< ᐅᑎᕈᑎᒃ ᐊᓪᓚᖁᑎᓄᑦ

ᒧᓐᑐᔨᐊᒥᐅᑦ ᓄᓇᖃᕐᖄᓯᒪᔪᑦ ᓄᓇᓕᖁᑎᖓᑕ ᐱᑐᑦᓯᒪᐅᑎᓂᖓᓂᒃ ᐱᒋᐊᕐᑎᓯᓛᕐᓂᐊᓕᕐᑐᑦ ᐱᓇᓱᕝᕕᐅᔪᒥᒃ ᑕᕐᓴᖁᑎᓕᐅᓕᐅᑦᔨᓂᕐᒥᒃ. ᑖᓐᓇ ᐊᒻᒪᔪᖅ ᓄᓇᖃᕐᖄᓯᒪᔫᑦᓱᑎᒃ ᐃᓄᑑᓈᕐᑎᑐᓄᑦ, ᑕᑯᒥᓇᕐᑐᓕᐅᕐᑎᓄᑦ ᖃᕆᑕᐅᔭᑎᒍᓪᓗ ᑕᑯᒥᓇᕐᑐᓕᐅᕐᑎᓄᑦ ᑯᐯᒻᒥᐅᓄᑦ ᑯᐯᒻᒥᓗ ᓄᓇᓯᒪᔪᓄᑦ.

ᐱᓕᐅᑦᔨᒍᑕᐅᔪᑦ ᓇᐅᑦᓯᑐᕐᑕᐅᓛᕐᓂᐊᑐᑦ ᐃᓂᕐᑕᕕᓂᐅᓂᖏᓐᓄᑦ ᐊᑐᕐᑑᓂᖏᓐᓄᓗ ᐱᑐᑦᓯᒪᐅᑎᓂᐅᔪᒧᑦ ᐃᓚᖃᕆᐊᖃᕐᓱᑎᓪᓗ ᑕᑯᑎᑦᓯᔪᓂᒃ ᓄᓇᖃᕐᖄᓯᒪᔪᑦ ᒧᓐᑐᔨᐊᒥᐅᓪᓗ ᓄᓇᖃᕐᖄᓯᒪᔪᑦ ᐅᓄᕐᓂᖏᓐᓂᒃ.

ᐱᓇᓱᕝᕕᐅᔫᑉ ᑕᕐᓴᖁᑎᑦᓴᖏᑦ ᐊᑐᕐᑕᐅᒍᓐᓇᕆᐊᖃᕐᒥᔪᑦ ᐅᖃᐅᓯᓕᒫᑦᓯᐊᓂᒃ ᐊᑐᕐᓗᑎᒃ ᐊᑦᔨᒌᓐᖏᑐᓂᓪᓗ ᑐᓴᕋᑦᓴᓂᐊᕈᑎᓂᒃ (ᖃᕆᑕᐅᔭᑎᒍᑦ ᓄᐃᑕᑎᑦᓯᒍᑎᒃ, ᖃᕆᑕᐅᔭᑎᒍᑦ ᐊᓪᓚᑲᑦᑕᐅᑎᓂᖅ, ᓯᑯᑦᓴᔭᒨᕆᓂᖅ, ᐊᖏᔪᓐᖑᑎᑦᓯᓂᖅ, ᐊᓯᖏᓪᓗ), ᖃᓄᐃᑦᑐᑐᐃᓐᓇᓯᐊᓂᒃ ᐊᖏᓂᖃᕐᓗᑎᒃ, ᐊᒻᒪᓗ ᒥᖑᐊᕈᑎᖃᕈᓐᓀᓗᑎᒃ ᒥᖑᐊᕈᑎᖃᕐᓗᑎᓘᓐᓃᑦ.

ᐊᒻᒪᓗᒋᐊᓪᓚᒃ, ᐱᓕᐅᑦᔨᒍᑕᐅᔪᑦ (ᑎᑭᑎᑕᐅᒐᓗᐊᕈᑎᒃ ᐃᑯᒪᐅᑎᒨᕐᑐᑎᒍᑦ ᐊᓪᓚᑖᕐᕕᑐᐃᓐᓇᑎᒍᓪᓘᓃᑦ) ᐃᓚᖃᕆᐊᖃᕐᑐᑦ ᓀᓈᕐᓯᒪᓗᓂ ᐱᓇᓱᕝᕕᐅᑉ ᑕᕐᓴᖁᑎᒋᒐᔭᕐᑕᖓᑕ ᓇᓗᓀᕐᓯᐅᑎᖓᓂᒃ ᐊᒻᒪᓗ ᐃᓂᕐᓯᔪᕕᓂᐅᑉ ᑭᓇᐅᓂᖓᓂᒃ ᓇᓗᓀᕐᓯᓗᑎᒃ.

