• ᑭᓇᒃᑰᒪᖔᑦᑕ
  • ᐊᑑᑎᔭᐅᓯᒪᔪᑦ
  • ᐱᓇᓱᖃᑎᒌᑦᑐᑦ
• ᖃᐅᔨᒋᐅᕐᓂᖅ ᑐᓂᕐᑕᓂᐊᕐᓂᒥᒃ
  • ᐅᑭᐅᕐᑕᑑᑉ ᐱᐅᓯᖓ ᐅᓪᓗᐃᑦ ᒪᓕᑦᓱᒋᑦ
  • ᐅᓕᕐᓀᓯᒍᑎᐊᕈᒃ
• ᐱᓇᓱᐊᕐᑕᐅᔪᐃᑦ ᐱᓇᓱᐊᕋᑦᓭᓗ
  • ᖃᐅᔨᓴᕐᓂᒧᑦ ᐱᓇᓱᐊᕋᑦᓭᑦ
  • ᐱᓇᓱᐊᕐᑕᐅᔪᐃᑦ
  • ᓄᓇᓕᐅᑉ ᑎᒥᐅᔪᐃᓪᓗ ᐱᒍᑦᔨᓂᖏᑦ
• ᖃᕆᑕᐅᔭᑎᒍᑦ ᓄᓇᕐᔪᐊᓕᒫᒨᕈᑏᑦ
  • ᑐᓂᕐᑕᓂᐊᕐᕕᒃ
  • ᓄᐊᑕᐅᓯᒪᔪᑦ
  • ᖃᕆᑕᐅᔭᒦᑦᑐᑦ ᐊᓪᓚᖁᑏᑦ
• ᑐᑭᓯᒋᐊᕐᕕᓭᑦ
  • ᐊᑐᐊᒉᑦ ᐊᓪᓚᖁᑎᖏᑦ
  • ᐱᑐᑦᓯᒪᒍᑏᑦ

ᑐᓂᕐᑕᓂᐊᕐᓂᖅ

ᒥᕐᖑᐃᓯᕖᑦ ᓄᓇᕕᒻᒥ

< ᒪᒃᐱᒐᐅᑫᓐᓇᑐᒧᑦ

2001-ᒥᓂᑦ

ᐱᓐᖑᑎᑦᓯᕙᓪᓕᐊᒐᓱᐊᓕᕐᓱᑎᒃ ᐊᒥᓲᓐᖏᑑᒐᓗᐊᓂᒃ ᒥᕐᖑᐃᓯᕕᓐᓂᒃ ᓄᓇᕕᒻᒥ, ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᑎᓕᐅᕆᓚᐅᕐᓯᒪᕗᖅ ᐊᕙᑕᒃᑯᓂᒃ ᓇᓗᓀᕐᓯᖁᑦᓱᒋᑦ ᑐᓂᕐᑕᓂᐊᕐᕕᐅᒍᓐᓇᕋᔭᕐᑐᓂᒃ, ᖃᐅᔨᒐᓱᐊᕐᓗᑎᓗ ᑕᒐᑕᒐᐅᔪᖅ ᖃᐅᔨᒪᓂᕆᓕᕐᑕᒥᓂᒃ ᐊᑐᓂᑦ ᓄᓇᐅᔪᓂᒃ.

