ᐃᓄᒻᒪᕇᑦ ᑲᑎᒪᓂᒻᒪᕆᖏᑦ

ᐱᒋᐊᓚᐅᕐᓂᕋᒥ ᐊᕙᑕᖅ ᐱᐅᓯᑐᖃᓕᕆᕕᒃ ᐃᓕᑕᕐᓯᒪᓂᖃᕐᐸᐳᖅ ᐃᓄᒻᒪᕇᑦ ᐊᑐᕐᑐᓚᕆᐅᑦᓱᑎᒃ ᐃᓚᐅᕙᓐᓂᖏᓐᓂᒃ ᐃᓅᖃᑎᒌᑦᑐᓕᒫᓂ. ᐊᓪᓛᑦ ᐊᕙᑕᒃᑯᑦ ᐱᒋᐊᕐᑎᓯᓚᕆᑦᑐᕕᓂᐅᕗᑦ ᓯᕗᓪᓕᐹᑦᓯᐊᒥᒃ ᓄᓇᕕᒻᒥᐅᑦ ᐃᓄᒻᒪᕇᑦ ᑲᑎᒪᓂᒻᒪᕆᖓᓂᒃ ᑲᖏᕐᓱᒥ 1981-ᖑᑎᓪᓗᒍ.

ᐱᒋᐊᕐᖃᒥᐅᓂᕐᒥᓂ ᐃᓄᒻᒪᕇᑦ ᑲᑎᒪᓂᒻᒪᕆᖏᑦ ᐊᕐᕌᒍᑕᒫᕐᑕᐸᓚᐅᕐᑑᒐᓗᐊᑦ, 1988-ᒥᓂᑦ ᒪᕐᕉᒃ ᐊᕐᕌᒍᑕᒫᕐᑕᐸᓕᕐᑐᑦ. ᑖᓐᓇ ᒪᕐᕉᒃ ᐊᕐᕌᒍᑕᒫᕐᑕᓂᖅ ᑲᑎᒪᓂᒻᒪᕆᐅᓲᖑᓕᕐᑐᖅ ᐱᕕᖃᕐᑎᓯᕙᑦᑐᖅ ᐃᓄᒻᒪᕆᓐᓂᒃ ᐃᓱᒫᓗᒋᔭᕐᒥᓂᒃ ᐱᒍᒪᒐᔭᖕᖑᐊᑕᕐᒥᓂᒃ ᐊᒻᒪᓗ ᓯᕘᕋᕆᔭᕐᒥᓂᒃ ᓂᓪᓕᒍᓐᓇᓯᑎᓪᓗᒋᑦ ᐱᑦᔪᑎᖃᕐᓱᑎᒃ ᐱᐅᓕᐊᕐᓂᒥᒃ ᐃᓄᐃᑦ ᐃᓗᕐᖁᓯᖓᓂᒃ, ᐅᖃᐅᓯᖓᓂᒃ ᐱᐅᓯᑐᖃᖓᓂᓪᓗ.

ᐃᓄᐃᑦ ᐃᓗᕐᕈᓯᖓᑎᒍᑦ ᐃᓄᒻᒪᕇᑦ ᑎᒍᒥᐊᕐᑎᓚᕆᐅᕗᑦ ᑌᑦᓱᒪᖕᖓᓂᑕᒻᒪᕆᓐᓂᒃ ᓯᓚᑐᔫᓂᕐᓂᒃ ᖃᐅᔨᒪᓂᕐᓂᓗ. ᑌᒪᖕᖓᓂᑦ ᖃᓪᓗᓈᑦ ᐃᓄᐃᑦ ᓄᓇᖓᓐᓅᓚᐅᕐᓂᒪᑕ, 1800-ᐃᑦ ᐊᕐᕌᒍᖏᑦᑕ ᕿᑎᓪᓗᐊᒐᓛᖏᓐᓂ, ᐃᓄᒻᒪᕇᑦ ᖃᓄᐃᓘᕐᑎᐅᓂᖏᑦ, ᑕᒪᖏᓐᓂ ᓄᓇᓕᐅᑉ ᐃᓗᐊᓂ ᐊᓂᕐᕃᓗ ᐃᓗᐊᓂ, ᑲᑕᑦᔪᒥᓯᒪᓪᓚᕆᑉᐳᑦ. ᑌᒣᒐᓗᐊᕐᑎᓗᒍ, ᐃᓄᐃᑦ ᐃᓄᒻᒪᕇᑦ ᐱᒻᒪᕆᐊᓗᒻᒥᒃ ᐊᔪᐃᓐᓇᑐᒻᒪᕆᐅᖏᓐᓈᖁᑦ ᕿᒻᒪᖁᑎᓕᐅᕋᓱᐊᕐᓱᑎᒃ ᑭᖑᕚᑦᓴᒥᓐᓄᑦ ᐱᐅᓯᑐᖃᕐᑎᒍᑦ ᖃᐅᔨᒪᐅᓯᕐᒥᓂᒃ.

