ᐃᓄᐃᑦ ᐅᖃᐅᓯᖓ

1981-ᒥ, ᐃᓚᐅᔪᑦ ᓯᕗᓪᓕᐹᒥ ᐃᓄᐃᑦ ᐃᓄᒻᒪᕇᑦ ᑲᑎᒪᓂᒻᒪᕆᖓᓐᓂ ᐃᓕᑕᕐᓯᓂᖃᓚᐅᕐᓯᒪᕗᑦ ᐱᒻᒪᕆᐅᓂᖓᓂᒃ ᐃᓄᑦᑎᑐᑦ ᐅᖃᐅᓯᐅᑉ, ᐊᑐᓕᕐᑎᓯᑦᓱᑎᓪᓗ ᑐᑭᑖᕈᑎᒥᒃ ᒪᓂᔨᔪᒥᒃ ᓴᕐᕿᑎᑕᐅᓂᖓᓂᒃ ᐃᓄᑦᑎᑐᑦ ᐅᖃᐅᓯᓕᕆᔨᖏᑦᑕ ᑲᑎᒪᔨᖏᓐᓂᒃ.

ᐅᖃᐅᓯᕐᒧᑦ ᐱᓇᓱᐊᕐᓂᖅ ᑲᔪᓯᐅᒐᕐᑐᒥᒃ ᐱᒋᐊᓚᐅᕐᓯᒪᔪᖅ 1980-ᐄᑦ ᐊᕐᕌᒍᖏᑦᑕ ᕿᑎᖓᓂ, ᑲᑎᕕᒃ ᐃᓕᓐᓂᐊᓂᓕᕆᔨᒃᑯᑦ ᐸᕐᓀᓂᑐᐊᕐᒪᑕ ᐅᖃᐅᓯᓕᕆᓂᕐᒧᑦ ᑲᑎᒪᓂᐊᕈᓯᕐᒥᒃ ᓄᓇᕕᒻᒥᐅᑦ ᐅᖃᐅᓯᐅᑉ ᐁᑉᕌᓅᔦᔨᖏᓐᓂᒃ ᑐᓵᔨᖏᓐᓂᓗ ᐃᓚᐅᑎᓪᓗᒍ ᑲᔪᓯᔪᒧᑦ ᐃᓕᓐᓂᐊᑎᑦᓯᓂᕐᒧᑦ.

1984-ᒥ, ᓄᓇᕕᒻᒥᐅᑦ ᐃᓄᐃᑦ ᐃᓄᒻᒪᕆᖏᑦᑕ ᑲᑎᒪᓂᒻᒪᕆᖓ ᓴᕐᕿᑎᑦᓯᓚᐅᕐᓯᒪᔪᖅ ᐅᖃᐅᓯᓕᕆᔩᑦ ᑲᑎᒪᔨᖏᓐᓂᒃ ᐱᖓᓲᔪᕐᑑᑎᓪᓗᒋᑦ ᐃᓄᒻᒪᕇᑦ ᑲᑎᒪᔩᑦ, ᑮᓇᐅᔭᖃᕐᑎᑕᐅᑦᓱᑎᒃ ᓵᒃᒣ-ᒍᓚᐅᕐᓯᒪᔪᒃᑯᓄᑦ, ᐅᓪᓗᒥ ᐊᑎᖃᓕᕐᑐᑦ ᑯᐯᒻᒥ ᓄᓇᖃᕐᖄᓯᒪᔪᓕᕆᔩᑦ. ᓲᑭᐊᖑᒐᓗᐊᖅ, ᐅᖃᐅᓯᓕᕆᔩᑦ ᑲᑎᒪᔨᖏᑦ ᐊᑯᓃᓚᐅᔪᓐᖏᑐᑦ, ᑮᓇᐅᔭᕐᑖᕆᓲᖏᓪᓗ ᓅᑕᐅᑐᐃᓐᓇᕋᑕᕐᓱᑎᒃ, 1991-ᒥ, ᑖᒧᓯ ᖁᒪᐅᑉ ᐱᓇᓱᐊᕐᑕᖓᓄᑦ ᐳᕕᕐᓂᑐᒥ, ᑌᑰᓇ ᑖᒧᓯ ᐃᓄᑦᑎᑑᕐᑐᒥᒃ ᐅᓕᕐᓀᓯᒍᑎᓕᐅᓚᐅᕐᓯᒪᔪᖅ ᕿᒥᕐᕈᐊᖓᓐᖑᑕᐅᑎᓪᓗᒍ ᑌᑲᓂᑦᓭᓇᖅ ᐊᕐᕌᒍᕐᒥ.

