• ᖃᓂᒪᓐᓀᑦ
  • ᓇᒡᒍᐊᓕᕆᓂᖅ ᓄᒃᑭᓕᕆᓃᓪᓗ
  • ᖀᕐᓱᓂᖅ
  • ᓂᐊᖁᓐᖑᓂᖅ
  • ᓯᐅᓯᕆᓂᖅ
  • ᐃᒡᒋᐊᓕᕆᓂᖅ
  • ᓴᐅᓂᒃᑯᑦ ᓇᐱᒪᔪᓕᕆᓃᑦ ᐱᓪᓗᐃᓯᒪᓃᓪᓗ
  • ᑭᒍᓯᕆᓃᑦ
  • ᐊᓂᕐᑎᕆᓂᐅᑉ ᐃᓱᐃᓪᓕᖓᓂᖓ (ᐃᐱᓂᐊᕐᓂᖅ)
  • ᕿᖓᒃᑯᑦ ᐊᐅᓈᕐᓃᑦ
  • ᓈᓕᕆᓂᖅ
  • ᐃᒫᑲᓴᓐᓂᖅ
  • ᐃᓪᓗᓂᖅ/ᐃᓪᓗᐃᓂᖅ
  • ᐱᐊᕋᑦᓴᖃᕐᓂᖅ ᐱᐊᕋᕐᑖᓂᕐᓗ
  • ᐅᕕᓂᕐᓗᓃᑦ

• ᐋᓐᓂᐊᓯᐅᕈᑕᐅᕙᑦᑐᕕᓃᑦ ᐃᓗᒥᐅᑕᖏᑦᑕ ᖃᓄᐃᑦᑐᓗᑑᓂᖏᑦ
  • ᐊᐳᑎᒃ
  • ᐅᔭᕃᑦ ᓯᐅᕋᕐᓗ
  • ᐸᐅᕐᙰᑦ
  • ᓇᐹᕐᑐᐃᑦ
  • ᐃᓄᐃᑦ ᑏᖏᑦ
  • ᐃᑎᕈᖅ
  • ᖁᐱᕐᕈᐃᑦ
  • ᐃᖃᓗᒃ
  • ᕿᒻᒥᖅ
  • ᑐᒃᑐᖅ
  • ᐊᕕᓐᖓᕕᓂᐅᑉ ᒪᒥᖓ
  • ᑎᒻᒥᐊᑦ
  • ᓇᑦᓯᕕᓂᐅᑉ ᐅᕐᓱᖓ

