ᑐᓴᕋᑦᓭᑦ
ᐊᕐᐱ ᔮᒻ Kashtin-ᑰᓐᓂᒃ ᑐᓴᕐᓂᔮᕐᑎᓯᔩᓐᓂᒃ ᐅᑎᖃᑎᒌᑦᑎᓯᔪᖅ ᖁᓕᓪᓗ ᒪᕐᕈᓘᑦ ᐊᕐᕌᒍᐃᑦ ᐊᓂᒍᕐᓯᒪᓕᕐᑎᓗᒋᑦ ᐱᒋᐊᓐᖓᓚᐅᕐᑐᕕᓂᐅᑎᓪᓗᒋᒃ >
ᐊᐅᒫᒡᒌᕕᒃ ᓄᓇᕕᒻᒥ ᓴᓇᓐᖑᐊᑏᑦ, ᐃᓐᖏᖑᐊᕐᑏᑦ, ᐊᓪᓚᖑᐊᕐᑏᑦ ᐊᑐᐊᒐᓕᐅᕐᑏᓗ ᑐᕐᖃᑕᕐᕕᖓ
ᑐᓐᖓᓱᒋᑦ ᐊᐅᒫᒡᒌᕕᐅᑉ ᓄᓇᕕᒻᒥ ᓴᓇᓐᖑᐊᑏᑦ, ᐃᓐᖏᖑᐊᕐᑏᑦ, ᐊᓪᓚᖑᐊᕐᑏᑦ ᐊᑐᐊᒐᓕᐅᕐᑏᓗ ᑐᕐᖃᑕᕐᕕᖓᓐᓄᑦ!
ᙯᓗᑭᕙᓚᐅᕆᑦ ᑐᓴᕆᐊᕐᑐᓗᑎᒃ ᖃᒻᒥᓂᑕᐅᓂᕐᐹᓂᒃ ᑐᓴᕋᑦᓴᓂᒃ ᓴᓇᓐᖑᐊᓂᐅᑉ, ᐃᓐᖏᖑᐊᕐᓂᐅᑉ, ᐊᓪᓚᖑᐊᕐᓂᐅᑉ ᐊᑐᐊᒐᓕᐅᕐᓂᐅᓗ ᐊᒻᒪᓗ ᓄᓇᕕᒻᒥᐅᑦ ᐃᓗᕐᕈᓯᖓᑕ ᒥᑦᓵᓄᑦ. ᑖᓐᓇ ᐱᒍᑦᔨᕕᒃ ᐱᒍᑦᔨᓲᖅ ᓄᓇᕕᒻᒥᐅᓂᒃ ᓴᓇᓐᖑᐊᑎᓂᒃ, ᐃᓐᖏᖑᐊᕐᑎᓂᒃ, ᐊᓪᓚᖑᐊᕐᑎᓂᒃ ᐊᑐᐊᒐᓕᐅᕐᑎᓂᓪᓗ ᑮᓇᐅᔭᓂᒃ ᓂᖏᕐᑎᓯᓂᒃᑯᑦ, ᐱᕙᓪᓕᐊᑎᑦᓯᓂᒃᑯᑦ ᓴᓇᓐᖑᐊᑏᑦ, ᐃᓐᖏᖑᐊᕐᑏᑦ, ᐊᓪᓚᖑᐊᕐᑏᑦ ᐊᑐᐊᒐᓕᐅᕐᑏᓗ ᐱᓇᓱᕝᕕᓴᖏᓐᓂᒃ ᓄᓇᓕᐅᔪᓂ, ᖁᕝᕙᑎᑦᓯᒋᐊᕐᓂᐅᕙᑦᑐᓂᒃ, ᐃᑲᔪᕐᓯᓂᐅᕙᑦᑐᓂᓪᓗ ᑮᓇᐅᔦᓚᕿᔪᖃᓕᕐᒪᑦ.
ᐃᓄᑐᐃᓐᓇᐅᒍᕕᑦ ᓴᓇᓐᖑᐊᓂᕐᒥᒃ, ᐃᓐᖏᖑᐊᕐᓂᒥᒃ, ᐊᓪᓚᖑᐊᕐᓂᒥᒃ ᐊᑐᐊᒐᓕᐅᕐᓂᒥᓪᓗ ᐱᔪᓐᓇᓚᕆᑦᑑᓗᑎᑦ, ᕿᓂᕈᓐᓇᐳᑎᑦ ᖃᕆᑕᐅᔭᒥ ᑲᑎᕐᓱᐃᕕᒻᒦᑐᓂᒃ ᓇᓪᓕᐅᑎᓯᒪᖃᑎᒌᑦᑐᑦ ᓄᓇᕕᒻᒥᐅᑦ ᓴᓇᓐᖑᐊᑏᑦ, ᐃᓐᖏᖑᐊᕐᑏᑦ, ᐊᓪᓚᖑᐊᕐᑏᑦ ᐊᑐᐊᒐᓕᐅᕐᑏᓗ ᑖᒃᑯᓇᓂ ᓇᓪᓕᐊᓂᑐᐃᓐᓇᓯᐊᖅ ᐱᓇᓱᐊᓲᖏᑦᑕ ᒥᑦᓵᓄᐊᖓᔪᓂᒃ.
ᓄᓇᕕᒻᒥᐅᖑᓗᑎᑦ ᓴᓇᓐᖑᐊᑎᐅᒍᕕᑦ, ᐃᓐᖏᖑᐊᕐᑎᐅᒍᕕᑦ, ᐊᓪᓚᖑᐊᕐᑎᐅᒍᕕᑦ ᐊᑐᐊᒐᓕᐅᕐᑎᐅᒍᕕᑦ ᐅᕝᕙᓘᓐᓃᑦ ᓄᓇᕕᒻᒥᐅᑦ ᓴᓇᓐᖑᐊᑕᕕᓂᖏᓐᓂᒃ, ᐃᓐᖏᖑᐊᕐᑕᕕᓂᖏᓐᓂᒃ, ᐊᓪᓚᖑᐊᕐᑕᕕᓂᖏᓐᓂᒃ ᐊᑐᐊᒐᓕᐊᕕᓂᖏᓐᓂᓘᓐᓃᑦ ᐱᐅᑦᓴᑎᐅᒍᕕᑦ, ᑕᑯᓚᖓᕗᑎᑦ ᑲᖐᒋᓇᕐᑐᖑᐊᓂᒃ ᑕᕝᕙᓃᑦᑐᓂᒃ!
ᑕᑯᒐᓱᐊᖃᑦᑕᕆᑦ ᖃᓄᐃᓕᖓᓕᕐᒪᖔᑦᑕ Facebook-ᑎᒍᑦ
