• Research activities
  • Applications géophysiques sur le site de Tayara (KbFk-7)
  • ᑎᕆᒐᓐᓂᐊᖅ ᐃᓄᓪᓗ
  • ᓀᓪᓕᑎᕐᓯᒪᔪᖅ ᑐᓴᕐᑎᓯᐅᑎᒃ 2010-ᒥ ᐃᑦᓴᓂᑕᕐᓂᐊᓂᕕᓂᕐᓄᑦ ᐊᓪᓚᑐᖅ: Stéphanie Steelandt (ᔅᑎᕙᓂ ᔅᑏᓛᓐᑦ),
  • ᓀᓪᓕᑎᕐᓯᒪᔪᖅ ᑐᓴᕐᑎᓯᐅᑎᒃ 2009-ᒥ ᐃᑦᓴᓂᑕᕐᓂᐊᓂᕕᓂᕐᒧᑦ ᐊᓪᓚᑐᖅ: Andrée-Anne Pharand (ᐊᓐᑦᕇ-ᐋᓐ ᕙᓈᕐ),
  • ᓀᓪᓕᑎᕐᓯᒪᔪᖅ ᑐᓴᕐᑎᓯᐅᑎᒃ 2009-ᒥ ᐃᑦᓴᓂᑕᕐᓂᐊᓂᕕᓂᕐᒧᑦ ᐊᓪᓚᑐᖅ: Sarah Aubé-Michaud (ᓯᐊᔭ ᐅᐲ-ᒥᓲ)
• Dessimination of traditionnal knowledge
• Public presentations
• Publications
• Symposiums and conferences
  • 2012
  • 2011
  • 2010
  • 2009
  • 2008
• Media

ᐱᓇᓱᐊᕐᓂᕕᓃᑦ ᑭᓇᓕᒫᓂᓪᓗ ᑐᓴᐅᒪᑎᑦᓯᓯᐊᕋᓱᐊᕐᓂᖅ

ᓀᓪᓕᑎᕐᓯᒪᔪᖅ ᑐᓴᕐᑎᓯᐅᑎᒃ 2009-ᒥ ᐃᑦᓴᓂᑕᕐᓂᐊᓂᕕᓂᕐᒧᑦ ᐊᓪᓚᑐᖅ: Andrée-Anne Pharand (ᐊᓐᑦᕇ-ᐋᓐ ᕙᓈᕐ),

ᐃᓕᓐᓂᐊᕕᕐᔪᐊᒥ ᐃᓕᓐᓂᐊᕇᕈᑎᑖᕋᓱᐊᕐᓂᓅᕙᖓ ᖃᐅᔨᓴᕐᓂᕆᓚᐅᔪᔭᕋ ᐆᒥᖓ ᐊᑎᓕᒃ: “ᐆᒪᔪᐃᑦ ᐱᕈᕐᑐᐃᓗ ᐱᕙᓪᓕᐊᓂᕆᓯᒪᔭᖏᑦ ᓄᕗᒻᒥ ᕿᑭᕐᑕᓂ, ᓄᓇᕕᒻᒥ, ᑲᓇᑕᒥ”, ᐃᑉᐱᒋᑦᓱᒋᒃ ᖃᓄᖅ ᐱᑐᑦᓯᒪᐅᑎᓂᒋᒃ ᓯᓚᐅᑉ ᐊᓯᑦᔨᐸᓪᓕᐊᓂᖓ ᐊᕙᑎᕗᓪᓗ ᓄᕗᒻᒥ ᕿᑭᕐᑕᒐᓵᓗᓐᓂ, ᑕᑯᓐᓇᒐᖃᓗᐊᓐᖑᐊᓱᖓᓗ ᐃᑦᓴᓂᑕᕐᓂᐊᕕᒻᒥᒃ ᓇᔪᒐᐅᓚᐅᕐᑐᕕᓂᕐᒦᑐᒥᒃ KcFs-5-ᒍᓂᕋᕐᑕᒥ.

