ᐱᓇᓱᒐᑦᓭᑦ ᐊᑐᐃᓐᓇᐅᔪᑦ
ᐃᓚᒌᓂᒃ ᖃᐅᔨᓴᕐᑎᐅᑉ ᐃᑲᔪᕐᑎᖓ
ᐊᕙᑕᖅ ᐱᐅᓯᑐᖃᓕᕆᕕᐅᑉ ᐃᓄᓐᓂᒃ ᐃᓚᒌᓂᒃ ᖃᐅᔨᓴᕐᓂᓄᑦ ᐱᓇᓱᒐᖓ ᐱᒍᑦᔨᓗᒍ, ᖄᖏᕐᓂᑯᓕᐅᕐᑎᐅᖏᑦᑐᖅ, ᐃᓄᐃᑦ ᑎᒥᖁᑎᖓ, ᐊᓪᓚᕕᒻᒪᕆᖃᕐᓱᓂ ᐃᓄᑦᔪᐊᒥ (ᓄᓇᕕᒃ) ᐊᒻᒪᓗ ᐊᐅᓚᑦᓯᕕᒻᒥᒃ ᐊᓪᓚᕕᖃᕐᓱᓂ ᕗᐃᔅᒪᐅᓐᑦᒥ. ᐃᓚᒌᓂᒃ ᖃᐅᔨᓴᕐᓂᓄᑦ ᐱᓇᓱᒐᖅ ᓄᐃᑕᓯᒪᓕᕐᑐᖅ 1988-ᒥᓂᑦ ᐊᒻᒪᓗ ᑐᕌᒐᖃᕐᓱᓂ ᒪᓂᔨᓯᒪᓂᕐᒥᒃ ᑭᒡᒐᑐᕈᑎᓂᒃ ᑌᒣᑦᑐᓄᑦ ᐃᓄᐃᑦ ᓄᓇᓕᖏᓐᓂᒃ ᓄᓇᕕᒻᒥ. ᐃᓚᒌᓂᒃ ᖃᐅᔨᓴᕐᑎᐅᑉ ᐃᑲᔪᕐᑎᖓ ᐊᖓᔪᕐᖄᖃᓚᖓᔪᖅ ᐱᐅᓯᑐᖃᓕᕆᕕᐅᑉ ᐃᓚᒌᓂᒃ ᖃᐅᔨᓴᕐᑎᖓᓂᒃ ᐊᒻᒪᓗ ᑐᑭᒧᐊᑦᑎᓯᔨᒥᒃ ᖃᐅᔨᓴᕐᓂᓂᒃ, ᓯᑯᑦᓴᔭᑐᖃᕐᓂᒃ ᐊᒻᒪᓗ ᓇᓗᓀᕐᑐᐃᒍᑎᓂᒃ.
ᐃᓄᒻᒥᒃ ᕿᑦᑌᖓᔪᒥᒃ ᕿᓂᕐᑐᒍᑦ ᐃᓕᓐᓂᐊᑎᑕᐅᔪᑦᓴᒥᒃ ᐅᑯᓂᖓ ᐱᓇᓱᐊᕈᓐᓇᓯᓗᓂ:
- ᑐᑭᓯᓂᐊᕐᓂᓄᑦ ᕿᓄᒍᑕᐅᔪᓂᒃ ᑲᒪᔨᐅᓗᓂ ᐊᒻᒪᓗ ᐃᓚᒌᓄᐊᖓᔪᓂᒃ ᑐᑭᓯᐅᑎᑦᓴᓂᒃ ᐊᑦᔨᓕᐅᕆᔨᐅᓗᓂ;
- ᓄᑕᐅᓪᓕᑎᕆᖏᓐᓇᓗᓂ ᐃᓚᒌᓄᐊᖓᔪᓂᒃ ᑐᑭᓯᐅᑎᑦᓴᓂᒃ ᐊᑐᕐᓗᒋᑦ ᓯᑯᑦᓴᔭᖁᑎᓃᑦᑐᑦ ᑐᑭᓯᐅᑎᑦᓭᑦ ᐊᒻᒪᓗ ᐅᓪᓗᒥᓂᑌᑦ ᓇᓗᓀᕐᑐᐃᓯᒪᐅᑏᑦ, ᐃᓕᐅᕐᖃᓗᒋᑦ ᑐᑭᓯᐅᑎᑦᓭᑦ ᖃᕆᑕᐅᔭᒃᑯᑦ ᐃᓕᐅᕐᙯᓯᒪᕕᒻᒧᑦ;
- ᓄᑕᐅᓪᓕᑎᖏᓐᓇᓗᒋᑦ ᐅᖃᐅᓯᕐᑕᖏᑦ ᐃᓚᒌᓐᓃᑦ, ᓇᒻᒥᓂᕆᔭᐅᔪᑦ ᐊᑏᑦ ᐊᒻᒪᓗ ᐊᑯᓂᓂᑌᑦ ᐊᑦᓰᓯᒪᐅᑎᐅᕙᑦᑐᕕᓃᑦ;
