< ᐅᑎᕈᑎᒃ ᐊᓪᓚᖁᑎᓄᑦ

ᓄᓇᖃᕐᖄᓯᒪᔪᑦ ᐱᓇᓱᐊᖃᑎᒌᓐᓂᒧᑦ ᑕᐅᕐᓰᑲᑦᑕᓂᕆᓲᖏᑦ: ᑲᓇᑕᓕᒫᒥ ᓄᓇᕐᔪᐊᓕᒫᒥᓪᓗ ᐱᓇᓱᐊᕐᑕᐅᒍᒪᔪᓄᑦ ᑮᓇᐅᔭᓂᒃ ᓂᖏᕐᑎᓯᐅᑏᑦ

ᓄᓇᖃᕐᖄᓯᒪᔪᑦ ᐱᓇᓱᐊᖃᑎᒌᓐᓂᒧᑦ ᑕᐅᕐᓰᑲᑦᑕᓂᕆᓲᖏᑦᑕ ᐱᓇᓱᐊᕐᑕᐅᓂᖓ ᐃᑲᔪᕐᓯᓲᖅ ᐃᓄᑑᓈᕐᑎᓱᑎᒃ ᓄᓇᖃᕐᖄᓯᒪᑦᓱᑎᓗ ᑕᑯᒥᓇᕐᑐᓕᐅᕐᑎᓂ, ᑐᓴᕐᓂᑐᓕᐅᕐᑎᓂ ᐊᑐᐊᒐᓕᐅᕐᑎᓂᒃ ᐅᕝᕙᓘᓐᓃᑦ ᓄᓇᖃᕐᖄᓯᒪᔪᑦ ᑕᑯᒥᓇᕐᑐᓕᐅᕐᑏᑦ, ᑐᓴᕐᓂᑐᓕᐅᕐᑏᑦ ᐊᑐᐊᒐᓕᐅᕐᑏᓗ ᑲᑐᑦᔨᓂᖏᓐᓄᑦ ᐱᓇᓱᕝᕕᖁᑎᖏᓐᓂᓗ ᐊᕐᕕᑕᕋᔭᕐᑎᓗᒋᑦ ᓄᓇᖃᕐᖄᓯᒪᔫᑦᓱᑎᒃ ᓄᓇᓕᐅᔪᓄᑦ ᐅᖄᖃᑎᒋᒋᐊᕐᑐᓗᒋᑦ ᐱᐅᓯᑐᖃᕐᑎᒎᕐᓱᑎᒃ ᐱᐅᓯᑐᖃᕐᑎᒎᕋᑎᓗ ᑕᑯᒥᓇᕐᑐᓕᐅᕐᑏᑦ, ᑐᓴᕐᓂᑐᓕᐅᕐᑏᑦ ᐊᑐᐊᒐᓕᐅᕐᑏᑦ ᐱᓇᓱᐊᓲᖏᓐᓄᑦ ᐃᑲᔪᕐᓯᒐᔭᕐᓗᑎᒃ ᐱᕙᓪᓕᐊᑎᓪᓗᒋᑦ ᓇᒻᒥᓂᖅ ᐱᓇᓱᐊᕈᒪᔭᕐᒥᓄᑦ.

ᐱᓇᓱᐊᕐᑕᐅᔪᖅ ᑫᓪᓗᑐᐃᔪᖅ ᐊᔪᒉᑦᑑᓱᑎᒃ ᑕᑯᒥᓇᕐᑐᓕᐅᕐᓂᕆᓲᖏᓐᓂᒃ, ᑐᓴᕐᓂᑐᓕᐅᕐᓂᕆᓲᖏᓐᓂᒃ ᐊᑐᐊᒐᓕᐅᕐᓂᕆᓲᖏᓐᓂᒃ ᐱᑐᑦᓯᒪᐅᑎᓂᕆᓲᖏᓐᓂᓗ ᐱᓇᓱᐊᖃᑎᒌᓐᓂᒥᓄᑦ ᑕᐅᕐᓰᑲᑦᑕᐸᑦᑎᓗᒋᑦ ᓄᓇᖃᕐᖄᓯᒪᔪᑦ ᑕᑯᒥᓇᕐᑐᓕᐅᕐᑏᑦ, ᑐᓴᕐᓂᑐᓕᐅᕐᑏᑦ ᐊᑐᐊᒐᓕᐅᕐᑏᑦ ᖃᓄᑐᐃᓐᓇᓕᒫᑦᓯᐊᖅ.