ᑐᕐᓱᔫᑉ ᒥᕐᖑᐃᓯᕕᑦᓴᖓᓂᒃ ᐱᓇᓱᐊᕐᓂᕕᓂᖅ | 2004-2007 

ᒥᕐᖑᐃᓯᕕᐅᑉ ᖃᓄᐃᓕᖓᓂᖓ ᓇᓃᓐᓂᖓᓗ

ᑖᓐᓇ ᒪᓂᔭᐅᒪᔪᖅ ᒥᕐᖑᐃᓯᕕᐅᒐᔭᕐᑎᓗᒍ ᑕᓯᐅᔭᕐᔪᐊᑉ ᓯᑦᔭᖓᑕ ᐅᐊᓐᓂᖓᓃᑦᑐᖅ, ᐃᓄᐃᑦ ᓄᓇᓕᖓᑕ ᐅᒥᐅᔭᐅᑉ ᓴᓂᐊᓃᑦᓱᓂ. ᓄᓇᑕᖓᑕ ᐊᖏᓂᕐᓴᖓ ᑕᐅᑦᑐᖓ ᑕᓯᐅᔭᕐᔪᐊᒦᑦᑐᑎᑐᑦ ᐊᑦᔨᐸᓱᑐᐃᓐᓇᖅ. ᑐᕐᓱᔫᒥ ᐃᒪᖏᑦ ᑕᕆᐅᒐᓛᑦ, ᑌᒣᒐᒥ ᐱᐅᓯᕐᓱᓱᓂ ᑲᖏᕐᓱᐊᐱᒃ ᓇᑦᓯᓄᑦ ᕿᓚᓗᒐᕐᓄᓗ ᐊᕐᖁᑎᒋᔭᐅᓲᑦ, ᐊᒻᒪᓗ ᐱᑐᑦᓯᒪᑦᓱᓂ ᑕᓯᐅᔭᕐᔪᐊᒧᑦ 5-ᑭᓚᒦᑕᓄᑦ ᑕᑭᓂᓕᒻᒧᑦ ᑰᑉ ᐹᖐᓐᓄᑦ. ᑖᕙᓐᓇ ᑕᓯᓐᖑᓚᐅᕐᑐᕕᓂᖅ ᓄᓇᐅᑉ ᖄᖓ ᑲᑕᑦᑐᐊᓘᑐᐊᕐᒪᑦ, ᑌᒣᑦᓱᓂ ᓄᐃᑦᓯᓚᕿᓚᐅᕐᑐᕕᓂᖅ ᓄᓇᐅᑉ ᐊᑖᕕᓂᖓᓂᒃ [def] ᐅᔭᕋᓱᑦᔫᓱᓂ ᐊᑭᓐᓈᓘᔮᕐᓱᓂ ᐃᓐᓇᒥᒃ ᑕᓯᐅᑉ ᓯᑦᔭᖓᑎᒎᕐᑐᒥᒃ (ᖃᕐᖄᓗᐃᑦ ᓯᑯᐊᓘᓚᐅᕐᑐᕕᓃᑦ). ᑐᕐᓱᔫᒦᑦᑑᒃ ᑕᓯᓐᖑᓯᒪᔫᒃ, ᑕᓯᓐᖑᓚᐅᕐᑐᕕᓂᐅᑦᓱᑎᒃ ᕿᓚᒻᒥᑦ ᑲᑕᑦᑐᐊᓗᒻᒧᑦ, ᑲᑎᓕᕋᒥᒃ ᑐᖓᓖᕆᔭᐅᔫᒃ ᑯᐯᓕᒫᒥ ᐊᖏᓂᕐᐸᐅᖃᑕᐅᑦᓱᑎᒃ ᐱᐅᓯᕐᓱᓱᑎᒃ ᑕᓯᐅᑦᓱᑎᒃ.  

ᐊᕙᑕᒃᑯᑦ ᑎᓕᔭᐅᒪᐅᑎᖏᑦ

ᑐᓂᕐᑕᓂᐊᕐᓂᑎᒍᑦ ᖃᐅᔨᓴᕐᓂᖅ ᐊᓪᓚᖁᑎᓕᐅᕐᓂᓗ ᐱᓇᓱᐊᕐᑕᐅᓂᕆᓚᐅᔪᔭᒋᒃ ᑲᑐᑦᔮᕆᔭᐅᑦᓱᑎᒃ ᐱᓐᖑᑎᑕᐅᓂᖓᓄᑦ ᑐᕐᓱᔫᑉ ᒥᕐᖑᐃᓯᕕᐅᑉ ᐱᒋᐊᕐᑎᓯᒐᓱᐊᕈᒪᒧᑦ ᖃᐅᔨᒪᐅᓯᕐᒥᒃ ᑐᑭᓯᒪᒐᓱᐊᒧᑦ ᐃᓄᑕᖃᓚᐅᕐᓂᕕᓂᖓᓂᒃ ᑖᕙᑦᓱᒪ ᓄᓇᐅᑉ (ᐃᓄᓐᓂᒃ, ᐃᕐᕿᓕᓐᓂᒃ/ᑯᔩᓂᒃ ᖃᓪᓗᓈᓂᓪᓗ ᑕᕆᐅᑉ ᐊᑭᐊᓂᒥᐅᔭᓂᒃ). ᑎᓕᐅᕐᑕᐅᓱᓂ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓐᓄᑦ, ᐊᕙᑕᖅ ᐱᓇᓱᐊᓯᒋᐊᓚᐅᕐᓯᒪᔪᖅ ᐃᑲᔪᕐᑎᖃᕐᓱᓂ ᑯᔩᑦ ᑲᑐᑦᔨᖃᑎᒌᓐᓂᖓᓂᒃ.   

ᖃᐅᔨᓴᕐᓂᕕᓂᖅ ᓀᓈᕐᓱᒍ

ᐊᕙᑕᒃᑯᑦ ᓯᕗᓪᓕᐹᒥᒃ ᑐᓂᕐᑕᓂᐊᕐᕕᐅᒍᓐᓇᕋᔭᕐᑐᓂᒃ ᑭᑎᑦᓯᓂᕕᓂᖓ ᑐᕐᓱᔫᒦᑦᑐᓂᒃ ᐱᓇᓱᐊᕐᑕᐅᓚᐅᔪᖅ ᐊᐅᔭᖅ 2004-ᒥ, ᐱᓇᓱᐊᕐᑐᑦ ᓯᕗᓕᕐᑕᐅᓱᑎᒃ Pierre M. Desrosiers-ᒧᑦ (ᐱᔦ ᑎᕉᓯᔦ), ᐃᑲᔪᕐᑕᐅᓱᓂᓗ ᐊᒥᓲᓐᖏᑑᒐᓗᐊᓄᑦ ᐅᒥᐅᔭᕐᒥᐅᓄᑦ. ᐱᓇᓱᐊᕐᓱᑎᒃ ᐊᓪᓚᖁᑎᓕᐅᓚᐅᔪᑦ ᓄᑖᓂᒃ 70-ᓂᒃ ᓇᔪᒐᐅᓚᐅᕐᑐᕕᓂᕐᓂᒃ (ᐃᓄᕐᖄᕕᓂᕐᓄᑦ ᐃᓄᑐᐃᓐᓇᖄᕕᓂᕐᓄᓗ). ᐊᒻᒪᓗᑦᑕᐅᖅ, ᐱᓇᓱᐊᕐᑐᑦ ᑕᑯᓂᐊᕋᓚᐅᔪᒻᒥᔪᑦ ᐊᒥᓱᓂᒃ ᐃᓄᐃᑦ ᓇᔪᒐᒋᓚᐅᕐᑕᕕᓂᖏᓐᓂᒃ 1950-ᐄᑦ ᐊᕐᕌᒍᖏᓐᓂ ᒪᓕᒐᕐᑕ (ᒍᐃᓕ ᖁᒫᓘᑉ) ᐃᓚᖏᓐᓄᑦ.