ᐱᓕᐅᑦᔨᓂᐅᑉ ᐃᓱᓕᕝᕕᖓ ᐅᓐᓄᐊᑯᑦ ᕿᑎᕋᕐᒥ ᔪᓓ 23, 2010-ᒥ. ᐃᑯᒪᐅᑎᒨᕐᑎᓗᒋᑦ ᙯᑕᐅᔪᑦ PDF-ᖑᒋᐊᓖᑦ ᐃᓚᖃᕐᓗᑎᓗ 8X11-ᒥᒃ ᐊᓪᓚᕕᑦᓴᐅᓗ ᓇᓗᓀᒃᑯᑕᖓᓂᒃ ᐱᑕᓕᒻᒥᒃ.

ᖃᐅᔨᒋᐊᒃᑲᓂᒍᒪᒍᕕᑦ, ᑐᓴᕐᑎᓯᓗᑎᑦ:

Amélie Girard (ᐊᒦᓕ ᔨᕌᕐ)

ᑕᑯᒥᓇᕐᑐᓕᐅᕐᓂᒥᒃ ᐃᓗᕐᕈᓯᓕᕆᓂᕐᒥᓗ ᐊᑕᐅᑦᓯᑰᕐᑎᓯᔨ

Montreal Urban Aboriginal Community Strategy NETWORK

4521, rue St-Jacques

Montréal, QC, H4C 1K3

ᐅᖄᓚᐅᑎᖓ : 514-937-8282

ᖃᕆᑕᐅᔭᑎᒍᑦ ᐊᓪᓚᕕᒋᒍᒪᒍᕕᐅᒃ : coordo.comite.acp@gmail.com

_________________________

ᐱᑐᑦᓯᒪᖃᑎᒌᓐᓂᐅᑉ ᒥᑦᓵᓄᑦ

ᐱᒋᐊᕐᑎᑕᕕᓂᐅᑦᓱᓂ 2008-ᒥ, ᒪᓐᑐᔨᐊᒥᐅᑦ ᓄᓇᖃᕐᖄᓯᒪᔪᑦ ᓄᓇᓕᖓᑕ ᐱᑐᑦᓯᒪᐅᑎᓂᖓ ᑲᑐᑦᔮᕕᓂᐅᕗᖅ ᓄᓇᖃᕐᖄᓯᒪᔪᑦ ᐱᓇᓱᕝᕕᖁᑎᖏᓐᓄᑦ ᑐᕌᕐᓂᖃᕋᓱᐊᕐᓱᑎᒃ ᐱᐅᓯᐅᒦᒋᐊᕐᓂᒥᒃ ᓄᓇᖃᕐᖄᓯᒪᔪᑦ ᒧᓐᑐᔨᐊᒥᐅᒍᑦᓱᑎᒃ ᐃᓅᓯᖏᓐᓂᒃ. ᐃᓚᖃᕐᓱᓂ ᐅᖃᐅᑦᔪᐃᒋᐊᕐᑎᐅᓱᑎᒃ ᑲᑎᒪᔨᓂᒃ, ᑖᓐᓇ ᐱᑐᑦᓯᒪᐅᑎᓂᖅ ᐱᖓᓲᔪᕐᑑᓕᕿᖓᔪᓂᒃ ᐱᓇᓱᑦᑎᖁᑎᓕᒃ ᒫᓐᓇ ᐃᓚᐅᔪᓂᒃ ᐱᑐᑦᓯᒪᐅᑎᓕᐅᕐᓂᒥᒃ ᐅᑯᓄᖓᐅᓕᖓᔪᓂᒃ:

• ᖃᓄᐃᓐᖏᓯᐊᕐᓂᖅ
• ᑕᑯᒥᓇᕐᑐᓕᐅᕐᓂᖅ/ᑐᓴᕐᓂᑐᓕᐅᕐᓂᖅ ᐃᓗᕐᕈᓯᕐᓗ
• ᑐᓴᐅᒪᖃᑎᒌᓐᓃᑦ
• ᐃᓅᓯᓕᕆᓂᖅ
• ᐃᓕᓐᓂᐊᓂᖅ, ᐃᓕᓐᓂᐊᑎᑦᓯᓂᖅ ᐱᓇᓱᑦᑎᒋᔭᐅᒍᓐᓇᓂᕐᓗ
• ᐅᕕᒃᑫᑦ