• ᖁᓕᓪᓗ ᓯᑕᒪᓪᓘᑦ ᓄᓇᓖᑦ ᐊᒻᒪᓗ ᐊᑕᐅᓯᖅ ᓄᓇᓕᒃ
  • ᐅᒥᐅᔭᖅ
  • ᑲᖏᕐᓱᐊᓗᑦᔪᐊᖅ
  • ᑰᑦᔪᐊᖅ
  • ᑕᓯᐅᔭᖅ
  • ᐊᐅᐸᓗᒃ
  • ᑲᖏᕐᓱᒃ
  • ᖁᐊᕐᑕᖅ
  • ᑲᖏᕐᓱᔪᐊᖅ
  • ᓴᓪᓗᐃᑦ
  • ᐃᕗᔨᕕᒃ
  • ᐊᑯᓕᕕᒃ
  • ᐳᕕᕐᓂᑐᖅ
  • ᐃᓄᑦᔪᐊᖅ
  • ᑰᑦᔪᐊᕌᐱᒃ

• ᐊᓐᓂᕆᔭᕗᑦ

• ᓄᓇᕕᒻᒥ ᓇᓃᓐᓂᖓ

• ᓯᓚᕐᕈᐊᕗᑦ ᐅᐱᒋᕙᕗᑦ

• ᐆᒪᒍᑎᒋᓯᒪᔭᕗᑦ ᑕᒪᑦᔭ

• ᐅᖃᐅᓰᑦ

ᓄᓇᒃ

ᐆᒪᒍᑎᒋᓯᒪᔭᕗᑦ ᑕᒪᑦᔭ

ᐊᓐᓄᕌᑦ: ᑐᒃᑐᔦᑦ, ᓇᑦᓯᔦᑦ, ᒥᑎᔦᑦ, ᕿᒻᒥᓱᐃᑦ ᐊᒻᒪᓗ ᐊᓯᖏᑦ.

ᐃᒋᒪᖅ: ᑲᐴᑎᒃ. ᐁᕕᕐᓄᑦ ᕿᓚᓗᒐᕐᓄᑦ ᐅᒃᔪᓄᑦ ᐊᑐᕐᑕᐅᓲᖅ ᐅᑭᐅᒥᓗ ᐊᐅᔭᒥᓗ.

ᑲᑭᕙᒃ: ᐃᖃᓗᓐᓂᒃ ᑲᑭᓯᒍᑎᒃ - ᐅᓈᑦᓴᔭᐅᑦᓱᓂ - ᐃᖃᓗᓐᓂᐅᑎᒃ. ᓴᓇᓯᒪᔪᖅ ᕿᑎᖓᓃᑦᑐᖅ ᓄᕗᖓ ᑕᒣᒍᑦ ᓴᖑᖓᔫᓐᓂᒃ ᓴᓇᓯᒪᑦᓱᑎᒃ ᓂᐅᖓᑦᓱᑎᒃ ᓇᑦᔪᐊᕕᓂᐅᑦᓱᑎᒃ ᐊᕙᑖᒍᑦ. ᐃᖃᓗᒃ ᓇᐅᓕᔭᐅᑦᓴᐸᑦ ᕿᑎᖓᓃᑦᑐᒧᑦ ᓄᕗᖓᓄᑦ ᑎᒍᒻᒥᑕᐅᔪᖅ ᐊᕙᑖᓃᑦᑑᓄᑦ.

ᓄᐃᖅ: ᑎᒻᒥᐊᓂᐅᑎᒃ ᓴᓇᓯᒪᑦᓯᐊᑐᖅ ᐃᒫᓃᑦᑐᓂᒃ ᑎᒻᒥᐊᓂᒃ ᐱᓇᓱᐊᕈᑎᒃ.

ᐸᓇᒃ: ᓴᕕᒃ ᐊᑐᕐᑕᐅᓲᖅ ᓇᑲᑎᕆᒍᑕᐅᑦᓱᓂ ᐊᐳᑎᒥᒃ ᐃᒃᓗᓕᐅᕈᑎᐅᑦᓱᓂ.

ᖄᖅ: ᑐᒃᑑᑉ ᐊᒥᖓ ᐅᕐᖂᔪᐊᓗᒃ.

ᖃᔭᖅ: ᐊᐅᔭᕐᓯᐅᑎᒃ ᐃᒪᒃᑯᑦ ᓇᒧᑐᐃᓐᓇᖅ ᐊᑐᕈᓐᓇᑐᖅ ᐅᖁᒣᑦᑐᓂᒃ ᐅᓯᒍᓐᓇᑐᖅ.

ᖃᒧᑏᒃ: ᕿᒧᒃᓯᕈᑏᒃ ᕿᒻᒥᓄᑦ ᐊᑐᕐᑕᐅᒍᓐᓇᑑᒃ ᐅᖁᒣᑦᑐᓂᒃ ᐅᓯᒍᓐᓇᑑᒃ.

ᕿᐲᒃ: ᑐᒃᑑᑉ ᐊᒥᖓ ᐅᕐᖂᔪᐊᓗᒃ.

