• ᖁᓕᓪᓗ ᓯᑕᒪᓪᓘᑦ ᓄᓇᓖᑦ ᐊᒻᒪᓗ ᐊᑕᐅᓯᖅ ᓄᓇᓕᒃ
  • ᐅᒥᐅᔭᖅ
  • ᑲᖏᕐᓱᐊᓗᑦᔪᐊᖅ
  • ᑰᑦᔪᐊᖅ
  • ᑕᓯᐅᔭᖅ
  • ᐊᐅᐸᓗᒃ
  • ᑲᖏᕐᓱᒃ
  • ᖁᐊᕐᑕᖅ
  • ᑲᖏᕐᓱᔪᐊᖅ
  • ᓴᓪᓗᐃᑦ
  • ᐃᕗᔨᕕᒃ
  • ᐊᑯᓕᕕᒃ
  • ᐳᕕᕐᓂᑐᖅ
  • ᐃᓄᑦᔪᐊᖅ
  • ᑰᑦᔪᐊᕌᐱᒃ

• ᐊᓐᓂᕆᔭᕗᑦ

• ᓄᓇᕕᒻᒥ ᓇᓃᓐᓂᖓ

• ᓯᓚᕐᕈᐊᕗᑦ ᐅᐱᒋᕙᕗᑦ

• ᐆᒪᒍᑎᒋᓯᒪᔭᕗᑦ ᑕᒪᑦᔭ

• ᐅᖃᐅᓰᑦ

ᓄᓇᒃ

ᑰᑦᔪᐊᖅ

ᑰᑦᔪᐊᖅ ᐊᑎᖓᑕ ᑐᑭᖓ ᐃᒣᑦᑐᖅ «ᑰᒻᒪᕆᐊᓗᒃ», ᑕᒐᑕᒐ ᑰᒃᔪᐊᕕᓂᑐᐃᓐᓇᐅᓕᕐᑐᖅ. ᑰᖓ ᓯᒥᒃᑐᑕᐅᓯᒪᒻᒪᑦ ᐊᖏᖃᑎᒌᓐᓂᐅᓯᒪᔪᖅ ᑯᐯᒃ ᑕᕐᕋᖓᓂ ᒪᓕᒃᓱᒍ, ᑰᑦᔪᐊᒥ ᑕᒐᑕᒐ ᑌᔭᐅᑐᐃᓐᓇᑐᖅ ᑰᑦᔪᐊᖑᒍᓐᓀᕋᓗᐊᕐᑎᓗᒍ.

ᑰᑦᔪᐊᖅ, ᐃᓄᖃᕐᑐᖅ ᐃᓄᑐᐃᓐᓇᓂᒃ 900 ᒥᑦᓵᓂ ᐊᒻᒪᓗ ᖃᓪᓗᓈᖃᕐᓱᓂ 100 ᐅᖓᑖᓄᑦ, ᓄᓇᓕᓕᒫᓂᑦ ᓄᓇᕕᒻᒥ ᐊᖏᓂᕐᐹᖅ. ᑰᑦᔪᐊᒥᐅᑦ ᐃᓄᖏᑦ ᐃᓄᒃᑎᑐᑦ ᐅᖃᐅᓯᕐᒥᓂᒃ ᐊᑐᑐᐃᓐᓇᑐᑦ ᓱᓕ ᖃᓪᓗᓈᑦ ᑰᑦᔪᐊᒥ ᐊᒥᓲᒐᓗᐊᕐᑎᓗᒋᑦ. ᑲᒃᑲᓛᖏᓪᓗ ᐃᓕᓴᕋᓗᐊᕐᑎᓗᒋᑦ ᖃᓪᓗᓈᑎᑐᑦ, ᐅᐃᒍᐃᑎᑐᓪᓗ. ᑰᑦᔪᐊᒥᐅᑦ ᓄᓇᓕᖓᑦ ᐊᖏᓕᕙᓪᓕᐊᔪᖅ ᖃᓪᓗᓈᑦ ᐱᖁᑎᖏᑦ ᑎᒻᒥᔫᑦ ᓄᓈᕐᐸᓕᐊᒻᒪᑕ ᓱᓕ. ᐅᓇᑕᕐᑎᓭᓪᓗ ᖃᓪᓗᓈᑦ ᑎᑭᑉᐸᓕᐊᑦᓱᑎᒃ. ᒐᓗᐊᕐᓱᑎᒃ ᐃᓄᐃᑦ ᓯᕗᓕᕐᑎᐅᓚᖓᔪᑦ ᐃᓄᓐᓄᑦ ᓄᓇᓕᑐᖃᐅᒐᒥᒃ ᑰᑦᔪᐊᒥ ᐃᑭᓐᓂᓴᐅᓕᕋᓗᐊᕈᑎᒃ ᖃᓪᓗᓈᓂᑦ ᑎᑭᓯᒪᔪᓂᒃ.

