ᑕᑯᔭᒃᓴᑯᕕᓕᕆᓂᖅ
ᒪᓕᑦᓱᓂ ᑎᓕᔭᐅᒍᑎᕕᓂᕐᒥᓂᒃ 1981-ᒥ ᐃᓄᐃᑦ ᐃᓄᒻᒪᕇᑦ ᑲᑎᒪᓂᒻᒪᕆᖓᓂ, ᐊᐅᓚᑦᓯᓂᖅ ᓄᓇᕕᒻᒥᐅᑦ ᐃᓄᐃᑦ ᓴᓇᓐᖑᐊᐸᑦᑕᕕᓂᖏᓐᓂᒃ ᓄᐊᑕᐅᒪᔪᓂᒃ ᐃᓚᐅᑎᑦᓯᒋᐊᖃᕐᐳᖅ ᑭᑎᑦᓯᓂᕐᒥᒃ ᓄᐊᑕᐅᒪᔪᓂᒃ, ᐊᒻᒪᓗ ᓱᕈᐃᑎᑦᓯᑌᓕᓂᕐᒥᒃ, ᖁᕝᕙᑎᑦᓯᒋᐊᕐᓂᒥᒃ ᐱᕙᓪᓕᐊᓕᐅᒥᑎᑦᓯᓂᕐᒥᓗ ᓄᐊᑕᐅᒪᔪᓂᒃ, ᐊᒻᒪᓗ ᒋᐊᖃᑐᐊᕈᓂ, ᐅᑎᕐᑎᓯᓗᓂ ᓴᓇᓐᖑᐊᑕᐅᕙᑦᑐᕕᓂᕐᓂᒃ ᒥᕐᓱᑕᐅᕙᑦᑐᕕᓂᕐᓂᓗ ᐱᑐᑦᓯᒪᑦᓱᑎᒃ ᓄᓇᕕᒻᒥᐅᑦ ᐃᓗᕐᕈᓯᖓᓐᓄᑦ ᑲᔪᓯᔪᒧᑦ.
ᐱᐅᓯᐅᓯᒪᔪᑦ
ᓄᓇᕕᒻᒥᐅᑦ ᑭᒡᒐᑐᕐᓱᒋᑦ, ᐊᕙᑕᖅ ᐱᐅᓯᑐᖃᓕᕆᕕᒃ ᓱᕈᐃᑎᑦᓯᑌᓕᕗᖅ ᐅᓄᕐᑐᑲᓪᓚᓂᒃ ᓄᐊᓯᒪᔭᕐᒥᓂᒃ ᐃᓄᐃᑦ ᓄᓇᕕᒻᒥᐅᑦ ᓴᓇᓐᖑᐊᐸᑦᑕᕕᓂᖏᓐᓂᒃ, ᐃᓚᐅᑎᓪᓗᒋᑦ ᐅᓄᕐᑐᐃᑦ ᑐᓂᕐᑌᑦ ᑕᑯᑦᓴᐅᑎᑦᓯᓱᑎᒃ ᓄᓇᕕᐅᑉ ᐃᓗᕐᕈᓯᑎᒍᑦ ᐱᐅᒃᑯᑎᕕᓂᖏᓐᓂᒃ. 1980-ᐄᑦ ᐊᕐᕌᒍᖏᑦᑕ ᓄᓐᖑᐊᓂ ᐱᒋᐊᕐᓱᓂ, ᑲᓇᑕᒥ ᐃᓄᓕᕆᔨᑐᖃᒃᑯᑦ ᓱᖏᕐᑐᐃᓚᐅᕐᓯᒪᕗᑦ ᐅᑎᕐᑎᓯᓂᐊᕐᓂᒥᓂᒃ ᓴᓇᓐᖑᐊᓯᒪᔪᓂᒃ (ᐱᔭᕕᓂᐅᑐᐊᕐᐸᑕ 1940-ᐄᑦ ᐊᕐᕌᒍᖏᑦᑕ ᓄᓐᖑᐊᓂ) ᑕᕐᕋᒥᐅᑦ ᐃᓄᖏᓐᓄᑦ. ᒫᓐᓇᐅᔪᖅ, ᓄᓇᕕᒻᒥᐅᑦ ᐃᓄᐃᑦ ᓴᓇᓐᖑᐊᐸᑦᑕᕕᓂᖏᑦ ᓇᓪᓕᑭᑕᕐᑕᐅᓱᑎᒃ ᓇᔪᕐᑎᒋᔭᐅᕙᑦᑐᑦ ᐅᑯᓄᖓ: ᐊᕙᑕᖅ ᐱᐅᓯᑐᖃᓕᕆᕕᒃ, ᑲᓇᑕᒥ ᑕᑯᔭᕐᑐᕕᒻᒪᕆᒃ ᐃᓅᖃᑎᒌᑦᑐᓂᒃ (CMC) ᐊᒻᒪᓗ ᑲᓇᑕᒥ ᑕᑯᔭᕐᑐᕕᒻᒪᕆᒃ (NGC). ᑕᑯᔭᕐᑐᑯᕕᓐᓂ ᐃᑉᐱᒍᓱᑦᑏᑦ ᐊᕙᑕᒃᑯᑦ ᓄᐊᓯᒪᔭᖏᓐᓂᒃ ᓯᕗᓪᓕᐹᒥ ᐃᓱᒫᓘᑎᖃᓚᐅᔪᑦ ᐱᑎᑦᓯᓂᕐᒥᒃ ᐊᑦᔨᒌᑦᓯᐊᒥᓪᓗ ᓈᒻᒪᓈᕐᑐᑰᕐᓱᓂ ᑭᒡᒐᑐᕐᓂᒥᒃ ᐊᑐᓂᑦ ᖁᓕᓪᓗ ᓯᑕᒪᓪᓘᓂᒃ ᓄᓇᓕᐅᔪᓂᒃ. ᐅᑯᐊ ᒪᓕᑦᑕᐅᒋᐊᓖᑦ ᐃᓚᐅᑎᑕᐅᔪᑦ: ᑕᑯᒥᓇᕐᓂᖏᑦ, ᐃᕐᖃᓇᕐᑐᑎᒍᑦ ᐃᓗᕐᕈᓯᑎᒍᓪᓗ ᐃᓱᒪᒐᓱᐊᕐᓂᖅ, ᐊᒻᒪᓗ ᓴᓇᓐᖑᐊᑐᕕᓂᐅᑉ ᐃᑲᔪᕐᓯᓂᕕᓂᖓ ᓄᓇᓕᓕᒫᑦ ᐱᐅᓯᕐᓱᕈᑎᖓᓐᓂᒃ ᑲᔪᓯᔪᒥᒃ.
ᓇᑯᕐᒦᒃ ᓄᑦᑎᑕᐅᓐᓂᒪᑕ ᐅᑎᕐᑎᑕᐅᔪᕕᓃᑦ ᓴᓇᓐᖑᐊᓯᒪᔪᑦ ᐊᒻᒪᓗ ᓄᑖᒍᓂᕐᓴᓂᒃ ᑐᒃᓯᕋᐅᑎᓕᐅᖃᑦᑕᓂᕐᒪᑕ, ᓄᓇᕕᒻᒥᐅᑦ ᐃᓄᐃᑦ ᓴᓇᓐᖑᐊᐸᑦᑕᕕᓂᖏᑦ ᓄᐊᑕᐅᒪᔪᑦ ᐃᓚᖃᕐᒪᑕ ᐱᓇᓱᐊᕐᑕᐅᓯᒪᔪᓂᒃ ᑕᑯᑦᓴᐅᑎᑦᓯᓱᑎᒃ ᐃᓗᕐᕈᓯᖓᓐᓂᒃ ᐱᐅᓯᕆᓯᒪᔭᖓᓐᓂᓗ ᓄᓇᕕᐅᑉ. ᑖᒃᑯᐊ ᐃᓚᖃᕐᑐᑦ ᓴᓇᓐᖑᐊᓯᒪᔪᓂᒃ 1940-ᒥᑦ 1980-ᒨᕐᒥᓂᑕᕐᓂᒃ; ᐸᑎᑦᑎᓯᒪᔪᑦ ᐊᓯᖏᓪᓗ ᐱᓇᓱᐊᕐᑕᐅᓯᒪᔪᑦ ᓯᑯᑦᓴᔭᒥ 1960-ᐄᑦ ᐊᕐᕌᒍᖏᓐᓂᓂᑌᑦ ᐊᒻᒪᓗ 1970-ᐄᑦ ᐊᕐᕌᒍᖏᓐᓂᓂᑕᐅᑦᓱᑎᒃ; ᓴᓇᕐᕈᑎᕕᓃᑦ ᐊᓯᖏᓪᓗ ᐃᓅᒐᓱᐊᕈᑎᕕᓃᑦ ᓴᓇᔭᕕᓂᐅᑦᓱᑎᒃ
1960-ᐅᑉ 1975-ᓗ ᐊᑯᓐᓂᖏᓐᓂ; ᐊᒻᒪᓗ ᐅᓄᕐᑐᑲᓪᓓᑦ ᒥᕐᓱᓯᒪᔪᑦ ᐆᑦᑑᑎᒋᓗᒍ ᐃᓅᔦᑦ, ᐃᕕᒑᑦ ᐊᓐᓄᕌᓪᓗ.