ᐊᕙᑕᖅ ᐱᐅᓯᑐᖃᓕᕆᕕᒃᑯᑦ ᐱᓇᓱᐊᕋᑦᓴᖏᑦ ᐱᓇᓱᐊᕐᐸᑕᖏᓪᓗ ᐱᕙᓪᓕᐊᔭᐅᒋᐊᓪᓚᓯᒪᓕᕐᑐᑦ ᑌᒫᒃ ᑐᑭᑖᕐᑐᕕᓂᐅᒻᒪᑕ ᓄᓇᕕᒻᒥᐅᑉ ᐃᓄᒻᒪᕇᑦ ᑲᑎᒪᓂᒻᒪᕆᖃᕐᓱᑎᒃ.

ᒪᓕᑦᓱᓂ ᑎᓕᐅᕐᑕᐅᒍᑎᕕᓂᕐᒥᓂᒃ ᓄᓇᕕᒻᒥᐅᑦ ᐃᓄᒻᒪᕇᑦ ᑲᑎᒪᓂᒻᒪᕆᖏᓐᓂ, ᐊᕙᑕᖅ ᐱᐅᓯᑐᖃᓕᕆᕕᒃᑯᑦ ᑐᕌᕐᓂᖏᑦ ᐅᑯᐊᖑᕗᑦ:

  • ᓴᐳᑦᔨᓯᒪᓗᓂ, ᐱᐅᓕᐊᕋᓱᐊᕐᓗᓂ ᐅᖑᒪᑦᓯᓗᓂᓗ ᐃᓄᐃᑦ ᐃᓗᕐᖁᓯᖓᓂᒃ; 

  • ᐸᕐᓀᓂᕙᓪᓗᓂ ᒋᐊᖃᓕᕈᓂ ᓄᓇᕕᒻᒥᐅᑦ ᐃᓄᒻᒪᕇᑦ ᑲᑎᒪᓂᒻᒪᕆᑦᓴᖏᓐᓂᒃ; 

  • ᐱᐅᓕᐊᕋᓱᐊᕐᓗᓂ ᓯᕗᒧᐊᑦᑎᓯᒐᓱᐊᕐᓗᓂᓗ ᐃᓄᑦᑎᑐᑦ ᐅᖃᐅᓯᕐᒥᒃ ᐊᕐᖁᑎᖃᕐᓗᓂ ᑎᒥᖕᖑᑎᑕᐅᓂᕕᓂᖓᓂᒃ ᐃᓄᐃᑦ ᐅᖃᐅᓯᖓᓄᑦ ᑐᕐᖃᑕᕐᕕᒥᒃ ᐃᓚᐅᔪᖁᑎᖃᕐᓱᓂ ᐃᓄᒻᒪᕆᓐᓂᒃ ᐊᓯᖏᓐᓂᓗ ᐱᔪᓐᓇᑐᓪᓚᕆᓐᓂᒃ; 

  • ᐱᒋᐊᕐᑎᓯᓗᓂ ᓄᓇᕕᒻᒥ ᓄᓇᓕᓐᓂ ᑕᑯᔭᒃᓴᑯᕕᓐᓂᒃ ᐃᓗᕐᖁᓯᓕᕆᕕᓐᓂᓗ, ᐊᒻᒪᓗ ᐊᑐᐊᒐᖃᕐᕕᓂᒃ ᐱᓇᓱᐊᕐᑕᐅᓯᒪᓕᕐᑐᓂᓪᓗ ᑲᑎᕐᓱᐃᕕᒻᒥᒃ ᑐᕌᕐᓂᖃᓪᓚᕆᑦᓱᑎᒃ ᐃᓄᐃᑦ ᐃᓗᕐᖁᓯᖓᓂᒃ; 

