ᑕᑯᔭᒃᓴᑯᕕᓕᕆᓂᖅ
ᐊᖑᒪᑦᓯᒐᓱᐊᒧᑦ ᑐᓴᕐᑕᐅᑎᑦᓯᒐᓱᐊᒧᓪᓗ ᐅᖃᐅᓯᖓᓐᓂᒃ, ᐃᓗᕐᕈᓯᖓᓐᓂᒃ ᐱᐅᓯᕐᓱᕈᑎᖏᓐᓂᓗ ᑲᔪᓯᔪᓂᒃ ᓄᓇᕕᒻᒥᐅᑦ, ᐊᕙᑕᖅ ᐱᐅᓯᑐᖃᓕᕆᕕᒃ ᐃᑲᔪᕐᓯᒪᓲᖅ ᓴᕐᕿᑎᑕᐅᓂᖏᓐᓂᒃ ᐊᐅᓚᑕᐅᓂᖏᓐᓂᓗ ᑕᑯᔭᕐᑐᕖᑦ ᐃᓗᕐᕈᓯᓕᕆᕖᓪᓗ ᓄᓇᕕᒻᒦᑐᑦ.
ᑲᑐᑦᔮᒍᑦᓱᓂ ᐊᐅᓚᑕᐅᓂᖃᕐᐸᑐᖅ ᓄᓇᕕᒻᒦᑐᑦ ᑲᕙᒫᐱᒃᑯᖏᓐᓄᑦ ᐊᕙᑕᒃᑯᓄᓗ, ᑕᑯᔭᕐᑐᕕᖃᕐᓂᒧᑦ ᐃᓗᕐᕈᓯᓕᕆᔨᕕᖃᕐᓂᒧᓪᓗ ᐱᑐᑦᓯᒪᐅᑎᓂᖓ ᐊᔪᐃᓐᓇᑕᐅᓂᕐᓴᐅᕙᓪᓕᐊᔪᖅ ᓱᕈᐃᑦᑌᓕᒐᓱᐊᕐᓂᒧᑦ ᖁᕝᕙᑎᑦᓯᒐᓱᐊᕐᓂᒧᓪᓗ ᓄᓇᓕᐅᑉ ᐃᓗᐊᓂ ᐃᓗᕐᕈᓯᖓᓐᓂᒃ, ᐊᖏᓕᕙᓪᓕᐊᑐᐃᓐᓇᑐᓂᒃ ᐊᑦᔨᒌᓐᖏᑐᓂᓪᓗ ᐱᓇᓱᐊᕐᑎᓯᕙᓐᓂᒥᒃ ᓱᔪᖃᓕᕐᑐᓂᓪᓗ. ᑭᓇᓕᒫᒃᑯᓅᓕᖓᒐᒥᒃ, ᑕᑯᔭᕐᑐᕖᑦ ᐃᓂᖃᕐᑎᑦᓯᔪᑦ ᒪᕐᕈᐃᓈᒃ ᑕᑯᓐᓇᐅᑎᔫᒃ ᐱᓇᓱᐊᖃᑎᒌᒍᒪᑉᐸᓂᒃ ᐃᑉᐱᒍᓱᓗᐊᓐᖑᐊᕋᓱᐊᕋᒥ ᐃᓗᕐᕈᓯᐅᑉ ᓄᓇᕐᖃᑎᒌᑦᑐᐃᓗ ᐊᖏᓕᕙᓪᓕᐊᑐᐃᓐᓇᓂᖏᓐᓂᒃ ᐱᐅᓯᐅᒥᕙᓪᓕᐊᑐᐃᓐᓇᓱᑎᒃ ᓄᐃᑕᓪᓗᕆᑦᑐᑯᑦ ᐃᓚᐅᓂᖃᕐᐸᒪᑕ ᐱᐅᓕᑦᓯᒐᓱᐊᕐᓂᒧᑦ ᓄᓇᓕᐅᑉ ᐱᐅᓯᕐᓲᑎᖓᓂᒃ ᑲᔪᓯᔪᒥᒃ. ᑌᒣᒻᒪᑦ ᑕᑯᔭᕐᑐᑯᕕᖃᕐᓂᕗᑦ ᐃᓗᕐᕈᓯᓕᕆᕕᒻᒥᓗ ᐊᐅᓚᑦᔦᒋᐊᕈᑕᐅᒍᓐᓇᑑᒃ, ᐃᒋᑕᑦᓴᐅᖏᑦᑐᒥᒃ ᑐᓐᖓᕕᖃᕐᑎᓯᓚᕿᑦᓱᓂ ᐃᕐᐸᑎᑕᐅᓂᖓᓄᑦ ᐃᓄᐃᑦ ᐃᓗᕐᕈᓯᖓ ᓴᓇᓐᖑᐊᒍᓯᖓᓗ, ᑕᒣᓐᓂ ᐃᕐᖃᓇᕐᑐᑎᒍᑦ ᓇᓪᓕᐅᑎᖃᑎᒌᓯᒪᓂᒃᑯᓗ.