- ᒪᓂᔨᓯᒪᔨᐅᓗᓂ ᑕᑯᒐᓱᐊᕋᑦᓴᓂᒃ ᐃᓕᒃᑰᑐᑦ ᐃᓄᐃᑦ ᐊᑎᖏᑦᑕ ᐊᓪᓚᑕᐅᒍᓯᖏᓐᓂᒃ ᐊᒻᒪᓗ ᐊᓯᖏᓐᓂᒃ ᑐᑭᓯᐅᑎᑦᓴᓂᒃ ᐊᑐᕋᑦᓴᖏᓐᓂᒃ ᐱᐅᓯᑐᖃᓕᕆᔨᐅᑉ ᐱᓇᓱᒐᖏᑦᑕ;
- ᐃᑉᐱᒍᓱᑦᓯᐊᖏᓐᓇᓗᓂ ᐅᓪᓗᒥ ᒪᓕᒐᐅᓕᕐᑐᓃᑦᑐᓂᒃ ᑐᑭᓯᐅᑎᑦᓴᓂᒃ ᐱᑦᔪᑎᒋᓗᒍ ᑭᓇᓕᒫᒃᑯᓄᑦ ᑐᓴᕐᑕᐅᑎᑦᓯᕙᒋᐊᖃᖕᖏᓂᖅ;
- ᓄᐃᑎᕆᔨᐅᓗᓂ ᓄᓇᕕᒻᒥ ᓄᓇᓕᓐᓂ ᐅᖄᕕᑦᓴᓂᒃ ᐱᑦᔪᑎᒋᓗᒋᑦ ᖃᐅᔨᒋᐊᓪᓚᕈᑎᑦᓭᑦ;
- ᐊᐱᕐᓲᑎᓂᒃ ᑭᐅᔨᐅᓗᓂ ᐊᑯᓂᓂᑕᕐᓂᒃ ᑐᑭᓯᒍᒪᔪᓂᒃ ᖃᐅᔨᒪᔭᒥᓂᒃ ᒪᓕᓪᓗᓂ.
ᐱᓇᓱᐊᕐᓗᓂ ᐱᔪᓐᓇᕆᐊᓕᖏᑦ:
- ᐃᓄᑦᑎᑑᕈᓐᓇᕆᐊᓕᒃ ᐊᒻᒪᓗ ᖃᓪᓗᓈᕐᑎᑐᑦ;
- ᐱᓇᓱᐊᕆᐅᕐᓴᕕᒻᒥ ᐃᓕᓴᕐᓯᒪᒍᓂ ᐅᕝᕙᓘᓐᓃᑦ ᓈᒻᒪᖁᐊᖏᓐᓂᒃ ᐱᓪᓗᖁᑎᖃᓚᖓᔪᖅ;
- ᖃᕆᑕᐅᔭᒃᑯᑦ ᐱᓇᓱᐊᕈᑎᐅᕙᑦᑐᓂᒃ ᐱᔪᓐᓇᓗᓂ: Word, Excel;
- ᐊᓪᓚᒍᓐᓇᕈᓂ ᖃᓪᓗᓈᕐᑎᑐᑦ ᐊᒻᒪᓗ ᐃᓄᑦᑎᑐᑦ ᐱᓪᓗᖁᑎᖃᓚᖓᔪᖅ;
- ᑲᒪᒍᒪᓂᖃᕐᓗᓂ ᓄᐃᑦᓯᕙᓪᓕᐊᓂᕐᒥᒃ ᖃᐅᔨᒪᐅᑎᑦᓴᓂᒃ ᑲᑎᕐᓱᐃᓯᒪᕕᒻᒥᒃ ᐃᓕᖓᔪᓂᒃ ᐃᓄᐃᑦ ᐃᓗᒡᒍᓯᖓᓂᒃ ᐊᒻᒪᓗ ᐱᕙᓪᓕᐊᓯᒪᓂᖏᓐᓂᒃ ᑖᕙᖕᖓᓂᑕᕐᓂᒃ;
- ᓈᒻᒪᓈᕐᑕᓯᑎᐅᓗᓂ ᐊᒻᒪᓗ ᐅᐸᓗᕐᑕᑑᒍᓐᓀᓗᓂ;
- ᐃᓕᔪᖅ ᐃᓕᓐᓂᐊᑎᑕᐅᓚᖓᔪᖅ ᖃᕆᑕᐅᔭᒃᑯᑦ ᐱᓇᓱᐊᕈᑎᓂᒃ FileMaker Pro ᐊᒻᒪᓗ Reunion.
