• ᖁᓕᓪᓗ ᓯᑕᒪᓪᓘᑦ ᓄᓇᓖᑦ ᐊᒻᒪᓗ ᐊᑕᐅᓯᖅ ᓄᓇᓕᒃ
  • ᐅᒥᐅᔭᖅ
  • ᑲᖏᕐᓱᐊᓗᑦᔪᐊᖅ
  • ᑰᑦᔪᐊᖅ
  • ᑕᓯᐅᔭᖅ
  • ᐊᐅᐸᓗᒃ
  • ᑲᖏᕐᓱᒃ
  • ᖁᐊᕐᑕᖅ
  • ᑲᖏᕐᓱᔪᐊᖅ
  • ᓴᓪᓗᐃᑦ
  • ᐃᕗᔨᕕᒃ
  • ᐊᑯᓕᕕᒃ
  • ᐳᕕᕐᓂᑐᖅ
  • ᐃᓄᑦᔪᐊᖅ
  • ᑰᑦᔪᐊᕌᐱᒃ

• ᐊᓐᓂᕆᔭᕗᑦ

• ᓄᓇᕕᒻᒥ ᓇᓃᓐᓂᖓ

• ᓯᓚᕐᕈᐊᕗᑦ ᐅᐱᒋᕙᕗᑦ

• ᐆᒪᒍᑎᒋᓯᒪᔭᕗᑦ ᑕᒪᑦᔭ

• ᐅᖃᐅᓰᑦ

ᓄᓇᒃ

ᐊᑯᓕᕕᒃ

ᐊᑯᓕᕕᒃ ᓄᓇᓕᖓ ᑐᑭᖓ ᓲᕐᓗ ᑲᑭᕙᒃᑎᑑᕋᒥ ᕕ1[: ᐊᑯᓕᕕᒻᒥᐅᑦ ᓄᓇᓕᖃᕐᕕᖓ ᑰᕌᐲᓐᓂᒃ ᐊᕙᑎᒥᒍᑦ ᖃᓂᑦᑐᐊᐱᒃᑯᑦ ᑰᕌᐱᖃᕐᐳᖅ ᒪᕐᕉᓂᒃ ᓄᓇᓕᖃᕐᕕᖓ ᕿᑎᖓᓃᑦᑎᓗᒍ ᑖᓐᓇ ᕿᑎᖓᓃᑦᑐᖅ, ᐊᑯᓕᕕᒻᒥᒃ ᐊᑎᖃᕐᒪᑦ.

ᐊᑯᓕᕕᒃ ᓄᑖᖑᕗᖅ ᓄᓇᓕᐅᑦᓱᓂ 1975-ᒥ ᕕ2[ ᑭᓯᐊᓂ ᓄᓇᓕᖕᖑᓯᒪᒐᒥ. ᐊᑯᓕᕕᐅᑉ ᐃᓄᖏᑦ ᐱᑦᓯᐊᑐᐊᓘᓯᒪᕗᑦ ᓄᓇᑖᕈᒪᓕᕋᒥᒃ ᐊᑯᓕᕕᒻᒥᒃ, ᐃᒻᒥᓂᒃ ᐃᓪᓗᐊᐱᓐᓂᒃ ᐃᒋᑕᐅᓂᑯᓂᒃ ᐳᕕᕐᓂᑐᒥᐅᓄᑦ ᐃᒃᓗᓕᐅᕐᓱᑎᒃ ᑖᕗᖓ ᐅᓯᑲᑦᑕᓱᒋᑦ ᐅᑭᐅᒃᑯᑦ ᓯᑮᑐᓄᑦ ᐅᓯᑲᑦᑕᓱᒋᑦ, ᐊᐅᔭᒃᑯᑦ ᐅᒥᐊᓄᑦ ᐅᓯᑲᑦᑕᓱᒋᑦ. ᐃᒃᓗᕕᓃᑦ ᑌᒣᓯᒪᒐᒥᒃ ᑲᕙᒪᒃᑯᓄᑦ ᐃᓱᐊᕆᔭᐅᔪᕕᓃᑦ ᐃᒃᓗᑖᕐᑎᓱᒋᑦ ᓄᑖᓂᒃ.