  • ᓯᕗᒧᐊᑦᑎᓯᒋᐊᕐᓗᓂ ᐃᓄᐃᑦ ᐃᓗᕐᖁᓯᖓᑕ ᓇᓗᓀᕐᑕᐅᒪᓂᖓᓂᒃ ᐊᑐᐊᒐᑦᑎᒍᑦ, ᑕᑯᓐᓇᕋᑦᓴᑎᒍᑦ, ᓂᐱᓕᐅᕐᓯᒪᔪᑎᒍᑦ, ᐱᐅᓯᑐᖃᕐᑎᒍᑦ ᐃᓄᐃᑦ ᐱᖕᖑᐊᕈᓯᖏᓐᓂᒃ ᐱᓕᐅᑦᔨᓂᑎᒍᑦ, ᐃᓅᖃᑎᒌᑎᒍᑦ ᑕᐅᕐᓰᑲᑦᑕᓂᑎᒍᑦ ᖃᐅᔨᒪᐅᓯᕐᓂᒃ, ᐊᒻᒪᓗ ᐊᓯᖏᓐᓂᒃ ᐱᕙᓪᓕᐊᑎᑦᓯᒍᓐᓇᑐᓂᒃ ᐊᑐᐊᒐᓕᐅᕐᓂᑎᒍᑦ, ᐊᑐᐊᒐᖃᕐᕕᑎᒍᑦ ᑐᓴᕐᓂᔮᕐᓂᑎᒍᑦ ᑕᑯᓐᓇᕋᑦᓴᓕᕆᓂᑎᒍᓪᓗ; 

  • ᓇᓗᓀᕐᓯᓗᓂ, ᖃᐅᔨᓴᕐᓗᓂ ᐱᐅᓕᐊᕋᓱᐊᕐᓗᓂᓗ ᐃᓄᐃᑦ ᓄᓇᖓᓐᓂ ᑐᓂᕐᑕᓂᐊᕐᕕᓂᒃ ᐃᓗᕕᖃᕐᕕᕕᓂᕐᓂᓗ; 

  • ᓯᕗᒧᐊᑦᑎᓯᓗᓂ ᐃᓕᑕᕐᓯᒪᔭᐅᔪᒥᒃ ᐃᓄᐃᑦ ᓄᓇᖏᑦᑕ ᐊᑎᖏᓐᓂᒃ;
  • ᐱᐅᓕᐊᕋᓱᐊᕐᓗᓂ ᐃᓄᐃᑦ ᖃᐅᔨᒪᐅᓯᑐᖃᖏᓐᓂᒃ ᐱᕙᓪᓕᐊᑎᑦᓯᒐᓱᐊᕐᓗᓂᓗ ᐃᓕᓐᓂᐊᑎᑦᓯᒍᑎᑦᓴᓂᒃ ᐃᓄᐃᑦ ᐱᐅᓯᑐᖃᖓᓂᒃ ᐊᓐᓇᐅᒪᒐᓱᐊᕈᓯᖏᓐᓂᓗ; 

  • ᐅᑎᕐᑎᓯᓗᓂ ᐃᓄᐃᑦ ᐃᓗᕐᖁᓯᕐᒥᑎᒍᑦ ᓴᓇᕙᑦᑕᕕᓂᖏᓐᓂᒃ ᑕᑯᔭᐅᒍᓐᓇᖃᑦᑕᓛᕐᒪᑕ ᐅᐸᑦᑕᐅᒍᓐᓇᓗᑎᒃ ᓄᓇᕕᒻᒥᐅᓄᑦ; 

  • ᐱᕙᓪᓕᐊᑎᑦᓯᓗᓂ ᑲᔪᓯᑎᑦᓯᓗᓂᓗ ᐃᓅᖃᑎᒌᑎᒍᑦ ᑮᓇᐅᔭᑎᒍᑦ ᐃᓗᕐᖁᓯᑎᒍᓪᓗ ᖃᐅᔨᓴᕐᓂᐅᓲᑦ ᒪᓕᒐᖏᓐᓂᒃ ᐱᑦᔪᑎᖃᕐᓱᑎᒃ ᓄᓇᕕᒻᒥᐅᓂᒃ.

