ᑕᑯᔭᒃᓴᑯᕕᓕᕆᓂᖅ
ᑐᑭᓯᓂᐊᕐᕕᒃ ᐱᖑᐊᓗᐃᑦ ᒥᕐᖑᐃᓯᕐᕕᖓᓐᓂ
ᐱᖑᐊᓗᓐᓂ ᒥᕐᖑᐃᓯᕕᒃ ᓄᐃᑕᐅᒻᒪᑦ, ᐃᓪᓗᓕᐊᕆᔭᐅᔪᑦ ᐃᓚᖃᓚᐅᔪᕗᑦ ᐳᓛᕆᐊᕐᑐᓄᑦ ᑐᑭᓯᓂᐊᕐᕕᒥᒃ ᑲᖏᕐᓱᔪᐊᑉ ᓄᓇᓕᖓᓂ. ᐊᕙᑕᖅ ᐱᐅᓯᑐᖃᓕᕆᕕᒃ ᐊᖏᓚᐅᕐᓯᒪᔪᖅ ᑎᓕᔭᐅᒍᑎᒥᓂᒃ ᓄᐃᑦᓯᒐᔭᕐᒪᖔᑦ ᓄᐃᑌᓐᓇᓂᐊᓕᕐᑐᒥᒃ ᑕᑯᔭᕐᑐᕕᒻᒥᒃ ᑕᒡᒐᓂ ᐳᓛᕆᐊᕐᑐᓄᑦ ᑕᑯᓂᐊᕐᕕᐅᓲᒥ, ᐊᒻᒪᓗ ᐊᑯᓂᕆᔪᒧᑦ ᐃᓕᖓᔪᒥᒃ ᐊᑦᑕᑐᐊᒐᕐᑖᓱᓂ ᐊᒥᓱᐃᓂᒃ ᐊᔪᒉᑦᑐᓂᒃ ᐱᐅᒃᑯᑎᕕᓂᕐᓂᒃ ᐱᔭᐅᑦᓱᑎᒃ ᐃᓄᐃᑦ ᓄᓇᕕᒻᒥᐅᑦ ᓴᓇᓐᖑᐊᓯᒪᔭᖏᓐᓂᒃ, ᐊᕙᑕᒃᑯᓄᑦ ᐊᐅᓚᑕᐅᔪᓂᒃ.
ᐊᕙᑕᒃᑯᑦ ᐱᓯᒪᒻᒥᔪᑦ ᖃᐅᔨᒪᔭᐅᔪᓪᓚᕆᒻᒥᑦ ᐱᐅᓯᑐᖃᕐᓄᐊᖓᔪᓂᒃ ᓄᐊᑦᓯᔨᒥᑦ ᐱᕐᓈᒥᑦ, ᑖᒃᑯᐊ ᑐᓂᕐᕈᑎᕕᓂᖏᑦ ᓱᓇᒃᑯᑎᕕᓃᑦ ᖃᐅᔨᓴᕆᐊᓐᖓᓕᑌᓐᓇᓱᓂ ᓄᐊᖃᑕᓚᐅᕐᑕᓚᐅᕐᑕᕕᓂᕆᑦᓱᒋᑦ ᖃᐅᔨᓴᕐᓂᖓ ᐱᒋᐊᓐᖓᖃᒻᒥᐅᑎᓪᓗᒍ ᑲᖏᕐᓱᔪᐊᑉ ᓄᓇᓕᖓᑕ ᓴᓂᐊᓂ ᐊᕐᕌᒍᐃᑦ 1960-ᐄᑦ ᐱᒋᐊᕋᑖᕐᑎᓗᒋᑦ. ᐱᕐᓈ ᐃᑲᔪᖃᑦᑕᓯᒪᒻᒥᔪᖅ ᐊᕙᑕᒃᑯᓂᒃ ᐅᑎᕐᑎᓯᒐᓱᐊᕐᑎᓗᒋᑦ, ᑭᒡᒐᑐᕐᓱᓂ ᑲᖏᕐᓱᔪᐊᕐᒥᐅᓂᒃ, ᑉᒃ-ᓂᒃ ᐃᑎᒐᕐᓂᒃ ᑕᑭᓂᓕᒻᒥᒃ ᖃᔭᕐᒥᒃ ᐱᕐᓈᑉ ᐱᓚᐅᕐᑕᕕᓂᖓᓂᒃ. ᑖᓐᓇ ᖃᔭᖅ ᑕᑯᔭᕐᑐᕕᒻᒥ ᐊᑯᓂᒐᓛᒃ ᓄᐃᑕᑎᐅᔪᕕᓂᖅ ᐱᐅᓯᑐᖃᓕᕆᓂᕐᒥᒃ ᐱᓇᓱᐊᕐᕕᒥ ᒧᓐᑐᔨᐊᑉ ᐃᓕᓐᓂᐊᕕᕐᔪᐊᖓᓂ, ᓴᓇᔭᕕᓂᐅᑦᓱᓂ 1950-ᐄᑦ ᐊᕐᕌᒍᖏᓐᓂ ᒫᓯᐅ ᐃᐳᐊᕌᐱᒃ ᓂᖏᐅᕈᕕᒻᒧᑦ (1918-1985). ᐅᓂᒃᑳᓕᐊᖑᒪᔪᑦ ᒪᑭᕝᕕᑯᑦ ᑐᓴᕋᑦᓴᖏᑎᒍᑦ (2004-2005 ᐅᑭᐅᒥ) ᑐᓴᕐᑎᓯᓚᐅᔪᕗᑦ ᑖᑦᓱᒪ ᖃᔭᐅᑉ ᐅᑎᕐᑎᑕᐅᓯᒪᓂᖓᓂᒃ ᑕᒡᒍᖓ ᓄᓇᓕᒻᒧᑦ ᐱᔭᐅᕕᐅᓚᐅᕐᓯᒪᕕᒻᒥᓄᑦ ᐃᕐᖃᓇᕐᑐᖑᓪᓚᕆᒻᒥᒃ ᐊᑑᑎᑦᓱᓂ.
ᓄᐃᑌᓐᓇᓂᐊᓕᕐᑐᑦ ᑕᑯᔭᑦᓭᑦ – ᐱᖑᐊᓗᐃᑦ ᒥᕐᖑᐃᓯᕕᖓ
ᐱᖑᐊᓗᐃᑦ ᒥᕐᖑᐃᓯᕕᖓ ᑲᖏᕐᓱᔪᐊᕐᒦᑦᑐᖅ ᓯᕗᓪᓕᐸᐅᑦᓱᓂ ᒥᕐᖑᐃᓯᕕᐅᕗᖅ ᓄᓇᕕᒻᒥ, ᐊᒻᒪᓗ 2003-ᒥᓂᑦ, ᐊᕙᑕᒃᑯᑦ ᐱᓇᓱᐊᖃᑎᖃᕐᐸᑐᑦ ᑐᑭᓯᓂᐊᕐᓂᒧᑦ ᐱᓂᐊᕐᓂᖓᑎᒍᑦ ᓴᓇᓂᕐᒥᒍᑦ ᓇᑉᐯᓂᕐᒥᒍᓪᓗ ᓄᐃᑌᓐᓇᓂᐊᓕᕐᑐᓂᒃ ᑕᑯᔭᑦᓴᓂᒃ ᒥᕐᖑᐃᓯᕕᐅᑉ ᑐᑭᓯᓂᐊᕐᕕᖓᓐᓂ. ᑖᒃᑯᐊ ᓄᐃᑌᓐᓇᓂᐊᓕᕐᓱᑎᒃ ᑕᑯᔭᑦᓭᑦ ᐊᑐᐃᓐᓇᕈᓛᕐᑐᖅ 2007 ᐅᑭᐊᑦᓴᖓᓂ. ᐊᕙᑕᒃᑯᑦ ᑲᔪᓯᓂᖃᕐᑐᑦ ᑖᑦᓱᒥᖓ ᐱᓇᓱᐊᕐᓂᒥᓂᒃ ᑌᒣᖁᔭᐅᓯᒪᒐᒥᒃ ᓄᓇᕕᒻᒥ ᒥᕐᖑᐃᓯᕕᓕᕆᔨᖏᑦᑕ ᐱᓇᓱᐊᕐᕕᖓᓄ (ᑲᑎᕕᒃ ᓄᓇᓕᓕᒫᑦ ᑲᕙᒪᖓ), ᐊᖓᔪᕐᖄᖃᕐᓱᑎᒃ ᒥᕐᖑᐃᓯᕐᕕᓕᕆᓂᕐᒥᒃ ᐱᒍᑦᔨᕕᖓᓐᓂᒃ ᑯᐯᒃᑯᑦ ᑐᕐᖃᑕᕐᕕᑯᖏᓐᓂ ᐱᑕᙯᓐᓇᑎᑦᓯᒐᓱᐊᕐᓂᒧᑦ ᐱᕙᓪᓕᐊᑎᑦᓯᓂᕐᒥᑦ, ᐊᕙᑎᓕᕆᓂᕐᒥᒃ ᒥᕐᖑᐃᓯᕕᓕᕆᓂᕐᒥᓗ (ᑯᐯᒃᑯᑦ ᐱᕙᓪᓕᐊᑎᑦᓯᓂᕐᒥᒃ, ᐊᕙᑎᓕᕆᓂᕐᒥᓗ ᒥᕐᖑᐃᓯᕐᕕᓕᕆᓂᕐᒥᓗ ᐱᓇᓱᐊᕐᕕᖓᓄᑦ). ᐃᓚᐅᔪᐃᑦ ᑲᖏᕐᓱᔪᐊᕐᒥᐅᑦ ᐃᓗᕐᕈᓯᓕᕆᓂᕐᒧᑦ ᑲᑎᒪᔨᓄᑦ ᑲᔪᓯᐅᒐᕐᑐᒥᒃ ᐃᑲᔪᕐᓯᓯᒪᓂᖃᕐᒥᔪᑦ ᑕᒡᒍᖓ ᐱᓇᓱᐊᕐᓂᒧᑦ.
