• ᖁᓕᓪᓗ ᓯᑕᒪᓪᓘᑦ ᓄᓇᓖᑦ ᐊᒻᒪᓗ ᐊᑕᐅᓯᖅ ᓄᓇᓕᒃ
  • ᐅᒥᐅᔭᖅ
  • ᑲᖏᕐᓱᐊᓗᑦᔪᐊᖅ
  • ᑰᑦᔪᐊᖅ
  • ᑕᓯᐅᔭᖅ
  • ᐊᐅᐸᓗᒃ
  • ᑲᖏᕐᓱᒃ
  • ᖁᐊᕐᑕᖅ
  • ᑲᖏᕐᓱᔪᐊᖅ
  • ᓴᓪᓗᐃᑦ
  • ᐃᕗᔨᕕᒃ
  • ᐊᑯᓕᕕᒃ
  • ᐳᕕᕐᓂᑐᖅ
  • ᐃᓄᑦᔪᐊᖅ
  • ᑰᑦᔪᐊᕌᐱᒃ

• ᐊᓐᓂᕆᔭᕗᑦ

• ᓄᓇᕕᒻᒥ ᓇᓃᓐᓂᖓ

• ᓯᓚᕐᕈᐊᕗᑦ ᐅᐱᒋᕙᕗᑦ

• ᐆᒪᒍᑎᒋᓯᒪᔭᕗᑦ ᑕᒪᑦᔭ

• ᐅᖃᐅᓰᑦ

ᓄᓇᒃ

ᐃᓄᑦᔪᐊᖅ

ᐃᓄᑦᔪᐊᖅ ᓄᓇᖓ ᑕᑯᕋᓐᓂᓂᕐᐹᖅ ᑕᑯᑦᓱᒍ ᓄᓇᓕᓕᒫᓂᑦ ᓄᓇᕕᒻᒥ. ᕿᑭᕐᑕᖏᑦ ᐃᓐᓇᓕᐊᓘᑦᓱᑎᒃ ᑲᖏᒧᑦ ᓵᖕᖓᔪᓂᒃ ᐃᓗᐃᓕᐅᑉ ᓴᓂᐊᓃᑦᑐᑦ, ᐃᓐᓇᓖᑦ ᑲᖏᐊ ᐊᐅᔭᒃᑯᑦ ᐅᒥᐊᕐᑐᕕᒋᒋᐊᖓ ᖃᔭᕆᐊᒃᑯᓗ ᐊᑐᕆᐊᖓ ᓇᑯᕐᑑᕗᖅ, ᒪᓕᖃᖕᖏᑐᑦ ᐃᖏᐅᓕᖃᕋᑎᓪᓗ, ᐱᐅᔪᒻᒪᕆᐅᕗᑦ ᐊᑐᕐᓱᒋᑦ ᐊᓄᕆᐊᓗᖕᖏᑐᐊᕐᒪᑦ ᓯᓚᕐᔪᐊᖅ ᐅᐊᓐᓂᑎᓗᒍ ᓂᒡᒋᑎᓪᓗᒍᓗ ᐊᓄᕆᖓ. ᐅᑭᐅᒥ, ᑐᕙᒃᑯᑦ ᓯᑯᒃᑯᑦ ᐃᓐᓇᓖᑦ ᑲᖏᖏᑦ ᒪᓂᕋᒻᒪᕆᐅᓲᒍᕗᑦ ᓲᕐᓗ ᐃᓪᓗᕈᐊᑦ ᓇᑎᖏᑎᑐᑦ ᒪᓂᕋᐅᑎᒋᑦᓱᑎᒃ, ᕿᒧᒃᓯᑯᑦ ᐱᐅᔪᒻᒪᕇᑦ ᓱᑲᑦᑑᓇᕐᓱᑎᒃ.