ᐊᐅᔭᖅ 2006-ᒥ, ᐊᓯᖏᑦ ᐱᓇᓱᐊᕆᐊᕐᓯᒪᒻᒥᔪᑦ, ᐅᑯᐊᒍᑦᓱᑎᒃ, Francis Marcoux (ᕝᕌᓐᓯᔅ ᒫᕐᑰ), Christian Roy (ᒃᕆᔅᑎᐊᓐ ᕈᐊ) ᐊᒻᒪᓗ ᐊᒥᓲᓐᖏᑑᒐᓗᐊᑦ ᐃᓄᐃᑦ ᑯᔩᓪᓗ ᓄᓇᓕᖓᓐᓂᒥᐅᑦ, ᑲᔪᓯᑦᓱᑎᒃ ᑐᓂᕐᑕᓂᐊᕐᕕᐅᒍᓐᓇᕋᔭᕐᑐᓂᒃ ᐊᓪᓚᖁᑎᓕᐅᖃᑦᑕᓚᐅᔪᑦ ᑐᕐᓱᔫᒦᑦᑐᓂᒃ ᕿᓚᓗᒐᕐᓯᐅᕕᐅᓪᓗ ᑰᖓᓃᑦᑐᓂᒃ. ᓇᕝᕚᑕᕐᒥᓂᒃ ᐊᓪᓚᖁᑎᓕᐅᓚᐅᔪᑦ ᓄᑖᓂᒃ 50-ᓂᒃ ᑐᓂᕐᑕᓂᐊᕕᐅᒍᓐᓇᕋᔭᕐᑐᓂᒃ, ᐃᕐᖃᓇᕐᑐᓕᕆᕕᐅᒍᓐᓇᕋᔭᕐᑐᓂᒃ ᓇᓪᓕᐅᑎᖃᑎᒌᑦᓯᒪᔪᕕᓂᕐᓂᓗ ᓄᓇᐅᔪᓂᒃ, ᑖᒃᑯᓇᓐᖓᑦ ᐱᖓᓱᑦ ᐃᕐᖃᓇᕐᑑᓱᑎᒃ ᓇᔪᒐᐅᓚᐅᕐᑐᕕᓃᑦ ᓄᓇᖃᕐᖄᓯᒪᔪᓄᑦ ᑖᕙᓂᒥᐅᕕᓂᐅᒻᒥᑎᓪᓗᒋᑦ ᖃᓪᓗᓈᑦ ᑕᕆᐅᑉ ᐊᑭᐊᓂᒥᐅᔦᑦ.

ᐱᖓᔪᐊ ᐱᓇᓱᐊᕐᓂᐅᓚᐅᔪᖅ, ᑐᓂᕐᑕᓂᐊᕐᕕᐅᒍᓐᓇᕋᔭᕐᑐᓂᒃ ᕿᒥᕐᕈᓂᖅ ᐊᓪᓚᖁᑎᓕᐅᕐᓂᓗ, ᐊᑑᑎᔭᐅᓚᐅᔪᖅ ᐊᐅᔭᖅ 2007-ᒥ ᕿᓚᓗᒐᕐᓯᐅᕕᐅᑉ ᑰᖓᑕ ᐹᖓᓂ ᑕᓯᐅᔭᕐᒥᓗ. ᖃᐅᔨᓴᕐᓂᖃᕙᓪᓗᓚᐅᔪᑦ ᖃᓪᓗᓂᐊᕐᕕᐅᓚᐅᕐᑐᕕᓂᕐᒥᒃ ᖃᓪᓗᓈᓄᑦ ᑕᕆᐅᑉ ᐊᑭᐊᓂᒥᐅᔭᓄᑦ. ᑖᒃᑯᓇᓐᖓᑦ, ᑕᓯᐅᔭᖅ ᓄᓇᒦᑦᑐᖅ HaGb-11-ᒥ ᓯᕗᓪᓕᐹᑦᓯᐊᒍᑦᓱᓂ ᖃᓪᓗᓂᐊᕐᕕᐅᓚᐅᕐᑐᕕᓂᖅ ᕿᑭᕐᑕᑲᓪᓚᒦᑦᓱᓂ, ᐱᒋᐊᕐᑎᑕᐅᓚᐅᕐᑐᕕᓂᐅᑦᓱᓂ 1750-ᒥ ᐃᓄᓐᓂᒃ ᐃᑲᔪᕐᓯᒪᒐᓱᐊᒧᑦ ᓂᐅᕐᕈᓯᓲᒍᓂᑯᖏᓐᓄᑦ. 

