ᖃᐅᔨᓴᕐᓂᖅ, ᐊᑐᐊᒐᒃᑯᕕᒃ ᐱᓇᓱᐊᕐᑕᐅᓯᒪᔪᓂᓪᓗ ᑲᑎᕐᓱᐃᕕᒃ
ᐊᕙᑕᖅ ᐱᐅᓯᑐᖃᓕᕆᕕᒃᑯᑦ ᐊᑐᐊᒐᑦᓴᑯᕕᖓ ᐱᓇᓱᐊᕐᑕᐅᓯᒪᔪᓂᓪᓗ ᓄᐊᑦᓯᕕᖓ ᐃᓗᒥᐅᑕᖃᕐᐳᖅ ᑕᒪᖏᓐᓂᒃ ᐊᑐᐊᒐᒃᑯᕕᒻᒥᒃ ᐱᓇᓱᐊᕐᑕᐅᓯᒪᔪᓂᓪᓗ ᓄᐊᑕᐅᓯᒪᔪᓂᒃ. ᐊᑐᐊᒐᑦᓴᑯᕕᒃ ᓴᕐᕿᑎᑕᐅᓚᐅᕐᓯᒪᔪᖅ ᓄᓇᕕᒻᒥᐅᓅᓕᖓᓚᖓᑎᓪᓗᒍ, ᑭᓯᐊᓂ ᐅᒃᑯᐃ¯ᕐᒥᔪᖅ ᑭᓇᓕᒫᓪᓗᑐᑦᓯᐊᓄᑦ, ᐃᓚᐅᑎᓪᓗᒋᑦ ᖃᐅᔨᓴᕐᑏᑦ, ᐊᑐᐊᒐᓕᐅᕐᑏᑦ, ᐊᓪᓚᖑᐊᕐᑏᑦ, ᐃᓐᖏᖑᐊᕐᑏᑦ, ᓴᓇᓐᖑᐊᑏᑦ, ᐊᓯᖏᓪᓗ.
ᐊᑐᐊᒐᒃᑯᕕᒃ ᐃᓗᒥᐅᑕᓕᒃ 4,000 ᒥᑦᓵᓃᑦᑐᓂᒃ ᐊᑐᐊᒐᓐᖑᑎᑕᐅᓯᒪᔪᓂᒃ, ᐃᓘᓐᓇᑲᓵᖏᑦ ᓄᓇᕕᓕᑦᑖᑐᐃᑦ ᓄᓇᕕᒻᒥᐅᓂᓪᓗ, ᐊᒻᒪᓗ ᖃᐅᔨᒪᔭᐅᒋᐊᓕᓐᓂᒃ ᐅᑭᐅᕐᑕᑐᒥᐅᑦ ᓄᓇᖃᕐᖄᓯᒪᔪᕐᓗ ᒥᑦᓵᓄᑦ. ᐊᑐᐊᒐᒃᑯᕕᒦᑐᑦ ᐃᓚᖃᕐᑐᑦ ᐊᑐᐊᒐᕐᓂᒃ ᐃᒻᒥᓂᕐᓱᑐᓄᓪᓗ ᖃᐅᑕᒫᕐᓯᐅᑎᓂᒃ ᐊᓪᓚᑕᐅᕙᑦᑐᕕᓂᕐᓂᒃ, ᕿᒥᕐᕈᐊᓂᒃ, ᓄᓇᓐᖑᐊᓂᒃ, ᐅᓕᕐᓀᓯᒍᑎᓂᒃ, ᑕᑯᓐᓇᕋᑦᓴᓕᐊᕆᕙᑦᑕᕕᓂᕐᓂᒃ, ᐊᓯᖏᓐᓂᓗ.
ᐱᓪᓚᕆᐅᓂᓐᖑᐊᑦ ᓄᐊᑕᐅᓯᒪᔪᑦ ᐊᕙᑕᒃᑯᑦ ᐱᓇᓱᐊᕐᑕᐅᓯᒪᔪᓂᒃ ᓄᐊᑦᓯᕕᖓᓐᓃᑐᑦ ᐃᓚᖃᕐᐳᑦ ᐅᓂᒃᑳᑐᐊᓂᒃ, ᐊᓪᓚᐸᑦᑕᕕᓂᖏᓐᓂᒃ ᑖᒧᓯ ᖁᒪᐅᑉ ᐲᑕ ᖃᓴᓪᓗᐊᓗ, ᐊᓪᓚᖑᐊᕐᐸᑕᕕᓂᖏᓐᓂᒃ ᑑᒪᓯ ᑲᓪᓚᐅᑉ, ᓄᐊᑕᐅᕙᑦᑐᕕᓂᕐᓂᒃ ᐊᑦᔨᒌᓐᖏᑐᓂᑦ ᐃᓅᖃᑎᒌᑦᑐᓂᒃ ᖃᐅᔨᓴᕐᑎᒪᕆᓐᓂᑦ.
