ᖃᐅᔨᓴᕐᓂᖅ, ᐊᑐᐊᒐᒃᑯᕕᒃ ᐱᓇᓱᐊᕐᑕᐅᓯᒪᔪᓂᓪᓗ ᑲᑎᕐᓱᐃᕕᒃ

ᓄᓇᓐᖑᐊᓕᕆᓂᖅ : ᐃᓄᐃᑦ ᓄᓇᖏᑦᑕ ᐊᑎᖏᑦ

ᐱᓇᓱᐊᕐᑕᐅᓂᕕᓂᖓᑕ ᒥᑦᓵᓄᑦ

1981-ᖑᓚᐅᕐᑎᓇᒍᓘᓐᓃᑦ, ᓄᓀᑦ ᐊᑎᖏᓐᓂᒃ ᑲᑎᕐᓱᐃᓂᖅ ᐱᒋᐊᕐᑕᐅᓚᐅᕐᓯᒪᕗᖅ ᐃᓄᒃᔪᐊᒥ ᑲᖏᕐᓱᔪᐊᒥᓪᓗ. 1981-ᒥ, ᐊᕙᑕᒃᑯᑦ ᐃᓕᑕᕆᔭᐅᔪᑎᒍᑦ ᑎᒍᓯᓚᐅᕐᓯᒪᕗᑦ ᑖᑦᓱᒥᖓ ᐱᓇᓱᐊᕐᑕᐅᔪᒥᒃ, ᐊᒻᒪᓗ ᐃᓕᓐᓂᐊᕕᕐᔪᐊᒥ ᐃᓕᓐᓂᐊᑎᑦᓯᔨ (Professor) ᓘᑦᑲ ᒥᐅᓗᕐ-ᒍᐃᓕ (ᓄᓇᓐᖑᐊᓕᕆᓂᕐᒥ ᐱᒍᑦᔨᕕᖓᓂᒥᐅᖅ ᒪᑭᓪ ᐃᓕᓐᓂᐊᕕᕐᔪᐊᖓᓐᓂ ᐊᒻᒪᓗ ᓄᓇᖃᕐᖄᓯᒪᔪᑦ ᐊᑎᖏᓐᓂᒃ ᖃᐅᔨᓴᕐᕕᖓᓐᓂᒥᐅᖅ) ᓄᐊᑦᓯᓚᐅᕐᓯᒪᔪᖅ 7797-ᓂᒃ ᓄᓀᑦ ᐊᑎᖏᓐᓂᒃ ᓄᓇᕕᒻᒥ. ᐃᑲᔪᕐᑕᐅᓱᓂ ᕿᐊᓚᓐ ᐅᐃᑖᓗᑦᑐᖅ ᑲᒻᐳᐹᑦᔅᒧᑦ ᔮᓂ ᐹᓕᓴᒧᓪᓗ, ᑖᒃᑯᐊ ᑕᒪᒋᒃ ᐃᓄᒃᔪᐊᒥᐅᖅ. ᐅᓄᕐᑐᔪᐊᓂ ᐃᑲᐅᕐᓂᓂ ᓯᑯᑦᓴᔭᒨᔦᑲᑦᑕᕇᑐᐊᕐᒪᑕ ᓇᓗᓀᕐᓯᑲᑦᑕᕇᑐᐊᕐᒪᑕᓗ, ᐃᓄᒃᑎᑑᕐᑐᑦ ᓄᓀᑦ ᐊᑎᖏᑦᑕ ᑲᑎᕐᓱᑕᐅᓂᕕᓂᖏᑦ (Gazetteer) ᐊᑐᐊᒐᓐᖑᑎᑕᐅᓕᕐᑐᕕᓃᑦ 1987-ᒥ. 1988 ᐊᒻᒪᓗ 1995 ᐊᑯᓐᓂᖓᓂ, ᐊᕙᑕᒃᑯᑦ ᐊᑐᐊᒐᓐᖑᑎᑕᐅᑎᑦᓯᓕᕐᓂᒥᔪᑦ ᐱᖓᓲᔪᕐᑐᓂᒃ ᓄᓇᓐᖑᐊᖁᑎᒋᔭᐅᔪᓂᒃ ᐱᖓᓲᔪᕐᑐᓄᑦ ᓄᓇᓕᓐᓄᑦ ᓄᓇᕕᒻᒥ.

