ᐱᒍᑦᔨᕖᓪᓗ
ᐊᕙᑕᖅ ᐱᐅᓯᑐᖃᓕᕆᕕᒃ ᐊᐅᓚᑦᓯᓲᖑᕗᖅ ᐊᒥᓱᒐᓛᓂᒃ ᐱᒍᑦᔨᕕᓐᓂᒃ ᐱᓇᓱᐊᕋᑦᓴᓂᓪᓗ ᑎᑭᐅᑎᒐᓱᐊᒧᑦ ᐊᑦᔨᒌᖕᖏᑐᓄᑦ ᑎᓕᐅᕐᑕᐅᒍᑎᕕᓂᕐᒥᓄᑦ ᑲᓲᑎᒐᓱᐊᒧᓪᓗ ᑐᕌᒐᓱᐊᕐᑕᒥᓄᑦ ᑲᖐᓱᐊᓐᓂᖃᕐᓂᓴᐅᓂᐊᕐᒪᑦ ᐃᓄᐃᑦ ᓄᓇᕕᒻᒥᐅᑦ ᐃᓗᕐᖁᓯᖓᓂᒃ.
ᑖᓐᓇ ᐊᒡᒍᑐᕐᓯᒪᔪᖅ ᓀᓈᕐᓯᒪᔪᓂᒃ ᕿᒥᕐᕈᑎᑦᓯᔪᖅ ᐊᕙᑕᒃᑯᑦ ᐱᒍᑦᔨᕕᖏᑦᑕ ᐱᓇᓱᐊᕋᑦᓴᖁᑎᖏᑦᑕᓗ ᐱᓇᓱᐊᕐᓯᒪᓕᕐᑕᖏᓐᓂᒃ, ᐊᒻᒪᓗ ᓇᓪᓕᑳᕋᑦᓴᓕᐊᖑᓯᒪᔪᓂᒃ ᐊᒥᓱᓂᒃ ᑐᓂᕐᑕᓂᐊᕐᓂᒧᐊᖓᔪᓂᒃ, ᐃᕐᖃᓇᕐᑐᓕᕆᓂᕐᒧᐊᖓᔪᓂᒃ ᑕᑯᔭᒃᓴᑯᕕᓐᓄᐊᖓᔪᓂᓪᓗ ᓄᐊᑦᓯᓯᒪᓕᕐᓱᑎᒃ. ᑭᓯᐊᓂ ᐊᐅᓚᔨᒋᑦ ᑖᒃᑯᐊ ᑕᑯᓐᓇᑕᑎᑦ ᐃᕿᕐᕌᐱᑐᐃᓐᓇᐅᒪᑕ ᐊᕙᑕᒃᑯᑦ ᓄᐊᓯᒪᓕᕐᑕᖏᓐᓂᑦ ᑎᒥᖕᖑᓚᐅᕐᓂᕋᒥ 1985-ᒥ.
ᖃᐅᔨᒋᐊᓚᐅᕆᑦ
ᐃᓄᑐᙯᑦ ᑲᑎᒪᓂᒻᒪᕆᖓ
ᐱᒋᐊᕐᑎᑕᐅᓚᐅᕐᓂᕋᒥ, ᐊᕙᑕᒃᑯᑦ ᐃᓕᑕᕐᓯᒪᓲᒍᕗᑦ ᐊᑐᕐᑐᓚᕆᐊᓘᓂᖓᓂᒃ ᖃᓄᐃᓘᕐᑎᐅᓱᑎᒃ ᐃᓄᑐᙯᑦ ᐃᓅᖃᑎᒌᑦᑐᓂ. ᑌᒣᒻᒪᑦ, ᐊᕙᑕᒃᑯᑦ ᐱᒋᐊᕐᑎᓯᒻᒪᕆᓚᐅᕐᓯᒪᕗᑦ ᓯᕗᓪᓕᐹᒥᒃ ᓄᓇᕕᒻᒥᐅᑦ ᐃᓄᑐᙯᑦ ᑲᑎᒪᓂᒻᒪᕆᖓᓐᓂᒃ, ᑲᖏᕐᓱᒦᓚᐅᕐᓯᒪᔪᒥᒃ 1981-ᒥ.
ᐅᖃᐅᓯᕐᓯᐅᕈᑎᒃ
ᐃᑎᕐᓵᐲᑦ ᑐᓂᕐᑕᓂᐊᕐᕕᐅᓱᑎᒃ ᐃᒣᓪᓗᐊᕙᓪᓗᓲᒍᕗᑦ, 50 x 50 cm or 1 x 1 m ᐃᑎᕐᓴᓕᐊᕕᓃᑦ ᓴᒡᒐᑕᐅᑦᓱᑎᒃ ᓇᓗᓀᕐᓯᒍᑕᐅᒐᔭᕋᒥᒃ ᐃᓄᖃᓚᐅᕐᓂᒪ¯ᑦ ᖃᐅᔨᓴᕐᓱᑎᓗ ᓇᔪᒐᐅᓚᐅᕐᑐᕕᓂᐅᑉ ᖃᓕᐊᕇᑦᑎᓂᖓᓂᒃ.