- ᑭᓇᒃᑰᒪᖔᑦᑕ
- ᖃᐅᔨᒋᐅᕐᓂᖅ ᑐᓂᕐᑕᓂᐊᕐᓂᒥᒃ
- ᐱᓇᓱᐊᕐᑕᐅᔪᐃᑦ ᐱᓇᓱᐊᕋᑦᓭᓗ
- ᖃᕆᑕᐅᔭᑎᒍᑦ ᓄᓇᕐᔪᐊᓕᒫᒨᕈᑏᑦ
- ᑐᑭᓯᒋᐊᕐᕕᓭᑦ
ᑐᓂᕐᑕᓂᐊᕐᓂᖅ
ᑕᑯᑦᓴᐅᑎᑦᓯᓃᑦ
ᑕᑯᑦᓴᐅᑎᑦᓯᓂᖅ ᑲᖏᕐᓱᔪᐊᕐᒥ, ᐅᐱᕐ¯ᖅ/ᐊᐅᔭᖅ 2001
ᑕᑯᑦᓴᐅᑎᑦᓯᓂᖅ ᑐᓂᕐᑕᓂᐊᕐᑏᑦ ᓇᕝᕚᑕᕕᓂᖏᓐᓂᒃ ᐅᐱᕐ¯ᒥ/ᐊᐅᔭᒥ 2007-ᒥ ᖃᕐᒪᐅᑉ ᐃᓗᐊᓂ ᐊᕙᑕᒃᑯᑦ ᐊᓪᓚᕕᖓᑕ ᓴᓂᐊᓃᑦᑐᒥ ᐃᓄᑦᔪᐊᒥ, 2007
ᐊᕙᑕᖅ ᐱᐅᓯᑐᖃᓕᕆᕕᒃᑯᑦ ᑐᓂᕐᑕᓂᐊᕐᑎᖁᑎᖏᑦ ᓴᒡᒐᑐᐊᕋᒥᒃ ᓄᓇᕕᒻᒥ ᓄᓇᓕᐅᑉ ᓴᓂᐊᓂ, ᓇᕝᕚᑕᕕᓂᓕᒫᑦᓯᐊᕕᓂᕐᒥᓂᒃ ᖃᐅᔨᔭᐅᑎᑦᓯᓲᑦ ᓄᓇᓯᒪᔪᓄᑦ ᑕᑯᑦᓴᐅᑎᑦᓱᒋᑦ ᓄᓇᓕᒻᒥ ᐃᓕᖃᕐᓱᑎᒃ ᓄᓇᓕᐅᑉ ᓯᕗᓕᕐᑎᖑᐊᖏᓐᓂᒃ. ᑐᓴᐅᑎᒃᑰᓲᑦ ᓄᓇᓯᒪᔪᓂᒃ ᙯᕐᖁᔨᑦᓱᑎᒃ ᑕᑯᔭᕐᑐᕆᐊᕐᑐᖁᑦᓱᒋᑦ ᓇᕝᕚᑕᕕᓂᕐᒥᓂᒃ. ᑕᑯᑦᓴᐅᑎᑦᓯᓃᑦ ᐃᓚᖃᕙᓪᓗᓲᑦ ᐊᒥᓲᓐᖏᑑᒐᓗᐊᓂᒃ ᐱᓇᓱᐊᕐᓂᓂᒃ:
- ᑐᑭᓯᑎᑦᓯᓯᐊᕐᓂᒥᒃ ᑐᓂᕐᑕᓂᐊᕐᑏᑦ ᐱᓇᓱᐊᕐᑕᕕᓂᖏᓐᓂᒃ;
- ᐱᓇᓱᐊᕐᓂᖃᕐᑎᓗᒍ ᓇᕝᕚᑕᐅᔪᕕᓂᕐᓂᒃ ᑐᓂᕐᑕᓂᒃ ᑕᑯᑦᓴᐅᑎᑦᓯᓂᕐᒥᒃ;
- ᐊᑦᔨᖑᐊᓂᒃ ᑕᑯᑎᑦᓯᓂᕐᒥᒃ ᑐᓂᕐᑕᓂᐊᕐᑐᓂᒃ;
- ᖃᐅᔨᑎᑦᓯᓂᕐᒥᒃ ᐱᓇᓱᐊᕐᑕᕕᓂᖏᓐᓂᒃ ᐃᓄᐃᑦ ᐃᓕᓐᓂᐊᑏᑦ ᐃᓚᐅᑦᓱᑎᒃ ᓴᒡᒐᓂᕐᒥ;
