- ᑭᓇᒃᑰᒪᖔᑦᑕ
- ᖃᐅᔨᒋᐅᕐᓂᖅ ᑐᓂᕐᑕᓂᐊᕐᓂᒥᒃ
- ᐱᓇᓱᐊᕐᑕᐅᔪᐃᑦ ᐱᓇᓱᐊᕋᑦᓭᓗ
- ᖃᕆᑕᐅᔭᑎᒍᑦ ᓄᓇᕐᔪᐊᓕᒫᒨᕈᑏᑦ
- ᑐᑭᓯᒋᐊᕐᕕᓭᑦ
ᑐᓂᕐᑕᓂᐊᕐᓂᖅ
ᒥᕝᕕᓂᒃ ᓄᑕᐅᓯᓕᕆᓂᖅ: ᑐᓂᕐᑕᓂᐊᕐᓂᑎᒍᑦ ᖃᐅᔨᓴᕐᖄᓂᖅ
1985-1987
ᓇᔪᒐᐅᓚᐅᕐᑐᕕᓂᖅ IcGm-2-ᖑᓂᕋᕐᑕᖅ, ᓴᒡᒐᑐᑦ ᓇᔪᕐᑕᐅᓚᐅᕐᑐᕕᓂᕐᒥᒃ 1-ᒥᒃ, ᓵᓐᖓᔪᖅ ᐅᐊᓐᓂᒧᑦ, ᐊᑦᔨᓕᐊᕕᓂᖅ 1986-ᒥ
ᐹᐱ ᑯᔩ ᑕᑯᔭᐅᑎᑦᓯᔪᖅ ᑐᓂᕐᑕᒥᒃ ᓇᕝᕚᑕᕕᓂᕐᒥᒃ ᓇᔪᒐᐅᓚᐅᕐᑐᕕᓂᕐᒥᑦ IcGm-3-ᖑᓂᕋᕐᑕᒥᑦ, ᐊᑦᔨᓕᐊᕕᓂᖅ 1986-ᒥ
1985 ᐊᒻᒪᓗ 1987 ᐊᑯᓐᓂᖏᓐᓂ, ᑲᑐᑦᔨᖃᑎᖃᕐᓱᑎᒃ ᑯᐯᒻᒥ ᐊᐅᓚᒍᑎᓕᕆᔨᒻᒪᕇᑦ ᑐᕐᖃᑕᕐᕕᖓᓐᓂᒃ ᓄᑕᐅᓯᓕᕆᓂᕐᒧᑦ ᓄᓇᕕᒻᒥ ᓄᓇᓖᑦ ᒥᕝᕕᖏᓐᓂᒃ, ᐊᕙᑕᖅ ᐱᐅᓯᑐᖃᓕᕆᕕᒃᑯᑦ ᐊᑐᐃᓐᓇᕈᕐᑎᕆᓚᐅᕐᓯᒪᕗᑦ ᐃᓂᓪᓚᖓᑦᓯᐊᑑᓗᓂ ᑐᓂᕐᑕᓂᒃ ᑭᑎᑦᓯᓂᕐᒥᒃ 5-ᑭᓚᒦᑕᐅᑦᓱᓂ ᐊᒻᒪᓗᑭᑖᓪᓗᐊᒦᑦᑐᓂᒃ ᓄᓇᐅᔪᓂ ᖁᓕᐅᓐᖏᒐᕐᑐᓂ ᓄᓇᕕᒻᒥ ᓄᓇᓕᐅᔪᓂ.
ᓯᕗᓪᓕᐹᒥ ᐊᖏᔪᕐᔪᐊᒥᒃ ᐱᓇᓱᐊᕐᓂᖃᕐᓱᑎᒃ ᐊᕙᑕᒃᑯᑦ ᑐᓂᕐᑕᓂᐊᕐᑎᖁᑎᖏᑦ, ᐱᓇᓱᐊᕐᓱᑕ ᓇᕝᕚᑐᐊᓘᓚᐅᔪᕗᒍᑦ 250 ᐅᖓᑖᓃᑦᑐᓂᒃ ᓇᔪᒐᐅᓚᐅᕐᑐᕕᓂᕐᓂᒃ ᖃᖓᓕᒫᑦᓯᐊᖅ ᐃᓄᓐᓄᑦ ᓄᓇᕕᒻᒥᐅᓄᑦ. ᑕᕝᕙᓂ ᐱᓇᓱᐊᕐᓱᑎᒃ ᓴᒡᒐᓂᖃᓚᐅᔪᒻᒥᔪᑦ ᑖᒃᑯᓇᓐᖓᑦ ᓯᑕᒪᓂᒃ ᓇᔪᒐᐅᓚᐅᕐᑐᕕᓂᕐᓂᒃ (ᐱᖓᓱᑦ ᐃᓄᑦᔪᐊᒦᑦᑐᑦ: ᓄᓇᐅᔪᓂ IcGm-2-ᒥ, 3-ᒥ, 4-ᒥᓪᓗ; ᐊᒻᒪᓗ ᐃᕗᔨᕕᒻᒦᑐᖅ: ᓄᓇᐅᔪᒥ KcFr-3-ᒥ), ᐊᒻᒪᓗ ᐱᐅᓕᐊᕐᓱᑎᒃ ᐃᓗᕐᕈᓯᑎᒍᑦ ᑐᓂᕐᑕᓂᒃ ᓱᔪᑐᐃᓐᓇᕆᐊᖃᓕᕐᑐᓂᒃ.
ᓇᔪᒐᐅᓚᐅᕐᑐᕕᓂᖅ IcGm-4-ᖑᓂᕋᕐᑕᖅ, ᓄᓇᒥ A-ᒥ:, ᐋᓂ ᐅᐃᑖᓗᑦᑐᖅ ᕿᒥᕐᕈᔪᖅ ᐃᑕᕐᓴᑯᑖᒥᒃ ᓴᒡᒐᕕᐅᔪᒥ (ᓵᓐᖓᔪᖅ ᑕᕐᕋᒧᑦ). ᐊᑦᔨᓕᐊᕕᓂᖅ 1986-ᒥ
ᓇᔪᒐᐅᓚᐅᕐᑐᕕᓂᖅ IcGm-4-ᖑᓂᕋᕐᑕᖅ, ᓄᓇᒥ A-ᒥ, ᑕᕐᕋᕙᓯᖓᓃᑦᑐᖅ, ᖁᓛᒍᑦ ᑕᑯᓐᓇᓱᒍ (ᓵᓐᖓᔪᖅ ᓂᒡᒋᒥᒃ), ᐊᑦᔨᓕᐊᕕᓂᖅ 1986-ᒥ
ᖃᐅᔨᒋᐊᕐᕕᓴᖅ: Daniel Gendron (ᑕᓂᐊᓪ ᔮᓐᑦᕉᓐ)
