• ᖁᓕᓪᓗ ᓯᑕᒪᓪᓘᑦ ᓄᓇᓖᑦ ᐊᒻᒪᓗ ᐊᑕᐅᓯᖅ ᓄᓇᓕᒃ
  • ᐅᒥᐅᔭᖅ
  • ᑲᖏᕐᓱᐊᓗᑦᔪᐊᖅ
  • ᑰᑦᔪᐊᖅ
  • ᑕᓯᐅᔭᖅ
  • ᐊᐅᐸᓗᒃ
  • ᑲᖏᕐᓱᒃ
  • ᖁᐊᕐᑕᖅ
  • ᑲᖏᕐᓱᔪᐊᖅ
  • ᓴᓪᓗᐃᑦ
  • ᐃᕗᔨᕕᒃ
  • ᐊᑯᓕᕕᒃ
  • ᐳᕕᕐᓂᑐᖅ
  • ᐃᓄᑦᔪᐊᖅ
  • ᑰᑦᔪᐊᕌᐱᒃ

• ᐊᓐᓂᕆᔭᕗᑦ

• ᓄᓇᕕᒻᒥ ᓇᓃᓐᓂᖓ

• ᓯᓚᕐᕈᐊᕗᑦ ᐅᐱᒋᕙᕗᑦ

• ᐆᒪᒍᑎᒋᓯᒪᔭᕗᑦ ᑕᒪᑦᔭ

• ᐅᖃᐅᓰᑦ

ᓄᓇᒃ

ᐳᕕᕐᓂᑐᖅ

ᐳᕕᕐᓂᑐᖅ ᐊᑎᖓ ᐃᒫᒃ ᑐᑭᓕᒃ «ᒪᒣᑦᑐᖅ». ᓄᓇᓖᑦ ᐳᕕᕐᓂᑐᒥ ᐃᓄᐃᑦ ᑐᖁᓚᐅᕐᓯᒪᓐᓂᒪᑕ ᐅᑭᐅᒍᑎᓪᓗᒍ; ᓄᓇᓖᑦ ᐊᑕᐅᓯᕐᒥᓘᓐᓃᑦ ᐊᒥᐊᒃᑯᔭᒐᑎᒃ ᑐᓴᐅᑎᒃᓴᒥᒃ ᑳᒧᑦ ᐱᕐᓕᓱᑎᒃ. ᑌᒪ ᐅᐱᕐᖔᒍᓕᕐᒪᑦ, ᐊᐳᑎᒃ ᐊᐅᑦᓴᓕᕐᒪᑦ, ᐃᒃᓗᕕᓂᖏᑦ ᐊᐳᑏᑦ ᐊᐅᓕᕐᒪᑕ, ᐃᓄᕕᓃᑦ ᑕᑯᔭᕕᓃᑦ ᑐᖁᖓᔪᐃᑦ ᑎᐸᓕᐊᓘᓕᕐᑐᑦ. ᑌᒫᒃ ᑖᓐᓇ ᐊᑎᖃᓚᕿᕗᖅ ᐳᕕᕐᓂᑐᒥᒃ, ᐊᑎᑦᓯᐊᒍᖕᖏᑑᒐᓗᐊᒥᒃ ᓇᓗᓀᒃᑯᑕᓕᒃ.

ᐳᕕᕐᓂᑐᖅ ᖃᓪᓗᓈᕐᑖᓯᒪᕗᖅ 1952-ᒥ ᑭᓯᐊᓂ. ᑕᒫᓂᑦᓭᓇᑲᓵᒃ - ᑕᒐᑕᒉᓐᓇᐅᖏᑦᑐᖅ - ᐃᓄᐃᑦ ᐃᒃᓗᑖᕐᓱᑎᒃ. ᐊᕐᕌᒍᑕᒫᑦ ᐃᒃᓗᓴᓄᑦ ᑎᑭᑕᐅᕙᒃᑐᖅ. ᐳᕕᕐᓂᑐᖅ ᐊᖏᓕᕙᓪᓕᐊᕗᖅ ᓄᓇᓕᖓ, ᑭᓯᐊᓂ ᐃᓄᖏᑦ ᐊᒃᓱᐃᑑᖕᖏᑐᑦ ᐃᓚᖏᑦ. ᓂᐅᕕᐊᒃᓭᑦ ᐊᑭᑦᑐᐸᓪᓕᐊᓂᖏᓐᓄᑦ ᑮᓇᐅᔦᓪᓗ ᐊᔪᕐᓇᐸᒃᓱᑎᒃ, ᑭᓯᐊᓂ ᐊᑭᓕᒃᓭᑦ ᐱᕈᕈᐊᕐᓂᐹᑦ ᑌᒪᖕᖓᑦ.

