ᓄᓇᓕᓐᓂ ᐱᐅᓯᑐᖃᓕᕆᔩᑦ ᑲᑎᒪᔨᖏᑦ

ᓄᓇᓕᓐᓂ ᐃᓗᕐᖁᓯᓕᕆᔩᑦ ᑲᑎᒪᔨᐊᐱᖏᑦ ᐱᒋᐊᕐᑎᑕᐅᒪᓂᖃᕐᐳᑦ ᐱᕙᓪᓕᐊᑎᑦᓯᓂᐊᕐᑎᓗᒋᑦ ᐃᓄᐃᑦ ᐃᓗᕐᖁᓯᖓᓂᒃ ᐊᒻᒪᓗ ᓱᖏᕐᑐᐃᓂᐊᕐᑎᓗᒋᑦ ᑌᑦᓱᒪᖕᖓᓂᑕᒻᒪᕆᓐᓂᒃ ᐱᐅᓯᑐᖃᕐᓂᒃ ᑕᑯᑦᓴᐅᑎᖏᓐᓇᕋᓱᐊᕐᓗᒋᑦ ᐊᒻᒪᓗ ᐃᓄᓐᓄᑦ ᐱᔭᐅᒍᓐᓇᑑᑎᖏᓐᓇᕋᓱᐊᕐᓗᒋᑦ.

ᑐᕌᒐᓱᐊᕐᑌ

2003 -ᒥ ᑖᒃᑯᐊ ᑲᑎᒪᔨᐊᐲᑦ ᐱᒋᐊᕐᑎᑕᐅᓚᐅᔪᑦ ᐊᒻᒪᓗ ᓄᓇᕕᒻᒥ ᓄᓇᓕᓕᒫᑲᓵᓂ ᐊᑐᓂᑦ ᐃᓕᒃᑰᓱᑎᒃ ᐊᐅᓚᓂᖃᕐᐸᑐᑦ.

ᓄᓇᕕᒻᒥ ᐊᑐᓂᑦ ᓄᓇᓕᒃ ᓇᒻᒥᓂᓪᓗᑐᕐᒥᓂᒃ ᐱᐅᓯᑐᖃᑦᓴᔭᕐᑎᒍᑦ ᐃᓗᕐᖁᓯᕐᑎᒍᓪᓗ ᑭᖕᖒᒪᑦᓯᓂᖃᕐᐳᖅ ᑌᒣᒻᒪᑦ ᐊᑐᓂᑦ ᓄᓇᓕᒃ ᓇᒻᒥᓂᓪᓗᑐᕐᒥᓂᒃ ᓯᕗᓕᕐᑎᓕᒃ ᑐᕃᓐᓇᑐᒃᑯᑦ ᐃᓚᐅᕙᑦᑐᓂᒃ ᐱᐅᓕᐊᕋᓱᐊᕐᓂᒧᑦ ᐃᓄᐃᑦ ᐅᖃᐅᓯᖓᓂᒃ ᐃᓗᕐᖁᓯᖓᓂᓪᓗ.

ᐊᒻᒪᓗᒋᐊᓪᓚᒃ, ᐃᓘᓐᓇᑎᒃ ᐃᓗᕐᖁᓯᓕᕆᔩᑦ ᑲᑎᒪᔨᐊᐱᖏᑦ ᐃᓕᒃᑰᑐᒥᒃ ᓄᓇᓕᒻᒥᓅᓕᖓᔪᓂᒃ ᑎᓕᐅᕐᑕᐅᒪᐅᑎᓖᑦ ᑐᖕᖓᕕᓕᓐᓂᒃ ᓄᓇᓕᐅᑉ ᑭᖕᖒᒪᒋᔭᖏᓐᓂᒃ, ᑭᓯᐊᓂ ᑐᕌᕐᓂᓚᕆᖃᕐᓱᑎᒃ ᐃᓄᐃᑦ ᐃᓗᕐᖁᓯᖓ ᐅᖃᐅᓯᖓᓗ ᐆᒪᑏᓐᓇᕋᓱᐊᕐᓗᒍ ᑕᑯᑦᓴᐅᑎᖏᓐᓇᕋᓱᐊᕐᓗᒍᓗ ᐃᓄᓕᒫᓄᑦ.