ᐃᓗᐃᑦᑑᓕᕋᒥᒃ, ᑖᒃᑯᐊ ᐱᓇᓱᐊᕐᓂᕕᓂᕗᑦ ᐅᕙᑦᑎᓂᒃ ᐃᓂᓪᓚᑎᕆᒋᐊᕐᑎᓯᓯᒪᓕᕐᑐᐃᑦ ᓲᖑᔫᑦᓱᓂ ᑐᓂᕐᑕᓂᐊᕐᓂᐅᒍᓐᓇᑐᒥᒃ ᓄᓇᕕᒻᒥ. ᐊᑦᔨᒌᑦᔭᖏᑦᑐᑦ ᑐᓂᕐᑕᓂᐊᕐᕖᑦ ᐊᓂᕐᕋᕆᔭᐅᕙᑦᑐᕕᓃᓪᓗ ᑲᖐᓱᐊᑎᑦᓯᒍᓐᓇᕙᓗᑦᑐᑦ ᑭᓇᓕᒫᒃᑯᓂᒃ ᑕᑯᓂᐊᒍᒪᒐᔭᕐᑐᓂᒃ ᓯᕗᓂᑦᓴᑎᓐᓂ ᒥᕐᖑᐃᓯᕕᐅᓛᕐᑐᒥᒃ. ᑌᒣᒻᒪᑦ, ᐱᓐᖑᑎᑦᓯᓂᖅ ᒥᕐᖑᐃᓯᕕᒻᒥᒃ ᑕᑯᑦᓴᐅᑎᑦᓯᓯᐊᓛᕐᓂᐊᑐᖅ ᐊᑦᓱᐃᑑᓂᖓᓂᒃ ᐱᐅᓯᕐᓲᑎᐅᑦᓱᓂ ᑲᔪᓯᔪᒥᒃ ᐱᐅᓯᑐᖃᖓᓂᓪᓗ ᐅᑭᐅᕐᑕᑐᒥᐅᑦ.

ᑰᕈᕐᔪᐊᑉ ᒥᕐᖑᐃᓯᕕᑦᓴᖓᓂᒃ ᐱᓇᓱᐊᕐᓂᕕᓂᖅ | 2004-2006

ᒥᕐᖑᐃᓯᕕᐅᑉ ᖃᓄᐃᓕᖓᓂᖓ ᓇᓃᓐᓂᖓᓗ

ᑯᐯᓪᓗ ᓛᐸᑐᐊᔨᐅᓪᓗ ᑎᑭᕋᖓᓃᑦᓱᓂ, ᓯᓈᖓᑕ ᐅᐊᓐᓂᖓᓃᑦᑐᖅ ᒪᓂᔭᐅᒪᔪᖅ ᑯᐯᒻᒥ ᒥᕐᖑᐃᓯᕕᐅᒐᔭᕐᓗᓂ ᑑᕐᙰᑦ ᖃᕐᖃᖏᑦ, ᑖᒃᑯᐊ ᖃᕐᙯᑦ ᑭᖏᓐᓂᐸᐅᖃᑕᐅᔪᑦ ᐊᒥᐊᔨᑲᓕᒫᑉ ᐅᐊᓐᓂᖓᓃᑦᑐᓄᑦ. ᖃᕐᙯᑦ ᐱᒋᐊᕐᓂᓖᑦ ᑲᖏᕐᓱᔪᐊᑉ ᓄᓇᓕᖓᑕ ᑕᕐᕋᖓᓐᓂᑦ.

ᑐᑭᖃᕐᓱᓂ ᐃᓄᑦᑎᑑᓕᕋᒥ “ᓇᕐᓴᑯᑖᖅ”, ᑰᕈᕐᔪᐊᑉ ᒥᕐᖑᐃᓯᕕᑦᓴᖓ ᐅᓇᕙᓪᓘᓛᕐᓂᐊᑐᖅ: ᑰᕉᑉ ᓇᕐᓴᖓ. ᑖᓐᓇ ᓇᕐᓴᖅ ᐱᕈᕐᑐᖃᐅᑎᕙᓪᓗᒃ, ᑕᒪᓐᓇ ᐊᔪᒉᑦᑐᖑᐊᖅ ᐱᕈᕐᕕᐅᓱᓂ ᑭᖏᑦᑐᐊᓗᒻᒦᒐᒥ. ᒪᓂᔭᐅᒪᔪᖅ ᒥᕐᖑᐃᓯᕕᐅᒐᔭᕐᑐᖅ ᐃᓗᔨᓯᒪᔪᖅ ᐱᖓᓱᓗᐊᓐᖑᐊᓂᒃ ᐱᐅᓯᕐᓱᓱᑎᒃ ᓄᓇᐅᔪᓂᒃ ᑕᑯᔭᐅᒍᓐᓇᑐᓂᒃ ᓄᓇᕕᒻᒥ: ᑑᕐᙰᑦ ᖃᕐᖃᖏᑦᑕ ᓇᑎᕐᓈᖓ, ᑲᖏᕐᓱᐊᓗᑦᔪᐊᑉ ᓇᑎᕐᓈᖓ, ᐊᒻᒪᓗ ᐅᖓᕙᐅᑉ ᓯᑦᔭᖓ.