ᐃᓄᑐᙯᑦ ᑲᑎᒪᓂᒻᒪᕆᖓᓄᑦ ᐃᓚᐅᔪᑦ, ᓴᓪᓗᐃᑦ 2009 ᐃᑦᔪᐊᑕᐅᒌᒃᑯᑎᓕᒃ ᒥᓯᐊᓪ ᐹᑦᕆ

ᐃᓄᑐᙯᑦ ᑲᑎᒪᓂᒻᒪᕆᖓᓄᑦ ᐃᓚᐅᔪᑦ, ᓴᓪᓗᐃᑦ 2009 ᐃᑦᔪᐊᑕᐅᒌᒃᑯᑎᓕᒃ ᒥᓯᐊᓪ ᐹᑦᕆ

ᓴᐅᒥᐊᓂᑦ ᑕᓕᕐᐱᐊᓄᑦ: ᔨᓂ ᓄᓐᖓᖅ, ᓵᓕ ᐋᕐᖓᖅ, ᔦᐱᑎ ᓄᓐᖓᖅ (ᓇᖏᕐᑐᖅ), ᕉᑕ ᑯᑭᐊᐱᒃ, ᓈᓐᓯ ᐹᓕᓴ ᐃᑦᔪᐊᑕᐅᒌᒃᑯᑎᓕᒃ ᒥᓯᐊᓪ ᐹᑦᕆ

ᓴᐅᒥᐊᓂᑦ ᑕᓕᕐᐱᐊᓄᑦ: ᔨᓂ ᓄᓐᖓᖅ, ᓵᓕ ᐋᕐᖓᖅ, ᔦᐱᑎ ᓄᓐᖓᖅ (ᓇᖏᕐᑐᖅ), ᕉᑕ ᑯᑭᐊᐱᒃ, ᓈᓐᓯ ᐹᓕᓴ ᐃᑦᔪᐊᑕᐅᒌᒃᑯᑎᓕᒃ ᒥᓯᐊᓪ ᐹᑦᕆ

ᐃᒻᒥᒎᕐᑎᑐᑦ ᐅᖃᖃᑎᒌᒍᑎᖃᕐᑐᑦ ᐅᖃᐅᓯᕐᒨᓕᖓᔪᓂᒃ ᐊᐅᓚᑦᔭᕆᐊᒍᑎᒋᒍᒪᔭᕐᒥᓂᒃ ᐃᑦᔪᐊᑕᐅᒌᒃᑯᑎᓕᒃ ᒥᓯᐊᓪ ᐹᑦᕆ

ᐃᒻᒥᒎᕐᑎᑐᑦ ᐅᖃᖃᑎᒌᒍᑎᖃᕐᑐᑦ ᐅᖃᐅᓯᕐᒨᓕᖓᔪᓂᒃ ᐊᐅᓚᑦᔭᕆᐊᒍᑎᒋᒍᒪᔭᕐᒥᓂᒃ ᐃᑦᔪᐊᑕᐅᒌᒃᑯᑎᓕᒃ ᒥᓯᐊᓪ ᐹᑦᕆ

 