ᑐᑭᓯᒋᐊᓪᓚᐅᑎᑦᓭᑦ:
- ᑮᓇᐅᑦᔭᓵᖏᑦ: ᐱᓇᓱᐊᓕᓂᖏᑦ ᐃᑉᐱᒋᓗᒋᑦ ᐋᕐᕿᑕᐅᓚᖓᔪᑦ (ᐃᓗᐃᒃᑲᑎᒎᕐᓗᓂ ᐅᕝᕙᓘᓐᓃᑦ ᐅᓪᓗᐃᑦ ᐃᓓᓐᓇᖓᑎᒍᑦ ᐱᓇᓱᐊᕐᐸᓗᓂ);
- ᐱᓇᓱᒐᖓᑕ ᓇᔪᕐᑕᖓ: ᕗᐃᔅᒪᐅᓐᑦ Westmount;
- ᐃᓕᒐᓱᐊᕈᓐᓇᕕᐅᑉ ᐃᓱᓕᕕᑦᓴᖓ: ᑎᓯᒻᐱᕆ 19, 2019.
- ᐱᓇᓱᐊᓯᒐᔭᕐᑐᖅ: ᔭᓄᐊᔨ 2020.
ᐱᓇᓱᐊᕈᒪᐅᑎᑎᑦ ᑐᔫᑎᒋᓗᒋᑦ:
ᒥᓯᐊᓪ ᐸᑕᕆ, ᐊᓪᓚᕕᒻᒥ ᑲᒪᔨᒻᒪᕆ
4150, Ste-Catherine St. W. suite 360
Westmount, Québec, H3Z 2Y5
ᓱᑲᑦᑐᑰᕐᑎᓯᐅᑎᖓ: 514 989-8789
ᖃᕆᑕᐅᔭᒃᑯᑦ: michel.patry@avataq.qc.ca
_______________________________________________
ᐅᖃᐅᓯᐅᑉ ᐊᓯᐊᒎᓕᕐᑎᓯᔨ
ᐊᕙᑕᖅ ᐱᐅᓯᑐᖃᓕᕆᕕᒃ, ᖄᖏᕐᓂᑯᓕᐅᕐᑎᐅᖏᑦᑐᖅ, ᓄᐃᑕᐅᓯᒪᔪᖅ 1980-ᒥ, ᑲᒪᒍᑦᔨᓲᖅ ᐃᓄᐃᑦ ᓄᓇᕕᒻᒥᐅᑦ (ᑯᐯᒃ ᑕᕐᕋᖓᓂ) ᐅᖃᐅᓯᖓᓂᒃ ᐊᒻᒪᓗ ᐃᓗᒡᒍᓯᖓᓂᒃ ᐅᖑᒪᑦᓯᓂᕐᒥᒃ ᐊᒻᒪᓗ ᐱᕙᓪᓖᒋᐊᕐᓂᒥᒃ. ᑎᒥ ᐊᓪᓚᕕᒻᒪᕆᓕᒃ ᐃᓄᑦᔪᐊᖅ, ᓄᓇᕕᒻᒥ, ᐊᒻᒪᓗ ᐊᐅᓚᑦᓯᓂᕐᒧᑦ ᐊᓪᓚᕕᖃᕐᓱᓂ ᕗᐃᔅᒪᐅᓐᑦ, ᑯᐯᒻᒥ.
ᐊᕙᑕᖅ ᐅᓪᓗᒥ ᕿᓂᓕᕐᑐᖅ ᐱᓇᓱᑦᑎᒪᕆᒻᒥᒃ ᐊᒻᒪᓗ ᕿᑦᑌᖓᔪᒥᒃ ᐃᓄᒻᒥᒃ ᐆᒥᖓ ᐱᓇᓱᐊᓚᖓᔪᒥᒃ: ᐅᖃᐅᓯᐅᑉ ᐊᓯᐊᒎᓕᕐᑎᕆᔨ.