ᐊᕙᑕᒃᑯᑦ ᐃᑲᔪᕐᓯᐅᑎᕕᓂᖏᑦ

2004-ᒥ, ᐊᕙᑕᖅ ᐱᐅᓯᑐᖃᓕᕆᕕᒃᑯᑦ ᖃᐅᔨᓴᕐᓂᖃᓚᐅᔪᕗᑦ ᐊᑐᐃᓐᓇᐅᓱᑎᒃ ᖃᐅᔨᒪᐅᓯᒋᔭᐅᔪᓂᒃ ᐃᓄᖃᕐᓂᕕᓂᖓᓄᑦ ᐊᒻᒪᓗ ᑐᓂᕐᑌᑦ ᑭᑎᑕᐅᑦᓱᑎᒃ ᓯᕗᓂᑦᓴᑎᓐᓂ ᒥᕐᖑᐃᓯᕕᑦᓴᐅᑉ ᓄᓇᖁᑎᒋᒐᔭᕐᑕᖓᓐᓃᑐᑦ.

ᕿᒥᕐᕈᒋᐊᑦᓯᐊᓂᖅ ᓄᓇᕕᒻᒥ ᓄᓇᓕᓕᐅᕐᐸᓂᕕᓂᖏᓐᓂᒃ ᑕᑯᑎᑦᓯᔪᖅ ᐱᒻᒪᕆᐅᓂᕕᓂᖓᓂᒃ ᑰᕉᑉ ᑰᖓ ᐊᐅᓚᑦᓯᕕᐅᕙᓐᓂᒪᑦ ᑕᒪᖏᓐᓂᒃ ᐃᓄᓐᓂᒃ ᐱᐅᒃᑯᑎᑦᓴᔭᕐᓂᓗ. ᑕᐅᓴᓐᑎᐅᓈᕐᑎᑐᓂ ᐊᕐᕌᒎᓯᒪᓕᕐᑐᓂ, ᐃᓄᐃᑦ ᐊᐅᓚᓲᕕᓃᑦ ᑰᑎᒍᑦ ᑖᕘᓇᓗ ᓄᓇᑐᕐᓕᓕᐅᓲᕕᓂᐅᑦᓱᑎᒃ ᐊᑌᓐᓇᓂᐊᓐᖏᑐᓂᒃ (ᐃᒻᒪᖄᓗ ᐊᑯᓃᓚᖓᔪᓂᒃ). ᑐᓂᕐᑕᓂᐊᕐᑏᑦ ᑕᑯᓐᓇᑕᖓᑎᒍᑦ, ᐃᕐᐸᓯᒪᓂᖏᑦ ᓛᐸᑐᐊᒥᐅᔦᑦ ᐅᔭᕃᑦ ᑕᓯᐅᔭᕐᔪᐊᑉ ᓄᕗᖓᓂ ᐅᖓᕙᒻᒥᓗ, ᐊᒻᒪᓗ ᑕᑯᑦᓴᐅᓂᖏᑦ ᐊᒥᓲᓐᖏᑑᒐᓗᐊᑦ ᓇᔪᒐᐅᕙᑦᑐᕕᓃᑦ ᑰᕈᑎᒎᕐᑐᑦ, ᓱᕐᖁᐃᒐᓚᑦᑐᒥᒃ ᑕᑯᑎᑦᓯᔪᖅ ᑰᖅ ᐊᕐᖁᑎᒋᔭᐅᔪᒻᒪᕆᐅᕙᓐᓂᒪᑦ ᑑᕐᖓᑎᒎᓕᕐᒪᑕ ᐃᓄᐃᑦ.

