- ᑭᓇᒃᑰᒪᖔᑦᑕ
- ᖃᐅᔨᒋᐅᕐᓂᖅ ᑐᓂᕐᑕᓂᐊᕐᓂᒥᒃ
- ᐱᓇᓱᐊᕐᑕᐅᔪᐃᑦ ᐱᓇᓱᐊᕋᑦᓭᓗ
- ᖃᕆᑕᐅᔭᑎᒍᑦ ᓄᓇᕐᔪᐊᓕᒫᒨᕈᑏᑦ
- ᑐᑭᓯᒋᐊᕐᕕᓭᑦ
ᑐᓂᕐᑕᓂᐊᕐᓂᖅ
ᐃᓄᒻᒪᕇᑦ ᓄᓇᕕᒻᒥᐅᑦ ᑎᓕᔨᓯᒪᕗᑦ ᐊᕙᑕᖅ ᐱᐅᓯᑐᖃᓕᕆᕕᐅᑉ ᑐᓂᕐᑕᓂᐊᕐᑎᖁᑎᖏᓐᓂᒃ ᐃᓕᑕᕐᓂᐊᖁᑦᓱᒋᑦ, ᖃᐅᔨᓴᖁᑦᓱᒋᑦ, ᐅᖑᒪᑦᓯᖁᑦᓱᒋᑦ ᐱᐅᓕᑦᓯᖁᑦᓱᒋᓪᓗ ᑐᓂᕐᑕᓂᒃ ᐱᐅᓯᕐᓱᕈᑕᐅᑦᓱᑎᒃ ᑲᔪᓯᔪᓂᒃ ᓄᓇᕕᒻᒥ.
ᐃᒫᑕᒐ, ᑎᓕᔨᒍᑎᕕᓃᑦ ᐅᑯᐊ:
- ᖁᕝᕙᑎᑦᓯᒋᐊᕐᓗᑎᒃ ᑲᖐᓱᐊᓕᐅᒥᑎᑦᓯᒋᐊᕐᓗᑎᓗ ᓄᓇᕕᒻᒥᐅᓂᒃ ᑐᓂᕐᑕᓂᐊᕐᓂᐅᑉ ᒥᑦᓵᓄᑦ, ᐅᕕᒐᕐᑐᓂᒃ ᓱᒐᓗᑦᑐᖅ;
- ᑐᓴᕐᕙᓚᑦᑎᓯᒋᐊᕐᓗᑎᒃ ᓄᓇᓕᓐᓂᒃ ᐱᒻᒪᕆᐊᓘᒋᐊᖓᓂᒃ ᑐᓂᕐᑕᓂᐊᕐᓂᐅᑉ ᐅᖑᒪᔭᐅᒋᐊᖃᕐᓂᖏᓐᓂᓗ ᑐᓂᕐᑕᓂᐊᕐᕖᑦ ᐃᑦᓴᓂᑕᕐᔪᐊᓗ ᑐᓂᕐᑌᑦ;
- ᐱᓇᓱᐊᖃᑎᖃᕐᐸᓕᐊᓪᓗᑎᒃ ᐅᓕᕐᓀᓯᕖᑦ ᐃᓕᓐᓂᐊᕖᓪᓗ ᐱᓇᓱᕝᕕᖏᓐᓂᒃ;
- ᓴᐳᒻᒥᓯᒪᓗᑎᒃ, ᐅᖑᒪᑦᓯᓗᑎᒃ ᑐᓂᕐᑕᓂᐊᕐᕕᓂᒃ ᓱᕐᕋᑕᐅᒪᔪᓂᒃ ᐃᓪᓗᓕᐅᕐᓂᐅᕙᑦᑐᓄᑦ;
- ᐊᒻᒪᓗ ᐱᒋᐊᕐᑎᓯᓗᑎᒃ ᑫᓪᓗᑐᐃᓗᑎᓗ ᖃᐅᔨᓴᕐᓂᓂᒃ ᓄᓇᕕᐅᑉ ᐊᑑᑎᓯᒪᔭᖓᓂᒃ ᖃᐅᔨᔭᕕᓂᕐᒥᓂᓗ ᐃᕐᐸᑎᑦᓯᓗᑎᒃ ᐃᓄᓐᓄᑦ.