- ᖃᐅᔨᔭᐅᑎᑦᓯᓂᕐᒥᒃ ᓇᕝᕚᑕᐅᖃᑦᑕᑐᕕᓂᕐᓂᒃ ᓯᕗᓪᓕᒥ ᖃᐅᔨᓴᕐᓂᖃᕐᑎᓗᒍ ᑖᕙᑦᓱᒪ ᒥᑦᓵᓂ (ᐃᓚᐅᑎᓪᓗᒋᑦ ᑐᓴᕐᑎᓯᐅᑏᑦ ᓯᕗᓪᓕᒥ ᓴᒡᒐᓂᕕᓂᕐᓄᑦ ᐃᓛᓐᓂᓗ ᐊᑭᓐᓇᒥᐅᑌᑦ ᑐᓴᕐᑎᓯᐅᑏᑦ, ᐊᑦᔨᖑᐊᖃᐅᑏᑦ ᐊᓯᖏᓪᓗ ᐃᕐᖃᓇᕐᑑᓱᑎᒃ ᓄᐊᑕᐅᓚᐅᕐᑐᕕᓃᑦ, ᑖᒃᑯᐊ ᓄᑦᑎᑕᕕᓃᑦ ᓄᓇᓕᓐᓂ ᐊᖓᔪᕐᖃᐅᑎᓐᖑᐊᓄᑦ ᑭᓇᑐᐃᓐᓇᓕᒫᓄᑦ ᖃᐅᔨᒋᐊᕐᕕᐅᒍᓐᓇᓂᐊᕐᓗᑎᒃ);
- ᑐᑭᓯᑎᑦᓯᓯᐊᕐᓂᒥᒃ ᑐᓂᕐᑌᑦ ᖃᐅᔨᓴᕐᑕᐅᒍᓯᖏᓐᓂᒃ ᓇᓃᓐᓂᕕᓂᖏᓐᓂᓗ;
- ᐊᒻᒪᓗ ᐃᓕᒪᓱᑎᑦᓯᓕᐅᒥᓂᕐᒥᒃ ᐱᒻᒪᕆᐅᓂᖓᓂᒃ ᐱᐅᓯᕐᓱᕈᑏᑦ ᑲᔪᓯᔪᑦ ᐊᓯᐅᖏᓐᓇᑎᑕᐅᑦᑌᓕᒋᐊᖃᕐᓂᖏᓐᓂᒃ ᓄᓇᒥ ᐅᖄᔭᐅᔪᒥ.
ᐃᓘᓐᓈᒍᑦ, ᑌᒣᑦᑐᖅ ᑕᑯᑦᓴᐅᑎᑦᓯᓂᖅ ᐱᕕᑦᓴᑖᕐᑎᓯᑦᓯᐊᓲᖅ ᑐᓂᕐᑕᓂᐊᕐᑎᓂᒃ ᓄᓇᓕᓐᓂᓗ ᖃᐅᔨᖃᑎᒌᑦᑎᓗᒋᑦ ᖃᐅᔨᒪᔭᐅᒋᐊᓕᓐᓂᒃ ᐃᓱᒪᑖᕆᔭᐅᔪᕕᓂᕐᓂᓗ. ᑕᑯᑦᓴᐅᑎᑦᓯᓂᐅᓂᐊᓕᕐᑐᑦ ᐅᖄᔭᐅᓲᑦ ᑐᓴᐅᑎᒃᑯᑦ ᑐᑭᓯᑎᑦᓯᒍᑕᐅᑦᓱᑎᒃ ᖃᐅᔨᓴᕐᓂᐅᓲᑦ ᐱᐅᓯᕆᓲᖏᓐᓂᒃ ᑭᐅᓂᖃᖃᑦᑕᓱᑎᓗ ᓄᓇᓯᒪᔪᑦ ᐊᐱᕐᓲᑎᑦᓴᖏᓐᓂᒃ.
ᓈᑕᓕ ᐃᖃᓗᒃ ᕿᒥᕐᕈᑎᑦᓯᔪᖅ ᑕᑯᓂᐊᕐᓯᒪᔪᓂᒃ ᐊᑦᔨᖑᐊᓂᒃ ᓇᔪᒐᐅᓚᐅᕐᑐᕕᓂᕐᒦᑐᓂᒃ IbGk-3-ᒍᓂᕋᕐᑕᒥ, 2007
ᑕᑯᑦᓴᐅᑎᑦᓯᓂᖅ ᑐᓂᕐᑕᓂᒃ ᓄᐊᑕᐅᔪᕕᓂᕐᓂᒃ ᓴᓪᓗᓂ, 2003
