇᐅᑏᑦ, ᐃᓕᓐᓂᐊᓂᖅ, ᐱᒋᐅᕐᓴᓂᖅ, ᓂᐅᕐᕈᓯᒐᓱᐊᕐᓂᖅ ᓴᕐᕿᕙᓪᓕᐊᔪᓂᓗ ᐊᓯᑦᔨᑲᑦᑕᓂᕐᓂᒃ) ᓄᓇᕕᒻᒥᐅᓂ;

- ᐊᖓᔪᕐᖃᐅᕕᖃᓕᓂᐅᓗᓂ ᐱᓇᓱᑦᑎᒥᓄᑦ, ᐊᑭᓕᕐᑐᑕᐅᒐᑎᓗ ᐃᑲᔪᕐᑐᓄᑦ;

- ᐃᓄᐃᑦ ᓄᓇᖓᓐᓃᓕᓂᐅᒍᓂ ᐃᑲᔪᕐᓯᔭᐅᒐᔭᕐᑐᖅ;

- ᐃᓄᒃᑎᑑᑦᓯᐊᕈᓐᓇᓗᓂ ᖃᓪᓗᓈᑎᑐᓪᓗ, ᐅᖄᓂᒃᑯᑦ ᐊᓪᓚᓂᒃᑯᓗ. ᐅᐃᒍᐃᑎᑑᕈᓐᓇᕈᓂ ᐱᐅᓗᐊᓐᖑᐊᒥᔪᖅ;

- ᐊᓪᓚᒍᓐᓇᓯᐊᕐᑐᐊᓘᓗᓂ;

- ᑮᓇᐅᔦᑦ ᑐᕌᒐᖏᓐᓂᒃ ᐊᐅᓚᑦᓯᒍᓐᓇᓯᐊᕐᓗᓂ;

- ᐃᓂᓪᓚᖓᑦᓯᐊᓗᓂ ᑐᑭᓯᒪᔭᐅᒋᐊᓕᓕᒫᓂᓗ ᐃᑉᐱᒍᓱᐃᓐᓇᕋᓱᐊᕐᐸᓗᓂ;

- ᐅᐸᓗᓲᖑᒍᓐᓀᓗᓂ;

- ᓄᓇᕕᒻᒧᑦ ᐊᓯᖏᓐᓄᓗ ᐊᕐᕕᑕᕈᓐᓇᓗᓂ ᒪᕐᕉᓂ ᐱᓇᓱᐊᕈᓰᓐᓂ ᐊᐅᓪᓚᓯᒪᓂᐊᕋᓗᐊᕈᓂ;

- ᑭᓇᓕᒫᓂᒃ ᐅᖄᖃᑎᖃᕈᓐᓇᓯᐊᕐᓗᓂ ᐱᓇᓱᐊᖃᑎᖃᕈᓐᓇᓗᓂᓗ.

ᖃᐅᔨᒪᔭᐅᒋᐊᖃᕐᒥᔪᑦ:

- ᐱᓇᓱᐊᖃᑦᑕᕋᔭᕐᑐᖅ 9-ᒥᑦ ᐅᓪᓛᑯᑦ 5-ᒧᑦ ᐅᓐᓄᓴᒧᑦ, ᐊᓪᓕᕇᕐᑐᓂᑦ ᓂᕿᑦᓯᑐᓄᑦ (ᐱᓇᓱᐊᕈᓯᓕᒫᒥ 35-ᓂᒃ ᐃᑲᐅᕐᓂᖃᓗᓂ);

- ᓇᓃᓐᓂᕆᒐᔭᕐᑕᖓ: ᐅᐃᐊᔅᑦᒪᐅᓐᑦ (ᒧᓐᑐᔨᐊᒥ);

- ᐱᓇᓱᒐᕐᑖᕋᓱᐊᕈᑏᑦ ᐊᕙᑕᕐᒨᑕᐅᒍᓐᓇᑐᑦᐊᕐᓇᓕᓐᖑᑎᕕᒃ (ᐅᑑᐱᕆ) 8,2018-ᖑᕋᑕᕐᓗᒍ.

ᐱᓇᓱᒐᕐᑖᕋᓱᐊᕐᑐᕕᓃᑦ ᓇᓪᓕᑳᕐᑕᕕᓂᐅᒍᑎᒃ ᑭᓯᐊᓂ ᖃᐅᔨᑎᑕᐅᓛᕐᓂᐊᑐᑦ ᐊᐱᕐᓱᑕᐅᒍᒪᓕᕈᑎᒃ. ᐊᕙᑕᖅ ᐱᓇᓱᒐᕐᑖᕋᓱᐊᕐᑐᓂᒃ ᑭᓇᒃᑯᑐᐃᓐᓇᐅᒐᓗᐊᕐᐸᑕ ᐱᓇᓱᑦᑎᑖᓲᖑᕗᖅ.

ᐱᓇᓱᒐᕐᑖᕈᒪᐅᑎᑎᑦ ᐅᕗᖓ ᐊᐅᓪᓚᑎᓪᓗᒋᑦ:

Louis Gagnon(ᓗᐃ ᑳᖕᓅ)-ᒧᑦ, ᑕᑯᔭᒐᖃᕐᕕᓕᕆᓂᕐᒥ ᑐᑭᒧᐊᕐᑎᓯᔨ

4150, Ste-Catherine St. W. suite 360

Westmount, Québec, H3Z 2Y5

Fax: 514 989-8789

louisgagnon@avataq.qc.ca