ᐃᓄᒻᒪᕇᑦ ᐱᐊᕃᓪᓗ ᐃᓄᒃᔪᐊᒥᐅᑦ ᐳᓛᕆᐊᕐᓯᒪᔪᑦ IbGk-3-ᒍᓂᕋᕐᑕᒥᒃ ᓄᓇᒥᒃ, ᐅᐱᕐ¯ᖅ/ᐊᐅᔭᖅ 2007-ᒥ
ᐃᓄᐃᑦ ᐅᕕᒐᕐᑐᐃᑦ ᐃᓕᓐᓂᐊᑐᑦ ᓯᕗᓪᓕᐸᐅᓗᑎᒃ ᖃᐅᔨᒪᔭᐅᒋᐊᓕᓐᓂᒃ ᑐᓂᕐᑕᓂᐊᕈᓯᕐᓂᒃ, ᐃᕗᔨᕕᒃ 2008, ᓄᓇᕕᒃ
ᖃᐅᔨᒋᐊᓚᐅᕆᑦ
ᐅᖃᐅᓯᓕᕆᓂᕐᒧᑦ ᑲᑎᒪᓂᐊᕈᓰᑦ
ᑖᒃᑯᐊ ᑲᑎᒪᓂᐊᕈᓰᑦ ᑐᕌᖓᕙᓪᓗᓲᑦ ᐱᕙᓪᓕᐊᕈᑕᐅᒐᓱᐊᕐᓱᑎᒃ ᓄᑖᓂᒃ ᐅᖃᐅᓯᕐᓂᒃ ᐅᖃᕐᑕᐅᓗᑭᒍᓐᓀᑐᓂᓪᓗ ᐅᖃᖃᑎᒌᓐᓂᖃᖃᑦᑕᑎᓪᓗᒋᑦ ᖃᐅᔨᒪᔨᒋᔭᐅᔪᑦ (ᐃᓄᑐᙯᑦ ᐱᖓᓱᓂᑦ ᓯᑦᔭᓂᑦ ᐱᓯᒪᔪᑦ) ᐊᒻᒪᓗ ᐅᖃᐅᓯᐅᑉ ᐁᑉᐹᓅᔦᔩᑦ ᑐᓵᔨᓪᓗ. ᖃᒻᒥᓂᑕᐅᓂᕐᐹᖅ ᐅᖃᐅᓯᓕᕆᓂᕐᒧᑦ ᑲᑎᒪᓂᐊᕈᓯᐅᓚᐅᔪᖅ ᑲᖏᕐᓱᐊᓗᑦᔪᐊᒦᓚᐅᔪᖅ ᑎᕆᓪᓗᓕᐅᑦ (ᐁᕆᓕ) 2006-ᒥ.
ᐅᖃᐅᓯᕐᓯᐅᕈᑎᒃ
ᐃᑎᕐᓵᐲᑦ ᑐᓂᕐᑕᓂᐊᕐᕕᐅᓱᑎᒃ ᐃᒣᓪᓗᐊᕙᓪᓗᓲᒍᕗᑦ, 50 x 50 cm or 1 x 1 m ᐃᑎᕐᓴᓕᐊᕕᓃᑦ ᓴᒡᒐᑕᐅᑦᓱᑎᒃ ᓇᓗᓀᕐᓯᒍᑕᐅᒐᔭᕋᒥᒃ ᐃᓄᖃᓚᐅᕐᓂᒪ¯ᑦ ᖃᐅᔨᓴᕐᓱᑎᓗ ᓇᔪᒐᐅᓚᐅᕐᑐᕕᓂᐅᑉ ᖃᓕᐊᕇᑦᑎᓂᖓᓂᒃ.