ᖁᓪᓕᖅ: ᐅᔭᕋᖅ ᓴᓇᓯᒪᔪᖅ ᐳᐃᔩᑦ ᐅᕐᓱᖏᓐᓂᒃ ᖃᓄᐃᑦᑐᑐᐃᓐᓇᓂᒃ ᐅᕐᓱᖃᓲᖅ. ᖃᓄᓕᒫᖅ ᐊᑐᕈᓐᓇᑐᖅ ᐆᓇᕐᑐᒥᒃ ᐃᒥᕈᑎᒋᑦᓱᒍ, ᐊᓐᓄᕌᓂᒃ ᐸᓂᕐᓰᒍᑎᒋᑦᓱᒍ, ᐅᕐᖂᕈᑎᒋᑦᓱᒍ ᐃᒃᓗᒥᒃ.

ᐅᒥᐊᖅ: ᐊᖏᔪᐊᓗᒃ ᐅᒥᐊᖅ ᓇᑦᓯᐅᓘᓐᓃᑦ ᐁᕕᐅᓪᓘᓃᑦ ᕿᓯᔭᖓᓄᑦ ᐱᓕᐊᕆᓯᒪᔪᖅ, ᐊᕐᓇᕙᓪᓗᓄᑦ ᑲᒪᒋᔭᐅᕙᑦᑐᕕᓂᖅ. ᐊᑐᕐᑕᐅᖃᑦᑕᑐᕕᓂᖅ ᐊᐅᓪᓛᑎᑦᓯᓕᕋᒥᒃ ᕿᒻᒥᓂᒃ, ᐱᐅᓕᓂᐊᒐᕐᒥᓂᓗ ᑐᐱᕐᓂᒃ ᐊᒻᒪᓗ ᐊᓯᖏᓐᓂᒃ ᐱᐅᒃᑯᑎᓂᒃ, ᐊᓯᖓᓄᑦ ᓄᓇᒧᑦ ᐊᐅᓪᓛᓕᕋᒥᒃ, ᐊᒻᒪᓗ ᐃᓛᓐᓂᑯᑦ ᒪᙯᒍᑕᐅᕙᑦᓱᓂ.

ᐅᓈᖅ: ᓇᑦᓯᓂᐅᑎᒃ ᑲᐴᑎᒃ ᐅᑭᐅᒃᑯᑦ ᐊᐅᔭᒃᑯᓗ ᐊᑐᕐᑐᖅ ᐳᐃᔨᓐᓂᐅᑎᒃ.

ᓴᓇᕐᕈᑏᑦ ᐱᓇᓱᐊᕈᑎᖏᑦ ᐊᑦᔨᒌᖕᖏᑐᑦ ᑑᒑᕕᓃᑦ, ᓇᒃᔪᕕᓃᑦ ᐊᒻᒪᓗ ᐅᔭᕃᑦ ᓯᑎᔪᑦ. ᐊᕐᓀᑦ ᐱᓇᓱᐊᕈᑎᖏᑦ ᐊᑦᔨᒌᖕᖏᑐᑦ; ᕿᓯᓕᕆᐅᑏᑦ ᓇᑦᓯᔭᓂᒃ ᐊᒻᒪᓗ ᐊᒥᓕᕆᐅᑏᑦ ᑐᒃᑐᓂᒃ. ᐊᓯᖏᓪᓗ ᐊᒥᓱᑦ ᓴᓇᕐᕈᑎᕕᓃᑦ ᐊᒥᓲᓗᐊᕐᒪᑕ ᐅᓂᒃᑳᓗᒋᑦ.
ᐃᓄᐃᑦ ᓯᕗᓕᑦᑕ ᐃᓅᒍᑎᕕᓂᖏᑦ ᑖᒃᑯᐊᑕᒐ. ᑖᒃᑯᐊ ᐱᑕᖃᖕᖏᐸᑕ ᐃᓄᐃᑦ ᐃᑭᑦᑐᒪᕆᐅᒐᔭᕐᑐᑦ ᐃᒻᒪᖄ. ᐃᓄᐃᑦ ᓯᕗᓪᓖᑦ ᐃᓅᒍᑎᕕᓂᖏᑦ ᐊᔪᒉᑦᑑᕗᑦ ᑕᑯᑦᓱᒋᑦ ᕿᒥᕐᕈᕕᓐᓂ.
ᓯᕗᓪᓕᐹᒥ ᖃᓪᓗᓈᕐᑎᑑᓕᕐᑎᕆᔪᕕᓂᖅ: ᑳᓓ ᐅᐃᑖᓗᑦᑐᖅ ᓚᑉᓛ ᐅᐃᒍᐃᑎᑑᓕᕐᑎᕆᔪᕕᓂᖅ ᐊᒻᒪᓗ ¤ᐋᕐᕿᓱᐃᑦᓯᐊᑐᕕᓂᖅ: ᓯᓪᕕ ᑰᑏ-ᑦᓯᐅ