ᐃᓚᒋᔭᐅᓗᓂ ᐊᐅᓚᑦᓯᕕᒻᒧᑦ, ᐱᓇᓱᒐᕐᑖᑐᖅ ᐅᖃᐅᓯᐅᑉ ᐊᓯᐊᒎᓕᕐᑎᕆᔨᐅᓚᖓᔪᖅ ᐊᑦᔨᒌᖕᖏᑐᓂᒃ ᐊᓪᓚᓯᒪᔪᓂᒃ, ᐆᑦᑑᑎᒋᓗᒋᑦ ᐊᓪᓚᑕᐅᔪᕕᓂᕐᓂᒃ, ᑐᓴᕐᑎᓯᐅᑎᓂᒃ, ᐱᖁᔭᕐᓄᐊᖓᔪᓂᒃ ᓯᑯᑦᓴᔭᓂᒃ, ᐃᓄᐃᑦ ᑕᑯᔭᑦᓴᖏᓐᓂᒃ ᐊᒻᒪᓗ ᓇᓗᓀᒃᑯᑕᓕᐊᒍᓯᒪᔪᓂᒃ:
- ᐅᖃᐅᓯᐅᑉ ᐊᓯᐊᒎᓕᕐᑎᕆᔨᐅᓗᓂ ᐊᓪᓚᓯᒪᔪᓂᒃ ᖃᓪᓗᓈᕐᑎᑑᕐᑐᓂᒃ ᐃᓄᑦᑎᑑᓕᕐᑎᕆᔨᐅᓗᓂ ᐅᕝᕙᓘᓐᓃᑦ ᐃᓄᑦᑎᑑᕐᑐᓂᒃ ᖃᓪᓗᓈᕐᑎᑑᓕᕐᑎᕆᔨᐅᓗᓂ, ᐱᕕᓕᒫᖅ ᑐᑭᓯᑦᓴᖑᕐᑎᓯᔨᐅᓗᓂ ᐃᓗᓕᖏᓐᓂᒃ, ᓱᓇᓕᑦᑖᓂᖏᓐᓂᒃ ᐊᒻᒪᓗ ᖃᓄᐃᑦᑑᓂᖏᓐᓂᒃ ᐊᓪᓚᑕᐅᓯᒪᔪᑦ;
- ᐋᕐᖀᒋᐊᕐᑎᐅᓗᓂ, ᑕᒻᒪᓯᒪᔪᐃᔦᔨᐅᓗᓂ ᐊᒻᒪᓗ ᐊᑐᕋᑦᓴᖑᕐᑎᕆᔨᐅᓗᓂ ᐅᖃᐅᓯᐅᑉ ᐊᓯᐊᒎᓕᕐᑎᓯᒪᔪᓂᒃ ᐊᓪᓚᓯᒪᔪᓂᒃ;
- ᐃᓕᓐᓂᐊᑎᑦᓯᔨᐅᓗᓂ ᐊᒻᒪᓗ ᐃᑉᐱᒍᓱᑦᑎᐅᓗᓂ, ᒋᐊᖃᓕᕈᓂ, ᐊᓯᒥᓂᒃ ᐅᖃᐅᓯᐅᑉ ᐊᓯᐊᒎᓕᕐᑎᕆᔨᓂᒃ.
