ᑕᑯᔭᒃᓴᑯᕕᓕᕆᓂᖅ
Nunavik 2000
ᐊᓪᓓᑦᔭᐃᕐᕿᓖᑦ ᐊᓕᐊᓲᑎᖃᕐᑎᓗᒋᑦ ᓄᓇ ᑕᑯᑦᓴᒦᑦᑐᑦ-ᒥᒃ (Land in Sights)-ᒥᒃ, ᓄᓇᕕᒃ 2000 ᓇᓪᓕᐅᓂᕐᓯᐅᕈᑎᖃᓚᐅᔪᕗᖅ ᓴᓇᓐᖑᐊᓯᑎᐅᓂᖏᓐᓂᒃ ᓄᐃᑦᓯᓯᑎᐊᓘᓂᖏᓐᓂᓗ ᓴᓇᓐᖑᐊᓲᒥᑎᒍᑦ ᓱᓇᓐᖑᐊᓕᐊᕆᓯᒪᔪᓂᑦ ᓄᓇᕕᒻᒥᓂᑕᕐᓂᒃ ᑖᒃᑯᐊ 100 ᐊᕐᕌᒍᐃᑦ ᕿᑎᕐᖃᖏᓐᓂ. ᑖᓐᓇ ᑕᑯᑦᓴᐅᑎᑦᓯᓂᖅ ᓄᐃᑕᑎᑦᓯᓚᐅᔪᖅ ᒪᕐᕈᐃᓕᖓᔪᕐᑎᒍᑦ ᑕᑯᓐᓇᑕᐅᓂᖏᓐᓂᒃ ᓄᓇᕕᒻᒥᐅᑦ ᓴᓇᐅᒐᖏᓐᓂᒃ. ᑕᑯᑦᓴᐅᑎᑦᓯᓚᐅᔪᖅ ᑌᑦᓱᒪᓂᑕᐅᓂᕐᓴᓂᒃ ᖃᒻᒥᓂᑕᐅᓂᕐᓴᓂᓗ ᐱᓇᓱᐊᕐᑕᐅᒪᔪᓂᒃ, ᐊᒻᒪᓗ ᑕᑯᑦᓴᐅᑎᑦᓯᓚᕆᑦᓱᓂ ᓱᕙᓪᓕᐊᓂᕆᓚᐅᕐᓯᒪᔭᖏᓐᓂᒃ ᐱᕙᓪᓕᐊᓕᕐᑎᓪᓗᒍ ᓄᑖᖅ 100 ᐊᕐᕌᒍᐃᑦ ᐊᑑᑎᕙᓪᓕᐊᓯᒪᓂᕆᔭᖏᑦ ᓇᓕᒧᓕᕇᑦᑎᓯᓂᒃᑯᑦ ᐃᓄᐃᑦ ᓴᓇᐅᒐᖏᓐᓂᒃ ᐱᒋᐊᕐᓂᕕᓂᖓᓂᑦ ᖃᒻᒥᓂᑕᐅᓂᕐᓴᓄᑦ ᓴᓇᒍᓯᕐᑖᕆᕙᓪᓕᐊᓂᕆᓯᒪᔭᖏᑦ ᓂᐅᕐᕈᑎᐅᖃᑦᑕᓯᒪᔪᐃᑦ ᐃᓚᒌᓴᒃᑯᓄᑦ.
ᓇᑯᕐᒦᒃ ᐱᓇᓱᐊᕐᓂᐅᓯᒪᔪᖅ ᐊᑑᑎᑎᑕᐅᓯᒪᔪᒥᑦ ᐃᓄᐃᑦ ᓴᓇᐅᒐᖏᓐᓂᒃ ᓄᐊᑕᐅᓯᒪᕕᒻᒧᑦ, ᑌᓐᓇ ᑕᑯᔭᑦᓴᖑᑎᓯᓯᒪᕕᒃ ᑕᑯᓐᓇᕆᐊᕐᑐᓯᒪᔪᓂᑦ ᑕᑯᑎᑕᐅᔪᓐᓇᑎᑦᓯᕕᐅᓯᒪᒻᒪᑦ ᐆᒻᒪᑎᑕᐅᑲᓂᕐᓂᖏᓐᓂᒃ ᐊᔪᒉᑦᑐᒥᒃ ᓄᐃᑦᓯᓯᒪᕕᐅᑦᓱᓂ ᐅᓪᓗᒥᐅᓕᕐᑐᖅ ᓴᓇᓐᖑᐊᕈᓯᕐᒥᑦ ᑯᐯᑉ ᑕᕐᕋᖓᓂ. ᐱᓗᐊᕐᑐᒥᒃ, ᑌᓐᓇ ᑕᑯᑦᓴᐅᑎᑦᓯᕕᒃ ᖃᐅᒻᒣᔫᔮᕐᑎᓯᑦᓱᓂ ᐊᑦᔨᒋᔭᐅᓐᖏᓂᖏᓐᓂᒃ ᑌᒣᑦᑐᑐᐊᒍᓂᖏᓐᓂᓗ ᐃᓗᕐᕈᓯᖃᕐᓂᑯᑦ ᓴᓇᓐᖑᐊᑎᕕᓃᑦ 1940-ᐄᑦ 50-ᐄᓪᓗ ᐊᑐᕐᑎᓗᒋᑦ, ᓴᓇᓐᖑᐊᕈᓯᖏᑦᑕ ᑕᑯᓐᓇᑕᐅᓂᖏᑦ ᓄᐃᑦᓯᓯᒪᒻᒪᑕ ᒫᓐᓇᐅᑎᓪᓗᒍ ᐃᓕᑕᕆᔪᓐᓇᓲᕆᓕᕐᑕᕗᓐᓂᒃ ᐃᓄᓐᓄᑦ ᓴᓇᐅᒐᐅᒋᐊᖏᑦ. ᑌᓐᓇ ᓯᕗᓪᓕᐸᐅᓯᒪᔪᖅ ᐊᖏᔪᕐᓚᒥᒃ ᓄᐃᑕᑎᑦᓯᕕᒻᒥ ᐋᕐᕿᓯᒪᔭᖏᓐᓂ ᐊᕙᑕᐅᑉ, ᑌᑦᓱᒪᓂᑐᐊᑦᓯᐊᖅ ᐱᕕᑦᓴᖑᕐᓯᒪᒻᒪᑦ ᑭᓇᒃᑯᓕᒫᓄᑦ ᖃᐅᔨᕕᐅᒍᓐᓇᓯᑦᓱᓂ ᐊᑦᓱᐃᑐᓪᓚᕆᐅᓂᖏᓐᓂᒃ ᓄᓇᕕᒻᒥᐅᑦ ᐃᓗᕐᕈᓯᖓ.