ᐳᕕᕐᓂᑑᑉ ᓄᓇᖓ ᓴᓂᓕᒫᖓᓗ ᒪᓂᕋᖅ ᖃᕐᖃᖃᖕᖏᑐᖅ ᓄᓇᑦᓯᐊᖅ. ᐅᓕᓗᐊᕐᑕᖏᑦᑐᖅ ᑎᓂᓪᓗᐊᑕᖕᖏᑐᖅ ᐃᖏᕐᕋᓂᖃᖕᖏᑐᖅ, ᑎᓂᓐᓂᒥᐅᑕᓂᒃ ᒪᒪᕐᑐᓂᒃ ᐱᑕᖃᖕᖏᑐᖅ, ᐆᒃᑑᑎᒋᓗᒋᑦ ᐅᕕᓗᐃᑦ ᐊᒻᒨᒪᔪᐃᓪᓗ. ᖃᕐᖃᖃᖕᖏᓇᒥ ᑕᕆᐅᖓ ᐃᒃᑲᑐᖅ ᓄᓇᐅᑉ ᓴᓂᐊ, ᐅᒥᐊᓄᑦ ᐳᕕᓂᕐᑐᒥᐅᒍᖕᖏᑐᓄᑦ ᓇᖏᐊᕆᔭᐅᓲᖅ. ᑭᓯᐊᓂ ᐅᒥᐊᕐᔪᐊᓄᑦ ᑎᑭᑕᐅᕙᒃᑐᖅ. ᐅᒥᐊᕐᔪᐊᑦ ᓇᓗᓀᒃᑯᑕᓖᑦ ᓇᐸᔪᐊᓗᓐᓂᒃ ᓄᓇᒥ, ᐃᒻᒥᓂᒃ ᑎᑭᓲᖑᓕᕐᑐᑦ ᐅᒥᐊᕐᔪᐊᑦ ᐃᓄᒻᒧᑦ ᐊᕐᖁᑕᐅᒐᑎᒃ. ᔪᐊᓂ ᐱᐅᕖ ᐳᓚᑎᑦᓯᔨᐅᕙᓚᐅᕐᑐᖅ ᐅᒥᐊᕐᔪᐊᓂᒃ; ᑐᖁᓚᐅᕐᑐᖅ ᑏᓯᒻᐸ 14, 1978-ᒥ.

ᐳᕕᕐᓂᑐᒥᐅᑦ ᐃᓄᐃᑦ ᐅᖃᐅᓯᑐᖃᕐᒥᓂᒃ ᐊᑐᕐᑐᑦ. ᐃᑭᓐᓂᓵᐲᑦ ᖃᓪᓗᓈᑎᑐᑦ ᐅᖄᒍᓐᓇᑐᑦ, ᐊᒥᓲᓂᕐᓭᑦ ᐅᐃᒍᐃᑎᑐᑦ ᐃᓕᓴᕐᑐᑦ. ᐳᕕᕐᓂᑐᒥᐅᑦ ᐃᓄᖏᑦ 1,000 ᓴᓂᐊᓃᑦᑐᑦ. ᐳᕕᕐᓂᑐᒥᐅᑦ ᑐᒃᓯᐊᕕᓖᑦ ᒪᕐᕉᓂᒃ, ᐊᓪᓕᑲᓂᓪᓗ, ᐊᓯᐊᓂᓪᓗ ᐃᒃᓯᕋᕐᔪᐊᖃᖕᖏᑐᖅ. ᐋᓐᓂᐊᕕᓖᑦ ᐊᖏᔪᒥᒃ ᐋᓐᓂᐊᓯᐅᑎᒻᒪᕆᓕᒃ ᐱᖓᓱᓂᒃ ᓯᑕᒪᓂᓪᓘᓃᑦ ᐊᒻᒪᓗ ᐱᓇᓱᒃᑎᓂᒃ ᐃᒻᒪᖄ 100-ᓂᒃ ᓴᓂᐊᓂ ᐃᓄᓐᓂᒃ ᖃᓪᓗᓈᓂᓪᓗ. ᐱᐊᕋᕐᑖᑎᑦᓯᔨᖃᕐᒥᔪᖅ ᐃᓕᓴᕐᓯᒪᔪᓂᒃ ᐊᒻᒪᓗ ᑕᓯᐅᔭᕐᔪᐊᑉ ᑕᕆᐅᑦᑕ ᖁᑉᐹᓃᑦᑐᓕᒫᑦ ᐱᐊᕋᕐᑖᕆᐊᕐᑐᐸᒃᑐᑦ.