• ᑮᓇᐅᔭᕐᑖᕋᓱᐊᕐᓂᐅᑉ ᐃᓱᓕᕝᕕᖓ: ᓄᕕᒻᐱᕆ 15, 2010.
• ᐅᓄᕐᓂᐸᐅᑎᓪᓗᒋᑦ ᑮᓇᐅᔭᕐᑖᕆᔭᐅᒍᓐᓇᑐᑦ ᐃᓄᑐᐊᒧᑦ ᑕᑯᒥᓇᕐᑐᓕᐅᕐᑎᒧᑦ, ᑐᓴᕐᓂᑐᓕᐅᕐᑎᒧᑦ ᐊᑐᐊᒐᓕᐅᕐᑎᒧᑦ: $5,000-ᒧᑦ ᑎᑭᒍᓐᓇᑐᑦ ᐊᕐᕕᑕᕐᓂᖓᓄᑦ ᑲᓇᑕᐅᑉ ᐃᓗᐊᓂ ᐊᒻᒪᓗ $10,000 ᐊᕐᕕᑕᕐᓂᒧᑦ ᑲᓇᑕᐅᑉ ᓯᓚᑖᓄᑦ.
• ᐅᓄᕐᓂᐸᐅᑎᓪᓗᒋᑦ ᑮᓇᐅᔭᕐᑖᕆᔭᐅᒍᓐᓇᑐᑦ ᐃᒻᒥᒎᕐᑎᑐᓄᑦ ᑲᑐᑦᔨᔪᓄᓪᓗ: $20,000-ᒧᑦ ᑎᑭᒍᓐᓇᑐᑦ ᐊᕐᕕᑕᕐᓂᖏᓐᓄᑦ ᑲᓇᑕᐅᑉ ᐃᓗᐊᓂ ᐊᒻᒪᓗ $30,000 ᐊᕐᕕᑕᕐᓂᒧᑦ ᑲᓇᑕᐅᑉ ᓯᓚᑖᓄᑦ.

ᐅᓇ ᓃᓂᕐᓗᒍ ᑮᓇᐅᔭᕐᑖᕋᓱᐊᕐᓂᐅᑉ ᒪᓕᒐᖏᓐᓂᒃ ᑕᑯᒍᒪᒍᕕᑦ ᖃᕆᑕᐅᔭᒨᕈᒪᒍᕕᐅᓪᓗ ᑮᓇᐅᔭᕐᑖᕋᓱᐊᕈᑎᒃ: Click here for the full grant criteria and to download the application form.

* ᖃᐅᔨᒪᒋᑦ ᖃᖓᑐᐃᓐᓇᓕᒫᑦᓯᐊᖅ ᓄᓇᓕᓐᓂᑦ ᓅᒋᐊᓚᐅᕐᓇᒃ ᑐᓂᔨᒍᓐᓇᕋᕕᑦ ᑮᓇᐅᔭᕐᑖᕋᓱᐊᕈᑎᓐᓂᐅᕕᑦ ᐊᐅᓚᒍᑎᑦᓴᓂᒃ.