ᓯᕗᓪᓕᐅᔨᓂᖅ ᐃᓂᒥᓃᖏᓐᓈᑐᓂᒃ ᐱᐅᓕᑦᓯᒐᓱᐊᕐᓂᒥᒃ ᓄᓇᓕᐅᑉ ᐃᓗᐊᓂ, ᑖᒃᑯᐊ ᑕᑯᔭᕐᑐᕖᑦ ᐃᓗᕐᕈᓯᓕᕆᕖᓪᓗ ᐊᒥᓲᓐᖏᑑᒐᓗᐊᓂᒃ ᑐᕌᕐᓂᖃᕋᓱᐊᕐᑐᐃᑦ, ᐃᓚᐅᑎᓪᓗᒋᑦ: ᐊᐅᓚᑦᔦᓂᖅ ᑲᔪᓯᑎᑦᓯᓂᕐᓗ ᓲᖑᔪᒥᒃ ᐃᓗᕐᕈᓯᕐᒥᒃ ᑕᑯᑦᓴᐅᑎᑦᓯᕕᒻᒥᒃ ᓄᓇᕕᒻᒥ; ᐱᕙᓪᓕᐊᑎᑦᓯᓂᖅ ᓄᓇᓕᐅᑉ ᐃᓗᐊᓂ ᐱᔪᓐᓇᓂᐅᔪᓂᒃ ᑕᕐᕋᒥ ᑕᑯᔭᕐᑐᑯᕕᓐᓂ ᓱᑯᐃᔦᓂᕐᓂᒃ; ᐊᒻᒪᓗ ᓴᐳᑦᔨᓯᒪᓂᖅ ᓄᓇᓕᓕᒫᓂ ᐅᐱᒪᓂᐅᔪᒥᒃ ᓄᓇᕕᒻᒥᐅᑉ ᐅᕕᒐᕐᑐᖁᑎᖏᓐᓂ.
ᖃᐅᔨᒋᐊᓚᐅᕆᑦ
2007-2008: ᓄᓇᕐᔪᐊᓕᒫᒥ ᓄᓇᖃᕐᖄᓯᒪᔪᑦ ᐊᕐᕌᒍᖁᑎᖓ (IPY)
ᐊᐅᔭᐅᑎᓪᓗᒍ/ᐅᐱᕐ¯ᒍᑎᓪᓗᒍ 2007-ᒥ, ᑐᓂᕐᑕᓂᐊᕆᐊᕐᓯᒪᔪᑦ ᐊᕙᑎᑦ ᒥᑦᓵᓃᑦᑐᑦ ᐃᓚᐅᓚᐅᔪᕗᑦ ᑐᓂᕐᑕᓂᐊᕐᓂᒥ ᓴᒡᒐᓂᕐᒧᑦ ᐃᑎᖑᐊᓗᒻᒥ (IbGk-3-ᒍᓂᕋᕐᑕᒥ) ᐊᒻᒪᓗ ᑐᓂᕐᑕᓂᐊᕐᓂᒥ ᖃᐅᔨᓴᕐᓂᖃᑲᓪᓛᐱᑦᑎᓗᒍ ᐃᑎᖑᐊᓘᑉ ᒥᑦᓵᓃᑦᑐᓂᒃ. ᑐᓂᕐᑕᓂᐊᕐᑏᑦ ᐱᓇᓱᐊᕐᓂᕆᓚᐅᔪᔭᖓ ᐃᓚᒋᔭᐅᓚᐅᔪᕗᖅ ᓄᓇᕐᔪᐊᓕᒫᒥ ᓄᓇᖃᕐᖄᓯᒪᔪᑦ ᐊᕐᕌᒍᖁᑎᖓᓐᓄᑦ.
