ᐊᕙᑕᖅ ᐱᐅᓯᑐᖃᓕᕆᕕᒃ
ᐱᒋᐊᕐᑎᑕᕕᓂᐅᑦᓱᓂ 1980-ᒥ ᐊᕙᑕᖅ ᐱᐅᓯᑐᖃᓕᕆᕕᒃ ᖄᖏᕐᓂᑯᓕᐅᓲᑦᓴᔭᐅᖕᖏᑑᑦᓱᓂ ᑎᒥᐅᕗᖅ ᑐᕌᕐᓂᖃᕐᓱᓂ ᐅᖑᒪᑦᓯᓂᕐᒥᒃ ᓯᕗᒧᐊᑦᑎᓯᓂᕐᒥᓗ ᐃᓄᐃᑦ ᓄᓇᕕᒻᒥᐅᑦ (ᑯᐯᒃ ᑕᕐᕋᖓᓂᒥᐅᑦ) ᐅᖃᐅᓯᖓᓂᒃ ᐃᓗᕐᖁᓯᖓᓂᓪᓗ.
ᑖᓐᓇ ᑎᒥᐅᔪᖅ ᐊᓪᓚᕕᒻᒪᕆᖁᑎᓕᒃ ᐃᓄᑦᔪᐊᒦᑦᑐᒥᒃ ᓄᓇᕕᒻᒥ ᐊᒻᒪᓗ ᐊᐅᓚᑦᓯᕕᒻᒥᒃ ᐊᓪᓚᕕᖃᕐᒥᓱᓂ ᒧᓐᑐᔨᐊᒦᑦᑐᒥᒃ ᑯᐯᒻᒥ.
ᐊᕙᑕᒃᑯᑦ ᑐᕃᓐᓇᑐᒥᒃ ᑎᓕᐅᕐᑕᐅᒍᑎᒥᓂᒃ ᐁᑦᑐᑕᐅᓲᖑᕗᑦ ᐃᓄᓐᓂᑦ ᓄᓇᕕᒻᒥᐅᓂᑦ ᐃᓄᐃᑦ ᐃᓄᒻᒪᕇᑦ ᒪᕐᕉᒃ ᐊᕐᕌᒍᑕᒫᑦ ᑲᑎᒪᓂᒻᒪᕆᒋᓲᖏᓐᓂ. ᐊᕙᑕᒃᑯᑦ ᑲᑎᒪᔨᓖᑦ ᑕᓪᓕᒪᓂᒃ ᐃᓄᐃᓐᓇᓂᒃ ᓂᕈᐊᕐᑕᐅᒪᓂᖃᓲᓂᒃ ᐊᕐᕌᒎᓐᓂ ᒪᕐᕉᓂ.
ᖃᐅᔨᒋᐊᓚᐅᕆᑦ
ᑖᓂᐊᓪᓕ ᐅᐃᑖᓗᑦᑑᑉ ᑕᑯᔭᑦᓴᑯᕕᖁᑎᖓ
ᑖᓂᐊᓪᓕ ᐅᐃᑖᓗᑦᑑᑉ ᐊᐅᓚᔨᔭᐅᓂᖓᓄᑦ ᑕᑯᔭᑦᓴᑯᕕᒃ ᐱᐅᓯᑐᖃᓕᕆᕕᖓᓗ ᐃᑲᔪᕐᓯᒪᓲᖅ ᓴᐳᒻᒥᓯᒪᓂᕐᒥᒃ ᖁᕝᕙᑎᑦᓯᒋᐊᕐᓂᒥᓪᓗ ᐃᓄᐃᑦ ᓄᓇᕕᒻᒥᐅᓗ ᐃᓗᕐᕈᓯᖓᓐᓂᒃ.
ᐃᓄᑐᙯᑦ ᑲᑎᒪᓂᒻᒪᕆᖓ
ᐱᒋᐊᕐᑎᑕᐅᓚᐅᕐᓂᕋᒥ, ᐊᕙᑕᒃᑯᑦ ᐃᓕᑕᕐᓯᒪᓲᒍᕗᑦ ᐊᑐᕐᑐᓚᕆᐊᓘᓂᖓᓂᒃ ᖃᓄᐃᓘᕐᑎᐅᓱᑎᒃ ᐃᓄᑐᙯᑦ ᐃᓅᖃᑎᒌᑦᑐᓂ. ᑌᒣᒻᒪᑦ, ᐊᕙᑕᒃᑯᑦ ᐱᒋᐊᕐᑎᓯᒻᒪᕆᓚᐅᕐᓯᒪᕗᑦ ᓯᕗᓪᓕᐹᒥᒃ ᓄᓇᕕᒻᒥᐅᑦ ᐃᓄᑐᙯᑦ ᑲᑎᒪᓂᒻᒪᕆᖓᓐᓂᒃ, ᑲᖏᕐᓱᒦᓚᐅᕐᓯᒪᔪᒥᒃ 1981-ᒥ.