ᑮᓇᐅᔭᓂᒃ ᓂᖏᕐᑎᓯᓂᐅᕙᑦᑐᑦ
ᐊᕙᑕᒃᑯᑦ ᐃᑲᔪᕐᓯᓂᕆᓲᖓ ᓴᓇᓐᖑᐊᑎᓂᒃ, ᐃᓐᖏᖑᐊᕐᑎᓂᒃ, ᐊᓪᓚᖑᐊᕐᑎᓂᒃ ᐊᑐᐊᒐᓕᐅᕐᑎᓂᓪᓗ
ᓇᑯᕐᒦᒃ ᐊᒥᓱᓄᑦ ᐊᕐᕌᒍᕐᑐᓚᖓᔪᒧᑦ ᐊᖏᖃᑎᒌᒍᑎᖃᕐᓂᒪᑎᒃ ᑯᐯᒻᒥ ᐃᓗᕐᕈᓯᓕᕆᔨᒻᒪᕇᑦ ᑐᓴᐅᒪᖃᑎᒌᓐᓂᓕᕆᔨᒻᒪᕇᓪᓗ ᑐᕐᖃᑕᕐᕕᖓ, ᐊᕙᑕᖅ ᐱᐅᓯᑐᖃᓕᕆᕕᒃᑯᑦ ᒪᓂᔨᒍᓐᓇᓕᕐᒪᑕ ᑐᖓᓕᐊᓂᒃ ᑮᓇᐅᔭᖃᕐᑎᓯᓂᕐᒥᒃ: ᐊᕙᑕᒃᑯᑦ ᐃᑲᔪᕐᓯᓂᕆᓲᖓ ᓴᓇᓐᖑᐊᑎᓂᒃ, ᐃᓐᖏᖑᐊᕐᑎᓂᒃ, ᐊᓪᓚᖑᐊᕐᑎᓂᒃ ᐊᑐᐊᒐᓕᐅᕐᑎᓂᓪᓗ, ᒪᕐᕈᐃᒍᒻᒥᔫᓐᓂᒃ ᑮᓇᐅᔭᑎᒍᑦ ᓂᖏᕐᑎᓯᒍᓐᓇᑐᑦ:
ᓯᕗᓪᓕᖅ ᐁ: ᑮᓇᐅᔭᓂᒃ ᓂᖏᕐᑎᓯᓃᑦ ᐱᓇᓱᐊᕐᑕᐅᔪᓄᑦ ᐱᑦᔪᑎᖃᕐᓱᑎᒃ ᑭᓇᓕᒫᓄᑦ ᑕᑯᓐᓇᐅᔮᕐᑕᐅᓂᕐᓂᒃ
(ᐅᓄᕐᓂᐹᖅ: $5000)
ᑐᖓᓕᐊ ᐯ: ᑮᓇᐅᔭᓂᒃ ᓂᖏᕐᑎᓯᓃᑦ ᐃᓄᑑᓈᕐᑎᑐᓂᒃ ᐃᒻᒥᒎᕐᑐᓂᓪᓘᓃᑦ ᐱᓇᓱᐊᕐᑕᐅᔪᓂᒃ ᓴᓇᓐᖑᐊᑎᓄᑦ, ᐃᓐᖏᖑᐊᕐᑎᓄᑦ, ᐊᓪᓚᖑᐊᕐᑎᓄᑦ ᐊᑐᐊᒐᓕᐅᕐᑎᓄᓪᓗ
(ᐅᓄᕐᓂᐹᖅ: $2500)
ᑮᓇᐅᔦᑦ ᐱᕕᓈᕐᓯᒪᓂᑯᖏᓐᓄᑦ, ᓴᓇᓐᖑᐊᑎᒃ, ᐃᓐᖏᖑᐊᕐᑎᒃ, ᐊᓪᓚᖑᐊᕐᑎᒃ ᐊᑐᐊᒐᓕᐅᕐᑎᒃ ᐃᒻᒥᒎᕐᑎᑐᐃᓪᓘᓃᑦ ᑮᓇᐅᔭᓂᕐ ᓂᖏᕐᑎᑕᐅᓯᒪᒌᕈᓂ ᐊᕙᑕᒃᑯᓄᑦ ᐊᑕᐅᓯᕐᒥ ᑮᓇᐅᔭᓕᕆᓂᐅᑉ ᐊᕐᕌᒍᖓᓐᓂ, ᑮᓇᐅᔭᕐᑖᕋᓱᐊᒋᐊᓪᓚᖃᔭᓐᖏᑐᑦ ᐊᕐᕌᒎᓕᕐᒥᐸᑦ. ᐊᕙᑕᒃᑯᑦ ᑮᓇᐅᔭᖃᕐᑎᓯᕐᖃᔭᓐᖏᒥᔪᑦ ᐱᓇᓱᐊᕐᑕᐅᒍᒪᔪᕕᓂᐅᑦᓱᑎᒃ ᐱᔭᕇᕐᑕᐅᓯᒪᓕᕇᕐᑐᓂᒃ
ᑖᓐᓇ ᐃᓱᓕᕝᕕᖃᓐᖏᑐᖅ – ᓴᓇᓐᖑᐊᑏᑦ, ᐊᓪᓚᖑᐊᕐᑏᑦ, ᐃᓐᖏᖑᐊᕐᑏᑦ ᐊᑐᐊᒐᓕᐅᕐᑏᓗ ᑮᓇᐅᔭᕐᑖᕋᓱᐊᕈᑎᖏᑦ ᐊᕙᑕᒃᑯᓂᑦ ᐊᖏᕐᑕᐅᑲᑦᑕᓲᑦ ᐊᕐᕌᒍᓕᒫᑉ ᐃᓗᐊᓂ.
ᐱᓇᓲᑎᒃ ᖃᕆᑕᐅᔭᒨᕐᓗᒍ:
