ᐱᒋᐊᕐᓂᓕᒍᑎᒃ
ᑮᓇᐅᔭᖃᕐᑎᑕᐅᓂᖓ ᓄᓇᓖᑦ ᐃᓕᓐᓂᐊᕕᕐᔪᐊᓗ ᐱᓇᓱᐊᖃᑎᒌᓐᓂᖏᑎᒍᑦ ᓯᕗᓪᓖᑦ ᐃᓅᓯᕆᓚᐅᕐᑕᖏᑦᑕ ᐊᑑᑎᓚᐅᕐᑕᖏᑦᑕᓗ ᐱᓇᓱᐊᕐᑕᐅᓂᖓᓄᑦ
ᑖᓐᓇ ᓄᓇᓖᑦ ᐃᓕᓐᓂᐊᕕᕐᔪᐊᓗ ᐱᓇᓱᐊᖃᑎᒌᓐᓂᕆᓲᖓ ᓄᐃᑕᓚᕿᔪᖅ ᓇᑯᕐᒦᒃ ᖃᐅᔨᓴᕈᑎᑦᓴᓂᒃ ᑮᓇᐅᔭᖃᕐᑎᓯᓚᐅᔪᒻᒪᑕ ᑲᓇᑕᒥ ᐃᓅᖃᑎᒌᑦᑐᓂᒃ ᓱᑯᐃᔦᔨᒻᒪᕇᑦ ᑲᑎᒪᔨᖏᑦ. ᑖᓐᓇ ᐱᓇᓱᐊᕐᑕᕕᓂᖅ ᐱᕙᓪᓕᔭᐅᓯᒪᕐᔪᐊᒥᔪᖅ ᐊᕙᑕᖅ ᐱᐅᓯᑐᖃᓕᕆᕕᒃᑯᑦ ᓴᐳᑦᔭᐅᓯᒪᓂᕆᓲᖏᓐᓄᑦ ᓴᐳᑦᔭᐅᓲᒍᐃᓐᓈᓱᑎᓗ ᐃᓄᐃᑦ ᑎᒥᐅᔪᖁᑎᖏᓐᓄᑦ: ᒪᑭᕝᕕ ᑯᐊᐳᕇᓴᓐ, ᑲᑎᕕᒃ ᓄᓇᓕᓕᒫᑦ ᑲᕙᒪᖓ, ᑲᑎᕕᒃ ᐃᓕᓐᓂᐊᓂᓕᕆᓂᖅ ᐊᓯᖏᓪᓗ ᑕᕐᕋᒦᑦᑐᑦ ᐱᓇᓱᕝᕕᐅᔪᑦ ᐆᑦᑑᑎᒋᓗᒋᑦ ᓄᓇᓖᑦ ᑲᕙᒫᐱᒃᑯᖏᑦ ᓄᓇᒥᒃ ᑎᒍᒥᐊᕐᑎᑯᓪᓗ. ᐱᒻᒪᕆᐅᒻᒥᔪᖅ ᑌᓯᒍᑦᑕ ᒪᕐᕈᓚᕇᓐᓂᒃ ᐃᓕᒋᔭᐅᒻᒪᕆᒻᒥᔫᓐᓂᒃ ᐊᑐᕐᑐᓚᕆᐅᑦᓱᑎᒃ ᐊᕙᑕᒃᑯᑦ ᒥᑦᓯᖃᕐᓂᖏᓐᓄᑦ: ᑯᐯᒻᒥ ᐱᐅᓯᑐᖃᓕᕆᔩᑦ, ᑐᓴᐅᒪᖃᑎᒌᓐᓂᓕᕆᔩᑦ ᐊᕐᓀᓗ ᖃᓄᐃᓐᖏᓯᐊᕐᓂᖏᓐᓄᑦ ᑐᕐᖃᑕᕐᕕᖓ ᐊᒻᒪᓗ ᑲᕙᒪᑐᖃᒃᑯᑦ ᐃᓄᓕᕆᔨᑐᖃᖏᑦ. ᑖᒃᑯᐊᓕᒫᑦ ᐱᓇᓱᕝᕕᐅᔪᑦ ᐃᑲᔪᕐᓯᒪᕙᑦᑐᑦ ᐃᑲᔪᖏᓐᓇᓱᑎᓗ ᓯᕗᒧᐊᑉᐸᓕᐊᓂᖓᓂᒃ ᐊᕙᑕᒃᑯᑦ, ᑌᒣᑦᓱᑎᓗ ᐱᓇᓱᐊᕐᑕᐅᒍᓐᓇᓯᓚᕿᑎᓪᓗᒍ ᓄᓇᓖᑦ ᐃᓕᓐᓂᐊᕕᕐᔪᐊᓗ ᐱᓇᓱᐊᖃᑎᒌᓐᓂᖏᑎᒍᑦ ᓯᕗᓪᓖᑦ ᐃᓅᓯᕆᓚᐅᕐᑕᖏᑦᑕ ᐊᑑᑎᓚᐅᕐᑕᖏᑦᑕᓗ ᐱᓇᓱᐊᕐᑕᐅᓂᖓ.
