ᑕᑯᔭᒃᓴᑯᕕᓕᕆᓂᖅ
ᑰᑦᔪᐊᑐᖃᖅ 1882-1884 – ᑰᑦᔪᐊᖅ 1968 ᒥᑦᓵᓂ
2002-ᒥ, ᓄᓇᕕᒃ ᑲᑎᒪᕕᐅᑎᓪᓗᒍ ᐃᓄᐃᑦ ᐅᑭᐅᕐᑕᑐᒥᐅᓕᒫᑦ ᑲᑎᒪᓂᕐᔪᐊᖓᓐᓄᑦ,
ICC-ᑯᓄᑦ, ᐊᕙᑕᖅ ᐱᐅᓯᑐᖃᓕᕆᕕᒃ ᑕᑯᑦᓴᐅᑎᑦᓯᓂᖃᓚᐅᕐᓯᒪᔪᖅ ᐊᑎᓕᒻᒥᒃ ᑰᑦᔪᐊᑐᖃᖅ 1882-1884 ᔭ ᑰᑦᔪᐊᖅ 1968 ᒥᑦᓵᓂ, ᑖᓐᓇ ᑕᑯᑦᓴᐅᑎᑦᓯᓂᖅ ᑲᑎᑎᑦᓯᓚᐅᕐᓯᒪᔪᖅ ᐊᒥᓱᒐᓛᓂᒃ ᑌᑦᓱᒪᓂᑕᑐᖃᕐᓂᒃ ᓄᐊᑕᐅᓚᐅᕐᑐᕕᓂᕐᓂᒃ 1882-ᒥ
1884-ᒥᓪᓗ ᓘᓯᐊᓐ ᑑᔾᓄ-ᒧᑦ (Lucien Turner), ᑖᒃᑯᐊᓗ ᐊᑦᑕᑐᐊᕕᓂᐅᑦᓱᑎᒃ ᓄᐊᑕᐅᒪᔪᓂᑦ ᐱᓪᓚᕆᐊᓗᒻᒥᑦ Smithsonian Institute in Washington D.C.-ᑯᓂᑦ. ᑖᓐᓇ ᐱᐅᔪᒻᒪᕆᐊᓘᓚᐅᕐᓯᒪᔪᖅ ᐊᑑᑎᔪᖅ ᑰᑦᔪᐊᒥᐅᑦ ᐱᑐᒋᐊᓪᓚᒍᓐᓇᓯᓚᐅᕐᓯᒪᒻᒪᑕ ᑌᑦᓱᒪᓂᒻᒪᕆᒃ ᐱᐅᓯᕕᓂᕐᒥᓄᑦ, ᐊᒻᒪᓗᑦᑕᐅᖅ ᖃᒻᒥᓂᑕᐅᓂᕐᓴᓄᑦ ᐊᑦᔨᖑᐊᓄᑦ ᐱᐅᔪᓐᖑᐊᒍᑦᓱᑎᒃ ᕿᒥᕐᕈᐊᓕᐊᖑᓯᒪᓐᖏᑐᓄᑦ ᐃᓚᒌᑦᑐᑦ ᐊᑦᔨᖑᐊᖁᑎᖏᓐᓄᑦ 1968-ᒥᓂᑕᕐᓄᑦ.