ᐆᑦᑑᑏᑦ ᐱᒐᓱᐊᕐᑕᒥᓂᒃ ᐱᔭᖃᑦᓯᐊᑐᕕᓃᑦ ᑲᓇᑕᓕᒫᒥ ᑮᓇᐅᔭᓂᒃ ᓂᖏᕐᑎᑕᐅᑦᓱᑎᒃ

• ᑖᓂᓯᕐᑏᑦ British Columbia-ᒥᑦ ᙯᕐᖁᔭᕕᓂᐅᓚᐅᔪᕗᑦ ᑲᑎᒪᓂᐊᕈᓯᕐᒧᑦ ᐅᖄᒋᐊᕐᑐᖁᔭᐅᑦᓱᑎᒃ ᖃᐅᔨᒪᔭᕐᒥᓂᒃ ᑖᓂᓯᕐᑎᐅᒥᔪᓄᑦ ᐊᓐᑎᐊᔨᐅᒥᐅᓄᑦ, ᑭᓇᓕᒫᓂᓪᓗ ᑐᓴᕐᑎᓯᑦᓱᑎᒃ ᐱᓇᓱᐊᓲᒥᑕ ᒥᑦᓵᓄᑦ.
• ᙯᕐᖁᔨᓂᖃᓚᐅᔪᔪᖅ ᐃᓄᓐᓂᒃ ᐊᕐᓇᓂᒃ ᐃᒡᓗᓕᒻᒥᐅᓂᒃ ᑲᑐᑦᔨᓗᑎᒃ ᑕᑯᓐᓇᕋᑦᓴᓕᐅᕐᓂᒧᑦ ᐱᓇᓱᐊᕈᓯᓕᒫᒥ ᑲᑎᒪᓂᐊᕈᓯᖃᕐᓂᐊᑎᓗᒋᑦ ᐃᖃᓗᓐᓂ ᑕᑯᒥᓇᕐᑐᓕᐅᕐᑏᑦ, ᑐᓴᕐᓂᑐᓕᐅᕐᑏᑦ ᐊᑐᐊᒐᔨᐅᕐᑏᑦ.

ᐆᑦᑑᑏᑦ ᐱᒐᓱᐊᕐᑕᒥᓂᒃ ᐱᔭᖃᑦᓯᐊᑐᓃᑦ ᓄᓇᕐᔪᐊᓕᒫᒥ ᑮᓇᐅᔭᓂᒃ ᓂᖏᕐᑎᑕᐅᑦᓱᑎᒃ

• ᐃᓄᒻᒪᕆᒃ British Columbiaᒡᒥᐅᖅ ᐊᕐᕕᑕᕐᓂᖃᓚᐅᔪᔪᖅ ᐊᓛᔅᑲᒧᑦ ᐃᓚᐅᒋᐊᕐᑐᓱᓂ ᑕᑯᑦᓴᐅᑎᑦᓯᓂᕐᒧᑦ ᐊᑎᖃᕐᓱᓂ “Robes of Power”-ᒥᒃ, ᐱᓇᓱᖃᑎᖃᓚᐅᔪᔪᖅ Chilkat-ᓂᒃ ᐅᓐᖑᐊᓕᓂᓐᓂᓗ ᕿᐱᓕᐅᕐᑎᓂᒃ.
• ᐃᕕᒐᔮᓕᐅᕐᑎ Alberta-ᒥᐅᖅ ᐊᕐᕕᑕᕐᓂᖃᓚᐅᔪᔪᖅ ᐊᒥᐊᔨᑲᐅᑉ ᐅᐊᓐᓂᖓᓄᑦ ᐱᓇᓱᖃᑎᖃᕆᐊᕐᑐᓱᓂ ᐃᓄᒻᒪᕆᐅᑦᓱᓂ ᐃᕕᒐᔮᓕᐅᕐᑎᒪᕆᒻᒥᒃ ᐃᓕᑦᓯᕕᒋᒋᐊᕐᑐᓱᒍ ᓄᑖᒥᒃ ᐃᕕᒐᔮᓕᐅᕈᓯᕐᒥᒃ.

