ᑕᑯᔭᒃᓴᑯᕕᓕᕆᓂᖅ
ᑖᓂᐊᓪᓕ ᐅᐃᑖᓗᑦᑐᖅ
ᑖᓂᐊᓪᓕ ᐅᐃᑖᓗᑦᑑᑉ ᐃᕐᖃᐅᒪᔭᐅᓂᖓᓄᑦ ᑕᑯᔭᕐᑐᕕᒃ ᐊᒻᒪᓗ ᐱᐅᓯᑐᖃᕐᒥᑦ ᐱᕙᓪᓕᐊᑎᑦᓯᓂᕐᒧᑦ ᐱᓇᓱᐊᕐᕕᒃ – ᑖᓐᓇᑐᐊᑦᓯᐊᖑᑦᓱᓂ ᑕᑯᔭᕐᑐᕕᒃ ᐃᓄᐃᑦ ᓄᓇᖓᓐᓂ ᐃᓕᑕᕆᔭᐅᒪᑦᓱᓂ ᑯᐯᒻᒥ ᐃᓗᕐᕈᓯᓕᕆᔨᒻᒪᕇᑦ ᑐᓴᐅᒪᖃᑎᒌᓐᓂᓕᕆᔨᒻᒪᕇᓪᓗ ᑐᕐᖃᑕᕐᕕᖓᓄᑦ – ᐃᑲᔪᕐᓯᓂᖃᕐᓯᒪᒻᒪᕆᑦᑐᖅ ᓴᐳᒻᒥᓯᒐᓱᐊᕐᓂᑯᑦ ᐊᑐᐃᓐᓇᐅᑎᑦᓯᓂᒃᑯᓗ ᐃᓄᐃᑦ ᐃᓄᒃᔪᐊᒥᐅᑦ ᓄᓇᕕᒻᒥ ᐃᓗᕐᕈᓯᖓᓂᒃ. ᑕᑯᔭᕐᑐᕕᒃ ᐃᓗᓕᖃᕐᑐᖅ ᓄᐊᑕᐅᒪᔪᓂᒃ 400 ᐅᖓᑖᓃᑦᑐᓂᒃ ᐃᕐᖃᓇᕐᑐᖁᑎᐅᔪᓂᒃ ᐅᓪᓗᒥᐅᔪᕐᓗ ᐱᑦᔪᑎᒋᔭᐅᔪᓂᒃ, ᓄᐃᑕᑎᑕᐅᑦᓱᑎᒃ ᐃᓂᒋᔭᕐᒥᓂ ᐱᐅᓯᑐᖃᖃᕐᓂᑯᑦ ᓇᓂᒥᐅᒍᓯᒪᓂᖏᒍᑦ. ᐃᓄᒃᔪᐊᒥᐅᑦ ᐳᓛᕆᐊᓲᓪᓗ ᐃᓄᒃᔪᐊᒧᑦ ᑕᑯᒍᓐᓇᑐᑦ ᓄᐃᑕᑎᑕᐅᔪᓂᒃ ᓴᓇᓐᖑᐊᓯᒪᔪᓂᒃ, ᐱᐅᓯᑐᖃᒃᑯᓗ ᐊᓐᓄᕌᕆᔭᐅᖃᑦᑕᑐᕕᓂᕐᓂᒃ ᐊᒻᒪᓗ ᖃᓄᐃᑦᑐᑐᐃᓐᓇᓯᐊᓂᒃ ᓱᓇᒃᑯᑎᕕᓂᕐᓂᒃ ᓱᓪᓕᑕᐅᔪᓂᒃ ᐱᐅᓯᑐᖃᐅᑉ ᐊᑦᓱᐃᑕᐊᓘᓂᖓᓂᒃ ᐃᓄᒃᔪᐊᒥᐅᑦ.
ᓴᓇᔭᐅᓚᐅᕐᓯᒪᑦᓱᓂ 1992-ᒥ, ᐃᓄᒃᔪᐊᒦᑦᑐᖅ ᑕᑯᔭᕐᑐᕕᒃ ᐃᓘᓐᓇᓕᒫᑦᓯᐊᖓ ᓄᑕᐅᓯᓕᒋᐊᕐᑕᐅᓚᐅᔪᖅ ᐅᒃᑯᐃᑕᐅᒋᐊᓪᓚᓱᓂᓗ 2005 ᐊᕐᕋᒍᖓᑕ ᓄᓐᖑᐊᓂ. ᓄᑖᖅ ᓄᐃᑌᓐᓇᓚᖓᓕᕐᑐᖅ ᑕᑯᑦᓴᐅᑎᑦᓯᕕᒃ ᐊᑐᐃᓐᓇᐅᓛᕐᑐᖅ 2007 ᐅᐱᕐᖓᓴᖓᓂ. ᑌᔭᐅᔪᖅ ᐱᐅᓯᑐᖃᕗᑦ ᑕᑯᓐᓇᑕᕐᑎᒍᑦ, ᑕᑯᑦᓴᐅᑎᑦᓯᓂᖅ ᓄᐃᑕᐅᓚᐅᔪᖅ ᓄᐃᑕᔪᒃᑯᑦ ᐃᑲᔪᕐᓯᓯᒪᓂᖏᒍᑦ ᐃᓚᒋᔭᐅᔪᑦ ᐳᑭᒃᑯᓄᑦ, ᐃᓄᒃᔪᐊᒥᐅᑦ ᐱᐅᓯᑐᖃᓕᕆᔨᖏᑦᑕ ᑲᑎᒪᔨᖏᓐᓄᑦ.