ᓴᐳᑏᑦ ᑲᑐᑦᔨᖃᑎᒌᓐᓂᖓᑕ ᑭᒡᒐᑐᕐᑎᖏᑦ ᐃᑦᔪᐊᑕᐅᒌᒃᑯᑎᓕᒃ ᒥᓯᐊᓪ ᐹᑦᕆ

ᓴᐳᑏᑦ ᑲᑐᑦᔨᖃᑎᒌᓐᓂᖓᑕ ᑭᒡᒐᑐᕐᑎᖏᑦ ᐃᑦᔪᐊᑕᐅᒌᒃᑯᑎᓕᒃ ᒥᓯᐊᓪ ᐹᑦᕆ

ᐱᔦᕐ ᓘᓯᔦ, ᐊᓪᓚᖑᐊᕐᑎ, ᐊᓪᓚᖑᐊᕐᑐᖅ ᐃᓄᑐᖃᐅᑉ ᑮᓇᖓᓂᒃ ᐃᑦᔪᐊᑕᐅᒌᒃᑯᑎᓕᒃ ᒥᓯᐊᓪ ᐹᑦᕆ

ᐱᔦᕐ ᓘᓯᔦ, ᐊᓪᓚᖑᐊᕐᑎ, ᐊᓪᓚᖑᐊᕐᑐᖅ ᐃᓄᑐᖃᐅᑉ ᑮᓇᖓᓂᒃ ᐃᑦᔪᐊᑕᐅᒌᒃᑯᑎᓕᒃ ᒥᓯᐊᓪ ᐹᑦᕆ

ᐃᓕᓴᐱ ᐃᓄᑉᐸᖅ, ᕉᑕ ᑯᑭᐊᐱᒃ ᕓᔫᓚ ᓇᐹᕐᑐᓗ ᐃᑭᑦᓯᔪᑦ ᖁᓪᓕᒥᒃ ᐃᑦᔪᐊᑕᐅᒌᒃᑯᑎᓕᒃ ᒥᓯᐊᓪ ᐹᑦᕆ

ᐃᓕᓴᐱ ᐃᓄᑉᐸᖅ, ᕉᑕ ᑯᑭᐊᐱᒃ ᕓᔫᓚ ᓇᐹᕐᑐᓗ ᐃᑭᑦᓯᔪᑦ ᖁᓪᓕᒥᒃ ᐃᑦᔪᐊᑕᐅᒌᒃᑯᑎᓕᒃ ᒥᓯᐊᓪ ᐹᑦᕆ

ᖃᐅᔨᒋᐊᓚᐅᕆᑦ

À découvrir

ᐅᖃᐅᓯᓕᕆᓂᕐᒧᑦ ᑲᑎᒪᓂᐊᕈᓰᑦ

ᑖᒃᑯᐊ ᑲᑎᒪᓂᐊᕈᓰᑦ ᑐᕌᖓᕙᓪᓗᓲᑦ ᐱᕙᓪᓕᐊᕈᑕᐅᒐᓱᐊᕐᓱᑎᒃ ᓄᑖᓂᒃ ᐅᖃᐅᓯᕐᓂᒃ ᐅᖃᕐᑕᐅᓗᑭᒍᓐᓀᑐᓂᓪᓗ ᐅᖃᖃᑎᒌᓐᓂᖃᖃᑦᑕᑎᓪᓗᒋᑦ ᖃᐅᔨᒪᔨᒋᔭᐅᔪᑦ (ᐃᓄᑐᙯᑦ ᐱᖓᓱᓂᑦ ᓯᑦᔭᓂᑦ ᐱᓯᒪᔪᑦ) ᐊᒻᒪᓗ ᐅᖃᐅᓯᐅᑉ ᐁᑉᐹᓅᔦᔩᑦ ᑐᓵᔨᓪᓗ. ᖃᒻᒥᓂᑕᐅᓂᕐᐹᖅ ᐅᖃᐅᓯᓕᕆᓂᕐᒧᑦ ᑲᑎᒪᓂᐊᕈᓯᐅᓚᐅᔪᖅ ᑲᖏᕐᓱᐊᓗᑦᔪᐊᒦᓚᐅᔪᖅ ᑎᕆᓪᓗᓕᐅᑦ (ᐁᕆᓕ) 2006-ᒥ.

ᖃᐅᔨᒋᐊᒃᑲᓂᕈᒪᒍᕕᑦ


À découvrir

ᑖᓂᐊᓪᓕ ᐅᐃᑖᓗᑦᑑᑉ ᑕᑯᔭᑦᓴᑯᕕᖁᑎᖓ

ᑖᓂᐊᓪᓕ ᐅᐃᑖᓗᑦᑑᑉ ᐊᐅᓚᔨᔭᐅᓂᖓᓄᑦ ᑕᑯᔭᑦᓴᑯᕕᒃ ᐱᐅᓯᑐᖃᓕᕆᕕᖓᓗ ᐃᑲᔪᕐᓯᒪᓲᖅ ᓴᐳᒻᒥᓯᒪᓂᕐᒥᒃ ᖁᕝᕙᑎᑦᓯᒋᐊᕐᓂᒥᓪᓗ ᐃᓄᐃᑦ ᓄᓇᕕᒻᒥᐅᓗ ᐃᓗᕐᕈᓯᖓᓐᓂᒃ.

ᖃᐅᔨᒋᐊᒃᑲᓂᕈᒪᒍᕕᑦ