ᓄᕗᒻᒦᑐᑦ ᕿᑭᕐᑕᒐᓴᕐᔪᐊᑦ ᐱᖓᓱᓗᐊᓐᖑᐊᓄᑦ ᕿᑭᕐᑕᒪᕆᓐᓄᑦ ᐱᑐᑦᓯᒪᐅᑎᕗᑦ ᐅᑯᓄᖓ: (NK-1, NK-2 ᐊᒻᒪᓗ NK-3) ᐱᖓᓱᓄᓪᓗ ᑭᓗᒦᑕᓄᑦ ᐅᖓᓯᓐᓂᖃᕐᓱᑎᒃ ᐃᕗᔨᕕᒻᒥᑦ (ᓄᓇᕕᒻᒥ) (ᑕᑯᓗᒍ ᐊᑦᔨᖑᐊᖅ 1). ᐊᕐᕕᑕᕐᑐᖃᓚᐅᔪᔪᖅ ᖃᐅᔨᓴᕐᑐᓂᒃ 2009 ᐊᐅᔭᖓᓐᓂ ᐃᓚᖃᕐᑎᓗᒍ ᐱᕈᕐᑐᓂᒃ ᑭᑎᑦᓯᓂᕐᒥᒃ ᐅᔭᕋᓱᑦᔪᓃᑦᑐᑦ ᐅᕐᔪᐃᑦ ᑎᒍᓚᔭᐅᑎᓪᓗᒋᑦ ᐱᖑᓱᐃᓂᑦ ᑕᓯᕐᓂᑦ, ᑖᒃᑯᐊᓗ ᑕᓰᑦ ᐃᒻᒥᐸᓪᓕᐊᓕᕐᓱᑎᒃ: ᐊᑕᐅᓯᖅ ᑕᓯᖅ NK-1-ᒍᓂᕋᕐᑕᒦᑦᑐᖅ, ᐃᓚᖓᓗ NK-2-ᒍᓂᕋᕐᑕᒦᑦᑐᖅ ᐃᓚᒋᒻᒥᔭᖓ NK-3-ᒦᑦᑎᓗᒍ.

ᑖᕙᓂ ᓇᔪᒐᐅᓚᐅᕐᑐᕕᓂᕐᒥ, ᓄᓇᐅᑉ ᖃᓕᐊᕇᓐᓂᖓ ᐅᔭᕋᓱᑦᔪᐃᑦ ᒥᑦᓵᓂ ᖃᐅᔨᓴᕐᑕᐅᓚᐅᔪᔪᖅ ᓇᓗᓀᕐᑕᐅᓱᓂᓗ ᑐᓐᖓᕕᖃᕐᑎᓗᒍ ᖃᓄᓪᓗᐊᑎᒋᒃ ᓄᓇᐅᑉ ᓱᔪᓯᒪᓕᕐᓂᖓᓂᒃ, ᑕᐅᑦᑐᖓᓂᒃ ᖃᓄᐃᓪᓗᐊᓂᖓᓂᓪᓗ ᐅᕐᔫᑉ ᐅᔭᕋᓱᑦᔪᒦᑦᑑᑉ. ᐅᔭᕋᓱᑦᔪᐃᑦ ᐃᑦᔪᓂᖃᓚᐅᔪᔪᑦ 47 ᐊᒻᒪᓗ 54-ᓯᓐᑎᒦᑕ ᐊᑯᓐᓂᖏᓐᓃᑐᓂᒃ ᓇᑲᑕᐅᖃᑦᑕᓱᑎᓗ ᓯᓐᑕᒦᑕᑕᒫᑦ. ᐃᓘᓐᓇᑎᒃ ᑎᒍᓚᔭᐅᔪᑦ ᕿᓪᓕᑐᔭᒧᑦ ᐴᕐᑕᐅᓚᐅᔪᔪᑦ ᓇᓗᓀᕐᑕᐅᓯᐊᕐᓱᑎᓗ ᑭᖑᓂᖓᒍᑦ ᐱᕈᓚᐅᕐᑐᕕᓃᑦ ᖃᐅᔨᓴᕐᑕᐅᓛᕐᑎᓗᒋᑦ, ᖁᐱᕐᕉᓚᐅᕐᑐᕕᓃᑦ ᖃᐅᔨᓴᕐᑕᐅᓛᕐᑎᓗᒋᑦ ᖃᖓᓂᑕᐅᒻᒪᖔᑕᓗ ᖃᐅᔨᓴᕐᑕᐅᓛᕐᑎᓗᒋᑦ. ᑕᒪᑦᓱᒪ ᖃᐅᔨᓴᕐᓂᐅᓚᐅᔪᔫᑉ ᑐᕌᒐᓱᐊᕐᑕᖓ ᖃᐅᔨᒍᒪᒐᒪ ᐅᓪᓗᐃᑦ ᒪᓕᓪᓗᒋᑦ ᓇᓂᓕᒫᖅ ᐊᓯᑦᔨᐸᓪᓕᐊᓂᕕᓃᑦ ᓱᕐᕃᓲᕕᓂᐅᑦᓱᑎᒃ ᓄᓇᑐᕐᓖᑦ ᐱᓂᐊᕐᓂᕆᓕᕐᑕᖏᓐᓂᒃ ᓄᕗᒻᒥ ᕿᑭᕐᑕᕋᓱᐊᕐᔪᐊᒥᐅᕕᓃᑦ.