ᖃᐅᔨᒋᐊᕐᕕᓵᒃ: Amélie Langlais (ᐊᒥᓖ ᓛᓐᒃᓓ), Pierre M. Desrosiers (ᐱᔦ ᑎᕉᓯᔦ)

ᐱᖑᐊᓗᐃᑦ ᒥᕐᖑᐃᓯᕕᖓ | 2001-2003 

ᒥᕐᖑᐃᓯᕕᐅᑉ ᖃᓄᐃᓕᖓᓂᖓ ᓇᓃᓐᓂᖓᓗ

ᑯᐯᑉ ᑕᕐᕋᕙᓯᖓᓃᑦᓱᓂ, ᐅᖓᕙᐅᑉ ᓇᑎᕐᓈᖓᓂ, ᑖᓐᓇ ᑯᐯᑉ ᒥᕐᖑᐃᓯᕕᖓ ᐃᓗᔨᓯᒪᔪᖅ ᐱᖑᐊᓗᓕᒫᑦᓯᐊᒥᒃ, ᑖᓐᓇ ᓄᐃᓚᕿᓚᐅᕐᑐᕕᓂᖅ ᑭᓚᒻᒥᑦ ᑲᑕᑦᑐᐊᓗᒻᒧᑦ 1.3-ᒥᓕᐊᓐ ᐊᕐᕌᒍᐃᑦ ᒥᑦᓵᓃᑦᑐᑦ ᓈᓕᕐᑐᑦ (ᑕᒪᓐᓇ ᓱᕐᖁᐃᑕᐅᒋᐊᓕᒃ) ᖃᕆᑕᐅᔭᒥ ᓱᕐᖁᐃᓯᒋᐊᕐᓗᑎᑦ ᐅᕙᓂ: http://www.cen.ulaval.ca/pingualuit/index.html. ᐊᒻᒪᓗᑭᑕᐅᓕᖓᔪᖅ ᑕᓯᖅ, ᐃᒻᒥᑐᕐᑕᐅᕙᑦᓱᓂ ᓯᓚᓗᒧᑦ ᐊᒻᒪᓗ ᓄᓇᐅᑉ ᐊᑖᒎᕐᑐᒧᑦ ᑰᒻᒧᑦ, ᓄᓇᕐᔪᐊᓕᒫᑦᓯᐊᒥ ᐃᒪᑦᓯᐊᒍᓂᕐᐹᓯᐊᒥᒃ ᐃᒪᑐᐃᓐᓇᓕᒃ.

ᐱᖑᐊᓗᐃᑦ ᑲᖐᒋᔭᐅᓲᒻᒪᕆᒃ ᓱᑯᐃᔦᔨᓄᑦ. ᐃᕐᖃᖓᑕ ᐊᑖᖓᓃᑦᑐᖅ ᐊᑦᑐᑕᐅᓯᒪᕐᖂᖏᒻᒪᑦ ᓱᔪᑉᐸᓕᐊᓂᕕᓂᕐᒧᑦ ᓅᒐᓱᐊᕐᓂᑯᕕᓂᖏᓐᓄᑦ ᓯᑯᐊᓘᓚᐅᕐᑐᕕᓃᑦ, ᑖᕙᓐᓇ ᐃᓪᓕᓇᕐᑐᕋᑕᕐᓂᒃ ᖃᐅᔨᕕᐅᒍᓐᓇᑐᖅ ᖃᓄᐃᓕᖓᓚᐅᕐᓂᒪ¯ᑦ ᓄᓇᓕᓕᒫᖅ ᓯᑯᐊᓗᖃᓚᐅᕐᑎᓇᒍ.