ᖃᐅᔨᒋᐊᕐᕕᓴᖅ

ᓄᓇᓐᖑᐊᓕᕆᓂᖅ
ᖃᐅᔨᒋᐊᕐᕕᓴᖅ: Naluturuk Weetaluktuk
Institut culturel Avataq
360 - 4150 rue Ste Catherine Ouest
Westmount (Québec), H3Z 2Y5
Tél : (514) 989-9031 poste 233
Fax : (514) 989-8789
Email : nunatop@avataq.qc.ca

ᓇᐅᔭᖃᕐᑎᑕᐅᓂᕕᓂᖓ ᐃᑲᔪᕐᑐᕕᓃᓪᓗ

ᖃᐅᔨᒪᔭᐅᔪᓂᒃ ᑲᑎᕐᓱᐃᓂᖅ (1981-ᒥᑦ 1987-ᒧᑦ) ᐊᒻᒪᓗ ᐊᑐᐊᒐᓐᖑᑎᑕᐅᑎᑦᓯᓂᖅ ᓄᓀᑦ ᐊᑎᖏᓐᓂᒃ ᐱᕕᖃᕐᑎᑕᐅᓐᓂᖂᒃ ᓂᖏᕐᑎᓯᑎᓪᓗᒋᑦ ᑯᐯᒻᒥ ᐃᓗᕐᕈᓯᓕᕆᔨᒻᒪᕇᑦ ᑐᕐᖃᑕᕐᕕᖓᑦ (ᐅᓪᓗᒥ ᐊᑎᕆᓕᕐᑕᖓ ᑯᐯᒻᒥ ᐃᓗᕐᕈᓯᓕᕆᔨᒻᒪᕇᑦ ᑐᓴᐅᒪᖃᑎᒌᓐᓂᓕᕆᔨᒻᒪᕇᓪᓗ ᑐᕐᖃᑕᕐᕕᖓᑦ), ᑯᐯᒻᒥ ᓄᓇᓐᖑᐊᓕᕆᔨᒻᒪᕆᖏᑦ, ᑲᕙᒪᑐᖃᒃᑯᑦ ᐃᓄᓕᕆᔨᑐᖃᖏᑦ ᑲᓇᑕᐅᑉ ᑕᕐᕋᖓᓂᒥᐅᓂᒃ, ᐱᖁᑎᒋᔭᐅᔪᓂᒃ ᐸᐸᑦᓯᔨᒥᑦ (Secretary of State-ᒥᑦ), ᒪᑭᓪ ᐃᓕᓐᓂᐊᕕᕐᔪᐊᖓᓐᓂᑦ ᐊᒻᒪᓗ Wolkswagenwerk Foundation-ᑯᓐᓂᑦ (ᔮᒪᓂᒥᐅᓂᑦ). ᕿᒥᕐᕈᐊᖑᕐᑎᑕᐅᓂᖏᑦ ᐱᖓᓲᔪᕐᑐᓅᓕᖓᔪᑦ ᓄᓇᓕᓐᓄᑦ ᓄᓇᓐᖑᐊᑦ ᐱᕕᖃᕐᑎᑕᐅᔪᕕᓃᑦ ᓂᖏᕐᑎᓯᑎᓪᓗᒋᑦ ᑲᕙᒪᑐᖃᒃᑯᑦ ᐃᓄᓕᕆᔨᑐᖃᖏᑦ ᑲᓇᑕᐅᑉ ᑕᕐᕋᖓᓂᒥᐅᓂᒃ. ᐊᕙᑕᒃᑯᑦ ᑕᒐᑕᒐᐅᔪᖅ ᑮᓇᐅᔭᕐᓯᐅᑐᑦ ᑲᔪᓯᒍᑎᑦᓴᓂᒃ ᓄᓇᓐᖑᐊᓕᐅᕆᓂᕐᒥᒃ ᐊᓯᒋᐊᓪᓚᖏᓐᓂᒃ ᓯᑕᒪᐅᔪᕐᑐᓂᒃ ᓄᓇᓕᐅᔪᓂᒃ, ᐱᓐᖑᑎᑦᓯᒋᐊᓪᓚᓗᑎᓗ ᐃᓄᒃᔪᐊᒥᐅᑦ ᓄᓇᓐᖑᐊᖁᑎᖏᓐᓂᒃ, ᑕᒐᑕᒐᐅᔪᖅ ᐃᓄᒃᔪᐊᒨᓕᖓᔪᓂᒃ ᓄᓇᓐᖑᐊᖃᕈᓐᓀᒪᑦ.