ᓈᓐᓯ ᐹᓕᓴ ᐊᕙᑕᒃᑯᓄᑦ ᑐᑭᒧᐊᑦᑎᓯᔨᒋᔭᐅᕗᖅ ᓄᓇᓕᓐᓂ ᐃᓗᕐᖁᓯᓕᕆᔩᑦ ᑲᑎᒪᔨᐊᐱᖏᓐᓂᒃ. ᓈᓐᓯ ᐊᓪᓚᕕᓕᒃ ᐃᓄᑦᔪᐊᒦᑦᑐᒥᒃ ᓴᐳᑦᔨᓯᒪᓂᖃᓲᒍᑦᓱᓂ ᐃᓗᕐᖁᓯᑎᒍᑦ ᐱᓇᓱᐊᕐᓂᐅᔪᓂᒃ ᐊᒻᒪᓗ ᐱᑐᑦᓯᒪᐅᑎᐅᓲᖑᑦᓱᓂ ᐊᕙᑕᒃᑯᓄᑦ ᓄᓇᓕᓐᓂᓗ ᐃᓗᕐᖁᓯᓕᕆᔩᑦ ᑲᑎᒪᔨᐊᐱᖏᓐᓄᑦ, ᐊᒻᒪᓗ ᐃᓄᒻᒪᕆᓐᓄᑦ ᓄᓇᓕᖏᑦ ᒪᓕᑦᓱᒋᑦ.

ᐱᓇᓱᐊᕐᑕᐅᕙᑦᑐᑦ ᓄᓇᓕᓐᓂ ᐃᓗᕐᖁᓯᓕᕆᔩᑦ ᑲᑎᒪᔨᐊᐱᖏᓐᓄᑦ ᐅᑯᓂᖓ ᐃᓚᖃᕐᐳᑦ: ᖃᖕᒪᓕᐅᕐᓃᑦ, ᓇᑦᓯᔭᕕᓂᕐᓂᒃ ᑐᐱᓕᐅᕐᓃᑦ, ᓇᑦᓯᔭᕕᓂᕐᓂᒃ ᐅᒥᐊᓕᐅᕐᓃᑦ, ᖃᔭᓕᐅᕐᓃᑦ ᓄᓇᓕᐅᑉ ᐃᓗᐊᓂ ᐅᖃᐅᓯᓕᕆᓃᑦ, ᓂᕿᑦᓴᔭᓕᐅᕐᓃᑦ/ᐸᓂᕐᑎᑕᓕᐅᕐᓃᑦ, ᑲᒥᓕᐅᕐᓃᑦ ᐴᕐᑕᓕᐅᕐᓃᑦ, ᐊᕙᑕᓕᐅᕐᓃᑦ ᐊᒻᒪᓗ ᐊᓯᖏᑦ ᐊᒥᓱᒋᐊᓪᓓᑦ.

ᓄᓇᓕᓐᓂ ᐃᓗᕐᖁᓯᓕᕆᔩᑦ ᑲᑎᒪᔨᐊᐱᖏᑦ ᐸᕐᓀᓂᕙᒻᒥᔪᑦ ᐱᐅᓯᑐᖃᕐᑎᒍᑦ ᐃᓄᐃᑦ ᐱᖕᖑᐊᕈᓯᖏᓐᓂᒃ ᓇᓪᓕᐅᓂᕐᓯᐅᓂᖃᓕᑐᐊᕐᒪᑦ ᐅᑦᑑᑎᒋᓗᒋᑦ ᓄᓇᓕᑐᖃᑦᓴᔦᑦ ᐅᓪᓗᖁᑎᖓ, ᖁᕕᐊᓱᕕᒃ/ᕿᑎᖕᖑᒃ ᐊᒻᒪᓗ ᑐᖁᑕᐅᕕᐊ/ᒪᑭᕕᐊ. ᑖᒃᑯᓇᓂ ᓇᓪᓕᐅᓂᕐᓯᐅᓂᐅᔪᓂ ᐃᓄᐃᑦ ᐊᓐᓄᕌᕐᓯᒪᓲᑦ ᐃᓄᐃᑦ ᐊᓐᓄᕌᑐᖃᖏᓐᓂᒃ ᐊᒻᒪᓗ ᑐᖕᖓᓱᑦᑎᓯᓲᖑᑦᓱᑎᒃ ᑭᓇᓕᒫᓂᒃ ᑌᒫᑦᓭᓇᖅ ᐊᓐᓄᕌᕐᓯᒪᖁᑦᓱᒋᑦ. ᐱᖕᖑᐊᓂᕐᓂ ᐅᑎᕐᑎᓯᒐᓱᐊᕙᓪᓗᓲᑦ ᐱᐅᓯᑐᖃᕐᑎᒍᑦ ᒪᙯᓯᐅᑎᕕᓂᕐᓂᒃ ᐅᕙᓘᓐᓃᑦ ᐱᐅᓯᑐᖃᕐᑎᒍᑦ ᓱᓇᑐᐃᓐᓇᒥᒃ ᐊᑐᕐᑕᐅᓲᖑᒍᓐᓀᑐᒥᒃ ᐊᒻᒪᓗ ᓴᓇᑦᓯᐊᓂᕐᐹᕕᓂᕐᒥᒃ ᓵᓚᓐᓃᒍᑎᑖᕐᑎᓯᓲᖑᑦᓱᑎᒃ.

