< ᐅᑎᕈᑎᒃ ᐊᓪᓚᖁᑎᓄᑦ

ᐅᓂᒃᑳᑕᐅᑦᓱᓂ ᑕᑯᓐᓇᕋᑦᓴᖅ ᐊᑎᓕᒃ ᑐᓴᕐᓂᑑᖅ! ᓇᑲᓅ ᐃᓄᐃᑦ ᓄᓇᖓᓐᓃᑎᓪᓗᒍ ᑕᑯᑦᓴᐅᓛᕐᓂᐊᑐᖅ ᓰᐲᓰᑎᒍᑦ ᑕᓚᕖᓴᕐᒥ ᓂᕿᑦᓯᓕᕐᐸᑕ, ᔪᓓ 31-ᒥ 9-ᖑᐸᑦ ᐅᓐᓄᑐᒃᑯᑦ, ᑕᑯᑦᓴᐅᒋᐊᓪᓚᓛᕐᒥᓱᓂ ᖃᐅᖓᓂ 12:30-ᖑᐸᑦ.

ᑕᑯᓐᓇᕋᑦᓴᖅ ᐊᓐᓀᒍᒥᓇᓐᖏᑐᖅ ᑕᑯᓚᐅᕐᓯᒪᕋᑕᓂᖏᑐᓄᑦ ᑕᑯᓐᓇᕋᑦᓴᓕᐊᕕᓂᕐᒥᒃ, ᑖᓐᓇ ᐅᓂᒃᑳᑕᐅᑦᓱᓂ ᑕᑯᓐᓇᕋᑦᓴᓕᐊᕕᓂᖅ ᓯᑉᑎᒻᐱᕆ 2008-ᒥ ᐊᕐᕕᑕᕐᑎᓗᒍ ᓄᓇᕕᒻᒧᑦ ᑭᐊᓐᑦ ᓇᑲᓅ ᐊᒻᒪᓗ ᒧᓐᑐᔨᐊᒥ ᑐᓴᕐᓂᔮᕐᑎᓯᔩᑦ ᐊᒋᐊᕐᓄᑦ ᓱᐴᒑᓗᓐᓄᓗ.

ᐅᓇ ᓃᓂᕐᓗᒍ ᑕᑯᓐᓇᕈᒪᒍᕕᑦ ᓇᑲᓅᒃᑯᓂᒃ: Click here to watch the trailer.

ᐅᓂᒃᑲᐅᓯᕐᑕᖓ :

ᓯᑉᑎᒻᐱᕆ 2008-ᒥ, ᖃᐅᔨᒻᒫᕆᔭᐅᔪᒻᒪᕇᑦ ᒧᓐᑐᔨᐊᒥ ᑐᓴᕐᓂᔮᕐᑎᓯᔩᑦ ᐊᒋᐊᕈᑎᓄᑦ ᓱᐴᒑᓗᓐᓄᓗ (OSM)-ᒍᓂᕋᕐᑌᑦ, ᐱᒋᐊᓚᐅᔪᕗᑦ ᓯᕗᓪᓕᐹᑦᓯᐊᒥ ᐊᕐᕕᑕᕐᓂᒥᒃ ᑲᓇᑕᐅᑉ ᐅᑭᐅᕐᑕᑐᖓᓄᑦ. ᐊᖓᔪᕐᖄᖃᕐᓱᑎᒃ ᓄᓇᕐᔪᐊᓕᒫᒥ ᖃᐅᔨᒻᒫᕆᔭᐅᔪᒥᒃ ᒣᔅᑦᕉ ᑭᐊᓐᑦ ᓈᑲᓅᒥᒃ, OSM-ᑯᑦ ᙯᕐᖁᔨᓚᐅᔪᕗᑦ ᐱᖓᓱᓂᒃ ᐃᓅᑦᓱᑎᒃ ᐱᒋᐅᕐᓯᒪᔭᕐᒥᓂᒃ ᑕᑯᓐᓇᐅᔮᕐᑕᐅᑎᑦᓯᔪᓂᒃ ᓈᑲᓅᒃᑯᓂᒃ ᐱᓇᓱᐊᖃᑎᒋᓚᖓᑦᓱᒋᑦ. ᐊᔪᒉᑦᑑᒐᓛᓐᖏᑐᖅ, ᑌᑦᓱᒨᓇ, ᐱᓇᓱᐊᕐᑕᖓ ᑕᑯᑦᓴᑕᓕᒃ ᑐᓴᕐᓂᔮᕐᑎᓯᓂᕐᒥᒃ ᐊᒋᐊᕈᑎᓚᑳᑦᑐᓂᒃ ᓴᐴᒑᓗᓚᑳᑦᑐᓂᓪᓗ ᐅᐊᕈᑎᖃᒐᓛᐱᑦᑎᓗᒍ ᐃᓄᒃᑎᑐᕐᓱᓂ ᐱᓇᓱᐊᕐᑕᕕᓂᕐᒥᒃ: ᔅᑦᔭᕕᓐᔅᑭ-ᐅᑉ ᐅᓂᒃᑳᑐᐊᖓ ᐅᓇᑕᕐᑎᒥᒃ ᐅᓂᒃᑳᑕᐅᔪᖅ ᐃᓄᒃᑎᑐᑦ, ᑖᓐᓇ ᐃᓄᐃᑦ ᐅᖃᐅᓯᖓ, ᐊᒻᒪᓗ ᓄᑖᒥᒃ ᐃᓚᖃᕐᒥᓱᓂ ᐃᓅᓐᓂᒃ ᑲᑕᑦᔭᑑᓐᓂᒃ ᐃᓂᕐᑕᕕᓂᖓᓂᐅᒃ ᑲᓇᑕᒥᐅᑉ ᐃᓐᖏᓗᑦᑖᕈᓯᓕᐅᕐᑎᐅᑉ ᐊᓕᒃᓰᓇ ᓗᐃᑉ. ᑕᑯᓐᓇᑎᑦᓯᓱᓂ ᑕᕐᕋᓕᔮᕐᑎᓂᒃ/ᐊᐅᓚᔫᕐᑎᓂᒃ ᐱᓇᓱᐊᕐᓂᖏᓐᓂᒃ ᒣᔅᑦᕈ ᓈᑲᓅᒥᒃ, ᑐᓴᕐᓂᔮᕐᑎᓯᔨᓂᒃ, ᐊᒻᒪᓗ ᐅᖓᓯᑦᑐᒪᕆᓐᓂᒃ ᐃᓄᐃᑦ ᓄᓇᓕᖏᓐᓂᒃ ᐅᐸᑦᑕᕕᓂᖏᓐᓂᒃ, ᑖᓐᓇ ᐅᓂᒃᑳᑕᐅᑦᓱᓂ ᑕᑯᓐᓇᕋᑦᓴᖅ ᑕᑯᑎᑦᓯᔪᖅ ᐊᔪᒌᑦᑐᖑᐊᒍᑦᓱᑎᒃ ᑲᑎᓐᓂᖏᓐᓂᒃ ᒪᕐᕉᒃ ᓄᓇᕐᔪᐊᒃ ᑐᓴᕐᓂᔮᕐᓂᑎᒍᑦ.

(Ref : Catbird Productions)