ᐱᓇᓱᐊᓚᖓᔫᑉ ᐱᔪᓐᓇᕆᐊᓕᖏᑦ:
- ᐃᓕᓴᕐᕕᔪᐊᒥ ᐃᓕᓴᕇᕈᑎᑖᕐᓯᒪᓗᓂ ᐅᖃᐅᓯᐅᑉ ᐊᓯᐊᒎᓕᕐᑎᕆᓂᕐᒥᒃ ᐅᕝᕙᓘᓐᓃᑦ ᓈᒻᒪᖁᐊᖏᓐᓂᒃ ᑖᒃᑯᐊ ᐱᓇᓱᐊᕐᓯᒪᓗᓂ;
- ᐃᑭᓐᓂᐸᐅᑎᓗᒋᑦ ᑕᓪᓕᒪᓂ ᐊᕐᕌᒍᓂ ᐱᓇᓱᐊᕐᓯᒪᓗᓂ;
- ᑕᕐᕋᒦᑦᑐᓂᒃ ᐊᑑᑎᓕᓂᐅᓗᓂ;
- ᐊᓪᓚᒍᓐᓇᕆᐊᓕᒃ ᐊᒻᒪᓗ ᐅᖃᐅᓯᖃᕈᓐᓇᕆᐊᓕᒃ ᒪᕐᕈᐃᓂᒃ (ᐃᓄᑦᑎᑐᑦ/ᖃᓪᓗᓈᕐᑎᑐᑦ);
- ᖃᐅᔨᒪᓪᓚᕆᒋᐊᓕᒃ ᐃᓄᑦᑎᑐᑦ ᐅᖃᐅᓯᕐᒥᒃ;
- ᐊᓪᓚᒍᓐᓇᕈᓂ ᖃᓪᓗᓈᕐᑎᑐᑦ ᐊᒻᒪᓗ ᐃᓄᑦᑎᑐᑦ ᐱᓪᓗᖁᑎᖃᓚᖓᔪᖅ;
- ᖃᕆᑕᐅᔭᒃᑯᑦ ᐱᓇᓱᐊᕈᑎᓂᒃ ᖃᐅᔨᒪᑦᓯᐊᓗᓂ: MsOffice;
- ᐱᓯᑎᒻᒪᕆᐅᒍᑎᖃᕐᓗᓂ ᐊᒻᒪᓗ ᐱᓇᓱᐊᕈᑎᖃᕈᓐᓇᓯᐊᕐᓗᓂ, ᐱᕕᑦᓭᑦ ᐃᓱᓕᑦᑕᕕᖏᓐᓂᒃ ᐊᓂᒎᑎᑎᑦᓯᒍᓐᓇᓯᐊᕐᓗᓂ;
- ᐃᓛᓐᓂ ᓄᓇᕕᒻᒧᑦ ᐊᐅᓚᒍᓐᓇᓗᓂ ᐊᑐᐃᓐᓇᐅᒍᑎᖃᕐᓗᓂ.
ᑐᑭᓯᐅᑎᑦᓴᒋᐊᓪᓓᑦ:
- ᑮᓇᐅᑦᔭᓵᖏᑦ: ᓱᖏᐅᓐᓂᖃᕈᑎᖏᑦ ᐃᑉᐱᒋᓗᒋᑦ (ᐅᓪᓗᓕᒫᕐᑕᓚᖓᔪᖅ ᐅᓪᓗᑕᒫᕐᑕᓗᓂ);
- ᐱᓇᓱᒐᖓ ᐃᓕᒣᓐᓇᓚᖓᔪᖅ ᐱᕙᓪᓕᖁᑎᑖᕐᑕᓗᓂᓗ;
- ᐱᓇᓱᒐᑕ ᓇᔪᕐᑕᖓ: ᕗᐃᔅᒪᐅᓐᑦ ᐅᕝᕙᓘᓐᓃᑦ ᐃᓄᑦᔪᐊᖅ;
- ᐱᓇᓱᒐᕐᑖᕋᓱᐊᕐᓂᐅᑉ ᐃᓱᓕᕕᑦᓴᖓ: ᕕᕗᐊᔨ 4, 2020
- ᐱᓇᓱᐊᕆᐊᓯᒐᔭᕐᑐᖅ: ᕕᕗᐊᔨ 2020-ᒥ.
ᐃᓕᒐᓱᕐᑐᑦ ᓇᓪᓕᑳᕐᑕᐅᔪᑦ ᐊᐱᕐᓲᔭᕐᑕᐅᔪᑦᓴᐅᓗᑎᒃ ᑭᓯᐊᓂ ᑐᓴᕐᑎᑕᐅᓚᖓᔪᑦ. ᐊᕙᑕᒃᑯᑦ ᓈᒻᒪᖁᐊᕇᓂᒃ ᐃᓓᓐᓈᕋᑎᒃ ᐱᓇᓱᑦᑎᑖᕈᓐᓇᑎᑦᓯᔨᐅᕗᑦ.
ᐃᓕᒐᓱᐊᕈᑎᑎᑦ ᑐᔫᑎᒋᓗᒋᑦ ᐅᕗᖓ:
Michel Patry, Office Manager
4150, Ste-Catherine St. W. suite 360
Westmount, Québec, H3Z 2Y5
ᓱᑲᑦᑐᑯᑦ: 514 989-8789
ᖃᕆᑕᐅᔭᒃᑯᑦ: michel.patry@avataq.qc.ca