ᖁᓕᓗ ᑕᓪᓕᒪᓪᓘᑦ ᓄᓇᓖᑦ ᐃᓗᕐᕈᓯᓕᕆᔨᖏᑦ

ᐊᑎᖓ / ᓄᓇᓕᖓ:

ᐃᐸᕋᐅᑕᖅ / ᓯᓵᓯᐱ/ᒣᓚᓯᒃᑯᑦ
ᐱᑑᑕᖅ / ᑰᑦᔪᐊᕌᐱᒃ
ᑲᑲᐅᑎᒃ / ᐅᒥᐅᔭᖅ
ᐳᑭᒃ / ᐃᓄᑦᔪᐊᖅ
ᐃᑦᓴᓂᑕᒃᑯᕕᓕᕆᔩᑦ / ᐳᕕᕐᓂᑐᖅ
ᐃᕐᙯᕗᖓ / ᐊᑯᓕᕕᒃ
ᖁᐊᔭᐅᑏᑦ / ᐃᕗᔨᕕᒃ
ᐅᐊᕐᑕᖅ / ᓴᓪᓗᐃᑦ
ᐃᑦᓴᓂᑌᑦ / ᑲᖏᕐᓱᔪᐊᖅ
ᐅᐃᕙᒥᐅᑦ / ᖁᐊᕐᑕᖅ
ᐅᑲᒻᒪᒥᐅᑦ / ᑲᖏᕐᓱᒃ
ᐃᓕᕐᕈᓯᓕᕆᔩᑦ / ᐊᐅᐸᓗᒃ
ᐱᖃᓗᔦᑦ / ᑕᓯᐅᔭᖅ
ᐃᓕᕐᕈᓯᓕᕆᔨᖏᑦ / ᑰᑦᔪᐊᖅ
ᐊᓯᒪᐅᑦᑕᖅ / ᑲᖏᕐᓱᐊᓗᑦᔪᐊᖅ

qarmaq01

qarmaq02

qarmaq03

 

qarmaq04

qarmaq05

qarmaq06

ᖃᐅᔨᒋᐊᓚᐅᕆᑦ

À découvrir

ᐅᖃᐅᓯᕐᓯᐅᕈᑎᒃ

ᐃᑎᕐᓵᐲᑦ ᑐᓂᕐᑕᓂᐊᕐᕕᐅᓱᑎᒃ ᐃᒣᓪᓗᐊᕙᓪᓗᓲᒍᕗᑦ, 50 x 50 cm or 1 x 1 m ᐃᑎᕐᓴᓕᐊᕕᓃᑦ ᓴᒡᒐᑕᐅᑦᓱᑎᒃ ᓇᓗᓀᕐᓯᒍᑕᐅᒐᔭᕋᒥᒃ ᐃᓄᖃᓚᐅᕐᓂᒪ¯ᑦ ᖃᐅᔨᓴᕐᓱᑎᓗ ᓇᔪᒐᐅᓚᐅᕐᑐᕕᓂᐅᑉ ᖃᓕᐊᕇᑦᑎᓂᖓᓂᒃ.

ᖃᐅᔨᒋᐊᒃᑲᓂᕈᒪᒍᕕᑦ


À découvrir

ᐃᓄᑐᙯᑦ ᑲᑎᒪᓂᒻᒪᕆᖓ

ᐱᒋᐊᕐᑎᑕᐅᓚᐅᕐᓂᕋᒥ, ᐊᕙᑕᒃᑯᑦ ᐃᓕᑕᕐᓯᒪᓲᒍᕗᑦ ᐊᑐᕐᑐᓚᕆᐊᓘᓂᖓᓂᒃ ᖃᓄᐃᓘᕐᑎᐅᓱᑎᒃ ᐃᓄᑐᙯᑦ ᐃᓅᖃᑎᒌᑦᑐᓂ. ᑌᒣᒻᒪᑦ, ᐊᕙᑕᒃᑯᑦ ᐱᒋᐊᕐᑎᓯᒻᒪᕆᓚᐅᕐᓯᒪᕗᑦ ᓯᕗᓪᓕᐹᒥᒃ ᓄᓇᕕᒻᒥᐅᑦ ᐃᓄᑐᙯᑦ ᑲᑎᒪᓂᒻᒪᕆᖓᓐᓂᒃ, ᑲᖏᕐᓱᒦᓚᐅᕐᓯᒪᔪᒥᒃ 1981-ᒥ.

ᖃᐅᔨᒋᐊᒃᑲᓂᕈᒪᒍᕕᑦ