ᐱᒋᐊᕐᑎᑕᕕᓂᐅᑦᓱᓂ 1980-ᒥ ᐊᕙᑕᖅ ᐱᐅᓯᑐᖃᓕᕆᕕᒃ ᖄᖏᕐᓂᑯᓕᐅᓲᑦᓴᔭᐅᖕᖏᑑᑦᓱᓂ ᑎᒥᐅᕗᖅ ᑐᕌᕐᓂᖃᕐᓱᓂ ᐅᖑᒪᑦᓯᓂᕐᒥᒃ ᓯᕗᒧᐊᑦᑎᓯᓂᕐᒥᓗ ᐃᓄᐃᑦ ᓄᓇᕕᒻᒥᐅᑦ (ᑯᐯᒃ ᑕᕐᕋᖓᓂᒥᐅᑦ) ᐅᖃᐅᓯᖓᓂᒃ ᐃᓗᕐᖁᓯᖓᓂᓪᓗ.
ᑖᓐᓇ ᑎᒥᐅᔪᖅ ᐊᓪᓚᕕᒻᒪᕆᖁᑎᓕᒃ ᐃᓄᑦᔪᐊᒦᑦᑐᒥᒃ ᓄᓇᕕᒻᒥ ᐊᒻᒪᓗ ᐊᐅᓚᑦᓯᕕᒻᒥᒃ ᐊᓪᓚᕕᖃᕐᒥᓱᓂ ᒧᓐᑐᔨᐊᒦᑦᑐᒥᒃ ᑯᐯᒻᒥ.
ᐊᕙᑕᒃᑯᑦ ᑐᕃᓐᓇᑐᒥᒃ ᑎᓕᐅᕐᑕᐅᒍᑎᒥᓂᒃ ᐁᑦᑐᑕᐅᓲᖑᕗᑦ ᐃᓄᓐᓂᑦ ᓄᓇᕕᒻᒥᐅᓂᑦ ᐃᓄᐃᑦ ᐃᓄᒻᒪᕇᑦ ᒪᕐᕉᒃ ᐊᕐᕌᒍᑕᒫᑦ ᑲᑎᒪᓂᒻᒪᕆᒋᓲᖏᓐᓂ. ᐊᕙᑕᒃᑯᑦ ᑲᑎᒪᔨᓖᑦ ᑕᓪᓕᒪᓂᒃ ᐃᓄᐃᓐᓇᓂᒃ ᓂᕈᐊᕐᑕᐅᒪᓂᖃᓲᓂᒃ ᐊᕐᕌᒎᓐᓂ ᒪᕐᕉᓂ.
ᑖᓂᐊᓪᓕ ᐅᐃᑖᓗᑦᑑᑉ ᐊᐅᓚᔨᔭᐅᓂᖓᓄᑦ ᑕᑯᔭᑦᓴᑯᕕᒃ ᐱᐅᓯᑐᖃᓕᕆᕕᖓᓗ ᐃᑲᔪᕐᓯᒪᓲᖅ ᓴᐳᒻᒥᓯᒪᓂᕐᒥᒃ ᖁᕝᕙᑎᑦᓯᒋᐊᕐᓂᒥᓪᓗ ᐃᓄᐃᑦ ᓄᓇᕕᒻᒥᐅᓗ ᐃᓗᕐᕈᓯᖓᓐᓂᒃ.
“ᓄᓀᑦ ᐊᑎᖏᑦ ᖃᐅᔨᒪᔭᐅᑦᓱᑎᒃ ᐊᑐᕐᑕᐅᓲᒍᑦᓱᑎᓗ ᐃᓄᐃᑦ ᐊᐅᓚᔨᔭᖏᑎᒍᑦ ᐃᓕᕐᑕᓯᒪᔭᐅᒋᐊᖃᕐᖁᑦ ᑲᕙᒪᒃᑯᓄᑦ ᐊᑐᕐᑕᐅᓗᑎᓗ ᐃᓕᑕᕆᔭᐅᔪᓂ ᓄᓇᓐᖑᐊᓂ ᓱᓕᓪᓚᕆᑦᑑᓂᕃᒋᐊᖃᕐᒪᑕ ᐊᑌᓐᓇᑐᒥᒃ ᐃᓗᕐᕈᓯᑎᒍᑦ ᐃᓪᓕᓇᕐᑑᓂᖏᓐᓂᒃ.” ᑐᑭᑖᕈᑎᕕᓂᖓ ᐃᓄᐃᑦ ᐃᓄᑐᙯᑦ ᑲᑎᒪᓂᒻᒪᕆᖃᕐᓱᑎᒃ, 1983-ᒥ.