ᒪᓕᑦᓱᓂ ᑎᓕᔭᐅᒍᑎᕕᓂᕐᒥᓂᒃ 1981-ᒥ ᐃᓄᐃᑦ ᐃᓄᒻᒪᕇᑦ ᑲᑎᒪᓂᒻᒪᕆᖓᓂ, ᐊᐅᓚᑦᓯᓂᖅ ᓄᓇᕕᒻᒥᐅᑦ ᐃᓄᐃᑦ ᓴᓇᓐᖑᐊᐸᑦᑕᕕᓂᖏᓐᓂᒃ ᓄᐊᑕᐅᒪᔪᓂᒃ ᐃᓚᐅᑎᑦᓯᒋᐊᖃᕐᐳᖅ ᑭᑎᑦᓯᓂᕐᒥᒃ ᓄᐊᑕᐅᒪᔪᓂᒃ, ᐊᒻᒪᓗ ᓱᕈᐃᑎᑦᓯᑌᓕᓂᕐᒥᒃ, ᖁᕝᕙᑎᑦᓯᒋᐊᕐᓂᒥᒃ ᐱᕙᓪᓕᐊᓕᐅᒥᑎᑦᓯᓂᕐᒥᓗ ᓄᐊᑕᐅᒪᔪᓂᒃ, ᐊᒻᒪᓗ ᒋᐊᖃᑐᐊᕈᓂ, ᐅᑎᕐᑎᓯᓗᓂ ᓴᓇᓐᖑᐊᑕᐅᕙᑦᑐᕕᓂᕐᓂᒃ ᒥᕐᓱᑕᐅᕙᑦᑐᕕᓂᕐᓂᓗ ᐱᑐᑦᓯᒪᑦᓱᑎᒃ ᓄᓇᕕᒻᒥᐅᑦ ᐃᓗᕐᕈᓯᖓᓐᓄᑦ ᑲᔪᓯᔪᒧᑦ. 2009-ᒥ ᐅᐱᕐᖓᓴᒥᓂᑦ, ᓄᐊᓯᒪᔭᕗᑦ ᐃᓂᖃᓕᕐᑐᑦ ᑕᑯᔭᕐᑐᕕᓐᓃᑑᔮᕐᓱᑎᒃ ᐃᑖᕐᑕᐅᓂᐅᔭᕋᑎᒃ, ᓲᓱᑦᓴᓱᑎᓪᓗ ᐊᕙᑎᒧᐊᖓᔪᓂᒃ ᒪᓕᒐᕐᓂᒃ ᐊᒻᒪᓗ ᓱᖏᕐᑐᐃᓱᓂ ᓯᕗᓂᑦᓴᑎᓐᓂ ᓱᕈᕐᓂᐊᖏᓐᓂᖏᓐᓂᒃ ᓴᓇᓐᖑᐊᓯᒪᔪᑦ.
ᓄᐊᓯᒪᔭᕐᒥᓂᒃ ᑭᑎᑕᐅᑎᑦᓯᒌᕐᓯᒪᓕᕋᒥ, ᐊᕙᑕᖅ ᒫᓐᓇᐅᔪᖅ ᐊᑦᔨᓕᐅᕐᑕᐅᑎᑦᓯᖃᑦᑕᓕᕐᑐᖅ ᐃᓘᓐᓇᓕᒫᑲᓵᖏᓐᓂᒃ ᓴᓇᓐᖑᐊᓯᒪᔪᓂᒃ ᓗᑐᕐᕿᓗᑑᔮᕐᑎᓱᒋᑦ ᐊᑦᔨᖑᐊᒥ 3-D-ᒍᓂᕋᕐᑕᒥ. ᑖᒃᑯᐊ ᓴᓇᓐᖑᐊᓯᒪᔪᑦ ᐊᓪᓚᑕᐅᒪᓂᖃᑦᓯᐊᑐᑦ ᐱᓇᓱᐊᕐᑕᐅᓯᒪᔪᓂᒃ ᓄᐊᑦᓯᕕᒻᒧᑦ ᐱᖓᓱᓂᒃ ᐅᖃᐅᓯᕐᓂᒃ ᐊᑐᕐᓱᑎᒃ ᖃᐅᔨᒋᐊᕐᕕᐅᒍᓐᓇᓱᑎᒃ (ᐅᓪᓗᖁᑎᓕᐅᕐᖄᓗᓂ ᑭᓯᐊᓂ) ᐊᕙᑕᖅ ᐱᐅᓯᑐᖃᓕᕆᕕᒃᑯᑦ ᐊᓪᓚᕕᖓᓐᓂ. ᑖᒃᑯᐊ ᖃᕆᑕᐅᔭᑎᒍᑦ ᑭᑎᑦᔪᑎᖃᓕᕐᑐᑦ ᓄᐊᑕᐅᒪᔪᑦ ᐃᑲᔪᕐᓯᓯᒪᔪᑦ ᐱᐅᓯᐅᒦᒋᐊᕐᓂᑎᓂᒃ ᐊᓯᖏᓐᓂᒃ ᐱᓇᓱᐊᕐᑕᐅᓯᒪᔪᓂᒃ ᓄᐊᑦᓯᕕᓐᓂᒃ, ᐅᑯᓃᖓᓗᐊᓐᖑᐊᖅ: ᑲᓇᑕᒥ ᑐᓂᕐᑕᓂᐊᕐᑎᒪᕇᑦ (Artefact Canada) ᐊᒻᒪᓗ ᑕᑯᔭᕐᑐᕖᑦ ᐱᑐᑦᓯᒪᐅᑎᓂᖏᑦᑕ ᒥᑦᓵᓄᑦ ᖃᐅᔨᒋᐊᕐᕕᒃ (Info-Muse Network).