ᐳᕕᕐᓂᑐᒥᐅᑦ ᓂᐅᕕᕐᕕᓖᑦ ᒪᕐᕉᓂᒃ: ᑯᐊᐸᒥᓪᓗ ᑕᕐᕋᒥᐅᓂᓪᓗ, ᑲᒻᐸᓂᕕᓂᒃᑯᓂᒃ. ᑕᑯᔭᕐᑐᕕᖃᕐᖁᑦ ᓯᕗᓪᓕᖏᑦᑕ ᐱᕕᓂᖏᓐᓂᒃ ᐃᓅᒐᓱᐊᕈᑎᒋᑦᓱᒋᑦ. ᐅᒃᑯᐃᓚᐅᕐᓯᒪᔪᖅ ᐊᐅᒍᔅᑎ 31, 1978-ᒥ, ᐅᒃᑯᐃᑕᐅᑦᓱᓂ ᑲᒦᓪ ᓗᕇᓐᒧᑦ, ᒥᓂᔅᑕᕆᓚᐅᕐᓯᒪᔭᖓᓄᑦ ᑕᕐᕋᒥᒃ ᑲᒪᔪᒧᑦ ᑯᐯᒃ ᑲᕙᒪᖏᑦᑕ ᐃᓚᖓᓄᑦ. ᑕᒐᑕᒐ ᑕᑯᔭᕐᑐᕕᒃ ᐅᒃᑯᐊᓯᒪᔪᖅ ᓴᓇᔭᐅᓛᕋᒥ. ᕕ1[

ᐳᕕᕐᓂᑐᒥᐅᑦ ᐊᐅᑳᕐᓯᒪᕗᑦ ᐊᖏᖃᑎᒌᓐᓂᐅᓚᐅᕐᓯᒪᔪᒥᒃ. ᑌᑦᓱᒪᓂ 1975-ᒥ ᐊᑎᕐᒥᓂᒃ ᐊᑎᓕᐊᕕᓂᕐᒥᓂᒃ ᐅᐃᒪᑎᑕᐅᓱᑎᒃ ᐁᑦᓯᓚᐅᕐᓯᒪᒐᒥᒃ ᒧᓐᑐᔨᐊᒥᑦ, ᐊᑎᓕᐅᕐᓯᒪᖕᖏᑐᑦ ᐊᖏᖃᑎᒌᓐᓂᒧᑦ ᓄᓇᕕᒻᒥ.

