• ᙯᓐᓂᐅᓃᑦ

• ᐃᓅᓯᖅ ᐃᓪᓘᑉ ᐊᐳᑎᐅᑉ ᐃᓗᐊᓂ

• ᐃᓄᐃᑦ ᑌᒪᓐᖓᓂᐊᐱᒃ ᐱᓇᓱᐊᕋᑦᓴᙯᓐᓇᓲᑦ

• ᐱᐅᓯᑐᖃᕐᑎᒍᑦ ᐃᓪᓘᑉ ᐃᓗᐊᓂ ᐱᓇᓱᐊᕐᑐᕕᓂᕐᓂᒃ ᐅᐱᒍᓲᓰᓂᖅ

• ᕿᒧᑦᓰᑦ

ᐴᕐᑕᐅᑉ ᐱᓇᓱᐊᕐᑕᐅᓂᖓ

ᑖᑦᓱᒪᐅᑉ ᐱᑦᔪᑎᖓ ᐱᓇᓱᐊᕐᑕᐅᔫᑉ ᓄᐃᑦᓯᖁᔨᒧᑦ ᒪᓕᒐᐅᒐᔭᕐᑐᓂᒃ ᐱᕙᓪᓕᐊᓂᕐᒧᑦ ᓄᓇᓕᓐᓂ ᐱᓇᓱᐊᕐᑕᐅᔪᓂᒃ (ᑲᔪᓯᔪᖅ) ᐃᓄᒻᒪᕇᑦ ᐱᒍᒪᔭᖏᑎᒍᑦ ᓄᓇᓕᐅᑉ ᐃᓗᐊᓂ.

ᐴᕐᑕᐅᑉ ᐱᓇᓱᐊᕐᑕᐅᓂᖓᑕ ᐊᑎᖓ ᐱᓯᒪᕗᖅ ᐴᕐᑕᒥᒃ ᐊᑎᓕᒻᒥᒃ ᐃᒍᓇᓕᐅᕈᑕᐅᓲᒥᑦ. ᑖᑦᓱᒪᐅᑉ ᐊᑎᖓ ᓂᕈᐊᕐᑕᐅᓯᒪᕗᖅ ᑲᑎᒪᓂᕐᔪᐊᖃᕐᑎᓗᒋᑦ ᐃᓄᑐᙯᑦ 1996-ᖑᑎᓪᓗᒍ ᑕᓯᐅᔭᒥ.

ᑖᓐᓇ ᐱᓇᓱᐊᕐᑕᐅᔪᖅ ᐱᒋᐊᓚᐅᔪᕗᖅ ᓯᑎᒻᐱᕆ 1996-ᒥ, ᐊᐱᕐᖁᑲᑦᑕᓃᓪᓗ ᐃᓱᓕᑦᓱᑎᒃ ᔭᓄᐊᕆ 1997 ᓄᓐᖑᐊᓂ. ᑖᓐᓇ ᐱᓇᓱᐊᕐᑕᐅᓚᐅᔪᖅ ᐃᓄᑦᔪᐊᖅ ᓄᓇᕕᒻᒥ, ᕿᐊᓚᓐ ᑲᒻᐳᐹᑦᔅ-ᒧᑦ, ᐊᕙᑕᖅ ᐱᐅᓯᑐᖃᓕᕆᕕᒃᑯᓂᒃ ᐱᓇᓱᒍᑦᔨᔪᒧᑦ.

ᐊᕙᑕᒃᑯᑦ ᑎᓕᔭᐅᒍᑎᕕᓂᕐᒥᓂᒃ ᒪᓕᑦᑎᓗᒋᑦ ᐃᓄᒻᒪᕇᑦ ᑲᑎᒪᓂᕐᔪᐊᖃᕐᑎᓗᒋᑦ ᐊᐅᒡᒍᔅᑎ 1996-ᒥ, ᐃᓄᑐᙯᑦ ᓄᐃᑦᓯᑎᓪᓗᒋᑦ ᑭᓐᖒᒪᒋᔭᕐᒥᓂᒃ ᖃᓄᐃᓘᕐᑎᐅᓂᕐᒥᓂ ᓄᓇᓕᒻᒥᓂ.

ᑖᓐᓇ ᐱᓇᓱᐊᕐᑕᐅᔪᖅ ᑮᓇᐅᔭᖃᕐᑎᑕᐅᑎᓪᓗᒍ ᓄᓇᕕᒃ ᓄᓇᓕᓕᒫᑦ ᑲᑎᒪᔨᖏᑦᑕ ᐃᓗᓯᓕᕆᓂᕐᒥ ᐱᒍᑦᔨᓂᕐᓄᑦ.

ᑲᑎᓕᒫᓕᕋᒥᒃ ᑫᕙᓪᓚᒍᓰᑦ 68.5-ᕕᓃᑦ ᓂᐱᓕᐅᕐᑕᐅᓱᑎᒃ. ᒪᑉᐱᑐᒐᕐᓂ ᐁᑉᐸᖏᓐᓂ, ᐃᓄᑐᖃᖏᑦ ᐃᓄᑦᔪᐊᒥᐅᑦ ᐅᖄᒍᑎᓕᕕᓃᑦ ᐊᑦᔨᒌᓐᖏᑐᓂᒃ ᐅᖄᒐᑦᓴᓂᒃ ᐊᑐᐊᕐᓯᔨᒥᒃ ᑐᑭᓯᒪᓂᕐᓴᐅᖁᔨᒧᑦ ᐱᐅᓯᕕᓂᕐᒥᓂᒃ, ᐊᓯᑦᔨᑐᒻᒪᕆᐅᓂᕕᓂᕐᒥᓂᒃ ᒫᓐᓇᐅᓕᕐᑐᓗ ᐃᓱᒪᒋᔭᕐᒥᓂᒃ.

ᑭᖑᓪᓕᐹᖅ ᑐᓴᕐᑎᓯᐅᑎᒃ ᑖᒃᑯᓄᖓ ᐊᐱᕐᖁᓂᕕᓂᕐᓄᑦ ᐊᑐᐃᓐᓇᕈᕐᑎᑕᕕᓂᖅ ᒥᓂ ᓇᐹᕐᑐᒧᑦ.