COURS DE LANGUE INUITE (INUKTITUT)
ᓇᔪᒐᐅᓚᐅᕐᑐᕕᓂᖅ ᖃᔭᕐᑕᓕᒃ ᐃᓚᒋᓕᐅᑎᑎᑕᐅᔪᖅ ᓀᑦᑑᓱᓂ ᓄᓀᑦ ᐊᑎᖁᑎᖃᐅᑎᖓᓄᑦ ᒪᓂᔭᕕᓂᐅᑦᓱᓂ ᑲᓇᑕᐅᑉ ᑲᕙᒪᖓᓄᑦ UNESCO-ᒥ World Heritage Sites-ᒧᑦ
ᐅᐃᐊᔅᑦᒪᐅᓐᑦ, ᐋᕐᔪᓕᐅᑦ 11, 2017 - ᐊᕙᑕᖅ ᐱᐅᓯᑐᖃᓕᕆᕕᒃ ᐃᓚᒋᔭᐅᕗᖅ ᓯᑕᒪᐅᔪᕐᑐᓄᑦ ᓵᓚᖃᕐᑐᕕᓂᕐᓄᑦ ᐱᔪᓐᓇᐅᑏᑦ ᐃᓱᒪᕐᓲᑏᓪᓗ ᐃᓕᑕᕆᔭᐅᒍᑎᖏᓐᓂᒃ ᑯᐯᒻᒥ ᓄᓇᕐᔪᐊᒥᐅᓕᒫᑦ ᐅᕕᒐᕐᑐᐃᓗ ᐱᔪᓐᓇᐅᑎᖏᑦᑕ ᑐᕐᖃᑕᕐᕕᖓᓐᓂᑦ. ᑕᕝᕙᓂ ᐊᕐᕌᒍᕐᒥ, ᓇᓗᓀᕐᓯᐅᑎᒋᑦᓱᒍ ᖁᓕᓂᒃ ᐊᕐᕌᒍᕐᑖᓂᖓᓄᑦ ᓄᓇᕐᔪᐊᒥ ᑲᑐᑦᔨᖃᑎᒌᕐᕕᖓᑕ ᓄᓇᖃᕐᖄᓯᒪᔪᓄᑦ, ᓵᓚᖃᐅᑎᒃ ᐁᑦᑑᑕᐅᓚᐅᔪᕗᖅ ᓯᑕᒪᐅᔪᕐᑐᓄᑦ ᐱᒋᐊᓐᖓᐅᑎᕕᓂᕐᓄᑦ ᐱᓇᓱᐊᕐᓯᒪᓕᕐᓱᑎᒃ ᓴᐳᑦᔨᓂᕐᒥᒃ ᑯᐯᒻᒥ ᓄᓇᖃᕐᖄᓯᒪᔪᑦ ᐱᔪᓐᓇᐅᑎᖏᓐᓂᒃ.
ᑰᑦᔪᐊᕌᐱᒥ, ᐊᒥᕃᔭᐅᑦ 19-ᒥᑦ 21-ᒧᑦ 2017-ᒥ, ᐊᕙᑎᓗ ᒪᕐᕈᓘᖑᒍᑎᖓᓐᓂ ᐃᓄᒻᒪᕇᑦ ᓄᓇᕕᒻᒥᐅᑦ ᑲᑎᒪᓂᒻᒪᕆᖃᓚᐅᔪᕗᑦ. ᐃᓄᒻᒪᕇᑦ ᐊᕙᑎᓗ ᖁᓕᓪᓘᑦ ᑭᒡᒐᑐᕐᑐᑦ ᖁᓕᓪᓗ ᓯᑕᒪᓪᓘᓂᒃ ᓄᓇᕕᒻᒥ ᓄᓇᓕᓐᓂᒃ, ᐃᓚᒋᔭᐅᑎᓗᒋᑦ ᓯᓵᓯᐱᒥᐅᑦ, ᑲᑎᒪᓚᐅᔪᕗᑦ.
ᐅᐃᐊᔅᑦᒪᐅᓐᑦ, ᐊᒥᕃᔭᐅᑦ 26, 2017 – ᑰᑦᔪᐊᕌᐱᒥ ᐃᓄᒻᒪᕇᑦ ᓄᓇᕕᒻᒥᐅᑦ ᑲᑎᒪᓂᒻᒪᕆᖃᕐᑎᓗᒋᑦ ᐊᒥᕃᔭᐅᑦ 21-ᒥ ᓂᕈᐊᕐᓂᖃᓚᐅᔪᕗᖅ ᐊᕙᑕᐅᑉ ᑲᑎᒪᔨᒋᓂᐊᓕᕐᒥᔭᖏᓐᓂᒃ. ᐊᕐᕌᒎᒃ ᒪᕐᕈᑕᒫᑦ, ᑭᒡᒐᑐᕐᑏᑦ ᑲᑎᒪᓂᒻᒪᕆᒻᒥ ᐅᑯᐊᖑᑦᓱᑎᒃ ᓄᓇᓕᓐᓂ ᐊᑐᓂᑦ ᑭᒡᒐᑐᕐᑏᑦ ᐊᒻᒪᓗ ᓄᓇᓕᓐᓂ ᐱᐅᓯᑐᖃᓕᕆᔩᑦ, ᓂᕈᐊᓲᑦ ᐊᕙᑕᕐᒥ ᑲᑎᒪᔨᐅᓚᖓᓕᕐᒥᔪᓂᒃ.