ᐃᓄᒃᔪᐊᖅ ᓯᕗᓪᓕᐹᒍᑦᓱᓂ ᖃᓪᓗᓈᓄᑦ ᓄᓈᕐᕕᕕᓂᐅᕗᖅ ᓂᐅᕕᕐᕕᓕᓐᓄᑦ ᑕᕆᐅᕐᔪᐊᑉ ᐊᑭᐊᓂᑦ ᐱᓯᒪᔪᓄᑦ, ᐃᓄᒃᔪᐊᒨᕐᑐᕕᓃᑦ 1902 ᓴᓂᐊᓂ. ᐃᓪᓗᖅ ᐊᑕᐅᓯᐅᓕᕐᑐᖅ ᓇᐸᔪᖅ ᓱᓕ ᐅᓪᓗᒥ. ᐅᕙᖓ ᐊᐅᓚᔨᑦᓯᐊᑕᒃᑲ ᑖᒃᑯᐊ ᐊᑖᑕᒐ ᑌᒃᑯᓇᓂ ᐱᓇᓱᐊᕐᐸᓚᐅᕐᒪᑦ. ᓂᐅᕕᐊᒃᓴᕕᓂᖏᑦᑕ ᐃᓚᖓ ᓱᓕ ᐱᒋᔭᐅᔪᖅ ᐃᓄᓐᓄᑦ, ᑎᕆᒐᓐᓂᐊᓂᐅᑏᑦ ᒥᑭᒋᐊᑦ.

ᐅᓪᓗᒥ, ᐃᓄᒃᔪᐊᖅ ᓄᓇᕕᒻᒥᐅᓂᒃ ᐊᖏᓂᕐᐹᖑᖃᑕᐅᕗᖅ. ᖃᓪᓗᓈᕌᓗᖃᖕᖏᑐᖅ ᓄᓈᕐᓯᒪᔪᓂᒃ, ᖃᓪᓗᓈᖃᕐᐸᑑᒐᓗᐊᖅ ᐱᓇᓱᐊᕐᑐᓂᒃ ᐱᓇᓱᐊᕇᒐᒥᒃ ᐊᐅᓪᓚᐸᑦᑐᓂᒃ. ᐃᓄᒃᔪᐊᖅ ᑐᒃᑐᓕᒃ ᐳᐃᔨᓕᒃ ᓇᑦᓯᓕᒃ, ᐊᒻᒪᓗ ᐃᖃᓗᓖᑦ ᑕᓯᖏᑦ ᐅᑭᐅᒥ ᓯᑯᒃᑯᑦ. ᐃᓄᒃᔪᐊᒥᐅᑦ ᐃᓄᐃᑦ ᑲᒃᑲᓛᖏᑦ ᐅᕕᒐᕐᑐᖏᑦ ᐃᓄᑐᖃᓕᒫᖏᑦ ᐅᖃᐅᓯᑐᖃᕐᒥᓂᒃ ᐃᓄᒃᑎᑐᑦ ᐊᑐᑐᐃᓐᓇᖁᑦ. ᐃᓚᖏᑦ ᖃᓪᓗᓈᑎᑐᑦ ᐅᖄᓲᖑᒐᓗᐊᑦ, ᖃᓪᓗᓈᒥᒃ ᐅᖄᖃᑎᖃᓕᕋᒥᒃ ᑭᓯᐊᓂ ᐊᒥᓲᖕᖏᑐᑦ ᐅᖄᑦᓯᐊᕈᓐᓇᒪᑕ ᖃᓪᓗᓈᑦ ᐅᖃᐅᓯᖏᓐᓂᒃ.

ᐃᓄᒃᔪᐊᒥᐅᑦ ᐅᑭᐅᒥ ᕿᒧᒃᓯᓲᖑᕗᑦ ᕿᒻᒥᓕᐊᓘᒐᒥᒃ. ᓯᑮᑐᓂᒃ ᑭᓯᐊᓂ ᐊᑐᕐᐸᓕᓚᐅᕐᒥᓱᑎᒃ, ᐊᒥᓱᑦ ᐅᑎᕐᓯᒪᓕᕐᑐᑦ ᕿᒻᒥᓄᑦ. ᓯᑮᑐᐃᑦ ᐊᑭᖃᓕᕐᒪᑕ $7,000-ᒥᑦ - $10,000-ᒧᑦ, ᐊᒻᒪᓗ ᓯᑮᑐᖅ ᐊᑕᐅᓯᖅ ᐊᒻᒪᓗ ᐅᕐᓱᖓ ᐊᑭᑦᑐᐸᓪᓕᐊᓱᓂ. ᑕᒐᑕᒐ ᐅᖁᒣᓪᓘᐳᒍᑦ ᑕᕐᕋᒥᐅᒍᑦᓱᑕ, ᐱᓇᓱᒐᒃᓵᓗᖃᕋᓂᓗ ᑕᕐᕋᒥ ᐊᑕᔪᒥᒃ.

ᐊᓪᓚᑐᖅ ᑖᒧᓯ ᖁᒪᖅ 1992