ᑐᓴᐅᒪᖃᑎᒌᓐᓂᓕᕆᕕᒃ ᐊᑐᐊᒐᓐᖑᑎᑕᐅᑎᑦᓯᕕᓪᓗ
ᑐᓴᐅᒪᖃᑎᒌᓐᓂᓕᕆᓂᕐᒧᑦ ᐊᑐᐊᒐᓐᖑᑎᑕᐅᑎᑦᓯᓂᕐᒧᓗ ᐱᒍᑦᔨᕕᒃ ᐱᓐᖑᑎᑕᐅᓚᐅᔪᕗᖅ ᐊᕙᑕᒃᑯᑦ ᐃᓗᐊᓂ 2008-ᒍᑎᓪᓗᒍ, ᓇᑯᕐᒦᒃ ᑐᓂᕐᕈᓰᔪᓐᖑᐊᕌᓘᓯᒪᒻᒪᑕ ᒪᑭᕝᕕᒃ ᑯᐊᐳᕇᓴᒃᑯᑦ.
ᐊᕐᕌᒎᓯᒪᓕᕐᑐᓂ, ᐊᕙᑕᒃᑯᑦ ᐊᑐᐊᒐᓐᖑᑎᑕᐅᑎᑦᓯᓯᒪᓕᕐᑐᑦ ᐊᓯᒥᓄᑦ ᐊᐅᓚᑕᐅᒐᑎᒃ ᐊᑐᐊᒐᓐᖑᑎᑕᐅᑎᑦᓯᖃᑎᖃᕐᓱᑎᓪᓗ ᐊᖏᓂᕐᓴᓂᒃ ᐊᑐᐊᒐᓐᖑᑎᑕᐅᑎᑦᓯᔨᓂᒃ. ᐊᔪᐃᓐᓇᐅᔨᑦᓯᐊᑐᒥᒃ ᐊᑐᐊᒐᓐᖑᑎᑕᐅᑎᑦᓯᓂᕐᒧᑦ ᐊᑕᐅᑦᓯᑰᕐᑎᓯᔨᖃᓕᕋᑦᑕ, ᐊᓪᓚᖑᐊᕐᓂᒧᑦ/ᓴᓇᓐᖑᐊᓂᕐᒧᑦ/ᐃᓐᖏᖑᐊᕐᓂᒧᑦ/ᐊᑐᐊᒐᓕᐅᕐᓂᒧᓪᓗ ᑐᑭᒧᐊᕐᑎᓯᔨᖃᓕᕋᑦᑕ ᐊᒻᒪᓗ ᑕᑯᓐᓇᕆᐊᑦᓯᐊᓯᒪᓕᕋᑦᑕ ᐱᐅᔫᑎᓂᒃ ᐊᑐᐊᒐᓐᖑᑎᑕᐅᑎᑦᓯᓂᕐᓂᒃ ᐃᓄᑦᑖᐸᓪᓕᐊᑐᐃᓐᓇᑐᒧᑦ ᓄᓇᕕᒻᒧᑦ, ᒫᓐᓇ ᐱᓇᓱᐊᕐᑐᒍᑦ ᐱᓐᖑᑎᑦᓯᒐᓱᐊᕐᓂᒥᒃ ᐊᕙᑕᒃᑯᑦ ᐊᑎᖓᓂᒃ ᐊᑐᐊᒐᓐᖑᑎᑕᐅᑎᑦᓯᓂᐅᑉ ᐃᓗᐊᓂ.
ᑐᓐᖓᕕᖃᓪᓚᕆᐊᓗᑦᓴᕋᓗᐊᕐᓱᑕ ᐊᔪᐃᓐᓇᐅᔨᒍᒪᓂᑦᑎᓂᒃ ᓴᐳᒻᒥᓯᒪᓂᕐᒧᑦ ᐱᐅᓯᑐᖃᑦᑎᓂᒃ, ᐊᕙᑕᒃᑯᑦ ᑕᑯᓐᓇᒐᖃᕐᑐᑦ ᓄᓇᕕᐅᑉ ᓯᕗᓂᑦᓴᖓᓂᒃ ᖃᓄᕐᓗ ᒪᓂᔨᓚᕿᒍᓐᓇᒪ¯ᑦᑕ ᐱᓇᓲᑎᓂᒃ ᐊᑦᑐᐊᓱᑎᒃ ᐃᓗᕐᕈᓯᑦᑎᓄᑦ ᐊᖏᓕᕙᓪᓕᐊᑐᐃᓐᓇᑐᒧᑦ ᐅᓪᓗᐃᑦ ᒪᓕᑦᓱᒋᑦ.
ᖃᐅᔨᒋᐊᓚᐅᕆᑦ
ᐅᖃᐅᓯᓕᕆᓂᕐᒧᑦ ᑲᑎᒪᓂᐊᕈᓰᑦ
ᑖᒃᑯᐊ ᑲᑎᒪᓂᐊᕈᓰᑦ ᑐᕌᖓᕙᓪᓗᓲᑦ ᐱᕙᓪᓕᐊᕈᑕᐅᒐᓱᐊᕐᓱᑎᒃ ᓄᑖᓂᒃ ᐅᖃᐅᓯᕐᓂᒃ ᐅᖃᕐᑕᐅᓗᑭᒍᓐᓀᑐᓂᓪᓗ ᐅᖃᖃᑎᒌᓐᓂᖃᖃᑦᑕᑎᓪᓗᒋᑦ ᖃᐅᔨᒪᔨᒋᔭᐅᔪᑦ (ᐃᓄᑐᙯᑦ ᐱᖓᓱᓂᑦ ᓯᑦᔭᓂᑦ ᐱᓯᒪᔪᑦ) ᐊᒻᒪᓗ ᐅᖃᐅᓯᐅᑉ ᐁᑉᐹᓅᔦᔩᑦ ᑐᓵᔨᓪᓗ. ᖃᒻᒥᓂᑕᐅᓂᕐᐹᖅ ᐅᖃᐅᓯᓕᕆᓂᕐᒧᑦ ᑲᑎᒪᓂᐊᕈᓯᐅᓚᐅᔪᖅ ᑲᖏᕐᓱᐊᓗᑦᔪᐊᒦᓚᐅᔪᖅ ᑎᕆᓪᓗᓕᐅᑦ (ᐁᕆᓕ) 2006-ᒥ.