ᑕᑯᑦᓴᐅᑎᑦᓯᓂᖅ, ᐊᑕᐅᑦᓯᑰᕐᑎᑕᕕᓂᐅᑦᓱᓂ ᐊᕙᑕᒃᑯᓄᑦ ᑮᓇᐅᔭᖃᕐᑎᑕᐅᑦᓱᓂᓗ ᑲᓇᑕᒥ ᐱᐅᓯᕐᓱᕈᑎᓂᒃ ᑲᔪᓯᑎᑦᓯᔨᓄᑦ ᓴᐳᒻᒥᓯᒪᓂᕐᒧᑦ ᑕᑯᔭᕐᑐᕕᓐᓂᒃ, ᓄᐃᑕᐅᓚᕿᓯᒪᔪᖅ ᐆᑦᑐᕋᕐᓂᒧᑦ ᐃᓚᒋᔭᐅᒍᑎᐅᑦᓱᓂ ᓄᑕᐅᓐᖏᑐᕐᓂᐊᓂᕐᓄᑦ ᑭᖑᓂᖓᒍᑦ ᓄᐃᑦᓯᒍᑎᐅᒍᓐᓇᑐᓂᒃ ᓴᓇᒪᔪᓕᕆᓂᕐᒧᑦ ᑲᑎᒪᓂᐊᕈᑎᖃᕐᑎᓯᓂᕐᓂ ᐋᕐᕿᑕᐅᓚᐅᕐᑐᕕᓂᕐᒥᒃ ᖃᐅᔨᓴᕐᑎᓯᔨᓄᑦ ᐱᓯᒪᔪᓄᑦ ᐃᓕᓐᓂᐊᕕᕐᔪᐊᒥᐅᓄᑦ ᑯᐯᒻᒥ ᓯᑰᑎᒥᒥ. ᑖᑦᓱᒪ ᑕᑯᑦᓴᐅᑎᑦᓯᓂᐅᑉ ᑐᕌᕐᓂᕆᒐᓱᐊᕐᑕᖓ ᐱᔭᕆᐊᑭᓐᓂᓴᐅᑎᓪᓗᒍ ᑐᑭᓯᒋᐊᒥᒃ ᐅᐱᒍᓱᓐᓂᒥᓪᓗ ᐃᓗᕐᕈᓯᕐᒧᐊᖓᔪᓂᒃ ᓴᓇᓐᖑᐊᓂᕐᒧᐊᖓᔪᓂᓪᓗ ᐱᐅᓯᕐᓱᕈᑎᐅᑦᓱᑎᒃ ᑲᔪᓯᔪᓂᒃ ᐃᓄᒃᔪᐊᒥᐅᓄᑦ. ᑕᒡᒎᓴ ᒪᓂᔨᒍᑎᖃᕐᕕᐅᓯᒪᕗᓯ ᓱᓇᓪᓚᕆᐅᓂᖏᓐᓂᑦ ᑕᑯᓐᓇᑕᐅᓂᒃᑯᑦ ᐃᓕᖓᔪᑎᒍᑦ ᓇᒻᒥᓂᖅ ᑕᑯᓐᓇᑕᖃᕐᓂᒥᓐᓂᒃ. ᐃᓚᖓᑦ ᐱᒻᒪᕆᒃ ᑌᑲᓃᑦᑐᖅ ᓄᐃᑕᑎᑦᓯᒍᑎᓪᓚᕆᐅᑦᓱᓂ ᖃᐅᔨᓲᖏᓐᓂᒃ ᐳᓛᕆᐊᕐᑐᐃᑦ ᑕᑯᔭᕐᑐᕕᒻᒧᑦ ᐱᓪᓚᕆᐊᓘᔮᕐᑐᒥᒃ ᐃᓗᐊᓂ ᓴᓇᕕᐅᓯᒪᒻᒪᑦ ᐊᐳᑎᐅᑦᓱᓂ ᐃᓪᓗᖑᐊᒥᒃ, ᑖᕐᓂᒦᑦᓱᓂ ᐊᒻᒪᓗᑭᑕᐅᖓᔫᑉ ᐊᑖᓂ.
Please note that the Daniel Weetaluktuk Museum is temporarily closed.
ᑖᓂᐊᓪᓕ ᐅᐃᑖᓗᑦᑐᖅ
Exposition temporaire
ᑖᓂᐊᓪᓕ ᐃᓄᑉᐸᖅ ᑐᓐᖓᕕᓕᐅᕐᑐᖅ ᖁᓕᑦᑕᒥᒃ (ᐊᑎᒋᒃ)