ᑖᓐᓇ ᑕᑯᑦᓴᐅᑎᑦᓯᓂᖅ ᐳᓛᕆᐊᕐᓯᒪᔪᓂᒃ ᕿᒥᕐᕈᒍᓐᓇᑎᑦᓯᓚᕿᔪᖅ ᐱᑦᔪᑎᒋᔭᖏᓐᓂᒃ, ᐊᔪᒉᑦᑐᐊᓘᓂᖓᓂᒃ ᐊᒻᒪᓗ ᐊᖏᔪᓪᓚᕆᒻᒥᒃ ᐊᑦᓱᐃᑑᓂᖓᓂᒃ ᑖᑦᓱᒪ ᐱᖑᐊᓗᐃᑦ ᒥᕐᖑᐃᓯᕕᖓᓂᒃ. ᓯᕗᓪᓕᐹᖅ ᑕᑯᑦᓴᐅᑎᑦᓯᓂᖅ ᑕᑯᓐᓇᒐᖃᓗᐊᓐᖑᐊᑐᖅ ᓄᓇᑕᖓᑕ ᖃᓄᐃᑦᑑᓂᒃᑯᑦ ᐱᕙᓪᓕᐊᓯᒪᓂᖓᓂᒃ ᒥᕐᖑᐃᓯᕕᐅᑉ ᓄᓇᑕᖓᓂ, ᐊᒻᒪᓗ ᐱᓗᐊᕐᑐᒥᒃ ᖃᓄᐃᓕᐅᕈᑎᐅᓲᒍᓂᖓᓂᒃ ᑖᑦᓱᒪ ᐊᖏᔪᐊᓘᑦᓱᓂ ᕿᓚᒻᒥᑦ ᑲᑕᑦᑐᒧᑦ ᑐᕝᕕᐅᓚᐅᕐᑐᕕᓂᖅ ᑖᓐᓇ ᐱᖑᐊᓗᐃᑦ ᐃᓗᕐᓵᓗᒃ ᐱᓐᖑᑕᐅᓂᐊᓕᕐᒪᑦ (ᐊᑎᖃᕐᑎᑕᐅᕐᖄᓯᒪᔪᖅ ᓅᕗ-ᑯᐯᒃ ᐃᓗᕐᓵᓗᖓ), ᐃᒻᒪᖄ ᖕ.ᕐ ᒥᓕᐊᓐ ᐊᕐᕌᒍᐃᑦ ᐊᓂᒍᓕᕐᑐᑦ. ᑭᖑᓂᖓᒍᑦ ᑌᑦᓱᒪᓂᑕᑐᖃᐅᓂᖓ ᖃᐅᔨᔭᐅᕕᓂᐅᓕᕐᑎᓗᒍ, ᐳᓛᕆᐊᕐᓯᒪᔪᐃᑦ ᑕᒐ ᑐᑭᓯᒋᐊᓪᓚᓯᒻᒥᓱᑎᒃ ᑕᒪᑦᓱᒪ ᓄᓇᖓᑕ ᐃᓄᖃᓚᐅᕐᑐᕕᓂᑐᖃᐅᓂᖓᓂᒃ 4,000-ᓂ ᐊᕐᕌᒍᕐᓂ. ᑐᖓᓕᐊ ᑕᑯᑦᓴᐅᑎᑦᓯᓂᖅ ᐃᓕᖓᔪᖅ ᖃᒻᒥᑯᓪᓕ ᐃᓄᒋᓯᒪᓕᕐᑕᖏᓐᓂᒃ, ᑲᖏᕐᓱᔪᐊᕐᒥᐅᑦ ᐃᓄᖏᓐᓂᒃ. ᑕᑯᑦᓴᐅᑎᑦᓯᓂᖅ ᐱᑕᖃᕐᒥᔪᖅ ᐊᓐᓄᕌᕆᔭᐅᕐᖄᑐᕕᓂᕐᓂᒃ, ᑕᑯᕕᐅᒍᓐᓇᒥᔪᕐᓗ ᐱᓪᓚᕆᐊᓗᓐᓂᒃ ᓱᕕᐅᖃᑦᑕᓯᒪᓂᖓ ᐃᓄᖏᑦᑕᓗ ᐊᔪᒉᑦᑐᑰᕐᓯᒪᓂᖏᓐᓂᑦ ᑕᒪᑦᓱᒪ ᓄᓇᖓᑕ ᐃᕐᖃᓇᕐᑐᖁᑎᖏᒍᑦ. ᑭᖑᓪᓕᐹᖅ, ᐳᓛᕆᐊᕐᓯᒪᔪᑦ ᑕᑯᒍᓐᓇᒥᔪᑦ ᐊᕐᖁᑎᒥᒃ ᓴᖑᐊᔪᐹᓗᒻᒥᒃ ᐱᖑᐊᓗᓕᐊᕐᑐᒥᒃ ᑕᑯᓚᕿᓗᑎᒃ ᐊᑦᓱᐃᑐᒻᒪᕆᐅᑦᓱᑎᒃ ᐊᔪᒉᑦᑐᓂᒃ ᒥᕐᖑᐃᓯᕕᐅᑉ ᑕᓪᓕᒪᐅᓕᖓᔫᑦᓱᑎᒃ ᓄᓇᑕᖓᑕ ᐃᒣᑦᑑᒍᓯᖏᓐᓂᒃ, ᐊᔪᒉᑦᑑᓂᑯᐊᓗᒻᒥᓄᓗ ᐱᐅᓯᖓᓂᒃ ᐃᓗᕐᓵᓗᓕᐊᓗᒻᒥᒃ ᑖᓐᓇᓗ ᐊᒻᒪᓗᑭᑖᑦᓯᐊᓚᕆᐅᑦᓱᓂ ᑕᓯᖅ.
ᐊᒥᓱᐃᑦ ᐱᓪᓚᕆᐅᓂᖏᑦ ᑕᑯᔭᑦᓭᑦ ᐱᔭᐅᓯᒪᔪᑦ ᓄᓇᕕᒻᒥᐅᑦ ᐃᓄᖏᑦᑕ ᓴᓇᓐᖑᐊᓯᒪᔪᖏᓐᓂᑦ ᓄᐊᑕᐅᒪᔪᓂᒃ – ᐃᓚᐅᑎᓪᓗᒍ ᖃᐅᔨᒪᔭᐅᓪᓚᕆᑦᑐᖅ ᒻ-ᒦᑕᓂᒃ ᑕᑭᓂᓕᒃ ᖃᔭᑐᖃᕕᓂᖅ ᓴᓇᔭᐅᓚᐅᕐᑐᕕᓂᐅᑦᓱᓂ ᒫᓯᐅ ᐃᐳᐊᕌᐱᒃ ᓂᖏᐅᕈᕕᒻᒧᑦ (1918-1985), ᐊᒻᒪᓗ ᑮᓇᓐᖑᐊᒍᓂᕋᕐᑌᑦ ᐃᓚᕕᓂᖓ ᖃᔭᕐᑕᓕᒻᒥᑦ ᐱᔭᕕᓂᐅᑦᓱᓂ. ᐊᒥᓱᒐᓛᑦ ᓱᕐᕋᑕᐅᓂᑯᐃᑦ ᓇᓗᓇᓐᖏᑐᒥᒃ ᓱᕐᖁᐃᓇᕐᑐᑦ ᑖᓐᓇ ᐃᓗᕐᓵᓗᒃ ᑐᕝᕕᐅᔪᕕᓂᓪᓚᕆᐅᒋᐊᖓ ᐋᕐᕿᑕᐅᑦᓯᐊᓚᕆᑦᓱᓂᓗ ᕿᓚᒻᒥᑦ ᑲᑕᓚᐅᕐᑐᕕᓂᕐᒧᑦ.
