ᔫ ᐃᑦᑐᑲᓪᓚᒃ ᐱᑎᑕᐅᕗᖅ Pierre Corbeil Bursary-ᒍᓂᕋᕐᑕᒥᒃ ᓂᖏᕐᑎᓯᐅᑎᒥᒃ
ᑭᓇᒨᒻᒪ¯ᑦ Martine Dufour
ᓄᓇᕐᔪᐊᓕᒫᒥ ᒥᑭᔪᓐᖑᐊᓂᒃ ᓴᓇᓐᖑᐊᓂᕐᒥ ᒪᕐᕉᒃ ᐊᕐᕌᒍᑕᒫᑦ ᐊᑑᑎᔭᐅᓲᒥ 2010-ᒥ ᐊᑑᑎᔭᐅᓚᐅᔪᔪᖅ (BAM!)-ᒍᓂᕋᕐᑕᖅ Ville Marie ᓄᓇᓕᖓᓂ, ᐊᐱᑎᐱ-ᑎᒥᔅᑲᒦᖕ ᒥᑦᓵᓂ, ᓴᓇᓐᖑᐊᑎ ᔫ ᐃᑦᑐᑲᓪᓚᒃ ᐳᕕᕐᓂᑐᕐᒥᐅᖅ ᓵᓚᖃᕐᑐᕕᓂᐅᓚᐅᔪᕗᖅ Pierre Corbeil ᓂᖏᕐᑎᓯᐅᑎᖏᓐᓂᒃ, ᓵᓚᖃᐅᑎᖃᕐᓱᓂ ᑌᑲᓂ “Zoom on Nunavik”-ᓕᑦᑖᑐᒥ.
ᑐᑭᑖᕆᔩᑦ ᓇᓪᓕᑳᕐᑐᕕᓂᐅᓚᐅᔪᔪᑦ ᔫ ᐃᑦᑐᑲᓪᓚᐅᑉ ᓴᓇᓐᖑᐊᑕᕕᓂᖓᓂᒃ 60 ᐅᖓᑖᓅᕐᑐᓂᑦ ᓇᓪᓕᑳᕋᑦᓴᓂᑦ 21-ᓄᑦ ᓴᓇᓐᖑᐊᑕᕕᓂᕐᓂᑦ. ᑐᑭᑖᕆᔩᑦ ᐅᑯᐊᒍᓚᐅᔪᔪᑦ: Virginia Pésémapéo Bordeleau, ᑖᓐᓇ ᐊᓪᓚᖓᔪᖅ ᑕᑯᒥᓇᕐᑐᓕᐅᕐᑎ; Armand Vaillancourt, ᑖᓐᓇ ᓄᓇᕐᔪᐊᓕᒫᒥ ᖃᐅᔨᒻᒫᕆᔭᐅᔪᖅ ᒧᓐᑐᔨᐊᒥᐅᒍᑦᓱᓂ ᓴᓇᓐᖑᐊᑎ, ᐊᒻᒪᓗ Paula Coppa Oliver, ᑖᓐᓇ ᑐᑭᒧᐊᕐᑎᓯᔨ Galeria Insight Arte-ᒥᒃ ᐳᐃᓄᔅ ᐁᕈᔅ-ᒥ ᐋᔨᓐᑏᓇ-ᒦᑦᑐᒥᒃ.
60 ᓴᓇᓐᖑᐊᓯᒪᔪᑦ ᓄᓇᕕᒻᒥᐅᑦ ᓴᓇᓐᖑᐊᑕᕕᓂᖏᑦ ᑕᑯᑦᓴᐅᑎᑕᐅᓛᕐᓂᐊᑐᑦ ᓯᑉᑎᒻᐱᕆ 12-ᒥ Corporation Augustin-Chenier-ᒥ ᕕᓪ ᒪᕇ-ᒥ. ᑎᓯᒻᐱᕆᐅᓕᕐᐸᑦ, ᑕᑯᑦᓴᐅᑎᑕᐅᔪᑦ ᓅᑕᐅᓛᕐᓂᐊᑐᑦ ᐳᐃᓄᔅ ᐁᕈᔅ-ᒧᑦ, ᑌᑲᓂ ᑕᑯᑦᓴᐅᓛᕐᓂᐊᓱᑎᒃ Museum of Latin American Modern Art (MACLA)-ᒥ.
ᖃᐅᔨᒋᐊᒃᑲᓂᕈᒪᒍᕕᑦ BAM! ᒥᑦᓵᓄᑦ, ᖃᕆᑕᐅᔭᒥ ᑕᑯᓇᓱᐊᕐᓗᑎᑦ ᐅᕙᓂ: website.