2) ᓄᓇᖃᕐᖄᓯᒪᔪᑦ ᐱᐅᓯᑐᖃᕐᑎᒍᑦ ᑕᑯᓐᓇᕋᑦᓴᓕᐅᕐᑎᖏᑦ ᐱᒋᐊᕐᑎᓯᕗᑦ ᐱᓇᓱᐊᕋᑦᓴᒥᒃ ᐃᓄᑑᓈᕐᑎᑐᓅᓕᖓᔪᒥᒃ

ᑖᓐᓇ ᐱᓇᓱᐊᕋᑦᓴᖅ ᓴᐳᒻᒥᓯᒪᔪᖅ ᓄᓇᖃᕐᖄᓯᒪᔫᑦᓱᑎᒃ ᑕᑯᒥᓇᕐᑐᓕᐅᕐᑎᓂᒃ, ᑐᓴᕐᓂᑐᓕᐅᕐᑎᓂᒃ ᐊᑐᐊᒐᓕᐅᕐᑎᓂᒃ (ᐃᓄᑐᐊᒍᑦᓱᑎᒃ ᐱᓇᓱᐊᕐᑐᓂᒃ ᑲᑐᑦᔨᔪᓂᓪᓘᓃᑦ), ᑲᔪᓯᑎᑦᓯᓂᐊᕐᑎᓗᒋᑦ ᐱᓇᓱᐊᕐᑕᐅᔪᑦᓴᓂᒃ ᐃᑲᔪᕐᓯᓱᑎᒃ ᖃᐅᔨᒪᐅᓯᖏᓐᓂᒃ, ᑐᓴᖃᑎᒌᓐᓂᖏᓐᓂᒃ, ᑐᑭᓯᓂᖏᓐᓂᒃ ᐱᕙᓪᓕᐊᓂᖏᓐᓂᓗ ᓄᓇᖃᕐᖄᓯᒪᔪᑦ ᐱᐅᓯᑐᖃᕐᑎᒍᑦ ᑕᑯᒥᓇᕐᑐᓕᐅᕐᓂᓂᒃ, ᑐᓴᕐᓂᑐᓕᐅᕐᓂᓂᒃ ᐊᑐᐊᒐᓕᐅᕐᓂᓂᒃ.

ᑮᓇᐅᔭᕐᑖᕋᓱᐊᕐᓂᐅᑉ ᐃᓱᓕᕝᕕᖓ: ᐅᒃᑑᐱᕆ 15, 2010.

ᐅᓄᕐᓂᐸᐅᑎᓪᓗᒋᑦ ᑮᓇᐅᔭᕐᑖᕆᔭᐅᒍᓐᓇᑐᑦ ᐃᓄᑑᓈᕐᑎᓱᑎᒃ ᑕᑯᒥᓇᕐᑐᓕᐅᕐᑎᓂᒃ, ᑐᓴᕐᓂᑐᓕᐅᕐᑎᓂᒃ ᐊᑐᐊᒐᓕᐊᕐᑎᓂᒃ: $20,000-ᒧᑦ ᑎᑭᐅᑎᒍᓐᓇᑐᑦ

ᐅᓇ ᓃᓂᕐᓗᒍ ᑮᓇᐅᔭᕐᑖᕋᓱᐊᕐᓂᐅᑉ ᒪᓕᒐᖏᓐᓂᒃ ᑕᑯᒍᒪᒍᕕᑦ ᖃᕆᑕᐅᔭᒨᕈᒪᒍᕕᐅᓪᓗ ᑮᓇᐅᔭᕐᑖᕋᓱᐊᕈᑎᒃ: Click here for the full grant criteria and to download the application form.

___________________________

ᐃᑲᔪᕐᑕᐅᒍᒪᕖᑦ?

ᐃᑲᔪᕐᑕᐅᒍᒪᒍᕕᑦ ᑕᑕᕐᓯᑐᐃᑎᓪᓗᑎᑦ ᑮᓇᐅᔭᕐᑖᕋᓱᐊᕈᑎᒥᒃ, ᐅᖄᓚᕕᖃᑦᑌᓕᑦᓴᓇᒃ Martine Dufour-ᒥᒃ, ᐊᐅᒫᒡᒌᕕᐅᑉ ᐊᑕᐅᑦᓯᑰᕐᑎᓯᔨᖓᓂᒃ, ᐅᖄᓚᐅᑎᖓ 514-989-9031, ᐅᐃᒍᖓ 243 (ᐅᕝᕙᓘᓐᓃᑦ ᐅᖄᓚᐅᑎᖓ ᐊᑭᓕᕆᐊᑐᓐᖏᑐᖅ: 1-800-362-5029) ᐅᕝᕙᓘᓐᓃᑦ ᓵᒥ ᑲᓪᓚᒥᒃ, ᒪᑭᕝᕕᐅᑉ ᐊᐅᒫᒡᒌᕕᐅᓪᓗ ᑐᕐᖃᑕᕐᕕᖓ ᐅᖄᓚᕕᒋᓗᒍ ᐅᕗᖓ: 819-964-2925.