ᑭᓇᒃᑰᒪᖔᑦᑕ
ᐊᕙᑕᖅ ᐱᐅᓯᑐᖃᓕᕆᕕᐅᑉ ᐱᓇᓱᐊᓲᖏᑦ ᐱᒍᑦᔨᓂᕆᓲᖏᓪᓗ ᐅᑯᓂᖓ ᐃᓚᖃᕐᐳᑦ: ᐃᓄᑦᑎᑐᑦ ᐅᖃᐅᓯᐅᑉ ᓯᕗᒧᐊᑦᑎᑕᐅᓂᖓᓄᑦ ᐱᐅᓕᐊᕐᑕᐅᓂᖓᓄᓪᓗ ᐱᓇᓱᐊᕐᑕᐅᓂᖓ, ᐃᓚᒌᓐᓂᓕᕆᓂᖅ, ᓄᓇᕕᒻᒥ ᑕᑯᔭᒃᓴᑯᕕᓕᕆᓃᑦ, ᓄᓇᕕᒻᒥ ᐃᓄᐃᑦ ᐊᓪᓚᖑᐊᕐᑕᕕᓂᖏᑦᑕ/ᓴᓇᖕᖑᐊᑕᕕᓂᖏᑦᑕ/ᐃᖕᖏᖑᐊᕐᑕᕕᓂᖏᑦᑕᓗ ᑲᑎᕐᓱᑕᐅᒪᓂᖏᑦ, ᑐᓂᕐᑕᓂᐊᕐᓂᓕᕆᓂᖅ, ᐊᓪᓚᖑᐊᓲᑦ/ᓴᓇᖕᖑᐊᓲᑦ/ᐃᖕᖏᖑᐊᓲᓪᓗ ᓴᐳᑦᔭᐅᓯᒪᓂᖏᓐᓄᑦ ᐱᓇᓱᐊᕐᑕᐅᓂᖓ, ᐊᓪᓚᖁᑎᖃᕐᕕᒥᒃ ᐱᓇᓱᐊᕐᑕᐅᓯᒪᓕᕐᑐᓂᓪᓗ ᑲᑎᕐᓱᐃᕕᒻᒥᒃ, ᓄᓇᓕᓐᓂ ᐃᓗᕐᖁᓯᓕᕆᓂᕐᒧᑦ ᑲᑎᒪᔨᐊᐲᑦ, ᐃᓄᐃᑦ ᐱᐅᓯᑐᖃᖏᓐᓂᒃ ᐃᓕᓐᓂᐊᑎᑦᓯᓃᑦ, ᐊᒻᒪᓗ ᖃᐅᔨᓴᕐᓃᑦ ᐊᑐᐊᒐᓕᐅᕐᓃᓗ.
ᐊᕐᖁᑎᖃᕐᓱᓂ ᐅᖃᐅᓯᐅᑉ, ᐱᐅᓯᑐᖃᐅᑉ ᐃᓗᕐᖁᓯᑐᖃᐅᓪᓗ ᐱᓇᓱᐊᕐᑕᐅᓂᖏᓐᓂᒃ, ᐊᕙᑕᖅ ᐱᐅᓯᑐᖃᓕᕆᕕᒃ ᐊᔪᐃᓐᓇᐅᔨᔪᒻᒪᕆᐅᕙᑉᐳᖅ ᐅᓪᓗᒥ ᐃᓅᓕᕐᑐᓂᒃ ᓯᕗᓂᑦᓴᑎᓂᓪᓗ ᓴᐳᑦᔨᓯᒪᒐᓱᐊᕐᓱᓂ ᐱᐅᓕᐊᕋᓱᐊᕐᓱᓂᓗ ᐃᓄᐃᑦ ᐃᓗᕐᖁᓯᖓᓂᒃ.
ᖃᐅᔨᒋᐊᓚᐅᕆᑦ
ᐱᐅᓯᐅᓯᒪᓕᕐᑐᑦ
ᐃᓄᐃᑦ ᐱᐅᓯᑐᖃᖏᑦ ᐅᓂᒃᑲᐅᓯᕙᓪᓘᓂᑯᖏᓐᓄᑦ, 1987-ᒥ ᐊᕙᑕᖅ ᐱᐅᓯᑐᖃᓕᕆᕕᒃᑯᑦ ᐱᒋᐊᕐᑎᓯᓚᐅᔪᕗᑦ ᖃᐅᔨᓴᕐᓂᒪᕆᒻᒥᒃ ᑐᕌᕐᓂᖃᕐᑐᒥᒃ ᐋᕐᕿᓱᐃᒋᐊᑦᓯᐊᓂᕐᒥᒃ ᐃᓚᒌᓐᓂᓕᕆᓂᕐᒥᒃ ᓄᓇᕕᒻᒥᐅᑦ ᐃᓄᐃᑦ ᐃᓚᒌᑦᑐᖁᑎᖏᓐᓂᒃ.
ᓄᓀᑦ ᐊᑎᖏᑦ
“ᓄᓀᑦ ᐊᑎᖏᑦ ᖃᐅᔨᒪᔭᐅᑦᓱᑎᒃ ᐊᑐᕐᑕᐅᓲᒍᑦᓱᑎᓗ ᐃᓄᐃᑦ ᐊᐅᓚᔨᔭᖏᑎᒍᑦ ᐃᓕᕐᑕᓯᒪᔭᐅᒋᐊᖃᕐᖁᑦ ᑲᕙᒪᒃᑯᓄᑦ ᐊᑐᕐᑕᐅᓗᑎᓗ ᐃᓕᑕᕆᔭᐅᔪᓂ ᓄᓇᓐᖑᐊᓂ ᓱᓕᓪᓚᕆᑦᑑᓂᕃᒋᐊᖃᕐᒪᑕ ᐊᑌᓐᓇᑐᒥᒃ ᐃᓗᕐᕈᓯᑎᒍᑦ ᐃᓪᓕᓇᕐᑑᓂᖏᓐᓂᒃ.” ᑐᑭᑖᕈᑎᕕᓂᖓ ᐃᓄᐃᑦ ᐃᓄᑐᙯᑦ ᑲᑎᒪᓂᒻᒪᕆᖃᕐᓱᑎᒃ, 1983-ᒥ.