ᐋᓐᓂᐊᓯᐅᑎᒋᔭᐅᕙᑦᑐᕕᓃᑦ

ᕿᖓᒃᑯᑦ ᐊᐅᓈᕐᓃᑦ

ᕿᖓᒃᑯᑦ ᐊᐅᓈᕈᓐᓀᑎᑦᓯᒐᓱᐊᕐᑐᖃᓕᑐᐊᕐᒪᑦ, ᐃᑉᐱᒋᔭᐅᓗᐊᓐᖑᐊᓲᒃ ᒪᕐᕉᒃ ᑎᒥᒦᑦᑑᒃ. ᓯᕗᓪᓕᖅ ᑐᓄᓱᒃ. ᓂᓚᒃ, ᐊᐳᑎᒃ, ᐅᔭᕋᖅ ᐅᕝᕙᓘᓐᓃᑦ ᑏᑦ ᖃᐅᓯᐅᑦᓱᑎᒃ ᐴᕐᓯᒪᔪᑦ ᑐᓄᓱᒻᒨᑕᐅᒍᓐᓇᑐᑦ. ᑐᓄᓱᒋᔭᐅᔪᖅ ᒥᓪᓗᐊᑕᐅᒍᓐᓇᒥᔪᖅ ᐃᓅᒻᒥᔪᒧᑦ. ᑐᖓᓕᐊ ᐱᒻᒪᕆᖁᑎᒋᔭᐅᑦᓱᓂ ᐊᒡᒐᐅᑉ ᐃᓄᒐᖏᑦ, ᑖᒃᑯᐊ ᐃᓄᒉᑦ ᕿᓚᑦᑕᐅᒪᓗᑎᒃ ᑐᖓᓕᐊ ᒥᖏᑎᒃ ᖁᒻᒧᑦ ᑎᒃᑯᖓᑎᓪᓗᒍ. ᐃᓚᖏᑦ ᐃᓄᐃᑦ ᕿᓓᓲᑦ ᒥᑭᓕᕋᖓᓂᒃ ᑕᓕᕐᐱᐊᓃᑦᑐᒥᒃ ᕿᖓᖓᑕ ᑕᓕᕐᐱᐊ ᐊᐅᓈᑦᑐᐊᕐᒪᑦ, ᐊᒻᒪᓗ ᒥᑭᓕᕋᖓᓂᒃ ᓴᐅᒥᐊᓂᒃ ᕿᖓᖓᑕ ᓴᐅᒥᐅ ᐊᐅᓈᑐᐊᕐᒪᑦ. ᐃᓚᖏᑦ ᑌᒪᓐᖓᑦ ᕿᓓᓲᑦ ᒥᑭᓕᕋᖓᓂᒃ ᓴᐅᒥᐊᓃᑦᑐᒥᒃ ᐃᓚᖏᓪᓗᑕᐅᖅ ᕿᓓᓲᒍᑎᓪᓗᒋᑦ ᐃᕿᕐᖁᖓᓂᒃ ᓴᐅᒥᐊᓃᑦᑐᒥᒃ (ᑖᓐᓇ ᕿᓚᑦᑕᐅᒍᓗᑐᐃᓐᓇᕈᓐᓇᑐᖅ ᑯᑭᖓᑕ ᑕᓴᓐᓇᖓᒍᑦ).

ᐊᐅᓈᕈᓐᓀᑎᑦᓯᒍᓯᐅᒻᒥᔪᖅ ᐃᓄᒃ ᐅᕐᖂᓯᐅᕈᓐᓀᑎᓪᓗᒍ. ᐅᑭᐅᒥ, ᐊᐳᑎᒃ ᐊᐅᓈᕐᑑᑉ ᖃᓂᖓᑕ ᕿᓚᖓᓅᕐᑕᐅᓲᖅ ᑮᓇᓕᒫᖓᓗ ᐊᐳᑎᒥᑎᕐᓱᒍ. ᐅᐱᕐᖔᒥ/ᐊᐅᔭᒥ, ᐊᐅᓈᕐᑐᖅ ᐃᒥᓲᖅ ᓱᓇᑐᐃᓐᓇᒥᒃ ᓂᓪᓕᒪᔪᒥᒃ ᐃᓗᔭᐅᒪᑦᓱᓂᓗ ᐊᖏᔪᕐᓚᓄᑦ ᓂᓪᓕᒪᔫᑦᓱᑎᒃ ᐅᔭᕋᕐᓄᑦ (ᓴᕐᓕᐊᓱᒋᑦ, ᓴᓂᕋᖓᓃᑦᑎᓱᒋᑦ, ᐊᓯᐊᓂᓗ).

ᖁᐃᑐᐊᕋᒥ ᐊᐅᓈᕈᓐᓀᕈᓐᓇᒥᔪᖅ. ᐃᒥᕐᓂᖅ ᑕᒧᐊᓂᓪᓘᓃᑦ (ᒪᒣᑦᑐᖁᑎᒥᒃ, ᐸᐅᓐᖓᖁᑎᒥᒃ ᕿᓯᕐᑐᑕᐅᔭᕐᒥᓘᓐᓃᑦ) ᓄᒃᑮᓕᐅᒥᒍᓐᓇᑐᖅ ᐃᓄᒻᒥᒃ ᐊᐅᓈᕐᑐᕕᓂᕐᔪᐊᖑᑐᐊᕐᒪᑦ.