ᐊᕙᑕᒃᑯᑦ ᐃᑲᔪᕐᓯᐅᑎᕕᓂᖏᑦ

ᐊᐅᔭᒥ 1988-ᒥ, ᐊᕙᑕᒃᑯᑦ ᐃᑲᔪᕐᑎᖃᕐᓱᑎᒃ Michel Bouchard (ᒥᓯᐊᓪ ᐳᓵᕐ) ᐱᓇᓱᑦᑎᖁᑎᖏᓐᓂᒃ ᒧᓐᑐᔨᐊᑉ ᐃᓕᓐᓂᐊᕕᕐᔪᐊᖓᓐᓂᒥᐅᓂᒃ ᖃᐅᔨᓴᖃᑎᒋᑦᓱᒋᑦ ᐃᓅᖃᑎᒌᓚᐅᕐᑐᕕᓃᑦ ᑐᓂᕐᑕᖁᑎᖏᓐᓂᒃ ᖃᓄᖅ ᐱᐅᒃᑯᑎᑦᓴᔭᕐᓂᒃ ᐊᑐᕐᐸᓂᕐᒪ¯ᑕ ᐃᓄᐃᑦ ᓯᕗᓕᕕᓂᖏᓪᓗ ᐱᖑᐊᓗᐃᑦ ᒥᑦᓵᓂᒥᐅᕕᓃᑦ. ᐱᓇᓱᐊᕐᓂᕗᑦ ᓱᕐᖁᐃᓯᓚᐅᔪᖅ ᐱᖑᐊᓗᐃᑦ ᒥᑦᓵ ᑐᓂᕐᑕᑕᖃᑐᐃᓐᓇᕆᐊᖃᕐᓂᖓᓂᒃ, ᓱᓪᓕᑕᐅᒪᒐᒥ ᐱᒻᒪᕆᐅᓂᕐᓴᐅᒋᐊᖓ ᓇᔪᒐᕕᓂᐅᑦᓱᓂ ᑌᑦᓱᒪᓂᕐᔪᐊᕌᓗᒃ. ᐃᓄᐃᑦ, ᑕᒪᖏᓐᓂ ᑌᑦᓱᒪᓂᐊᓗᒃ ᐅᓪᓗᒥᐅᓕᕐᑐᓗ, ᐊᑐᓲᑦ ᐱᖑᐊᓘᑉ ᒥᑦᓵᓃᑦᑐᓕᒫᓂᒃ ᑐᑦᑐᓯᐅᕐᕕᒋᑦᓱᒍ, ᒥᑭᒋᐊᕐᓂᐊᕕᒋᑦᓱᒍ ᐃᖃᓪᓕᐊᕕᒋᑦᓱᒍᓗ.

2001-ᒥᑦ 2003-ᒧᑦ, ᐊᕙᑕᒃᑯᑦ ᐱᓇᓱᐊᕐᓂᖃᓚᐅᔪᑦ ᖃᐅᔨᒍᑎᒋᑦᓱᒍ ᑕᒐᑕᒐᐅᔪᖅ ᖃᐅᔨᒪᐅᓯᐅᓕᕐᑐᓂᒃ ᐱᑦᔪᑎᖃᕐᓱᑎᒃ ᐱᖑᐊᓗᐃᑦ ᒥᑦᓵᓃᑦᑐᓕᒫᓂᒃ ᒪᓂᔭᐅᒪᔪᒦᑦᓱᑎᒃ ᒥᕐᖑᐃᓯᕕᐅᒐᔭᕐᑐᒥ, ᑎᑭᐅᑎᑐᐃᓐᓇᕋᑕᕐᓗᑎᒃ ᐊᑦᔨᖓᓄᑦ ᑐᑭᑖᕐᓂᕕᓂᕐᒥᓄᑦ 1988-ᒥ ᐊᑐᐊᒐᓐᖑᑎᑕᐅᑎᑦᓯᓂᕕᓂᕐᒥᓄᑦ.

ᖃᐅᔨᒋᐊᕐᕕᓴᖅ: Pierre M. Desrosiers (ᐱᔦ ᑎᕉᓯᔦ)