ᐃᒣᑦᑐᒥᒃ ᐱᑦᔪᑎᖃᕐᓱᑎᒃ ᐳᕕᕐᓂᑐᒥᐅᑦ ᐊᐅᑳᕐᓯᒪᔪᑦ. ᓄᓇᑐᖃᕐᒥᓂᒃ ᓴᒃᑯᓯᒍᒪᖕᖏᓇᒥᒃ ᐱᔪᒃᓴᐅᔮᕈᑎᒥᓂᒃ ᓯᕗᓂᒃᓴᒧᑦ ᖃᒥᑦᓯᒍᒪᖕᖏᓇᒥᒃ, ᐊᒻᒪᓗ ᓄᓈᐱᓐᓂᒃ ᐆᒃᑐᕋᐅᑎᓄᑦ ᐆᒃᑐᕋᕐᑕᐅᓯᒪᔪᓂᒃ ᓄᓇᖃᕈᒪᖕᖏᓇᒥᒃ ᐊᑦᔨᐅᔭᖏᓐᓇᒥᒃ ᐱᐅᓯᖃᑎᒋᖕᖏᑕᒥᓂᒃ. ᐊᓯᒋᐊᓪᓚᖓᓗ, ᐃᓄᐃᑦ ᓄᓇᒥᒃ ᑕᕆᐅᒥᒃᓗ ᐊᖏᔪᒥᒃ ᐊᑐᖃᑦᑕᕋᒥᒃ, ᐆᒪᔪᕐᓯᐅᓕᕋᒥᒃ ᓂᕿᒃᓴᓯᐅᕐᓱᑎᒃ.

ᐅᓪᓗᒥᓕ ᖃᓄᐃᒍᓐᓀᑐᑦ ᐃᓄᐃᑦ ᑲᑐᑦᔨᑐᐃᓐᓇᓕᕐᑐᑦ ᐱᕙᓪᓕᐊᔪᓂᒃ ᓄᓇᕕᒻᒥ; ᑭᓯᐊᓂ 1975-ᒥ ᐊᖏᖃᑎᒌᓐᓂᖅ ᐱᒋᐊᕋᑖᕐᑎᓗᒍ ᐹᔪᐊᓘᕙᓚᐅᕐᑐᑦ ᐃᓄᐃᑦ ᖃᓂᕐᒥᒍᑦ.

ᐳᕕᕐᓂᑐᒥᐅᑦ ᕿᒻᒥᖃᕆᕗᑦ ᕿᒧᒃᓯᐸᒃᓱᑎᓪᓗ ᐃᓚᖏᑦ. ᐃᓄᐃᑦ ᓄᓇᕕᒻᒥᐅᑦ ᓄᓇᒥᓂᒃ ᐊᓕᐊᑉᐳᑦ ᓇᐹᕐᑐᖃᖕᖏᑐᒥᒃ ᓄᓇᒥᒃ, ᓇᒧᑐᐃᓐᓇᓕᒫᖅ ᐃᖏᕐᕋᕈᓐᓇᑲᒥᒃ ᒪᙯᑦᓱᑎᒃ. ᓄᓇᒥᓂᒃ ᓱᒃᑯᑎᕐᑕᐅᖁᔨᒐᑎᒃ ᐱᓇᓱᐊᕐᑐᓄᑦ ᓄᓇᒥᒃ, ᑰᒻᒥᓂᒃ ᓯᒥᒃᑐᑕᐅᖁᔨᖕᖏᓚᑦ.

ᐊᓪᓚᑐᖅ ᑖᒧᓯ ᖁᒪᖅ 1992

ᕕ1[ ᐊᖏᔪᐊᓗᒃ ᐅᒥᐊᖅ ᓇᑦᓯᐅᓘᓐᓃᑦ ᐁᕕᐅᓪᓘᓃᑦ ᕿᓯᔭᖓᓄᑦ ᐱᓕᐊᕆᓯᒪᔪᖅ, ᐊᕐᓇᕙᓪᓗᓄᑦ ᑲᒪᒋᔭᐅᕙᑦᑐᕕᓂᖅ. ᐊᑐᕐᑕᐅᖃᑦᑕᑐᕕᓂᖅ ᐊᐅᓪᓛᑎᑦᓯᓕᕋᒥᒃ ᕿᒻᒥᓂᒃ, ᐱᐅᓕᓂᐊᒐᕐᒥᓂᓗ ᑐᐱᕐᓂᒃ ᐊᒻᒪᓗ ᐊᓯᖏᓐᓂᒃ ᐱᐅᒃᑯᑎᓂᒃ, ᐊᓯᖓᓄᑦ ᓄᓇᒧᑦ ᐊᐅᓪᓛᓕᕋᒥᒃ, ᐊᒻᒪᓗ ᐃᓛᓐᓂ ᒪᙯᓯᐅᑎᐅᕙᓐᓂᒥᔪᖅ.