ᐊᑯᓕᕕᒃ ᐃᖃᓗᐃᑦ ᑕᕆᐅᒦᓕᕐᒪᑕ ᐃᖃᓗᓕᐊᓘᕗᖅ ᐃᕐᖃᑕᐅᑎᒃᑯᑦ ᓄᓗᐊᓄᓪᓗ ᐃᖃᓗᒃᐱᓂᒃ ᐃᓚᖏᑦ ᐊᖏᔪᕐᓚᓂᒃ. ᐳᐃᔨᓯᐅᕐᕕᒥᒃ ᖃᓂᑦᑕᖃᕐᐳᖅ, ᐊᒻᒪᓗ ᐅᑭᐅᒥ ᐳᐃᔨᕕᓂᕐᓂᒃ ᐳᕕᕐᓂᑐᒥᐅᓂᒃ ᐃᑲᔪᖃᑦᑕᑐᑦ ᐃᓚᖓᒍᓪᓗ ᐃᖃᓗᕕᓂᕐᓂᒃ. ᐊᑯᓕᕕᒻᒥᐅᑦ ᐅᖃᐅᓯᓪᓚᕆᖃᕐᐳᑦ ᐃᓄᒃᑎᑐᑦ. ᐅᖃᐅᓯᕐᒥᓂᒃ ᐱᐅᓯᑐᖃᕐᒥᓂᓪᓗ ᐊᓯᐅᔨᓚᖓᖕᖏᓚᑦ ᐊᑯᓂᐊᓗᒃ.

ᐊᓪᓚᑐᖅ ᑖᒧᓯ ᖁᒪᖅ 1992

ᕕ1[ ᐃᖃᓗᓐᓂᒃ ᑲᑭᓯᒍᑎᒃ, ᐅᕙᓘᓐᓃᑦ ᐅᓈᒍᑦᓱᓂ, ᕿᑎᖓᓃᑦᑐᖅ ᓄᕗᖓ ᑕᒣᒍᑦ ᓴᖑᖓᔫᓐᓂᒃ ᓴᓇᓯᒪᑦᓱᑎᒃ ᓂᐅᖓᑦᓱᑎᒃ ᓇᑦᔪᐊᕕᓂᐅᑦᓱᑎᒃ ᐊᕙᑖᒍᑦ. ᐃᖃᓗᒃ ᓇᐅᓕᔭᐅᑦᓴᐸᑦ ᕿᑎᖓᓃᑦᑐᒧᑦ ᓄᕗᖓᓄᑦ ᑎᒍᒻᒥᑕᐅᔪᖅ ᐊᕙᑖᓃᑦᑑᓄᑦ ᑲᑭᕚᓐᓄᑦ.

ᕕ2[ ᑕᒫᓂ ᓄᓇᒥᐅᑦ ᓄᓇᓕᕕᓃᑦ ᐊᑯᓕᕕᐅᑉ ᕿᑭᕐᑕᖏᓐᓂ ᐅᒃᑯᐊᓚᐅᕐᑎᓇᒋᑦ ᖃᑦᓴᓐ ᐯᒃᑯᑦ ᓂᐅᕕᕐᕕᖏᑦ. ᓅᑦᑐᕕᓃᑦ ᐳᕕᕐᓂᑐᒧᑦ ᑖᕙᓂᒥᐅᒍᑦᓱᑎᒃ 1975-ᒥ ᐊᐅᓪᓚᒥᑦᓱᑎᒃ ᐊᖏᓕᓪᓚᕆᓚᐅᕋᑎᒃ ᓄᓇᓕᒻᒥ ᐊᑕᐅᓯᕐᒥ. ᐅᑎᓕᕐᓂᒥᔪᐃᑦ ᐊᓂᕐᕋᖄᕕᓂᕐᒥᓄᑦ.