ᑰᑦᔪᐊᒥᐅᑦ ᐃᓄᖏᑦ ᐅᖃᐅᓯᕐᒥᓂᒃ ᐊᑐᑐᐃᓐᓇᑐᑦ ᑲᒃᑲᓛᒥᓂᑦ ᐃᑦᑐᒥᓄᑦ ᓂᖏᐅᕐᒥᓄᓪᓗ ᑎᑭᑦᓱᑎᒃ. ᐃᓄᐃᑦ ᐃᓚᖏᑦ ᖃᓪᓗᓈᑎᑐᑦ ᐅᖃᑦᓯᐊᕈᓐᓇᒪᑕ, ᐊᑐᕐᓂᖃᕐᒥᔪᑦ ᐃᒫᒃ ᑐᓵᔨᒋᔭᐅᑦᓱᑎᒃ ᐃᓄᓪᓚᕆᓐᓄᑦ ᖃᓪᓗᓈᑎᑐᑦ ᐅᖃᕈᓐᓇᖏᑦᑐᓄᑦ ᐊᑐᕐᑕᐅᔪᒻᒪᕇᑦ.

ᑰᑦᔪᐊᒥᐅᑦ ᐆᒪᔪᕐᓯᐅᕕᒻᒥᓂᒃ ᖃᓂᑦᑕᖃᑦᔭᖏᓪᓚᑦ, ᐱᓗᐊᕐᑐᒥᒃ ᐳᐃᔨᓯᐅᕐᕕᒥᓂᒃ. ᑐᒃᑐᖃᓲᖅ ᑐᒃᑐᐃᑦ ᐱᓱᓕᕐᒪᑕ ᑕᕐᕋᒧᓪᓗ ᓯᕿᓂᐅᓪᓗ ᒥᑦᓵᓄᑦ, ᐃᖃᓗᖃᕐᓱᑎᓪᓗ ᐊᕿᒡᒋᙯᓐᓇᓲᒍᑦᓱᑎᓪᓗ ᐅᑭᐅᓕᒫᖅ.

ᑰᑦᔪᐊᖅ ᑎᒻᒥᔫᓄᑦ ᐊᕐᖁᑎᒋᔭᐅᕗᖅ ᓄᓇᕕᒻᒥᓗ ᓄᓇᑦᓯᐊᒥᓪᓗ ᐱᔪᓄᑦ. ᐋᓐᓂᐊᕕᒻᒪᕆᖃᕐᓱᑎᓪᓗ ᐅᖓᕙᒥᐅᓄᑦ ᐃᓘᓐᓀᓄᑦ ᐊᑐᕐᑕᐅᔪᒥᒃ, ᐊᒻᒪ ᐃᓄᐃᑦ ᐊᕐᓇᖏᓐᓄᑦ ᐱᐊᕋᕐᑖᕆᐊᕐᑐᕕᐅᓲᒥᒃ. ᓄᓇᕕᒻᒥᐅᑦ ᐃᓄᐃᑦ ᐊᒥᓱᑦ ᐃᓅᓕᕐᓯᒪᒻᒪᑕ ᑰᑦᔪᐊᒥᓗ ᐳᕕᕐᓂᑐᒥᓗ. ᑐᖁᔪᐃᑦ ᐃᑭᓐᓂᓴᐅᒻᒪᑕ ᓄᓇᕕᒻᒥ ᐃᓅᓕᕐᑐᓂᑦ. ᑰᑦᔪᐊᒥᐅᑦ ᑐᖕᖓᓇᕐᐳᑦ ᑎᑭᑕᐅᒐᒥᒃ ᓇᑭᑐᐃᓐᓇᖅ ᐃᓄᓐᓄᑦ ᑕᕐᕋᒥᐅᓄᑦ.

ᓄᓇᕕᐅᑉ ᓄᓇᖓ ᐊᖏᔪᐊᓘᕗᖅ ᑎᒻᒥᔫᑎᒍᑦ ᐃᖏᕐᕋᕕᒋᑦᓱᒍ. ᓇᑯᕐᓴᐳᒍᑦ ᑯᐯᒃᒥᐅᒍᑦᓱᑕ ᑯᐯᒃ ᓄᓇᖓ ᐊᖏᔪᐊᓘᒻᒪᑦ.

ᐊᓪᓚᑐᖅ ᑖᒧᓯ ᖁᒪᖅ 1992