1995-ᒥᓂᑦ, ᐊᕙᑕᒃᑯᑦ ᐱᑎᑕᐅᕙᑦᑐᑦ ᐊᕐᕌᒍᑕᒫᑦ ᑮᓇᐅᔭᓂᒃ ᓄᓇᖃᕐᖄᓯᒪᔪᑦ ᐅᖃᐅᓯᓕᕆᔨᖏᑦᑕ ᑐᕐᖃᑕᕐᕕᖓᓐᓂᑦ ᑲᓇᑕᒥ (Native Languages Programme of Heritage Canada-ᒥᑦ), ᑖᒃᑯᐊ ᑮᓇᐅᔦᑦ ᓈᒻᒪᑐᐃᓐᓇᑐᑦ ᐊᑭᓕᕐᑐᐃᒍᑕᐅᓗᑎᒃ ᑮᓇᐅᑦᔭᓵᖏᓐᓂᒃ ᐊᑕᔪᒥᒃ ᐱᓇᓱᒐᓕᐅᑉ. ᐊᒥᓲᑦᔭᖏᑦᑐᓂ ᐊᕐᕌᒍᕐᓂ, ᒪᑭᕝᕕᒃ ᑯᐊᐳᕇᓴᓐ ᓴᓂᕐᕓᓲᖑᖃᑦᑕᓚᐅᔪᖅ ᓈᒻᒪᑐᐃᓐᓇᑐᓂᒃ ᑮᓇᐅᔭᓂᒃ ᐅᖃᐅᓯᓕᕆᐅᑎᑦᓴᓂᒃ. 1995-ᒥᓂᑦ, ᐅᖃᐅᓯᕐᓯᐅᕈᑎᒃ ᓴᕐᕿᑎᑕᐅᓚᐅᕐᓯᒪᔪᖅ ᐅᖃᐅᓯᓕᕆᓂᕐᒧᑦ ᑲᑎᒪᓂᐊᕈᓯᕐᓂ ᐊᐅᓚᑕᐅᔪᓂᒃ ᑲᑎᕕᒃ ᐃᓕᓐᓂᐊᓂᓕᕆᔨᒃᑯᓄᑦ ᐃᓚᐅᑎᑕᐅᓕᕐᑐᑦ ᐅᖃᐅᓯᕐᓯᐅᕈᑎᒧᑦ; ᐅᖃᐅᓯᓕᕆᓂᕐᒧᑦ ᑲᑎᒪᓂᐊᕈᓰᑦ ᐊᑑᑎᔭᐅᓲᑦ ᐊᑕᐅᓯᕕᑦᓱᑎᒃ ᒪᕐᕈᕕᑦᓱᑎᓪᓘᓃᑦ ᐊᕐᕌᒍᑕᒫᑦ. ᐅᓄᕐᑐᑲᓪᓓᑦ ᐱᓇᓱᐊᕋᑦᓭᑦ ᐱᒋᐊᕐᑎᑕᐅᓯᒪᓕᕐᒥᔪᑦ, ᑭᓯᐊᓂ ᐱᑦᓴᑖᕐᕕᐅᒍᓐᓇᑐᑦ ᑯᒻᒪᓇᕐᐸᓕᐊᑐᐃᓐᓇᒪᑕ, ᑕᒪᖏᓐᓂ ᑮᓇᐅᔭᑎᒍᑦ ᐱᓇᓱᑦᑎᓴᕐᑎᒍᓪᓗ, ᑭᓐᖒᒪᓇᕐᑐᐃᑦ ᑖᓐᓇ ᐱᓇᓱᐊᕋᑦᓴᖅ ᐱᔭᕇᕐᑕᐅᓯᐊᓚᖓᑐᐊᕐᐸᑦ.

ᖃᐅᔨᒋᐊᕐᕕᐅᒍᓐᓇᑐᖅ

ᔦᐱᑎ ᓄᓐᖓᖅ, ᑐᑭᒧᐊᕐᑎᓯᔨ, ᐃᓄᑦᑎᑐᑦ ᐅᖃᐅᓯᓕᕆᓂᕐᒧᑦ ᐱᒍᑦᔨᕕᒃ

ᐊᓪᓚᕕᒋᓗᒍ ᐅᕗᖓ:
Institut culturel Avataq
360 - 4150 rue Ste Catherine Ouest
Westmount (Québec), H3Z 2Y5
Tél : (514) 989-9031
Fax : (514) 989-8789
Email : avataq@avataq.qc.ca

ᑮᓇᐅᔭᖃᕐᑎᓯᓲᑦ ᐃᑲᔪᕐᓯᒪᓲᓪᓗ

ᑮᓇᐅᔭᖃᕐᑎᓯᑲᑦᑕᓲᑦ:

- ᑲᓇᑕᒥ ᐱᐅᓯᕐᓱᕈᑎᓂᒃ ᑲᔪᓯᒃᑫᔩᑦ ᐱᒍᑦᔨᕕᖓ – ᓄᓇᖃᕐᖄᓯᒪᔪᑦ ᐅᖃᐅᓯᓕᕆᔨᖏᑦ
- ᒪᑭᕝᕕᒃ ᑯᐊᐳᕇᓴᓐ
- ᑯᐯᒻᒥ ᐃᓗᕐᕈᓯᓕᕆᔨᒻᒪᕇᑦ ᑐᓴᐅᒪᖃᑎᒌᓐᓂᓕᕆᔨᒻᒪᕇᓪᓗ ᑐᕐᖃᑕᕐᕕᖓᑦ
- ᑲᑎᕕᒃ ᓄᓇᓕᓕᒫᑦ ᑲᕙᒪᖓ

ᐃᑲᔪᕐᓯᒪᔪᕕᓃᑦ:

- ᓄᓇᕕᒻᒥ ᐊᖁᕝᕕᖓ ᐊᖏᖃᑎᒌᒐᓱᐊᕐᑏᑦ
- ᑲᑎᕕᒃ ᐃᓕᓐᓂᐊᓂᓕᕆᓂᖅ
- ᑯᐯᒻᒥ ᐱᖁᔭᓕᕆᔩᑦ ᑐᕐᖃᑕᕐᕕᖓ
- ᑲᓇᑕᒥ ᑭᓇᓕᒫᓄᐊᖓᔪᓂᒃ ᐃᓱᕐᕉᑎᓂᒃ ᐱᓇᓱᑦᑏᑦ